ವೇಣೂರು: ಅಟ್ಟಳಿಗೆದ ಸ್ತಂಬ ನ್ಯಾಸ ಕಾರ್ಯಕ್ರಮ

ವೇಣೂರು: ಭಗವಾನ್‌ ಶ್ರೀ ಬಾಹುಬಲಿ ಸ್ವಾಮಿ ಮಹಾ ಮಸ್ತಕಾಭಿಷೇಕ ನಿಮಿತ್ತ ಅಟ್ಟಳಿಗೆದ ಸ್ತಂಬ ನ್ಯಾಸ ಕಾರ್ಯಕ್ರಮ ಡಾ| ಡಿ. ವೀರೇಂದ್ರ ಹೆಗ್ಗಡೆ ಮೇರ್‌ನ ಗುರ್ಕಾರ್ಮೆಡ್ ಅ.16 ದಾನಿ ಶ್ರೀ ಬಾಹುಬಲಿ ಸಭಾಭವನಡ್‌ ನಡಪರೆ ಉಂಡು.
ದ.ಕ ಜಿಲ್ಲಾ ಕೇಂದ್ರ ಸಹಕಾರಿ ಬ್ಯಾಂಕ್‌ದ ಗುರ್ಕಾರ್ಲು ಸಹಕಾರ ರತ್ನ ಡಾ| ಎಂ.ಎನ್‌ ರಾಜೇಂದ್ರ ಕುಮಾರ್‌ ಸ್ತಂಭ ನ್ಯಾಸ ಮಲ್ಪೆರೆ ಉಲ್ಲೆರ್.‌ ಯೋಜನೆ ಬೊಕ್ಕ ಅಂಕಿ ಅಂಶ ಇಲಾಖೆದ ಸಚಿವೆರ್‌ ಡಿ.ಸುಧಾಕರ್‌ ಗುರ್ಕಾರ್ಮೆನ್‌ ವಹಿಸೆರೆ ಉಲ್ಲೆರ್.‌ ಮಹಾಮಸ್ತಕಾಭಿಷೇಕದ ಕಾರ್ಯಾಧ್ಯಕ್ಷೆರ್‌ ಅರುವ ಅರಮನೆತ ತಿಮ್ಮಣ್ಣರಸೆರ್‌ ಡಾ| ಪದ್ಮಪ್ರಸಾದ್ ಅಜಿಲೆರ್‌ ಗೌರವ ಉಪಸ್ಥಿತಿನ್‌ ವಹಿಸೊನಿಯೆರೆ ಉಲ್ಲೆರ್.‌ ಮಲ್ಲ ಬಿನ್ನೆರಾದ್‌ ಸಂಸದೆರ್‌ ನಳಿನ್‌ ಕುಮಾರ್‌ ಕಟೀಲು, ಬೋಲ್ತೆರ್‌ ಶಾಸಕೆರ್‌ ಹರೀಶ್‌ ಪೂಂಜ, ವಿಧಾನ ಪರಿಷತ್‌ ಶಾಸಕೆರಾಯಿನ ಕೆ.ಪ್ರತಾಪ ಸಿಂಹ ನಾಯಕ್‌, ಎಲ್.ಎಸ್‌ ಭೋಜೇ ಗೌಡ, ಡಾ| ಮಂಜುನಾಥ ಭಂಡಾರಿ, ಮಾಜಿ ಸಚಿವೆರ್‌ ಅಭಯಚಂದ್ರ ಜೈನ್‌ ಪಾಲ್‌ ಪಡೆಯೆರೆ ಉಲ್ಲೆರ್.