ವೇಣೂರು ಸರಕಾರಿ ಪ್ರೌಢಶಾಲೆ: ಶಾಲೆ ಸ್ಥಳಾಂತರದ ಬಗೆಟ್ ಹಳೆ ವಿದ್ಯಾರ್ಥಿಲೆನ ವಿಚಾರ ವಿನಿಮಯ ಸಭೆ

ವೇಣೂರು: ಸರಕಾರಿ ಪ್ರೌಢಶಾಲೆನ್ ಪೊಸ ಕಟ್ವಾನ್ ಗ್ ಸ್ಥಳಾಂತರ ಮಲ್ಪುನ ಬಗ್ಗೆ ಹಳೆ ವಿದ್ಯಾರ್ಥಿಲೆನ ಸಮಾಲೋಚನಾ ಸಭೆ ಅ.4 ದಾನಿ ಸರಕಾರಿ ಪ್ರೌಢಶಾಲೆದ ಚಾವಡಿಡ್ ನಡತ್ಂಡ್. ಶಾಲೆಗ್ ಸರಕಾರರ್ದ್ ಅನುದಾನ ಮಂಜೂರು ಆದ್ ಪೊಸ ಕಟ್ವಾನ ನಿರ್ಮಾಣ ಆದ್, ಶಾಲೆದ ಸ್ಥಳಾಂತರದ ಬಗ್ಗೆ ಸಭೆಟ್ ಚರ್ಚೆ ಮಲ್ತೆರ್.
ಪೊಸ ಕಟ್ವಾನಡ್ ಕಾಲಿ ಎನ್ಮ ಕೋಣೆ ಮಾತ್ರ ಇತ್ತ್ ದ್, ಜೋಕ್ಲೆನ ಸಂಖ್ಯೆಗ್ ಅನುನುಗುಣವಾದ್ ನನಲ ತರಗತಿ ಕೊಠಡಿ, ಶಿಕ್ಷಕರ ಬೊಕ್ಕ ಕಚೇರಿ ಕೊಠಡಿ, ಪರ್ಪುನ ನೀರ್ ದ ಸೌಲಭ್ಯ, ಶೌಚಾಲಯ ಇಂಚಿನ ಮೂಲಭೂತ ಸೌಲಭ್ಯದ ಕೊರತೆದ ಬಗ್ಗೆ ಚರ್ಚೆ ಮಲ್ತೆರ್. ಶಾಲೆಯ ಉಪಪ್ರಾಚಾರ್ಯರೆರ್ ವೆಂಕಟೇಶ್ ಎಸ್. ತುಳುಪುಳೆ ಪಾತೆರ್ದ್ ಶಾಲೆಡ್ ಪ್ರಸ್ತುತ 3 ತರಗತಿಡ್ 600 ವಿದ್ಯಾರ್ಥಿಲು ಕಲ್ತೊಂದುಲ್ಲೆರ್.
ಉಂದು ತಾಲೂಕುಡ್ ಮಾತ್ರ ಅತ್ತಂದೆ ಜಿಲ್ಲೆಡೆ ಸರಕಾರಿ ಶಾಲೆದ ಜಾಸ್ಕುತಿ ಜೊಕುಲು ಇಪ್ಪುನ ಶಾಲೆಯಾತ್ಂಡ್. ಮೂಲು ವರ್ಷ ವರ್ಷ ಪೋಯಿಲಕನೆ ವಿದ್ಯಾರ್ಥಿಲೆನ ದಾಖಲಾತಿ ಸಂಖ್ಯೆ ಜಾಸ್ತಿ ಆವೊಂದುಂಡು. ಶಾಲೆದ ಮಾತ ತರಗತಿಲೆನ್ ಸ್ಥಳಾಂತರ ಮಲ್ಪೆರೆ ಆಪುಜಿ ಪಂದ್ ಪಂಡೆರ್. ಸರಕಾರದರ್ದ್ ಅನುದಾನದ ಬೇಡಿಕೆ ದೀಪುನ ಒಟ್ಟಿಗೆ, ಬೇತೆ ಬೇತೆ ಸಂಘ ಸಂಸ್ಥೆ ಬೊಕ್ಕ ಶಾಲೆದ ಹಳೆ ವಿದ್ಯಾರ್ಥಿಲೆರ್ದ್ ದೇಣಿಗೆ ಸಂಗ್ರಹ ಮಲ್ತ್ ಪೊಸ ಕಟ್ವಾನದ ಮೂಲಸೌಲಭ್ಯಲೆನ್ ತಾತ್ಕಾಲಿಕವಾದ್ ನಿರ್ಮಾಣ ಮಲ್ಪುನ ಬಗ್ಗೆ ನಿರ್ಧಾರ ಮಲ್ತೆರ್. ಈ ಪೊರ್ತುಡು ಶಿಕ್ಷಕ ವ್ರಂದ ಬೊಕ್ಕ 2019 ನೇ ಸಾಲ್ ದ ವಿದ್ಯಾರ್ಥಿಲೆರ್ದ್ ಕಟ್ವಾನ ನಿರ್ಮಾಣ ಕಾರ್ಯಾಗ್ 11,111/- ರೂ ಹಸ್ತಾಂತರ ಶಾಲೆಗ್ ಹಸ್ತಾಂತರ ಮಲ್ತೆರ್
ದುಂಬುದ ದಿನಟ್ ನಾನಾತ್ ಸಹಕಾರ ಕೊರ್ಪ ಪಂದ್ ಭರವಸೆ ಕೊರಿಯೆರ್. ಸಂಗೀತ ಶಿಕ್ಷಕಿ ಅನುಸೂಯ ಪಾಟಕ್ ಪ್ರಾರ್ಥನೆ ಮಲ್ತೆರ್, ಜ್ಯೋತಿ ಜ್ಯುಲಿಯೆಟ್ ಎದ್ಕೊಂದು, ಶಿಕ್ಷಕ ರವೀಂದ್ರ ಸೊಲ್ಮೆ ಸಂದಾಯ ಮಲ್ತೆರ್. ಅಂಚನೆ ಶಾಲೆಗ್ ದೇಣಿಗೆ ಕೊರ್ಪುನಕುಲು Account Name: Old Students Association Govt PU College (High School) Account Number: 42229940318 IFSC: SBIN0040908 ಸಹಾಯನ್ ಮಲ್ಪೋಲಿ ಪಂದ್ ತೆರಿಪಾದೆರ್.