ಬಿಸತ್ತಿ ಪಾಡ್ದ್ ಪೆಟ್ಟಾತಿನ ವ್ಯಕ್ತಿ ಆಸ್ಪತ್ರೆಡ್ ಸಾವು: ಕೆರ್ತಿನ ಆರೋಪಿ ಶಾಫಿ ಅರೆಸ್ಟ್‌ಗ್ ಪೊಲೀಸ್ ಬಲೆ‌

ಕುಂದಾಪುರ: ಐತಾರ ರಾತ್ರೆ ಕುಂದಾಪುರಡ್ ಬಿಸತ್ತಿದ ಪೆಟ್ಟ್ ಡ್ ಆಸ್ಪತ್ರೆಡ್ ಇತ್ತಿನ ಖಾರ್ವಿಕೇರಿ ನಿವಾಸಿ ಬನ್ಸ್ ರಾಘು ಅಲಿಯಾಸ್ ರಾಘವೇಂದ್ರ ಶೇರೆಗಾರ್(42) ಸೋಮವಾರ ಕಾಂಡೆ ಮಣಿಪಾಲ ಆಸ್ಪತ್ರೆಡ್‌ ತೀರ್‌ಪೋತೆರ್.‌
ಐತಾರ ಬಯ್ಯಗ್ ಸುಮಾರ್ 7 ಗಂಟೆಗ್ ರಾಘವೇಂದ್ರ ಮೇರ್ ಕಾರ್‌ಡ್ ಕುಂದಾಪುರದ ಚಿಕ್ಕನ್ ಸಾಲ್ ರೋಡ್‌ದ ಅಂಚೆ ಕಚೇರಿ ಕೈತಲ್ ಇಪ್ಪುನ ನ್ಯೂ ಡೆಲ್ಲಿ ಬಜಾರ್ ಅಂಗಡಿಗ್‌ ಪೋದ್‌ ಇತ್ತೆರ್. ಈ ಪೊರ್ತುಗು ಕೆ.ಎ.51 ಎಂಜಿ 9665 ನಂಬರ್‌ದ ವ್ಯಾಗನರ್ ಕಾರ್‌ಡ್‌ ಬತ್ತಿನ ವ್ಯಕ್ತಿಯೊರಿ ರಾಘವೇಂದ್ರ ಅರೆನ ತೊಡೆಕ್ಕ್‌ ಚೂರಿ ಪಾಡ್ದ್ ಪರಾರಿ ಆದ್‌ ಇತ್ತೆರ್. ಗಂಭೀರ ಗಾಯ ಆಯಿನ ರಾಘು ಅರೆನ್ ಮಣಿಪಾಲ ಆಸ್ಪತ್ರೆಗ್ ದಾಖಲ್‌ ಮಲ್ತ್‌ ಇತ್ತೆರ್. ಆಂಡ ಚಿಕಿತ್ಸೆ ಫಲಕಾರಿ ಆವಂದೆ ರಾಘವೇಂದ್ರ ತೀರ್‌ಪೋತೆರ್.‌ ಘಟನೆ ನಡತ್ತಿನ ಪೊರ್ತುಗು ತೂಯಿನ ವ್ಯಕ್ತಿ ಒರಿ ಆರೋಪಿನ ಕಾರ್‌ ಬೊಕ್ಕ ಕಾರ್‌ದ ಉಲಾಯಿ ಕುಲ್ದಿತ್ತಿನ ಆರೋಪಿನ ಫೋಟೋ ದೆತ್ತಿತ್ತೆರ್. ನೆರ್ದ್ ಆರೋಪಿನ್ ತೀರ್ಥಹಳ್ಳಿ ಮೂಲದ ಶಾಫಿ ಪಂದ್ ಗುರುತಿಸಾದೆರ್. ಆರೋಪಿನ ಪತ್ತೆಗ್ ಪೊಲೀಸೆರ್ ದುಂಬಾತೆರ್. ಕೊಲೆಯಾಯಿನ ರಾಘವೇಂದ್ರ ಬೊಕ್ಕ ಆರೋಪಿ ಶಾಫಿ ನಡುಟ್‌ ಕಾಸ್‌ದ ತಕರಾರ್ ಕೊಲೆಕ್ಕ್ ಕಾರಣ ಪಂದ್‌ ಕೆಲವು ಮೂಲರ್ದ್‌ ತೆರಿದ್‌ ಬೈದುಂಡ್. ಕುಂದಾಪುರ ನಗರ ಠಾಣೆಡ್ ಕೇಸ್‌ ದಾಖಲಾತ್‌ಂಡ್.