ಉಲ್ಲಂಜೆ: ಶ್ರೀ ಕ್ಷೇತ್ರ ಕೊರಗಜ್ಜ ಮಂತ್ರದೇವತಾ ಚಾಮುಂಡೇಶ್ವರಿ ಗುಳಿಗ ಭದ್ರಕಾಳಿ ಸನ್ನಿಧಿ ಉಲ್ಲಂಜೆ-ಕಟೀಲು ಕ್ಷೇತ್ರಡ್ ನವರಾತ್ರಿ ಉಚ್ಚಯ ಅ.15ರ್ದ್ ಅ.24 ಮುಟ ಪರ್ಯಂತ ವಿಶೇಷವಾಯಿನ ಧಾರ್ಮಿಕ ಕಾರ್ಯಕ್ರಮದ ಒಟ್ಟಿಗೆ ನಡಪೆರೆ ಉಂಡು.
ಕಾಂಡೆ ಗಣಹೋಮ, ನವಕ ಹೋಮ, ಕಲಶ ಪ್ರತಿಷ್ಟೆ, ಲಲಿತಾ ಪಂಚಮಿದ ಪ್ರತುಕ್ತ ಬೊಂಡದ ಅಭಿಷೇಕ, ಗಾಯತ್ರಿ ಹೋಮ, ಚಂಡಿಕಾ ಹೋಮ, ಚಾಮುಂಡೇಶ್ವರೀ ದೇವಿನ ದರ್ಶನ ನಡಪೆರೆ ಉಂಡು. ಅ.26 ದಾನಿ ರಾತ್ರೆ 8 ಗಂಟೆರ್ದ್ ಕೊರಗಜ್ಜ ದೈವ ಬೊಕ್ಕ ಗುಳಿಗ ದೈವದ ಗಗ್ಗರ ಸೇವೆ ನಡಪೆರೆ ಉಂಡು. ಮಾತ ಭಕ್ತಾಭಿಮಾನಿಲು ಎಚ್ಚಿನ ಸಂಖ್ಯೆಡ್ ಪಾಲ್ ಪಡೆದ್, ದೈವದ ಗಂಧ ಪ್ರಸಾದ ಸ್ವೀಕಾರ ಮಲ್ಪೊಡು ಪಂದ್ ತೆರಿಪಾದೆರ್.
ಉಲ್ಲಂಜೆ-ಕಟೀಲು ಶ್ರೀ ಕ್ಷೇತ್ರ ಕೊರಗಜ್ಜ ಮಂತ್ರದೇವತಾ ಚಾಮುಂಡೇಶ್ವರೀ ಗುಳಿಗ ಭದ್ರಕಾಳಿ ಸನ್ನಿಧಿಡ್ ನವರಾತ್ರಿ ಉಚ್ಚಯ
pallavi shetty