ಬೆಂಗ್ಲೂರ್: ಕರ್ನಾಟಕ ಪರೀಕ್ಷಾ ಪ್ರಾಧಿಕಾರ ( KEA) ಕರ್ನಾಟಕ ಸಿಇಟಿ (CET), ನೀಟ್ ಯುಜಿ (NEET UG 2023) ರಡ್ಡನೇ ಸುತ್ತುದ ಸೀಟು ಪಟ್ಟಿಯೆರೆ ಫಲಿತಾಂಶನ್ ಕೋಡೆ (ಸೆ.4) ಸೋಮಾರ ಬುಡುಗಡೆ ಮಲ್ದ್ಂಡ್.
ಸೀಟು ಪಟ್ಟುನ ಫಲಿತಾಂಶದೊಟ್ಟಿಗೆ ರಡ್ಡನೇ ಸುತ್ತುದ ಕೌನ್ಸೆಲಿಂಗ್ಗಾದ್ ಬುಡುಗಡೆ ಪ್ರಕಟ ಆಪುಂಡು. ಅಭ್ಯರ್ಥಿಲು ಕೆಇಎ ಅಧಿಕೃತ ಸೈಟ್ kea.kar.nic.in ಮುಖೇನ ಫಲಿತಾಂಶನ್ ಪರಿಶೀಲನೆ ಮಲ್ಪೊಲಿ.
ಕೆಸಿಇಟಿ 2023 ತ್ತ (KCET 2023) ಕೌನ್ಸೆಲಿಂಗ್ ಪ್ರಕ್ರಿಯೆ ದಾಖಲೆ ಪರಿಶೀಲನೆ, ಆಯ್ಕೆದ ನಮೂದು, ಸೀಟು ಹಂಚಿಕೆ ಬೊಕ್ಕ ಪ್ರವೇಶ ಶುಲ್ಕದ ಪಾವತಿ ಇಪ್ಪುಂಡು. ಅಭ್ಯರ್ಥಿಲು ಸುರುಕು ವೈಯಕ್ತಿಕ ವಿವರನ್ ಗಲಸೊಂದು ಕೆಸಿಇಟಿ ಕೌನ್ಸೆಲಿಂಗ್ 2023 ನೋಂದಣಿನ್ ಮುಗಿಪೊಡು.
ಆಯ್ಕೆ ಆಯಿನ ಅಭ್ಯರ್ಥಿಲು ಕೆಸಿಇಟಿ 2023 ಕೌನ್ಸೆಲಿಂಗ್ (KCET 2023 Counselling) ಆಯ್ಕೆದ ಭರ್ತಿ ಬೊಕ್ಕ ಕಾಲೇಜ್, ಕೋರ್ಸ್ದ ಆದ್ಯತೆದ ಆಯ್ಕೆನ್ ಲಾಕ್ ಮಲ್ಪೊಡು. ಬೊಕ್ಕ ಭರ್ತಿ ಮಲ್ತಿನ ಆಯ್ಕೆದ ಆಧಾರದ ಮಿತ್ತ್, ಪರೀಕ್ಷಾ ಪ್ರಾಧಿಕಾರ ಅಧಿಕೃತ ವೆಬ್ಸೈಟ್ಡ್ ಕೆಸಿಇಟಿ 2023 ಸೀಟು ಹಂಚಿಕೆ ಫಲಿತಾಂಶನ್ ಬುಡುಗಡೆ ಮಲ್ಪುಂಡು. ಎಚ್ಚದ ಪೊಲಬುಗಾದ್ ಅಭ್ಯರ್ಥಿಲು ಕೆಇಎ ದ ಅಧಿಕೃತ ಸೈಟ್ ನ್ ಪರಿಶೀಲನೆ ಮಲ್ಪೊಲಿ.
pallavi shetty