ಪ್ರಧಾನಿ ನರೇಂದ್ರ ಮೋದಿ ಮೇರ್ ಮೇ3 ಕ್ಕ್ ಬೊಲ್ಪುಗು 10 ಗಂಟೆಗ್ ಮುಲ್ಕಿಗ್ ಭೇಟಿ ಕೊರಿಯೆರೆ ಉಲ್ಲೆರ್.
ಅಂಚಾದ್ ಅವಿಭಜಿತ ದಕ್ಷಿಣ ಕನ್ನಡ ಜಿಲ್ಲೆರ್ದ್ ಬರ್ಪಿನ ಕಾರ್ಯಕರ್ತೆರೆಗ್ ಪಾರ್ಕಿಂಗ್ ವ್ಯವಸ್ಥೆಗ್ ಶಾಸಕೆರ್ ಉಮಾನಾಥ ಕೋಟ್ಯಾನ್ ಪ್ರತ್ಯೇಕ ಕೂಟ ರಚನೆ ಮಲ್ತ್ ದ್, ಖಾಸಗಿ, ಸರಕಾರಿ ಜಾಗೆಲೆನ್ ಗುರುತಿಸಾದೆರ್. ಕೆಲವು ಕಡೆಟ್ಟ್ ಕಂಡನ್ ಪಾರ್ಕಿಂಗ್ ಗ್ ಗಲಸಿಯೆರೆ ನಿರ್ಧಾರ ಮಲ್ದೆರ್. ನೆಕ್ಕ್ ಕೈತಲ್ ದಕುಲ್ಲ ಸಹಕಾರ ಕೊರ್ತೆರ್.ಸುಮಾರ್ 50-60 ಎಕರೆ ಜಾಗೆನ್ ಗುರುತಿಸಾದ್ ಗಾಡಿ ಪಾರ್ಕಿಂಗ್ ಗ್ ವ್ಯವಸ್ಥೆ ಮಲ್ದೆರ್.
ಬೊಕ್ಕ ರಾಷ್ಟ್ರೀಯ ಹೆದ್ದಾರಿ ಪಾವಂಜೆರ್ದ್ ಮುಲ್ಕಿ ಶಾಂಭವಿ ಸಂಕ ಮುಟ್ಟ ಮುಲ್ಕಿ ಪೇಂಟೆನ್ ಶೃಂಗಾರ ಮಲ್ಪೆರೆ ಸಿದ್ದತೆ ನಡತೊಂದು ಉಂಡು.
ಅಂಚೆನೆ ಮೋದಿ ಬರ್ಪುನ ಜಾಗೆದ ಸಮತಟ್ಟ್ ಆವೊಂದು ಉಂಡು. ಈ ಜಾಗೆಗ್ ಶಾಸಕೆರ್ ಎ. ಉಮಾನಾಥ ಕೋಟ್ಯಾನ್ ಭೇಟಿ ಕೊರ್ನ ಪೊರ್ತುಡು ಮೆರೆನೊಟ್ಟಿಗೆ ಮುಖಂಡೆರ್ ಸುನಿಲ್ ಆಳ್ವ, ಸುಭಾಷ್ ಶೆಟ್ಟಿ, ಸತೀಶ್ ಅಂಚನ್, ರಂಗನಾಥ ಶೆಟ್ಟಿ, ಶೈಲೇಶ್ ಕುಮಾರ್, ವಿನೋದ್ ಸಾಲ್ಯಾನ್ ಬೆಳ್ಳಾಯರ್, ವಿಠಲ ಎನ್ ಎಂ, ಪ್ರತೀಕ್ ಶೆಟ್ಟಿ, ಕಮಲಾಕ್ಷ ಬಡಗುಹಿತ್ಲು, ಜಯಾನಂದ ಮುಲ್ಕಿ, ಉಮೇಶ್ ಮಾನಂಪಾಡಿ, ಶಶಿಕುಮಾರ್, ಸುನಿಲ್ ಇಟಗ, ರಮೇಶ್ ಹಂಗರಗಿ ಇತ್ತೆರ್.
pallavi shetty