ಬಹರೈನ್: ಪುಗರ್ತೆದ ಕಲಾವಿದೆರೆನ ಒಟ್ಟುಗು ಮೋಹನ್ ದಾಸ್ ರೈ ಎರುಮ್ಬು ಮೆರೆನ ಸಕಾರಡ್ “ಅಮ್ಮ ಕಲಾವಿದರು ಬಹರೈನ್” ಮುತಾಲಿಕೆಡ್ “ಸಂಗೀತ ಗಾನ ಸಂಭ್ರಮ” ಲೇಸ್ ನ.18 ಗ್ ಸುಕ್ರಾರ ಬಹರೈನ್ದ ಇಂಡಿಯನ್ ಕ್ಲಬ್ಬಿದ ಕ್ರೀಡಾಂಗಣಡ್ ನಡತ್ಂಡ್.
ಪುಗರ್ತೆದ ಗಾಯಕೆರ್ ಪುತ್ತೂರು ಜಗದೀಶ್ ಆಚಾರ್ಯ, ಗಾಯಕಿ ಸಮನ್ವಿ ರೈ ಪುತ್ತೂರು, ಗಾಯಕಿ ದಿವ್ಯನಿಧಿ ರೈ ,ಕೊಳಲು ವಾದಕೆರ್ ದಿವ್ಯ ಧನುಷ್ ರೈ ಒಟ್ಟುಗು ಗಿಟಾರ್ ವಾದಕೆರ್ ಶರತ್ ಹಳೆಯಂಗಡಿ, ಡ್ರಮ್ ವಾದಕೆರ್ ವಾಮನ್ ಬೈಲೂರ್ , ಕೀ ಬೋರ್ಡ್ ವಾದಕೆರ್ ಶಿಜಿಮೊನ್ ,ತಬಲಾ ವಾದಕೆರ್ ಸುರೇಶ್ ಬಾಬು ಅಂಚನೆ ರೆಡ್ ಎಫ್ .ಎಂ ದ ರೇಡಿಯೋ ನಿರೂಪಕೆರ್ ಆರ್ .ಜೆ . ಪ್ರಸನ್ನ ಮೊಕ್ಲೆನ ಒಟ್ಟುಗು ಸುಮಾರ್ 4 ಘಂಟೆದ ಕಾಲ ಸಂಗೀತ ಗಾನ ಸಂಭ್ರಮ ಲೇಸ್ ನಡತ್ಂಡ್.
ಈ ಪೊರ್ತುಡು ಪುಗರ್ತೆದ ಗಾಯಕೆರ್ ಜಗದೀಶ್ ಆಚಾರ್ಯ ಪುತ್ತೂರ್ ಮೆರೆಗ್ “ಸ್ವರ ಸಾಮ್ರಾಟ್” ಬಿರ್ದ್ ಕೊರ್ದು ಮಾನಾದಿಗೆ ಮಲ್ತೆರ್. ಅಂಚನೆ ಬೇತೆ ಕಲಾವಿದೆರೆಗ್ಲಾ ಮಾನಾದಿಗೆ ಮಲ್ತೆರ್.
pallavi shetty