ಕುಕ್ಕರ್ ಬಾಂಬ್ ಡ್ ಪೆಟ್ಟ್ ಆತಿನ ರಿಕ್ಷಾ ಡ್ರೈವರ್ ಹಾರ್ಟ್ ಪೇಷೆಂಟ್, ಮಗಲೆಗ್ ಮದಿಮೆ ನಿಗಂಟ್ ಆದಿತ್ತ್ಂಡ್!!

ಕುಡ್ಲ: ಕುಕ್ಕರ್ ಬಾಂಬ್ ಪುಡಾದಿನ ಘಟನೆಡ್ ಪೆಟ್ಟಾತಿನ ರಿಕ್ಷಾ ಡ್ರೈವರ್ ಹಾರ್ಟ್ ಪೇಷೆಂಟ್ ಆದುಲ್ಲೆರ್. ಅಂಚೆನೆ ಅರೆನ ಮಗಲೆಗ್ ಮದಿಮೆ ನಿಚ್ಚಯಲ ಆದಿತ್ತ್ಂಡ್!!.

ಈ ವಿಚಾರೊನು ಆಟೋ ಡ್ರೈವರ್ ಪುರುಷೋತ್ತಮ್‌ನ ಅಣ್ಣೆ ನಾಗೇಶ್ ತೆರಿಪಾದೆರ್. “ಬಾಂಬ್ ಪುಡಾದ್ ಅಣ್ಣನ ಮೈ ಪೂರ ಕರ್ಂಚ್‌ದ್ ಪೋತ್ಂಡ್. ಆರ್ ಹಾರ್ಟ್ ಪೇಷೆಂಟ್. ಅರೆನ ಮಗಲೆಗ್ ಮದಿಮೆದ ನಿಶ್ಚಿತಾರ್ಥ ಆತ್ಂಡ್. ಸರ್ಕಾರ ಅರೆಗ್ ಸಕಾಯ ಮಲ್ಪೊಡು” ಪಂದ್ ನಾಗೇಶ್ ಬಿನ್ನಾಪು ಮಲ್ದೆರ್.