ಮಾರ್ಗದ ಗುಂಡಿ ಮುಚ್ಚಿದ್ ಜನಕ್ಲೆನ ಮನಸ್ ಗೆಂದಿನ ಕೂಟೊಗು ಆಮ್ ಆದ್ಮಿ ಮುತಾಲಿಕೆಡ್ ಮಾನಾದಿಗೆ

ಮುಲ್ಕಿ: ಮಾರ್ಗದ ನಡುಟ್ಟು ಇತ್ತಿನ ಮಾಮಲ್ಲ ಗುಂಡಿನ್ ಕಾಂಕ್ರಿಟ್ ಗಲಸ್ ದ್ ಮುಚ್ಚಿದಿನ ಮುಲ್ಕಿ ಪುನರೂರ್‌ದ ಯುವ ಪಡೆತ್ತ ಸೇವೆನ್ ಆ ಕೂಟದಕ್ಲೆಗ್ ಮೆಚ್ಚಿದ್ ಆಮ್ ಆದ್ಮಿ ಪಕ್ಷದ ದ.ಕ. ಜಿಲ್ಲಾ ಸಮಿತಿದಕುಲು ಗುರುವಾರ ಬಯ್ಯ ಮುಲ್ಕಿಡ್ ಮಾನಾದಿಗೆ ಮಲ್ತೆರ್.

ಮುಲ್ಕಿದ ಸುರಭಿ ಎಲೆಕ್ಟ್ರಾನಿಕ್ಸ್ ಉದ್ಯೋಗಿ ಸುಪ್ರೀತಾ ಪುನರೂರು ಏಪಲ ಇಲ್ಲಗ್ ಪೋಪಿನ ಮಾರ್ಗಡ್ ತೋಜಿದ್ ಬತ್ತಿನ ಮಾಮಲ್ಲ ಗುಂಡಿಲೆನ್ ಗುರ್ತಿಸಾದ್ ತನ್ನ ಯುವ ಪಡೆತ್ತ ಸದಸ್ಯೆರೆಗ್ ಒಟ್ಟು ಸೇರ್ಸಾದ್ ರಾತ್ರೆದ ಪೊರ್ತುಡು ಗುಂಡಿನ್ ಸಿಮೆಂಟ್ ಕಾಂಕ್ರೀಟ್ ಪಾಡ್ದ್ ಮುಚ್ಚಿದ್ ಜನಕ್ಲೆರ್ದ್ ಮೆಚ್ಚಿಗೆ ಪಡೆತೆರ್. ಮೊಕುಲು ಮಲ್ತಿನ ಬೇಲೆನ್ ಗುರ್ತಿಸಾದ್ ಆಮ್ ಆದ್ಮಿ ಪಕ್ಷದ ಮುಖಂಡೆರ್ ಸುಪ್ರೀತಾ ಬೊಕ್ಕ ಅರೆನ ಕೂಟದ ಸದಸ್ಯೆರಾಯಿನ ಸಚಿನ್, ನರೇಶ್, ರಮೇಶ್, ಐಸನ್ ಡಿಸೋಜ, ಸಂಪತ್ ಉಚ್ಚಿಲ, ಪೊಲೀಸ್ ವೀರೇಶ್ ಅಂಚನೆ ಯುವ ಪಡೆನ್ ಪ್ರೋತ್ಸಾಹ ಮಲ್ಪುನ ಜಾನ್ ಕ್ವಾಡ್ರಸ್ ಮೆರೆನ್ ಮಾನಾದಿಗೆ ಮಲ್ತ್‌ದ್ ಎಡ್ಡೆಪ್ಪುನು ಬಯಕಿಯೆರ್.