ತುಳು ಭಾಷೆಗ್ ಸಂವಿಧಾನದ ಮಾನ್ಯತೆ ಕೊರ್ಲೆ, ಬಜ್ಪೆ ವಿಮಾನ ನಿಲ್ದಾಣೊಗು ಕೋಟಿ ಚೆನ್ನಯೆರ್ನ ಪುದರ್ ದೀಲೆ: ಯು.ಟಿ.ಖಾದರ್

ಪ್ರಧಾನಿ ಮೋದಿ ಸೆ. 2ಕ್ಕ್ ಕುಡ್ಲಗ್ ಬತ್ತಿನೆಡ್ದಾವರ ಅರೆನ್ ಭೇಟಿ ಮಲ್ತ್‌ದ್ ನಮ್ಮ ಜಿಲ್ಲೆದ ಬಗೆಟ್ ಕೆಲ ಬೇಡಿಕೆಲೆನ್ ಕೊರೊಡು ಪಂದ್ ಯು. ಟಿ. ಖಾದರ್ ಗೆರೆತಿತ್ತೆರ್. ಆಂಡ ಅರೆಗ್ ಕೋವಿಡ್ ಪಾಸಿಟಿವ್ ಬತ್ತಿನೆಡ್ದಾವರ ಮೋದಿ ಮೆರೆನ ಲೇಸ್ ಗ್ ಪೋಯರೆ ಆಯಿಜಿ. ಅಂಚಾದ್ ಈ ಬೇಡಿಕೆಲೆನ್ ಸಿಎಂ ಮುಖೇನ ಪಿಎಂ ಗ್ ಎತ್ತಾವುನ ಕಜ್ಜ ಮಲ್ತೆ ಪಂದ್ ತೆರಿಪಾಯೆರ್.

ಪ್ರಧಾನಿಡ ಖಾದರ್ ಮೇರೆನ ಬೇಡಿಕೆಲು ಇಂಚ ಇತ್ತ್ಂಡ್:
ತುಳುನ್ ಸಂವಿಧಾನೊದ 8ನೇ ಪರಿಚ್ಚೇಧಗ್ ಸೇರ್ಸಾವೊಡ್. ಕುಡ್ಲ ವಿಮಾನ ನಿಲ್ದಾಣೊಗು ಕೋಟಿ ಚೆನ್ನಯೆರ್ನ ಪುದರ್ ದೀವೊಡು, ಶಿರಾಡಿ ಘಾಟಿದ ಸುರಂಗ ಮಾರ್ಗೊನು ಆಯಿನಾತ್ ಬೇಗ ಸುರು ಮಲ್ಪೊಡು, ಟೋಲ್ ಸಮಸ್ಯೆನ್ ಆಯಿನಾತ್ ಬೇಗ ಸರಿ ಮಲ್ಪೊಡು, ಕುಡ್ಲ ಜಿಲ್ಲೆದ MRPL, ONGC, Bank, NMPT ಡ್ ತುಳುವೆರೆಗ್ ಬೇಲೆ ತಿಕ್ಕೊಡು.