ಪ್ರಭಾ ಸುವರ್ಣ ಮೆರೆಗ್ “ಯುನಿವರ್ಸಲ್‌ ಮಲ್ಟಿ ಟ್ಯಾಲೆಂಟೆಡ್ ಅವಾರ್ಡ್‌”

ಬೊಂಬಾಯಿದ ಸಮಾಜಸೇವಕಿ ಪ್ರಭಾ ಸುವರ್ಣ ಮೆರೆನ ಸಮಾಜ ಸೇವೆ, ಸಾಹಿತ್ಯ, ನಟನೆ ಬೊಕ್ಕ ಸಿನಿಮಾ ಕ್ಷೇತ್ರಡ್ ಮಲ್ತಿನ ಸಾಧನೆನ್ ಗುರ್ತಿಸಾದ್ “ಯುನಿವರ್ಸಲ್‌ ಮಲ್ಟಿ ಟ್ಯಾಲೆಂಟೆಡ್ ಅವಾರ್ಡ್‌” ಪಡೆಯೆರ್.

ಇಂಟರ್ ನ್ಯಾಶನಲ್ ಕಲ್ಚರಲ್ ಫೆಸ್ಟ್ ಕೌನ್ಸಿಲ್ ಆಫ್ ಇಂಡಿಯಾ ಬೊಕ್ಕ ಕನ್ನಡ ಮಿತ್ರೆರ್ ಯು.ಎ.ಇ ಸಂಘ ಮುಕ್ಲೆನ ಒಟ್ಟು ಸೇರಿಗೆಡ್ ಆಗಸ್ಟ್ 27 ತಾರೀಕ್ ಗ್ 34 ನೇ ಅಂತಾರಾಷ್ಟ್ರೀಯ ಸಾಂಸ್ಕೃತಿಕ ಸೌರಭ ದುಬೈದ ಫಾರ್ಚ್ಯೂನ್ ಸಭಾಂಗಣಡ್ ಭಾರೀ ಗೌಜಿಡ್ ನಡತ್oಡ್.

ಲೇಸ್ ನ್ ಅಬುಧಾಬಿ ಕರ್ನಾಟಕ ಸಂಘದ ಅಧ್ಯಕ್ಷೆರ್ ಸರ್ವೋತ್ತಮ ಶೆಟ್ರ್ ತುಡರ್ ಅರ್ಲಾದ್ ಉದಿಪನ ಮಲ್ತೆರ್.

ಆಯಿಬೊಕ್ಕ ಪಾತೆರಿನ ಆರ್, ಕಲೆ ಬೊಕ್ಕ ಸಾಹಿತ್ಯಲು ದೇಶ ಬೊಕ್ಕ ಭಾಷೆದ ಸ್ಥಾನಮಾನನ್ ಎಚ್ಚ ಮಲ್ಪುನ ಮಾಧ್ಯಮಲು ಅವೆನ್ ಪೋಷಣೆ ಮಲ್ಪುನ ದೇಶ ಬೊಕ್ಕ ಸಮುದಾಯ ಸಾಮರಸ್ಯಗ್ ಪೂರಕವಾಯಿನ ಬೇಲೆನ್ ಮಲ್ತಿಲೆಕ್ಕ ಆಪುಂಡು. ಪ್ರತಿಯೊoಜಿ ವ್ಯಕ್ತಿಲ ಅವೆನ್ ಅನುಸರಣೆ ಮಲ್ತೊಂದು ಪೋoಡ ವೈರುಧ್ಯಲೆಗ್ ಅವಕಾಶನೆ ಇಪ್ಪುಜಿ ಪಂದ್ ಪoಡೆರ್.

ಸಮಾರಂಭದ ಅಧ್ಯಕ್ಷತೆ ವಹಿಸೊಂದು ಕರ್ನಾಟಕ ಸಾರ್ವಜನಿಕ ಗ್ರಂಥಾಲಯ ಇಲಾಖೆದ ನಿರ್ದೇಶಕರಾಯಿನ ಡಾ. ಸತೀಶ್ ಕುಮಾರ್ ಹೊಸಮನಿ ಪಾತೆರ್ದ್, ಒಲ್ಪ ಮೋಕೆ, ದೋಸ್ತಿ ಇಪ್ಪುoಡೋ ಅಲ್ಪ ಶಾಂತಿ ಇಪ್ಪುಂಡು ಪಂದ್ ಪಂಡೆರ್.

ಐ ಸಿ ಎಫ್ ಸಿ ಐ ಅಧ್ಯಕ್ಷೆರ್ ಕೆ. ಪಿ. ಮಂಜುನಾಥ್ ಸಾಗರ್ ಅರೆನ ಪ್ರಾಸ್ತಾವಿಕ ಭಾಷಣಡ್ ವಿದೇಶಡ್ ಇಪ್ಪುನಕ್ಲೆಡ ಕನ್ನಡ ಕಟ್ಟುವುನ ಬೇಲೆ ಆತ್ ಸುಲಭ ಅತ್ತ್, ಅಡ್ಡ ಗೋಡೆದ ಮಿತ್ತ್ ತುಡರ್ ದೀತಿಲೆಕ್ಕ ಪಂದ್ ಪಂಡೆರ್.

ಸಾಹಿತಿಲಾಯಿನ ಪ್ರಭಾ ಸುವರ್ಣ ಮುಂಬೈ, ಡಾ. ಅರ್ಚನಾ ಅಥಣಿ, ಮಹೇಶ ಬಳ್ಳಾರಿ ಕೊಪ್ಪಳ ಗಾಯಕೆರ್ ಆಯಿನ ಸವಿತಾ, ಗೋ ನಾ ಸ್ವಾಮಿ ಮಹೆಬೂಬ ಕಿಲ್ಲೇದಾರ, ಮರಿಯಪ್ಪ ಪುನೀತ ಸ್ವರ ನಮನ ಕಾರ್ಯಕ್ರಮನ್ ನಡಪಾದ್ ಕೊರಿಯೆರ್.

ಶೈಲಜಾ ಕುಮಾರ್ ಬೊಕ್ಕ ಜಯಶ್ರೀ ರವಿ ಶಿಷ್ಯ ವೃಂದರ್ದ್ ನೃತ್ಯ ರೂಪಕ ಬೊಕ್ಕ ಜಾನಪದ ನೃತ್ಯ ಕಾರ್ಯಕ್ರಮ ಅಂಚನೆ ಮಹದೇವ ಸತ್ತಿಗೇರಿ ಮೆರೆನ ನಗೆ ಹೊನಲು ಕಾರ್ಯಕ್ರಮ ನಡತ್oಡ್.

ಬೇತೆ ಬೇತೆ ಕ್ಷೇತ್ರಡ್ ಸಾಧನೆ ಮಲ್ತಿನ ಸಾಧಕೆರೆಗ್ ಗ್ಲೋಬಲ್ ಅಚೀವರ್ಸ್ ಅವಾರ್ಡ್ ಕೊರ್ದ್ ಮಾನಾದಿಗೆ ಮಲ್ತೆರ್.

ಕನ್ನಡ ಸಂಘ ಮಸ್ಕತ್ ದ ಅಧ್ಯಕ್ಷೆರ್ ಪ್ರಸಾದ್ ಕೂರ್ಗ್, ದುಬೈದ ಉದ್ಯಮಿ ಈಶ್ವರ ದಾಸ್ ಶೆಟ್ಟಿ, ಒಯಂಜಿ ಕೋ ಆರ್ಡಿನೇಟರ್ ಮಲ್ಲಿಕಾರ್ಜುನ ಗೌಡ ದುಬೈ, ಉದ್ಯಮಿ ಹಿದಾಯತ್ ಆಡ್ಡೂರು ದುಬೈ ಲೇಸ್ ಡ್ ಇತ್ತೆರ್.

ದುಬೈದ ‘ಕನ್ನಡ ಮಿತ್ರರು’ ಸಂಘದ ಅಧ್ಯಕ್ಷೆರ್ ಶಶಿಧರ ನಾಗರಾಜಪ್ಪ ಬತ್ತಿನ ಬಿನ್ನೆರೆಗ್ ಎದ್ಕೊನಿಯೆರ್. ನಾಗರಾಜ್ ರಾವ್ ಒಡಿಪು ಸೊಲ್ಮೆ ಸಂದೈತ ಮಲ್ತೆರ್. ಕಾವ್ಯಶ್ರೀ ಲೇಸ್ ಸುದಾರಿಕೆ ಮಲ್ತೆರ್.

Prabha Suvarna gets ” Universal Multi talented Award”
Social worker Prabha Suvarna from Mumbai who is also a actor, director and a literary figure has been selected for the” Universal Multi talented Award “.

The International Cultural Feat Council of India and Kannada Mitraru U A E association came together to host the 34th International Cultural Sowrabha on August 27 with great fanfare.

The program was inaugurated by the president of Karnataka Sangha Abudhabi, Sarvottam Shetty. The program was presided by Dr Satish Kumar director of Karnataka Public Library department.

Prabha Suvarna Mumbai, Dr Archana Athani, Mahesh Bellary,Koppal, singer Savitha, Mehabooba Killadar participated in the program.

Cultural and entertainment program followed. Achievements in various fields were identified and honoured with Global Achievers Awards.