ಬಂಟ್ವಾಳ: ಕೊರಗಟ್ಟೆ ವೇಣೂರು ಸಂಪರ್ಕ ಸಂಕದ 5.40 ಕೋಟಿ ರೂ.ದ ಬೇಲೆ ಬುರ್ನಾಸ್ !!

ಬಂಟ್ಟಾಳ ತಾಲೂಕುದ ವಾಮದಪದವು ಕೈತಲ್ದ ಚೆನೈತ್ತೋಡಿ ಗ್ರಾಮ ಪಂಚಾಯತ್ ವ್ಯಾಪ್ತಿದ ಅಜ್ಜಿಬೆಟ್ಟು ಗ್ರಾಮದ ಕಳಸಡ್ಕಡ್ ನಿರ್ಮಾಣ ಆತಿನ, ವೇಣೂರು ಸಂಪರ್ಕ ಮಲ್ಪುನ ಕಿಂಡಿ ಅಣೆಕಟ್ಟೆ ಸೇರ್ದ್ ಸಂಕದ ಬೇಲೆ ಬಜೀ ಬುರ್ನಾಸ್ ಆದಿತ್ತ್ ದ್ ಬೇಗೊಡೆ ತುಂಡಾದ್ ಬೂರುನ ಸಾಧ್ಯತೆ ಉಂಡು ಪಂದ್ ವಾಮದಪದವು ತುಳುನಾಡ ರಕ್ಷಣಾ ವೇದಿಕೆದ ಕಾರ್ಯಕರ್ತೆರ್ ಪ್ರತಿಭಟನೆ ಮಲ್ದೆರ್.

ಈ ಬೇಲೆಗ್ ಒಟ್ಟು 5 ಕೋಟಿ 40 ಲಕ್ಷ ಮಂಜೂರು ಆದ್ 80% ಕೆಲಸ ಪೂರ್ಣ ಆತ್ಂಡ್.

ಆಂಡ ಗುತ್ತಿಗೆದಾರೆರ್ ಬೊಕ್ಕ ಇಂಜಿನಿಯರ್ ನಕ್ಲೆನ ಅಸಡ್ಡೆರ್ದಾತ್ರ ಕೆಲಸ ಪೂರ ಬುರ್ನಾಸ್ ಆತ್ಂಡ್. ಸದ್ಯೊಡೆ ಅವು ನೀರ್ ಡ್ ಬೂರ್ದು ಪೋಪಿನಲೆಕ ಉಂಡು. ಈ ಬೇಲೆನ್ ತುಳುನಾಡ ರಕ್ಷಣಾ ವೇದಿಕೆ ವಾಮದಪದವಿನ ಕಾರ್ಯಕರ್ತೆರ್ ಖಂಡಿಸಾದೆರ್.
ಈ ವಿಚಾರೊಡು ಬೇತೆ ಬೇತೆ ಸಂಘ ಸಂಸ್ಥೆಲ್ನ ಒಟ್ಟುಸೇರಿಗೆಡ್ ಸಂಕದ ಬುರ್ನಾಸ್ ಬೇಲೆದ ವಿರುದ್ಧ ಪ್ರತಿಭಟನೆ ಮಲ್ತ್‌ ದ್ ಸಂಬಂಧಪಟ್ಟಿನ ಅಧಿಕಾರಿಲೆಗ್ ಮನವಿನ್ ಕಡಪುಡೊಡು ಪಂದ್ ಒತ್ತಾಯ ಮಲ್ತೆರ್.
(3 ಪೊಟೊಸ್ ಪಾಡ್ಲೆ)