ಶನಿವಾರ ಕಾಂಡೆ 6 ಗಂಟೆ ಮುಟ ಕಮೀಷನರೇಟ್ ವ್ಯಾಪ್ತಿಡ್ ನಿಷೇಧಾಜ್ಞೆ – ನಾಲ್ ಪೋಲಿಸ್ ಠಾಣಾ ವ್ಯಾಪ್ತಿಡ್ ಶಾಲಾ ಕಾಲೇಜ್ಗ್ ರಜೆ, ಮದ್ಯ ಮಾರಾಟ ಬಂದ್ ; ಕಮೀಷನರ್ ‌ಎನ್.ಶಶಿಕುಮಾರ್ ಆದೇಶ : ನಿಯಮೊಲು ಇಂಚ ಉಂಡು

ಶನಿವಾರ ಕಾಂಡೆ 6 ಗಂಟೆ ಮುಟ ಕಮೀಷನರೇಟ್ ವ್ಯಾಪ್ತಿಡ್ ನಿಷೇಧಾಜ್ಞೆ – ನಾಲ್ ಪೋಲಿಸ್ ಠಾಣಾ ವ್ಯಾಪ್ತಿಡ್ ಶಾಲಾ ಕಾಲೇಜ್ಗ್ ರಜೆ, ಮದ್ಯ ಮಾರಾಟ ಬಂದ್ ; ಕಮೀಷನರ್ ‌ಎನ್.ಶಶಿಕುಮಾರ್ ಆದೇಶ : ನಿಯಮೊಲು ಇಂಚ ಉಂಡು

ಕುಡ್ಲ : ವಿಧಾನಸಭಾ ಓಟು ಕೈತಲ್ ಬರೊಂದು ಇತ್ತಿಲಕನೇ ಕುಡ್ಲಡ್ ಪುನತ ಮಿತ್ತ್ ಪುನ ಬೂರೊಂದು ಉಂಡು . ಬಿಜೆಪಿ ಯುವ ಮುಖಂಡ ಪ್ರವೀಣ್ ನೆಟ್ಟಾರು ಮರ್ಡರ್ ಆದ್ ರಡ್ಡ್ ದಿನ ಆನಗನೇ ಕೋಡೆ ಸುರತ್ಕಲ್ ಡ್ ಕುಡೊಂಜಿ ಮರ್ಡರ್ ಆತುಂಡು , ಕುಡ್ಲದಕುಲು ಪೋಡಿದ್ ಪೋತೆರ್. ಈ ನೆಲೆಟ್ಟ್ ಮುಂಜಾಗ್ರತಾ ಕ್ರಮವಾದ್ ಕುಡ್ಲ ಪೇಂಟೆದ ಕಮಿಷನರೇಟ್ ವ್ಯಾಪ್ತಿಡ್ ಸೆಕ್ಷನ್ 144 ಜಾರಿ ಮಲ್ತ್ ನಿಷೇಧಾಜ್ಞೆ ಪಾಡ್ದೆರ್ . ಜುಲೈ 30 ತಾರಿಕ್ ಮುಟ ಕಾಂಡೆ 6 ಗಂಟೆ ಮುಟ ಪೇಂಟೆಡ್ ನಿಷೇಧಾಜ್ಞೆ ಮಲ್ದೆರ್ ಏರ್ಲ ಅನಾವಶ್ಯಕವಾದ್ ಪೋಯೇರೆ ಇಜ್ಜಿ. ರಾತ್ರಿ ‌10 ಗಂಟೆರ್ದ್ ಬೊಕ್ಕ ಏರೆ ಆವಡ್ ಅನುಮಾನಾಸ್ಪದವಾದ್ ಪೋಪಿನ ತೊಜೀದ್ ಬತ್ತುಂಡ ಅಕ್ಲೆನ ಗಾಡಿ ಸೀಝ್ ಮಲ್ಪುವ ಪಂದ್ ಕಮಿಷನರ್ ಶಶಿಕುಮಾರ್ ಪಂಡೆರ್ .

ಕಮೀಷನರೇಟ್ ವ್ಯಾಪ್ತಿದ ಕೆಲವು ಕಡೆಟ್ ಒಟ್ಟು 19 ಟೋಲ್ ಗೇಟ್ ಡ್ ಲಾ ಪೋಲಿಸ್ ಕಣ್ಗಾವಲು ಉಂಡು ಪಂದ್ ಕಮೀಷನರ್ ಪಂಡೆರ್ . ಸದ್ಯ ಫಾಝಿಲ್ ನ್ ಕೆರಿನಾಕ್ಲೆನಬಗ್ಗೆ ಬಾರಿ ತ್ವರಿತವಾದ್ ತನಿಖೆ ಮಲ್ತೊಂದು ಉಲ್ಲೆರ್ , ಪೊಕ್ಕಡೆ ಸುಳ್ಳು ಸುದ್ದಿ ಪಸರಾವಡೆ ಪಂದ್ ಕಮಿಷನರ್ ಸಾರ್ವಜನಿಕೆರೆಗ್ ಬಿನ್ನಾಪು ಮಲ್ದೆರ್.

ಸುರತ್ಕಲ್ ಪೋಲಿಸ್ ಠಾಣಾ ವ್ಯಾಪ್ತಿಡ್ ಅಮಲ್ ವಸ್ತು ಮಾರಾಟ ಬಂದ್…!!

ಆತೆ ಅತ್ತoದೆ ಕುಡ್ಲ ಪೇಂಟೆ ಸುರತ್ಕಲ್, ಬಜಪೆ, ಮುಲ್ಕಿ ಬೊಕ್ಕ ಪಣಂಬೂರು ಪೊಲೀಸ್ ಠಾಣಾ ವ್ಯಾಪ್ತಿಡ್ ಪರಿಸ್ಥಿತಿ ನ್ ಸುಧಾರಿಸಾಯೆರೆ ಕೆಲವು ಸಮಾಜ ಘಾತುಕ ಜನಕುಲು ಪರ್ದ್ ಬತ್ತ್ ದ್ ಸಾರ್ವಜನಿಕ ಸೊತ್ತು ನಾಶ, ಹಲ್ಲೆ ಬೊಕ್ಕ ದೊಂಬಿ ನಡಪಾದ್ ಕಾನೂನು ಸುವ್ಯವಸ್ಥೆಗ್ ಧಕ್ಕೆ ಮಲ್ಪುನ ಸಾಧ್ಯತೆ ಉಪ್ಪುನೆರ್ದಾವರ ಸುರತ್ಕಲ್ ಪೊಲೀಸ್ ಠಾಣಾ ವ್ಯಾಪ್ತಿಡುಪ್ಪುನ ಮಾತಾ ಗಡಂಗ್ ಗ್ 29-07-2022 ನೇ ಕಾಂಡೆ 10.00 ಗಂಟೆರ್ದ್ ರಾತ್ರಿ 10 ಗಂಟೆ ಮುಟ ಬಂದ್ ಮಲ್ಪರೆ ಸೂಚನೆ ಕೊರ್ತೆರ್.