ಸೇವಾಶ್ರಮ ಅಮೃತ ಉಚ್ಚಯ : ದೈ ನಡ್ಪಿನ ಲೇಸ್

ಸೇವಾಶ್ರಮ : ಅಮೃತ ಉಚ್ಚಯ

ಕುಡ್ಲ : ಸ್ವಾತಂತ್ರ್ಯದ ಅಮೃತ ಉಚ್ಚಯದ ನೆಲೆಟ್ಟ್ ದೇರಳಕಟ್ಟೆ ಕೈತಲ್ ದ ಬಲ್ಮಾ ಗ್ರಾಮದ ಪೊಂಜೊವ್ಲೆನ ಆಶ್ರಯತಾಣ ‘ಸೇವಾಶ್ರಮ’ದ ಅಂಗಣೊಡು ಐತಾರ ದೈ ನಡ್ಪಿನ ಲೇಸ್ ನಡತುಂಡು

ಶ್ರೀಶ ಸೌಹಾರ್ದ ಕ್ರೆಡಿಟ್ ಕೊ-ಆಪರೇಟಿವ್ ಸೊಸೈಟಿ ಬೊಕ್ಕ ನಾವೈನೂರು ಸಂಸ್ಥೆದ ಒಟ್ಟು ಸೇರಿಗೆಡ್ ನಡತಿನ ಈ ಲೇಸ್ ಡ್ ಮರ ಆದ್ ಬುಲೆಯುನ ಬೊಕ್ಕ ಫಲ ಕೊರ್ಪಿನ ದೈ ನಡಿಯೆರ್.

ಶ್ರೀಶಾ ಸೊಸೈಟಿ ಬೇತೆ ಬೇತೆ ಸಂಘ ಸಂಸ್ಥೆದ ಒಟ್ಟು ಸೇರಿಗೆಡ್ ಈ ವರ್ಷ 75 ಜಾಗೆಡ್ ಇಂಚ , ಫಲ ಕೊರ್ಪಿನ ದೈ ನಡ್ಪಿನ ಲೇಸ್ ನಡಪೆರೆ ಉಂಡು.

ಈ ಲೇಸ್ ಡ್ ನಾವೈನೂರು ಸಂಸ್ಥೆದ ಗುರ್ಕಾರ್ಲಾಯಿನ ಮನೋಹರ ಉಪಾಧ್ಯಾಯ, ಸೇವಾಶ್ರಮದ ಗುರ್ಕಾರ್ಲಾಯಿನ ಜಿ.ಆರ್.ಶೆಟ್ಟಿ, ಶ್ರೀಶಾ ಸೊಸೈಟಿದ ನಿರ್ದೇಶಕೆರಾಯಿನ ಸುರೇಶ್ ಬೈಂದೂರ್, ರಾಜೇಶ್ ಪುಂಜಾಲಕಟ್ಟೆ ಪಾಲ್ ಪಡೆದಿತ್ತೆರ್.