ಕಲಾವಿದೆರ್ನ ಕೊಡುಗೆ,ಜನಕ್ಲೆನ ಪ್ರೋತ್ಸಾಹರ್ದಾವರ ಯಕ್ಷಗಾನ ಒರಿಯೊಂದು, ಬುಲೆಯೊಂದು ಉಂಡು : ಅರಗ ಜ್ಞಾನೇಂದ್ರ

ಕಲಾವಿದೆರ್ನ ಕೊಡುಗೆ,ಜನಕ್ಲೆನ ಪ್ರೋತ್ಸಾಹರ್ದಾವರ ಯಕ್ಷಗಾನ ಒರಿಯೊಂದು, ಬುಲೆಯೊಂದು ಉಂಡು : ಅರಗ ಜ್ಞಾನೇಂದ್ರ

ಕುಡ್ಲ : ಆಧುನಿಕತೆದ ಪೆಟ್ಟ್ ಗ್ ಅವ್ವೆತೋ ಕಲೆ ಮಾಜೊಂದು ಉಪ್ಪುನ ಈ ಪೊರ್ತುಡು ಯಕ್ಷಗಾನ ತನ್ನ ಅಸ್ತಿತ್ವನ್ ಒರಿಪಾವೊಂದು ಪುದರ್ ಪಡೆಯೊಂದು ಬುಲೆಯೊಂದು ಬರ್ಪಿನಲ್ಪ ಕಲಾವಿದೆರ್ನ ಸಮರ್ಪಣ ಭಾವ, ಹೊಸತನ, ಪ್ರೇಕ್ಷಕರ ಪ್ರೋತ್ಸಾಹ ಕಾರಣ ಆದ್ ಉಂಡು ಪಂದ್ ಗೃಹ ಸಚಿವ ಆರಗ ಜ್ಞಾನೇಂದ್ರ ಪಂಡೆರ್ .

ಮೇರ್ ಯಕ್ಷಧ್ರುವ ಪಟ್ಲ ಫೌಂಡೇಶನ್‌ ಟ್ರಸ್ಟ್‌ ಒಟ್ಟು ಸೇರಿಗೆಡ್ ಐತಾರ
ಅಡ್ಯಾರ್‌ ಗಾರ್ಡನ್‌ಡ್ ಡಾ| ಪುನೀತ್‌ ರಾಜ್‌ಕುಮಾರ್‌ ಚಾವಡಿಡ್ ನಡತಿನ
ಯಕ್ಷಧ್ರುವ ಪಟ್ಲ ಸಂಭ್ರಮ 2022 ಲೇಸ್ ದ ಮುಗಿತಲದ ಲೇಸ್ ಡ್ ಮಲ್ಲ ಬಿನ್ನೆರ್ ಆದ್ ಪಾಲ್ ಪಡೆದ್ ಪಾತೆರಿಯೆರ್ . ಪಟ್ಲ ಸತೀಶ್‌ ಶೆಟ್ರೆ ನಂಚ, ಯುವ ಕಲಾವಿದೆರ್ ಪೊಸತನನ್ ನಾಡೊಂದು ಉಪ್ಪುನೆರ್ದಾವರ ಈ ಕಲೆ ಜನಕ್ಲೆನ್ ಒಯ್ತೊಂದು ಉಂಡು. ಸತೀಶ್‌ ಶೆಟ್ರೆನ ನೇತೃತ್ವದ ಟ್ರಸ್ಟ್‌ ಯಕ್ಷಗಾನ ಕಲೆ, ಕಲಾವಿದೆರ್ನ ಅಭಿವೃದ್ಧಿಗಾದ್ ನಡಪಾವೊಂದು ಉಪ್ಪುನ ಕಾರ್ಯ ಅನನ್ಯ ಪಂಡೆರ್ .

ಎಡನೀರು ಮಠದ ಶ್ರೀ ಸಚ್ಚಿದಾನಂದ ಭಾರತಿ ಸ್ವಾಮೀಜಿ, ಶ್ರೀ ಕ್ಷೇತ್ರ ಒಡಿಯೂರು ಶ್ರೀ ಗುರುದೇವಾನಂದ ಸ್ವಾಮೀಜಿ ಆಶೀರ್ವಚನ ಕೊರಿಯೆರ್ .ಬೊಂಬಾಯಿದ ಉದ್ಯಮಿ, ಟ್ರಸ್ಟ್‌ನ ಗೌರವಾಧ್ಯಕ್ಷ ಸದಾಶಿವ ಶೆಟ್ಟಿ ಕನ್ಯಾನ ಶುಭಾಶಂಸನೆ ಮಲ್ತೆರ್ . ಬರೋಡಾದ ಉದ್ಯಮಿ ಶಶಿಧರ ಬಿ. ಶೆಟ್ಟಿ ಗುರ್ಕಾರ್ಮೆ ವಹಿಸ್ ದಿತ್ತೆರ್ .ಸಚಿವ ಎಸ್‌. ಅಂಗಾರ, ಕೆಪಿಎಸ್‌ಸಿ ನಿವೃತ್ತ ಆಯುಕ್ತ ಟಿ. ಶ್ಯಾಮ್‌ ಭಟ್‌, ಉದ್ಯಮಿಲಾಯಿನ ಆನಂದ ಶೆಟ್ಟಿ ತೋನ್ಸೆ, ರಘುರಾಮ ಶೆಟ್ಟಿ, ಕೆ.ಎಂ. ಶೆಟ್ಟಿ, ರವೀಂದ್ರ ಭಂಡಾರಿ, ಜಾಗತಿಕ ಬಂಟರ ಸಂಘಗಳ ಒಕ್ಕೂಟದ ಗುರ್ಕಾರ್ಲಾಯಿನ ಐಕಳ ಹರೀಶ್‌ ಶೆಟ್ಟಿ, ಪೂನಾ ಬಂಟರ ಸಂಘದ ಗುರ್ಕಾರ್ಲಾಯಿನ ಸಂತೋಷ್‌ ಶೆಟ್ಟಿ, ಸಂಗೀತ ನಿರ್ದೇಶಕ ಗುರುಕಿರಣ್‌, ಬಂಟರ ಸಂಘ ಮುಂಬಯಿ ಪ್ರಧಾನ ಕಾರ್ಯದರ್ಶಿ ಆರ್‌.ಕೆ. ಶೆಟ್ಟಿ ಮಲ್ಲ ಬಿನ್ನೆರ್ ಆದ್ ಪಾಲ್ ಪಡೆಯೆರ್ .

ಶಾಸಕೆರಾಯಿನ ವೇದವ್ಯಾಸ ಕಾಮತ್‌, ಉಮಾನಾಥ ಕೋಟ್ಯಾನ್‌, ಡಾ| ಭರತ್‌ ಶೆಟ್ಟಿ, ಎಂಇಐ ಲಿ. ಗುರ್ಕಾರ್ಲಾಯಿನ ಸಂತೋಷ್‌ ಕುಮಾರ್‌ ರೈ ಬೋಳಿಯಾರು, ಕಿಯೋನಿಕ್ಸ್‌ ಗುರ್ಕಾರ್ಲಾಯಿನ ಹರಿಕೃಷ್ಣ ಬಂಟ್ವಾಳ್‌, ಉದ್ಯಮಿ ಸಂತೋಷ್‌ ಶೆಟ್ಟಿ, ಹಿಂ. ವರ್ಗದ ಆಯೋಗದ ಸದಸ್ಯ ಕೆ.ಟಿ. ಶೆಟ್ಟಿ, ಉದ್ಯಮಿ ಯಾದವ ಕೋಟ್ಯಾನ್‌ ವಿಶೇಷ ಆಹ್ವಾನಿತರಾದ್ ಇತ್ತೆರ್ .

ಟ್ರಸ್ಟ್‌ದ ಮಹಾಪೋಷಕೆರಾಯಿನ ರಾಜ್ಯೋತ್ಸವ ಪುರಸ್ಕೃತ ಚೆಲ್ಲಡ್ಡ ಕೆ.ಡಿ. ಶೆಟ್ಟಿ ದಂಪತಿ ಬೊಕ್ಕ ವಕ್ವಾಡಿ ಪ್ರವೀಣ್‌ ಶೆಟ್ಟಿ, ಅಂತಾರಾಷ್ಟ್ರೀಯ ಸೊಸೈಟಿ ಐಕಾನ್‌ ಪ್ರಶಸ್ತಿ ಪುರಸ್ಕೃತ ಕಡಂದಲೆ ಸುರೇಶ್‌ ಭಂಡಾರಿ ಅಂಚನೆ ಸಹಕಾರಿ ರತ್ನ ಪುರಸ್ಕೃತ ಸವಣೂರು ಸೀತಾರಾಮ ರೈ ದಂಪತಿಲೆಗ್ ಗೌರವಾರ್ಪಣೆ ಮಲ್ತ್ ಮಾನದಿಗೆ ಮಲ್ತೆರ್ . ಭಾರತೀಯ ಸೇನೆದ ಮೇಜರ್‌ ಆದ್ ಪದೋನ್ನತಿ ಪಡೆಯಿನ ಭರತ್‌ ಶೆಟ್ಟಿ ಮೆರೆಗ್ ಮಾನದಿಗೆ ಮಲ್ತೆರ್.

ಯಕ್ಷಧ್ರುವ ಪಟ್ಲ ಫೌಂಡೇಶನ್‌ ಟ್ರಸ್ಟ್‌ ಸ್ಥಾಪಕಾಧ್ಯಕ್ಷ ಸತೀಶ್‌ ಶೆಟ್ಟಿ ಪಟ್ಲ ಎದುಕೊಂಡೆರ್ . ಅಡ್ಯಾರ್‌ ಪುರುಷೋತ್ತಮ ಭಂಡಾರಿ, ಕದ್ರಿ ನವನೀತ್‌ ಶೆಟ್ಟಿ ನಿರೂಪನೆ ಮಲ್ತೆರ್ . ಕಾಂಡೆ ಉದಿಪನದ ಲೇಸ್ ನಡತುಂಡು ಈ ಲೇಸ್ ಡ್ “ಯಕ್ಷಾಂಗಣ ಧ್ರುವತಾರೆ ಪಟ್ಲ’ ಬೊಕ್ಕ “ಧ್ರುವ ಪ್ರಭ’-ಸೇವಾಯಾನದ ಮೆಲುಕು ಕೃತಿ ಬುಡುಗಡೆ ಮಲ್ತೆರ್ .

ಪಟ್ಲ ಪ್ರಶಸ್ತಿ ಪ್ರದಾನ
ಮಾಂಬಾಡಿ ಸುಬ್ರಹ್ಮಣ್ಯ ಭಟ್‌ ಮೆರೆಗ್ 1 ಲಕ್ಷ ರೂ. ಪನವು ದೊಟ್ಟುಗು “ಪಟ್ಲ ಪ್ರಶಸ್ತಿ 2022′ ಕೊರ್ದು ಮಾನದಿಗೆ ಮಲ್ತೆರ್.. ಕರ್ನಾಟಕ ಯಕ್ಷಗಾನ ಅಕಾಡೆಮಿ ಮಾಜಿ ಗುರ್ಕಾರ್ಲಾಯಿನ ಪ್ರೊ| ಎಂ.ಎಲ್‌. ಸಾಮಗ ಅಭಿನಂದನ ಭಾಷಣ ಮಲ್ತೆರ್ . ಪದ್ಮನಾಭ ಉಪಾಧ್ಯ, ಸದಾಶಿವ ಶೆಟ್ಟಿಗಾರ್‌ ಸಿದ್ದಕಟ್ಟೆ, ಅಜ್ರಿ ಗೋಪಾಲ ಗಾಣಿಗ, ಯೋಗಾಕ್ಷಿ ಗಣೇಶ್‌ ಗುಜರನ್‌, ಮಾಧವ ಭಂಡಾರಿ ಕುಳಾಯಿ, ಕಲ್ಲುಗುಂಡಿ ಕೊರಗಪ್ಪ ಮಣಿಯಾಣಿ, ಉಜಿರೆ ನಾರಾಯಣ ಪೂಜಾರಿ, ವಿಜಯಕುಮಾರ್‌ ಶೆಟ್ಟಿ ಮೊಲೊಟ್ಟು, ಅರೆಹೊಳೆ ಸಂಜೀವ ಶೆಟ್ಟಿ, ಮಧುಕರ ಬೋಳೂರು ಮೆಕ್ಲೆಗ್ ತಲಾ 20 ಸಾವಿರ ರೂ. ಪನವು ದೊಟ್ಟುಗು “ಯಕ್ಷಧ್ರುವ ಕಲಾ ಗೌರವ-2022′ ಪ್ರದಾನ ಮಲ್ತೆರ್ .