ಕುಡ್ಲಡ್ ಆಯಿನಾತ್ ಬೇಗ ಸುರು ಆಯೆರೆ ಉಂಡು ಕತ್ತೆದ ಪೇರ್ ದ ಡೈರಿ

ಕುಡ್ಲಡ್ ಆಯಿನಾತ್ ಬೇಗ ಸುರು ಆಯೆರೆ ಉಂಡು ಕತ್ತೆದ ಪೇರ್ ದ ಡೈರಿ

ಬೊಲ್ತೆರ್ : ದೇಶಡ್ ವಿನೂತನವಾಯಿನ ಕತ್ತೆ ಪೇರ್ ಮಾರಾಟ ಮಲ್ಪುನ ಡೈರಿ ಫಾರ್ಮ್ ಕುಡ್ಲಡ್ ಆಯಿನಾತ್ ಬೇಗ ಸುರು ಆಯೆರೆ ಉಂಡು.

ರಾಜ್ಯದ ರೈತೆರೆಗ್ ನನ ಕತ್ತೆ ಸಾಂಕುನ ಬೊಕ್ಕ ಪೇರ್ ಉತ್ಪಾದನೆನ್ ವಿಶಿಷ್ಟ ಹೈನು ಬೇರ ಆದ್ ಸುರು ಮಲ್ಪುನ ಅವಕಾಶ ತಿಕ್ಕ್ ದುಂಡು . ಶ್ರೇಷ್ಠ ಪೌಷ್ಠಿಕಾಂಶ ಉಪ್ಪುನ ಕತ್ತೆದ ಪೇರ್ ಗ್ ಕೊರೊನಾ ಸಾಂಕ್ರಾಮಿಕ ರೋಗ ಬತ್ತಿಬೊಕ್ಕ ಬಾರಿ ಬೇಡಿಕೆ ಉಂಡು.

ಭಾರತಡ್ ಇತ್ತೇ ಒಂಜಿ ಲೀಟರ್ ಕತ್ತೆ ಪೇರ್ ಗ್ ಮಾರುಕಟ್ಟೆಡ್ 5 ರ್ದ್ 10 ಸಾರ ಬಿಲೆ ಉಂಡು ಪರ ಊರುಡುಲ ಒಂಜಿ ಲೀಟರ್ ಕತ್ತೆದ ಪೇರ್ ಗ್ ಬರೋಬ್ಬರಿ 12 ಸಾರ ರೂ ಮುಟ ಮಾರಾಟ ಮಲ್ಪುವೆರ್ . ಕತ್ತೆದ ಪೇರ್ ಗ್ ಬಂಗಾರ್ದ ಬಿಲೆ ಉಂಡು ಅಂಚನೆ ಪ್ರಾಣಿದ ಪೇರ್ ದ ಪೈಕಿ ಕತ್ತೆದ ಪೇರ್ ಸೌಂದರ್ಯ ವರ್ಧಕ, ಜಾಸ್ತಿ ಪ್ರೋಟಿನ್ ಅಂಶ ಉಂಡು ಪನ್ಪಿನವು ಸಂಶೋಧನೆರ್ದ್ ಪತ್ತೆ ಆತಿನ ಇಚಾರ.