ಬೇಗ

ಪಾಝಿಲ್ ಕೊಲೆ : ಶಾಸಕ ಯು.ಟಿ.ಖಾದರ್ ಖಂಡನೆ, ಬೇಗ ಆರೋಪಿಲೆನ್ ಪತ್ತರೆ ಒತ್ತಾಯ

Jul 28, 2022

ಪಾಝಿಲ್ ಕೊಲೆ : ಶಾಸಕ ಯು.ಟಿ.ಖಾದರ್ ಖಂಡನೆ, ಬೇಗ ಆರೋಪಿಲೆನ್ ಪತ್ತರೆ ಒತ್ತಾಯ

ಸುರತ್ಕಲ್ : ಮಂಗಳಪೇಟೆ ನಿವಾಸಿ ಪಾಝಿಲ್ ಪನ್ಪಿನ ಜವನನ್ ಪಾತಕಿಲು ಕೊಲೆ ಮಲ್ದಿನೆಕ್ಕ್ ಮಾಜಿ ಸಚಿವೆರ್ ಶಾಸಕ ಯು.ಟಿ.ಖಾದರ್ ಖಂಡಿಸಾದೆರ್.
ಆರೋಪಿಲು ಏರೇ ಆವಡ್ ಬೇಗ ಪತ್ತೆ ಮಲ್ತ್ ದ್ ಕಾನೂನು ಕ್ರಮ ದೆತೊನೊಡು ಪಂದ್ ಯು.ಟಿ.ಖಾದರ್ ಒತ್ತಾಯ ಮಲ್ದೆರ್.
ದಕ್ಷಿಣ ಕನ್ನಡ ಜಿಲ್ಲೆಡ್ ಸಾಲ್ ಸಾಲ್ ಕೊಲೆ ಆವೊಂದಿತ್ತ್ ದ್, ಕೋಮು ಸೌಹಾರ್ದತೆ ಹಾಳಾಪಿನ ಲಕ್ಷಣ ತೋಜೊಂದುಂಡು .ಅಂಚಾದ್ ಸರಕಾರ ಬೊಕ್ಜ ಗೃಹ ಇಲಾಖೆ ಉಂದೆನ್ ಗಂಭೀರವಾದ್ ದೆತೊಂದು ಜಿಲ್ಲೆ ಡ್ ಶಾಂತಿ ಸೌಹಾರ್ದತೆನ್ ಕಾಪರೆ ಬೋಡಾದ್ ಕೂಡ್ಲೆ ದುಂಬಾವೊಡು ಪಂದ್ ಆರ್ ಸರಕಾರೊಗು ಒತ್ತಾಯ ಮಲ್ದೆರ್.

ಮಂಕಿಪಾಕ್ಸ್ ಜಾಗತಿಕ ಪಿಡುಗು: ವಿಶ್ವ ಆರೋಗ್ಯ ಸಂಸ್ಥೆರ್ದ್ ಆಯಿನಾತ್ ಬೇಗ ಘೋಷಣೆ…?

Jul 22, 2022

ಮಂಕಿಪಾಕ್ಸ್ ಜಾಗತಿಕ ಪಿಡುಗು: ವಿಶ್ವ ಆರೋಗ್ಯ ಸಂಸ್ಥೆರ್ದ್ ಆಯಿನಾತ್ ಬೇಗ ಘೋಷಣೆ…?

ಭಾರತ : ಮಂಕಿಪಾಕ್ಸ್‌ ನ್ ಜಾಗತಿಕ ಪಿಡುಗು ಪಂದ್ ಘೋಷಣೆ ಮಲ್ಪರೆ ಡಬ್ಲ್ಯೂಎಚ್‌ಒ ನಿರ್ಧಾರ ಮಲ್ದುಂಡು . ಈ ಇಚಾರವಾದ್ ಒಂಜೇ ವಾರೊಡು ನಡತಿನ ಸಂಘಟನೆದ ತುರ್ತು ಸಮಿತಿದ ರಡ್ಡನೇ ಸಭೆಟ್ ಪ್ರಸ್ತುತ ನಿರ್ಧಾರ ದೆತೊನ್ಡೆರ್ . ಆಫ್ರಿಕಾಡ್ ಮಂಕಿಪಾಕ್ಸ್ ಲಕ್ಷಣ ಒಂಜಿ ರೀತಿ ಇತ್ತ್oಡ , ಬೇತೆ ರಾಷ್ಟ್ರಡ್ ಬೇತೆ ರೀತಿ ಉಂಡು. ಅಂಚಾದ್ ಈ ಬಗ್ಗೆ ಸಮನ್ವಯದ ತೀರ್ಮಾನ ದೆತೊನುನ ಬಂಗದ ಇಚಾರ ಪಂದ್ ಕೆಲವು ವಿಜ್ಞಾನಿಲು ಸಭೆಟ್ ಪಂಡೆರ್ .

ಆಫ್ರಿಕಾಡ್ ಮಂಕಿಪಾಕ್ಸ್‌ನ್ ತುರ್ತು ಪಿಡುಗು ಪಂದ್ ಘೋಷಣೆ ಮಲ್ದೆರ್ . ಉಂದುವೇ ಪೊರ್ತುಡು ಯುರೋಪ್ , ಉತ್ತರ ಅಮೆರಿಕ ಇಂಚಿನ ಬೇತೆ ಕಡೆಟ್ ಜನಕ್ಲೆನ ಮಿತ್ತ್ ವೈರಸ್ ಪರಿಣಾಮ ಜಾಸ್ತಿ ಆತುಂಡು . ವೈರಸ್‌ದ ನಿಯಂತ್ರಣ ಅಸಾಧ್ಯ ಆಂಡಲಾ ಮುಲ್ಪ ಮಂಕಿಪಾಕ್ಸ್ ತುರ್ತು ಪಿಡುಗು ಪನ್ಪಿ ಘೋಷಣೆ ಅನಗತ್ಯ ಪಂದ್ ತಜ್ನೆರ್ ಪಂತೆರ್ . ಬ್ರಿಟಿಷ್ ಅಧಿಕಾರಿಲು ಈ ಸೀಕ್ ಗ್ ಆತ್ ಪ್ರಾಮುಖ್ಯತೆ ಕೊರ್ತುಜೆರ್ .

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕುಡ್ಲಡ್ ಆಯಿನಾತ್ ಬೇಗ ಸುರು ಆಯೆರೆ ಉಂಡು ಕತ್ತೆದ ಪೇರ್ ದ ಡೈರಿ

May 25, 2022

ಕುಡ್ಲಡ್ ಆಯಿನಾತ್ ಬೇಗ ಸುರು ಆಯೆರೆ ಉಂಡು ಕತ್ತೆದ ಪೇರ್ ದ ಡೈರಿ

ಬೊಲ್ತೆರ್ : ದೇಶಡ್ ವಿನೂತನವಾಯಿನ ಕತ್ತೆ ಪೇರ್ ಮಾರಾಟ ಮಲ್ಪುನ ಡೈರಿ ಫಾರ್ಮ್ ಕುಡ್ಲಡ್ ಆಯಿನಾತ್ ಬೇಗ ಸುರು ಆಯೆರೆ ಉಂಡು.

ರಾಜ್ಯದ ರೈತೆರೆಗ್ ನನ ಕತ್ತೆ ಸಾಂಕುನ ಬೊಕ್ಕ ಪೇರ್ ಉತ್ಪಾದನೆನ್ ವಿಶಿಷ್ಟ ಹೈನು ಬೇರ ಆದ್ ಸುರು ಮಲ್ಪುನ ಅವಕಾಶ ತಿಕ್ಕ್ ದುಂಡು . ಶ್ರೇಷ್ಠ ಪೌಷ್ಠಿಕಾಂಶ ಉಪ್ಪುನ ಕತ್ತೆದ ಪೇರ್ ಗ್ ಕೊರೊನಾ ಸಾಂಕ್ರಾಮಿಕ ರೋಗ ಬತ್ತಿಬೊಕ್ಕ ಬಾರಿ ಬೇಡಿಕೆ ಉಂಡು.

ಭಾರತಡ್ ಇತ್ತೇ ಒಂಜಿ ಲೀಟರ್ ಕತ್ತೆ ಪೇರ್ ಗ್ ಮಾರುಕಟ್ಟೆಡ್ 5 ರ್ದ್ 10 ಸಾರ ಬಿಲೆ ಉಂಡು ಪರ ಊರುಡುಲ ಒಂಜಿ ಲೀಟರ್ ಕತ್ತೆದ ಪೇರ್ ಗ್ ಬರೋಬ್ಬರಿ 12 ಸಾರ ರೂ ಮುಟ ಮಾರಾಟ ಮಲ್ಪುವೆರ್ . ಕತ್ತೆದ ಪೇರ್ ಗ್ ಬಂಗಾರ್ದ ಬಿಲೆ ಉಂಡು ಅಂಚನೆ ಪ್ರಾಣಿದ ಪೇರ್ ದ ಪೈಕಿ ಕತ್ತೆದ ಪೇರ್ ಸೌಂದರ್ಯ ವರ್ಧಕ, ಜಾಸ್ತಿ ಪ್ರೋಟಿನ್ ಅಂಶ ಉಂಡು ಪನ್ಪಿನವು ಸಂಶೋಧನೆರ್ದ್ ಪತ್ತೆ ಆತಿನ ಇಚಾರ.