ಅಶೋಕ ಇಂಗ್ಲೀಷ್ ಮೀಡಿಯಂ ಶಾಲೆಡ್ ಸರ್ಕಾರದ ಆದೇಶದಂಚನೆ ಇನಿ 1-10ನೇ ಕ್ಲಾಸ್ ಮುಟ್ಟ ವಿದ್ಯಾರ್ಥಿಲೆನ್ ಸಂಸ್ಥೆದ ಆಡಳಿತ ಮಂಡಳಿ, ಪೋಷಕೆರ್ ಅಂಚನೆ ಶಿಕ್ಷಕೆರ್ನ ಉಪಸ್ಥಿತಿಟ್ಟ್ ಜೋಕುಲೆನ್ ಎದ್ಕೊನಿಯೆರ್.
ತುಡರ್ ಅರ್ಲಾವುನ ಮುಖೇನ ಶಾಲೆದ ಸುರುತ್ತ ದಿನನ್ ಎದ್ಕೊನಿಯೆರ್. ಶಾಲೆದ ಶಿಕ್ಷಕೆರ್ ದೇವೆರ್ನ ಪದನ್ ಪಂದ್ ಜೋಕುಲೆನ್ ಎದ್ಕೊನಿಯೆರ್. ಶಾಲೆದ ಮುಖ್ಯೋಪಾಧ್ಯಾಯಿನಿ ಸುಜಾತ ಸಂತೋಷ್ ಮೇರ್ ಜೋಕುಲೆನ್ ಎದ್ಕೊನುನ ಭಾಷಣನ್ ಮಲ್ತೆರ್. ಮಲ್ಲ ಬಿನ್ನೆರಾದ್ ಇತ್ತಿನ ಭಾನುಮತಿ, ಸೀತಾರಾಮ್ ಭಟ್ ಅಂಚನೆ ಸೀತಾರಾಮ್ ಪುರಾಣಿಕ್ ಜೋಕ್ಲೆನ ಉದ್ದೇಶಿಸಾದ್ ಪಾತೆರಿಯೆರ್. ಜೋಕುಲ್ ಲ ಅಕ್ಲೆನ ಅಭಿಪ್ರಾಯನ್ ಪಂಡೆರ್.
ಮಾಜಿ ಕಾರ್ಪೊರೇಟರ್ ಆಯಿನ ರಾಧಾಕೃಷ್ಣ ಮೇರ್ ಜೋಕುಲೆಗ್ ಚೀಪೆನ್ ಕೊರಿಯೆರ ಪಣವುದ ಸಾಕಾಯನ್ ಮಲ್ತೆರ್. ಶ್ರೀಮತಿ ಅಕ್ಷತಾ ಮೇರ್ ಸೊಲ್ಮೆ ಸಂದೈತ ಮಲ್ತೆರ್. ಶ್ರೀಮತಿ ರಾಜಶ್ರೀ ಕಾರ್ಯಕ್ರಮದ ನಿರೂಪಣೆ ಮಲ್ತೆರ್.
pallavi shetty