ಉಬಾರ್, ಅ.18: ಉಬಾರ್ ದ ನೇತ್ರಾವತಿ ಸುದೆಕ್ ಕಾಂಡೆ ಜವನೆ ಒರಿ ಲಾಗಿದ್ ಜೀವ ದೆತೊಂದಿನ ಘಟನೆ ನಡತ್ಂಡ್.
ಗೇರುಕಟ್ಟೆದ ಪರಪ್ಪುದ ಮುತ್ತಪ್ಪ ಶೆಟ್ಟಿ ಜೀವ ದೆತೊಂದಿನಾರ್ ಪಂದ್ ಗುರ್ತಿಸಾದೆರ್. ಇನಿ ಕಾಂಡೆ ಬೊಲ್ತೆರ್ ತಾಲ್ಲೂಕ್ ದ ಗೇರುಕಟ್ಟೆಡ್ದ್ ಉಬಾರ್ ಗ್ ಕೆಎಸ್ಆರ್ಟಿಸಿ ಬಸ್ ಟ್ ಬತ್ತ್ ದ್ ಜವನೆ ಒರಿ ನೇತ್ರಾವತಿ ಸುದೆತ್ತ ಸಂಕದ ಮಿತ್ತ್ ಡ್ದ್ ಕಣ್ಣ್ ಗ್ ಕುಂಟು ಕಟ್ಟ್ ದ್ ಸುದೆಕ್ ಲಾಗಿದೆ. ಅಲ್ಪದ ಜನಕುಲ್ ಆಯಿನ ಸಯಾದ್, ಹಮ್ಜ, ರಶೀದ್ ಅಪಗನೆ ಸುದೆಕ್ ಲಾಗಿದ್ ಸುಮಾರ್ 100 ಮೀ ದೂರಡ್ ಆಯೆನ್ ನಾಡ್ ಪತ್ತ್ ನಲ್ಪ ಯಶಸ್ವಿಯಾತೆರ್. ಆಂಡ ಉಬಾರ್ ದ ಸರ್ಕಾರಿ ಆಸ್ಪತ್ರೆಗ್ ಕೊನನಗ ಸಾದಿದ ನಡುಟ್ ತೀರ್ ಪೊತೆರ್. ಉಬಾರ್ ಪೊಲೀಸ್ ಠಾಣೆಡ್ ಈ ಪ್ರಕರಣ ದಾಖಲಾತ್ಂಡ್.
pallavi shetty