ಊರ್ದ ಸುದ್ದಿ Regional News
ಕುಡ್ಲದ ಸುದ್ದಿ | Mangalore News
ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News
ತುಳು ಸುದ್ದಿ
ಪುತ್ತೂರ್ದ ಸುದ್ದಿ | Puttur News
ರಪಕ್ಕ ಸುದ್ದಿ Flash News
ಅ.9: ಉಬಾರ್ ಡ್ ತುಳು ಸಾಹಿತ್ಯ ಅಕಾಡೆಮಿದ ಸಿರಿ ಚಾವಡಿ ಪುರಸ್ಕಾರ ಬೊಕ್ಕ ತುಳುವ ಐಸಿರಿ ಲೇಸ್
ಉಬಾರ್: ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಮುತಾಲಿಕೆಡ್ ಸಿರಿ ಚಾವಡಿ ಪುರಸ್ಕಾರ (ತುಳುವ ಸಾಧಕೆರೆಗ್ ಮಾನಾದಿಗೆ) ಬೊಕ್ಕ ತುಳುವ ಐಸಿರಿ ಕಾರ್ಯಕ್ರಮ ತೇದಿ ಅ.9 ಐತಾರದಾನಿ ಬೊಲ್ಪುಗ್ 9 ಗಂಟೆರ್ದ್ ಬಯ್ಯಗ್ 7 ಗಂಟೆ ಮುಟ್ಟ ಉಬಾರ್ ದ ಶ್ರೀ ಸಹಸ್ರಲಿಂಗೇಶ್ವರ ದೇವಲ್ಯದ ನೇತ್ರಾವತಿ ಸಮುದಾಯ ಭವನಡ್ ನಡಪರೆ ಉಂಡು. ಉಂದುವೇ ಪೊರ್ತುಡು ತುಳು ಸಾಂಸ್ಕೃತಿಕ ಪಂತೊಲ ನಡಪುಂಡು.
- ತುಳು ಸಾಂಸ್ಕೃತಿಕ ಪಂತೊದ ನಿಯಮೊಲು ಇಂಚ ಉಂಡು:
ತುಳುನಾಡ್ ಸಂಸ್ಕೃತಿ-ಆಚಾರ ವಿಚಾರ, ವೀರಪುರುಷೆರ್, ಮಹಾತ್ಮೆರ್, ಗೊಬ್ಬು, ಕಲೆ, ಇಂಚ ಒಟ್ಟು ತುಳುನಾಡ್ ನ್ ತೋಜಿಪಾವುನ ,ತುಳುಬಾಸೆಗ್ ಸಂಬಂಧ ಪಟ್ಟಿನವೆ ವಿಚಾರ ಆದಿಪ್ಪೊಡು. - ಒಂಜಿ ಕೂಟೊಡು ಕನಿಷ್ಠ 10 ಜನ. ಗರಿಷ್ಠ ಮಿತಿ ಉಪ್ಪುಜಿ. ಸ್ವರ್ಧೆಗ್ ಕಾಲಾವಕಾಶ 15 ನಿಮಿಷ, ರಂಗ್ ದ ಕಾಲ (ವೇದಿಕೆ ತಯಾರಿ) ಕೂಟೊದಕ್ಲೆ ಮಲ್ತೊನೊಡು.
- ಸೀಡಿ, ಪೆನ್ ಡ್ರೈವ್ ಬಳಕೆ ಮಲ್ಪೊಲಿ, ಒಂಜಿ ಕೂಟೊದ ಸದಸ್ಯೆರ್ ಕುಡೊಂಜಿ ಕೂಟೊಡು ಪಾಲ್ ದೆತೊನಿಯರ ಇಜ್ಜಿ.
- ವೇದಿಕೆಡ್ ಸೂ, ಸ್ಫೋಟಕ ವಸ್ತು, ಕುಪ್ಪಿತ ಚೂರು, ಅಪಾಯಕಾರಿ ವಸ್ತುಲೆನ ಬಳಕೆ ಮಲ್ಪೆರೆ ಇಜ್ಜಿ.
- ಒವ್ವೆ ಜಾತಿ, ದರ್ಮ, ಧಾರ್ಮಿಕ ಆರಾಧನಾ ಪದ್ಧತಿಲೆನ ನಿಂದನೆ ಮಲ್ಪರೆ ಇಜ್ಜಿ.
- ಪಂತೊಡು ಪಾಲ್ ಪಡೆಯೆರೆ ಪ್ರವೇಶ ಶುಲ್ಕ ಇಜ್ಜಿ. ತೀರ್ಪುಗಾರೆರ್ ಬೊಕ್ಕ ಸಂಘಟಕೆರ್ನ ಕಡೆತ ತೀರ್ಮಾನ. ಒವ್ವೆ ಚರ್ಚೆಗ್ ಅವಕಾಶ ಇಜ್ಜಿ.
- ಪಾಲ್ ದೆತೊಂದಿನ ಮಾತಾ ತಂಡೊಗು ನೆಂಪುದ ಉಡಿಗಿರೆ ಬೊಕ್ಕ ಪ್ರತಿ ಸದಸ್ಯೆರೆಗ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಪ್ರಮಾಣ ಪತ್ರ ತಿಕ್ಕುಂಡು.
- ಸುರುಕು ಪುದರ್ ಕೊರಿನ 7 ತಂಡೊಗು ಮಾತ್ರ ಅವಕಾಶ, ಪುದರ್ ಕೊರಿಯರ ಅಕೇರಿದ ದಿನ 05-10-2022ನೇ ಬುಧಾರ.
- ಅಂಚನೆ ಗೆನ್ದಿನಕಲೆಗ್ ಇನಾಮುವಾದ್
ತುಳುವ ಐಸಿರಿ 1: 12000
ತುಳುವ ಐಸಿರಿ 2:10000
ತುಳುವ ಐಸಿರಿ 3: 7000
ಅಯಿನ ಒಟ್ಟಿಗೆ ಮಾನಾದಿಗೆ ಓಲೆ ಬೊಕ್ಕ ನೆಂಪುದ ಉಡಿಗಿರೆ ತಿಕ್ಕುಂಡು. ಅಂಚನೆ ಗುರ್ಕಾರೆ ಅಯಿನ ದಯಾನಂದ ಜಿ.ಕತ್ತಲ್ ಸಾರ್, ರಿಜಿಸ್ಟ್ರಾರ್ ಕವಿತಾ, ಸದಸ್ಯೆ ಸಂಚಾಲೆಕೆರ್ ಕಡಬ ದಿನೇಶ್ ರೈ ಬೊಕ್ಕ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಮಾತ ಪದುಕೆರ್ ನಿಕ್ಲೆನ್ ಮೋಕೆಡ್ ಎದ್ಕೊಂದೆರ್.
