Tulu News

The Jatra celebration rituals begin from today at Shri Durga parameshwari temple Kateel ಇನಿ ಕಟೀಲ್ದ ಕೊಡಿ

ಕಟೀಲ್ ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯಡ್ ಎ.14-21 ಮುಟ್ಟ ನಡಪರೆ ಇಪ್ಪುನ ಜಾತ್ರೆದ ಅಂಗವಾದ್ (ಇನಿ) ಎ.14 ಸುಕ್ರಾರ ಕೊಡಿ ಏರುಂಡು.

ಬೊಲ್ಪುಗು ಬಲಿ ಪಿದಾಡ್ ದ್, ಕೊಡಿ ಏರುಂಡು. ಬೊಕ್ಕ ದೈವ ದೇವೆರೆನ ದರ್ಶನ ಬಲಿ, ಭೋಜನ ಶಾಲೆಗ್ ಪ್ರಸಾದ ಕೊನೊಯೆರೆ, ಮಹಾಪೂಜೆ, ಪಲ್ಲಪೂಜೆ ಸಮರ್ಪಣೆ ಅವರೆ ಉಂಡು. ಬಯ್ಯಗ್ ಬಲಿ, ಮಲ್ಲ ಅಜಕಾಯಿ, ರಾಜಾಂಗಣ ರಾತ್ರೆ ಪ್ರಸಾದ ಕೊರಿಯೆರೆ ಉಂಡು. ಅವೆರ್ದ್ ಬೊಕ್ಕ ಬಂಗಾರ್ ದ ತೇರ್ ಉಚ್ಚಯ, ಬೊಳ್ಳಿಪಲ್ಲಕ್ಕಿ ಉಚ್ಚಯ, ವಸಂತ ಮಂಟಪ ಪೂಜೆ, ಅಷ್ಟಾವಧಾನ ನಡಪರೆ ಉಂಡು.

ಅಂಚೆನೆ ಮುಲ್ಪದ ಸರಸ್ವತೀ ಸದನಡ್ ಬೊಲ್ಪುಗು ಭಜನೆ, ನಲಿಕೆ ಭಜನೆ ಬೊಕ್ಕ ಬಯ್ಯಗ್ ನೃತ್ಯ ವಿದ್ಯಾನಿಲಯ ವಿದುಷಿ ಸಂಧ್ಯಾ ಕೇಶವ ರಾವ್ ಬೆಂಗ್ಲೂರ್ ಮೊಕ್ಲೆರ್ದ್ ಭರತನಾಟ್ಯ ನಡಪರೆ ಉಂಡು ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.

India wins gold in the Asian Wrestling Championship ಏಷ್ಯನ್ ಕುಸ್ತಿ ಚಾಂಪಿಯನ್ ಶಿಪ್ ಡ್ ಭಾರತಗ್ ಬಂಗಾರ್ ದ ಪದಕ

ಕಜಕಿಸ್ತಾನಡ್ ಏಷ್ಯನ್ ಕುಸ್ತಿ ಚಾಂಪಿಯನ್ ಶಿಪ್ ನಡತೊಂದು ಉಂಡು.

ಆಂಜೋವ್ ಲೆನ 57 ಕೆಜಿ. ವಿಭಾಗದ ಫೈನಲ್ ಡ್ ಭಾರತದ ಅಮನ್ ಶೆರಾವತ್ ಬೊಕ್ಕ ಕಿರ್ಗಿಸ್ತಾನ್ ದ ಅಲ್ಮಾಜ್ ಮಾನ್ಬೆಕೊ ಎದುರುಬದುರ್ ಆಯೆರ್. ನೆಟ್ಟ್ ಅಮನ್ ಶೆರಾವತ್ 9-4 ಅಂಕಡ್ ಅಲ್ಮಾಸ್ ಕೂಟನ್ ಸೋಪಾದ್ ಗೆಂದಿಯೆರ್. ಈ ಗೆಲ್ಮೆ ಭಾರತಗ್ ಬಂಗಾರ್ ದ ಪದಕನ್ ಕನತ್ ಕೊರ್ತುಂಡು.

India wins gold in the Asian Wrestling Championship

At the Asian Wrestling Championship being held at Kajakistan in the men’s 57 kg category India’s Aman Sherawat and Almaz Manbaco from reached the finals.Aman Sherawat won with a 9-4 lead to win the gold.

The third list of candidates of the Congress to be released today? ಇನಿ ಕಾಂಗ್ರೆಸ್ ದ 3ನೇ ಪಟ್ಟಿ ಬುಡುಗಡೆ?

ವಿಧಾನಸಭೆ ವೋಟುಗು ಇನಿ ಕಾಂಗ್ರೆಸ್ ಅಭ್ಯರ್ಥಿಲೆನ 3ನೇ ಪಟ್ಟಿ ಬುಡುಗಡೆ ಆಪಿನ ಅಂದಾಜಿ ಉಂಡು.

ಬಾಕಿ ಒರಿನ 58 ಕ್ಷೇತ್ರಲೆಡ್ 25 ರ್ದ್ 30 ತಾನಲೆಗ್ ಇನಿ ಅಭ್ಯರ್ಥಿಲೆನ ಘೋಷಣೆ ಆಪುಂಡು ಪಂದ್ ತೆರಿದ್ ಬೈದ್ಂಡ್. ಗುರುವಾರ ನಡುರಾತ್ರೆ ಮುಟ್ಟ ಡಿಕೆಶಿ, ಸಿದ್ದು, ಖರ್ಗೆ, ಸುರ್ಜೇವಾಲ ಬೊಕ್ಕ ರಾಹುಲ್ ಗಾಂಧಿ ಟಿಕೆಟ್‌ ಕೊರ್ಪಿನ ಬಗೆಟ್ ಇಸೇಸ ಸಭೆ ನಡಪಾದೆರ್ ಪಂದ್ ವರದಿ ಆತ್ಂಡ್. ಸ್ಕ್ರೀನಿಂಗ್ ಕಮಿಟಿ ಕೊರ್ನ ಸಲಹೆಲು ಮುಲ್ಪ ಪ್ರಸ್ತಾಪ ಅತ್ಂಡ್ ಪಂದ್ ತೆರಿದ್ ಬೈದ್ಂಡ್.

The third list of candidates of the Congress to be released today?

The third list of candidates for the upcoming Vidhana Sabha elections from the Congress is likely to be announced today. The report given by the screening committee was discussed by the seniors of the party and Rahul Gandhi. For the remaining 58 constituencies ; 25 to 30 candidates names is likely to be released.

CM Basavaraj Bommai visits Kateel Shri Durgaparameshwari temple ಕಟೀಲ್ ದೇವಲ್ಯಗ್ ಸಿಎಂ ಬೊಮ್ಮಾಯಿ ಭೇಟಿ

ಕುಡ್ಲ: ಸಿಎಂ ಬಸವರಾಜ ಬೊಮ್ಮಾಯಿ ಮೇರ್ ಕಟೀಲ್ ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯಗ್ ಬೊಡೆದಿನೊಟ್ಟಿಗೆ ಭೇಟಿ ಕೊರ್ದು ಶ್ರೀದೇವೆರ್ನ ದರ್ಶನ ಪಡೆಯೆರ್.

ಬೊಲ್ಪುಗು ಕೊಲ್ಲೂರ್ ಕ್ಷೇತ್ರಗ್ ಭೇಟಿ ಕೊರ್ದು, ಶ್ರೀ ಮೂಕಾಂಬಿಕಾ ದೇವಿನ ದರ್ಶನ ಪಡೆದ್ ಬೊಕ್ಕ ಅಲ್ಪರ್ದ್ ಹೆಲಿಕಾಪ್ಟರ್ ಮುಖೇನ ಕುಡ್ಲದ ಮೇರಿಹಿಲ್ ಹೆಲಿಪ್ಯಾಡ್ ಡ್ ಬತ್ತ್ ದ್ ಜತ್ತಿನ ಸಿಎಂ ಕುಡ್ಲ ತಾಲೂಕ್ ದ ಕಟೀಲ್ ದೇವಲ್ಯಗ್ ಭೇಟಿ ಕೊರಿಯೆರ್.

ಬೊಕ್ಕ ಸಿಎಂ ದಂಪತಿಲೆಗ್ ದೇವಲ್ಯದ ವತಿರ್ದ್ ಎದ್ಕೊನಿಯೆರ್. ಬೊಕ್ಕ ಕಟೀಲ್ ದುರ್ಗಾಪರಮೇಶ್ವರಿ ದೇವಿಗ್ ಇಸೇಸ ಪೂಜೆ ಸಂದಾಯಿನ ಸಿಎಂ ಶ್ರೀ ದೇವಿನ ದರ್ಶನ ಪಡೆಯೆರ್.

ಬೊಕ್ಕ ಪ್ರಾರ್ತನೆ ಮಲ್ತ್ ದ್ ಪ್ರಸಾದ ಕೊರ್ದು ಆಶೀರ್ವಾದ ಮಲ್ತಿನ ಆಸ್ರಣ್ಣ ಮೇರ್ ಮಲ್ಲಿಗೆದ ಮಾಲೆ ಪಾಡ್ದ್, ಶಾಲ್ ಪೊದೆಪಾದ್ ಮಾನಾದಿಗೆ ಮಲ್ತೆರ್. ಬೊಕ್ಕ ದೇವಲ್ಯಡೇ ಅನ್ನಪ್ರಸಾದ ಸ್ವೀಕಾರ ಮಲ್ತೆರ್. ಈ ಪೊರ್ತುಡು ಬೆದ್ರ ಕ್ಷೇತ್ರದ ಅಭ್ಯರ್ಥಿ ಉಮಾನಾಥ್ ಕೋಟ್ಯಾನ್ ಒಟ್ಟಿಗೆ ಇತ್ತೆರ್.

CM Basavaraj Bommai visits Kateel Shri Durgaparameshwari temple

Mangalore The CM Basavaraj Bommai visited Kateel Shri Durgaparameshwari temple with his family and took dharshan of the Goddess. Before this he had visited the Kollur Shri Mookambika temple.

The third list of candidates of the BJP to be released today? ಇನಿಯೇ ಬಿಜೆಪಿ ಅಭ್ಯರ್ಥಿಲೆನ ಮೂಜಿನೇ ಪಟ್ಟಿ ಬುಡುಗಡೆ?

ವಿಧಾನಸಭೆ ವೋಟುಗು ಬಿಜೆಪಿರ್ದ್ ಬಾಕಿ ಒರಿನ 12 ಕ್ಷೇತ್ರದ ಅಭ್ಯರ್ಥಿಲೆನ ಪುದರ್ ನ್ ಇನಿಯೇ ಘೋಷಣೆ ಮಲ್ಪುನ ಅಂದಾಜಿ ಉಂಡು ಪಂದ್ ವರದಿ ಆತ್ಂಡ್.

ಅಂಗಾರೆ ಬಿಜೆಪಿ ಬುಡುಗಡೆ ಮಲ್ತಿನ ಸುರುತ್ತ ಪಟ್ಟಿಡ್ 189 ಅಭ್ಯರ್ಥಿಲು, ಬುಧಾರ ಬುಡುಗಡೆ ಮಲ್ತಿನ ರಡ್ಡನೇ ಪಟ್ಟಿಡ್ 23 ಅಭ್ಯರ್ಥಿಲೆನ ಪುದರ್ ಇತ್ತ್ಂಡ್. ನನ ಬಾಕಿ ಒರಿನ 12 ದ ಪಟ್ಟಿ ಬುಡುಗಡೆ ಆವೊಡಾತೆ. ಮಾಜಿ ಸಿಎಂ ಜಗದೀಶ್ ಶೆಟ್ಟರ್, ಮಾಜಿ ಸಚಿವೆರ್ ಅರವಿಂದ ಲಿಂಬಾವಳಿ ಸೇರಿನಂಚನೆ ಪ್ರಮುಖ ನಾಯಕೆರೆಗ್ ಟಿಕೆಟ್ ತಿಕ್ಕುಂಡಾ ಪಂದ್ ನನ ತೆರಿದ್ ಬರೊಡಾತೆ.

The third list of candidates of the BJP to be released today?

The third list of candidates of the upcoming Vidhana Sabha elections is likely to be released today said sources.

The first list of 189 candidates names was released on Tuesday and the second list of 23 candidates was named. Remaining 12 names is likely to be announced shortly.

April 14th – 21st: Annual Jatra celebration at Kateel Shri Durgaparameshwari temple ಎ.14-21: ಕಟೀಲ್ ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯಡ್ ವರ್ಷಾಧಿದ ಜಾತ್ರೆ

ಮುಲ್ಕಿ: ಕಟೀಲ್ ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯಡ್ ವರ್ಷಾವಧಿ ಉಚ್ಚಯ ಎ.14-21 ಮುಟ್ಟ ನಡಪರೆ ಉಂಡು.

ಎ.13 ಕ್ಕ್ ರಾತ್ರೆ ದೊಡ್ಡರಂಗ ಪೂಜೆ, ಅಂಕುರಾರೋಹಣ ನಡಪರೆ ಉಂಡು.

ಎ.14 ಕ್ಕ್ ಪಗೆಲ್ ಡ್ ಕೊಡಿ ಏರುಂಡು. ಬಯ್ಯಗ್ ನೃತ್ಯ ವಿದ್ಯಾನಿಲಯ, ವಿದುಷಿ ಸಂಧ್ಯಾ ಕೇಶವ ರಾವ್ ಬೆಂಗ್ಲೂರ್ ಮೊಕ್ಲೆರ್ದ್ ಭರತನಾಟ್ಯ, ರಾತ್ರೆ ಉಚ್ಚಯ ಬಲಿ ನಡಪರೆ ಉಂಡು.

ಎ.15 ಕ್ಕ್ ಕಾಂಡೆ ಯುಗಾದಿ ತುಡರ್ ಬಲಿ, ಬಯ್ಯಗ್ ಸಂಗೀತಾ ಬಾಲಚಂದ್ರ, ಗುರುರಾಜ ರಾವ್ ಕೂಟದಕ್ಲೆರ್ದ್ ಗಾನಾರ್ಚನೆ ಬೊಕ್ಕ ಶ್ರೀದೇವೀ ನೃತ್ಯರಾಧನಾ ಕಲಾಕೇಂದ್ರ ಪುತ್ತೂರ್ ಮೊಕ್ಲೆರ್ದ್ ಭರತನಾಟ್ಯ, ರಾತ್ರೆ ಉಚ್ಚಯ ಬಲಿ, ಪಂಚಾಂಗ ಪಠಣ ನಡಪರೆ ಉಂಡು.

ಎ.16 ಕ್ಕ್ ಬಯ್ಯಗ್ ಆರ್. ಎಂ. ಸುಮಂತ ವಶಿಷ್ಟ ಮೈಸೂರ್ ಮೆರೆರ್ದ್, ವಶಿಷ್ಟಗಾನ-ಭಕ್ತಿಸಂಗೀತ
ರಾತ್ರೆ ಉಚ್ಚಯ ಬಲಿ, ಮೂಡುಸವಾರಿ ನಡಪರೆ ಉಂಡು.

ಎ.17 ಕ್ಕ್ ಕಾಂಡೆ ತುಡರ್ ಬಲಿ, ಬಯ್ಯಗ್ ವಿದುಷಿ ಭವ್ಯಾ ರವಿರಾಜ್ ಬಳಗ, ಬೆಂಗ್ಲೂರ್ ಮೊಕ್ಲೆರ್ದ್ ಭರತನಾಟ್ಯ ಕಲಾಶಿವಾರ್ಪಣಂ, ಬೊಕ್ಕ ವಿದುಷಿ ಅಯನಾ ರಮಣ್‌ ಬೆದ್ರ, ವಿದ್ವಾನ್ ಮಂಜುನಾಥ ಎನ್, ಪುತ್ತೂರ್ ಮೊಕ್ಲೆರ್ದ್ ನಾಟ್ಯಾಯನ ಯುಗಳ ನೃತ್ಯ, ರಾತ್ರೆ ಉಚ್ಚಯ ಬಲಿ ನಡಪರೆ ಉಂಡು.

ಎ.18 ಕ್ಕ್ ಪಗೆಲ್ ಡ್ ಭ್ರಾಮರೀವನಟ್ಟ್ ಪ್ರತಿಷ್ಠಾ ವರ್ಧಂತಿ, ಬಯ್ಯಗ್ ವಿದುಷಿ ವಾಣಿ ಸತೀಶ್ ರಾವ್, ಶ್ರೀ ವಿಶ್ವೇತ ಸಂಗೀತ ಶಾಲೆ ಎಲ್ಲೂರ್ ಮೆರೆರ್ದ್ ದೇವೀಸ್ತುತಿ, ಬೊಕ್ಕ ಹಂಸಿಕಾ ಮೆಲೋಡಿಸ್, ಡಾ. ಸುಶೀಲಾ ರಾವ್ ಬೆಂಗ್ಲೂರ್ ಮೆರೆರ್ದ್, ಗಾನವೈಭವ, ರಾತ್ರೆ ಬೊಳ್ಳಿ ತೇರ್ ಉಚ್ಚಯ, ಉಚ್ಚಯ ಬಲಿ ನಡಪರೆ ಉಂಡು.

ಎ.19 ಕ್ಕ್ ಪಗೆಲ್ ಡ್ ಬ್ರಹ್ಮಸನ್ನಿಧಿಡ್ ಪರ್ವ, ಬಯ್ಯಗ್ ಭರತನಾಟ್ಯ ನೃತ್ಯ ಸುಧಾ ಸಂಸ್ಥೆ ವಿದುಷಿ ಸೌಮ್ಯ ಸುಧೀಂದ್ರ ರಾವ್ ಕುಡ್ಲಡ್ ಮೆರೆರ್ದ್, ದುರ್ಗಾ ಸ್ವಾತಿ ನೃತ್ಯಾಲಯ ಅಸೈಗೋಳಿ ಮೊಕ್ಲೆರ್ದ್ ಶ್ರೀರಾಮದರ್ಶನಂ ನೃತ್ಯರೂಪಕ, ರಾತ್ರೆ ಉಚ್ಚಯ ಬಲಿ, ಪಡುಸವಾರಿ ನಡಪರೆ ಉಂಡು.

ಎ.20 ಕ್ಕ್ ಪಗೆಲ್ ಡ್ ಮಲ್ಲ ತೇರ್ ಉಚ್ಚಯ, ಬಯ್ಯಗ್ ಶ್ರೀದುರ್ಗಾ ಜೋಕುಲೆನ ಮೇಳ ಕಟೀಲ್ ಮೊಕ್ಲೆರ್ದ್ ಆಟ, ರಾತ್ರೆ ಉಚ್ಚಯ ಬಲಿ, ಶ್ರೀಭೂತಬಲಿ, ಶಯನ ನಡಪರೆ ಉಂಡು.

ಎ.21 ಕ್ಕ್ ಪಗೆಲ್ ಡ್ ಕವಾಟ ಉದಿಪನ, ಬಯ್ಯಗ್ ಗಾನನೃತ್ಯ ಅಕಾಡಮಿ ವಿದ್ಯಾಶ್ರೀ ರಾಧಾಕೃಷ್ಣ ಬೊಕ್ಕ ಕೂಟ ಕುಡ್ಲ ಮೊಕ್ಲೆರ್ದ್ ನೃತ್ಯಾರ್ಚನೆ, ಬೊಕ್ಕ ಇಡೀ ರಾತ್ರೆ ಅನನ್ಯ ಉಚ್ಚಯ,(ಆರಾಟ), ನಡಪರೆ ಉಂಡು.

ಅಂಚೆನೆ ಉಚ್ಚಯದ ಮತ ದಿನಟ್ಟ್ ಪಲಕ್ಕಿ ಉಚ್ಚಯ ಬೊಕ್ಕ ಬಂಗಾರ್ ದ ತೇರ್ ಒಯಿಪೆರೆ ಉಂಡು ಪಂದ್ ದೇವಲ್ಯದ ಆಡಳಿತ ಸಮಿತಿದ ಅಧ್ಯಕ್ಷೆರ್, ಅನುವಂಶಿಕ ಮೊಕ್ತೇಸರೆರ್ ಸನತ್ ಕುಮಾರ್ ಶೆಟ್ಟಿ ಕೊಡೆತ್ತೂರು ಗುತ್ತು, ವಾಸುದೇವ ಅಸ್ರಣ್ಣ, ತಂತ್ರಿಲು, ಬೊಕ್ಕ ಅತ್ತೂರ್, ಕೊಡೆತ್ತೂರ್ ಭಕ್ತಾದಿಲು ಪ್ರಕಟಣೆಡ್ ತೆರಿಪಾದೆರ್.

April 14th – 21st: Annual Jatra celebration at Kateel Shri Durgaparameshwari temple

The annual Jatra at Shri Durga parameshwari temple Kateel will be held from April 14 th to the 21st.

Awareness program for voters on Radio Manipal ರೇಡಿಯೊ ಮಣಿಪಾಲ್ ಡ್ ಮತದಾನ ಜಾಗೃತಿ ಲೇಸ್

ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz ಡ್ ಮತದಾನ ಜಾಗೃತಿ ಲೇಸ್ (ಇನಿ) ಎ.13 ಕ್ಕ್ ಗುರುವಾರ ಬಯ್ಯಗ್ 4.15 ಕ್ಕ್ ಪ್ರಸಾರ ಆಪುಂಡು.

ಈ ಲೇಸ್ ಡ್ ಕೋಡಿಬೆಂಗ್ರೆದ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆದ ಸಹಶಿಕ್ಷಕಿ ಜಯಲಕ್ಷ್ಮಿ ಸತೀಶ್ ಪಾಲ್ ಪಡೆಯೆರೆ ಉಲ್ಲೆರ್. ನನ ಎ.14 ಕ್ಕ್ ಮಧ್ಯಾಹ್ನ 12.15ಕ್ಕ್ ಕುಡೊರ ಪ್ರಸಾರ ಆಪುಂಡು.

Aditya Mukkaldi, Kandevu Boodu honoured ; Annual Jatra invitation released ಕಂಡೇವುದ ಬೂಡು ಆದಿತ್ಯ ಮುಕ್ಕಾಲ್ದಿ ಮೆರೆನ ಅಭಿನಂದನೆ, ವಾರ್ಷಿಕ ಜಾತ್ರೆದ ಲೆಪ್ಪೋಲೆ ಬುಡುಗಡೆ

ಸುರತ್ಕಲ್: ಚೇಳಾಯರು ಕಂಡಿಗೆ ಶ್ರೀ ಧರ್ಮರಸು ಉಳ್ಳಾಯ ಕ್ಷೇತ್ರದ ಗಡಿಪ್ರಧಾನೆರಾಯಿನ ಆದಿತ್ಯ ಮುಕ್ಕಾಲ್ದಿ ಮೆರೆನ ಸಾರ್ವಜನಿಕ ಅಭಿನಂದನಾ ಲೇಸ್ ಬೊಕ್ಕ ವಾರ್ಷಿಕ ಜಾತ್ರೆದ ಲೆಪ್ಪೋಲೆ ಬುಡುಗಡೆ ಲೇಸ್ ಶ್ರೀ ಕ್ಷೇತ್ರ ಕಂಡಿಗೆಡ್ ನಡತ್ಂಡ್.

ಲೆಪ್ಪೋಲೆನ್ ಬುಡುಗಡೆ ಮಲ್ತ್ ದ್, ಆಶೀರ್ವಚನ ಕೊರ್ದು, ಗುರುಪುರ ವಜ್ರದೇಹಿ ಮಠತ್ತ ಶ್ರೀ ರಾಜಶೇಖರಾನಂದ ಸ್ವಾಮೀಜಿ ಪಾತೆರ್ದ್, “ಎರ್ಮಾಳ್ ಜಪ್ಪು ಕಂಡೇವು ಅಡೆಪು ಪನ್ಪುನ ಜಗತ್ತ್ ಪುಗರ್ತೆದ ಪಾತೆರ. ಕಂಡೇವು ಕ್ಷೇತ್ರಡ್ ನಡಪರೆ ಇಪ್ಪುನ ಗಡಿ ಪ್ರಧಾನೆರಾಯಿನ ಆದಿತ್ಯ ಮುಕ್ಕಾಲ್ದಿ ಮೆರೆನ ಸಾರ್ವಜನಿಕ ಅಭಿನಂದನಾ ಲೇಸ್ ಆರೆನ ಆದರ್ಶ ವ್ಯಕ್ತಿತ್ವ, ಸತ್ಯ ಧರ್ಮದ ನಡವಳಿಕೆಗ್ ತಿಕಿನ ಗೌರವ. ಮೆರೆನ ಕಾಲಡ್ ನಮ ಮತ ಉಲ್ಲ ಪನ್ಪುನವೇ ನಮ್ಮ ಮತೆರ್ನಾಲ ಯೋಗ್ಯತೆ. ದೈವಾರಾಧನೆ ತುಳುನಾಡ್ ಡ್ ಉಂಡು‌. ಮುಲ್ಪದ ಸುಮಾರ್ ಜನ ಪೆರಿಯೆರ್ ದೈವಾಂಶ ಸಂಭೂತೆರಾಯಿನ ಉದಾಹರಣೆಲ ಉಂಡು. ಇಂಚ ಇಪ್ಪುನಗ ಧರ್ಮರಸು ಕ್ಷೇತ್ರಡ್ ಗಡಿಪ್ರಧಾನೆರೆಗ್ ಅಭಿನಂದನೆ ಸಂದಾಯೆರೆ ಉಳ್ಳಾಯಗ್ ಅಭಿನಂದನೆ ಸಂದಾಯಿಲೆಕ್ಕ ಆಪುಂಡು. ಈ ಲೇಸ್ ಪೊರ್ಲುಡೇ ನಡಪಾಡ್” ಪಂದ್ ಪಂಡೆರ್.

ಬೊಕ್ಕ ಪಾಂಡುರಂಗ ಪ್ರಭು ಪಾತೆರ್ದ್, “ಗಡಿಪ್ರಧಾನೆರೆನ ಅಭಿನಂದನಾ ಲೇಸ್ ಶ್ರೀ ಕ್ಷೇತ್ರದ ವಾರ್ಷಿಕ ಉಚ್ಚಯಡ್ ಕ್ಷೇತ್ರದ ಭಕ್ತೆರ್, ಊರುದಕುಲು ಪಾಲ್ ಪಡೆದ್ ಲೇಸ್ ನ್ ಕಾರ್ಯಕ್ರಮವನ್ನು ಯಶಸ್ವಿ ಮಲ್ಪೊಡು” ಪಂದ್ ಪಂಡೆರ್.

ಗಡಿಪ್ರಧಾನೆರಾಯಿನ ಆದಿತ್ಯ ಮುಕ್ಕಾಲ್ದಿ ಮೇರ್ ಪಾತೆರ್ದ್, “ಎಂಕ್ ತಮ್ಮನ ಮುಖ್ಯ ಅತ್ತ್. ಜನಕುಲು ತೂಪಾವೊಂದು ಇಪ್ಪುನ ಪ್ರೀತಿ ವಿಶ್ವಾಸನೇ ನಿಜವಾಯಿನ ತಮ್ಮನ. ನೆಕ್ಕಾದ್ ಯಾನ್ ಅಭಾರಿ ಅತೆ. 30 ವರ್ಷೊದಿಂಚ ಶ್ರೀ ಕ್ಷೇತ್ರಡ್ ಸೇವೆ ಸಂದಾವೊಂದು ಉಲ್ಲೆ. ನನ ನಡಪರೆ ಇಪ್ಪುನ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಸಹಕಾರ ಮಲ್ಪೊಡು ಪಂದ್ ಪಂಡೆರ್.

ಅಭಿನಂದನಾ ಸಮಿತಿದ ಅಧ್ಯಕ್ಷೆರ್ ಪಣಿಯೂರುಗುತ್ತು ಕರುಣಾಕರ ಶೆಟ್ಟಿ ಸಭಾಧ್ಯಕ್ಷತೆನ್ ಒಯಿಸೊಂದು ಪಾತೆರ್ದ್, “ಶ್ರೀ ಕ್ಷೇತ್ರಡ್ ನಡಪುನ ಲೇಸ್ ಲೆಗ್ ಅಧ್ಯಕ್ಷೆರೆ ತಾನಡ್ ಯಾನ್ ಇತ್ಂಡಲ, ಭಕ್ತೆರ್, ಊರುದಕುಲು ಸಹಕಾರ ಕೊರ್ಂಡ ಮಾತ್ರ ಸಂಪೂರ್ಣ ಯಶಸ್ಸ್ ಅಪುಂಡು. ನಮ ಮತ ಮೇ 12 ಕ್ಕ್ ನಡಪುನ ಲೇಸ್ ಡ್ ಒಗ್ಗಟ್ಟಾದ್ ಪಾಲ್ ಪಡೆಕ್ಕ” ಪಂದ್ ಪಂಡೆರ್.

ಈ ಪೊರ್ತುಡು ಚಾವಡಿಡ್ ಆಡಳಿತ ಮಂಡಳಿ ಅಧ್ಯಕ್ಷೆರ್ ದಯಾನಂದ ಶೆಟ್ಟಿ ಕಂಡೆವು ಬೂಡು, ವೇದಮೂರ್ತಿ ರಂಗನಾಥ ಭಟ್ ಹಳೆಯಂಗಡಿ, ಸತ್ಯನಾರಾಯಣ ಭಟ್, ನಡಿಬೊಟ್ಟು ಗುತ್ತಿನಾರ್ ಸುಧಾಕರ್ ಶೆಟ್ಟಿ, ಸುರತ್ಕಲ್ ಬಂಟರ ಸಂಘದ ಅಧ್ಯಕ್ಷೆರ್ ಸುಧಾಕರ ಪೂಂಜ, ಕಾಂತು ಲಕ್ಕಣ ಗುರಿಕಾರೆರ್ ಇತ್ತೆರ್.

ಉದಯ್ ಕುಮಾರ್ ಶೆಟ್ಟಿ ಪ್ರಾಸ್ತಾವಿಕ ಪಾತೆರ್ದ್, ಬಿನ್ನೆರೆನ್ ಎದ್ಕೊನಿಯೆರ್. ಸುರೇಶ್ ಶೆಟ್ಟಿ ಲೇಸ್ ದ ಸುಧಾರಿಕೆ ಮಲ್ತೆರ್. ಸುಧಾಕರ್ ಶೆಟ್ಟಿ ಖಂಡಿಗೆ ಸೊಲ್ಮೆ ಸಂದಾಯೆರ್.

Hexa laboratory inaugrated at Karnad, Mulki ಮುಲ್ಕಿ-ಕಾರ್ನಾಡ್ ಡ್ ಹೆಕ್ಸಾ ಲ್ಯಾಬ್ ಉದಿಪನ

ಮುಲ್ಕಿ: ಕಾರ್ನಾಡ್ ಪೇಂಟೆಡ್ ನೆತ್ತೆರ್ ಪರೀಕ್ಷೆ ಕೇಂದ್ರ ಉದಿಪನ ಆತ್ಂಡ್.

ನೆತ್ತ ಉದಿಪನನ್ ವೆಂಕಟೇಶ್ವರ ಭಟ್ ಮೇರ್ ರಿಬ್ಬನ್ ಕಟ್ ಮಲ್ಪುನ ಮುಖೇನ ಮಲ್ತೆರ್. ಬೊಕ್ಕ ಪುದರ್ ಪಲವೆಡ್ ತುಲುಲಿಪಿ ಗಲಸ್‌ದ್ ತುಲು ಲಿಪಿತ ಬುಲೆಚ್ಚಿಲ್‌ಗ್ ಬೆರಿಬಲ ಕೊರ್ದ್, ಬತ್ತಿ ಬಿನ್ನೆ‌ರೆಗ್ ತುಲು ಲಿಪಿ ಇಪ್ಪುನ ಶಾಲ್ ಪಾಡ್ದ್ ಎದ್ಕೊಂಡೆರ್. ಉದ್ಯಮಿ ಸದಾನಂದ ಶೆಟ್ಟಿ ಮೇರ್ ತುಡರ್ ಅರ್ಲಾಯೆರ್. ಕಾಂಗ್ರೆಸ್ ಮುಖಂಡೆರ್ ಮಿಥುನ್ ರೈ ಈ ಲೇಸ್ ಡ್ ಪಾಲ್ ಪಡೆದ್ ಎಡ್ಡೆಪ್ಪು ಬಯಕಿಯೆರ್.

ಈ ಪೊರ್ತುಡು ಹೆಕ್ಸಾ ಲ್ಯಾಬ್‌ದ ಮಾಲಕೆರ್ ಮಹೇಶ್ ಕುಲಾಲ್, ಪ್ರೀತೇಶ್ ಫೆರ್ನಾಂಡಿಸ್, ವೆಂಕಟೇಶ್ವರ ಕೆ.ಸಿ, ಸಿಬ್ಬಂದಿ ಕುಮಾರಿ ಪ್ರಜ್ಞಾ, ಡಿಸ್ಟ್ರಿಬ್ಯೂಟರ್ ಅಜಿತ್ ಕುಮಾರ್ ಬೆನಕ, ಜೈ ತುಲುನಾಡ್ (ರಿ.) ಸಂಘಟನೆದ ಒತ್ತುಗುರ್ಕಾರೆ ವಿಶು. ಶ್ರೀಕೇರ, ಸ್ಥಾಪಕ ಸಮಿತಿದ ಸದಸ್ಯೆರ್ ಕಿರಣ್ ತುಲುವೆ, ಶೇಖರ್ ಶ್ರೀಗಂಗೆ ಇತ್ತೆರ್.

Hexa laboratory inaugrated at Karnad, Mulki

Mulki: A new laboratory for blood testing and other allied tests was inaugurated at Karnad, Mulki.

The Hexa lab was inaugurated by Venkateshwar Bhat and enterpreneur Sadanand Shetty lit the lamp .

A name plate in Tulu script was put up to encourage Tulu language and shawls with Tulu language alphabets was donned on the guests to honour them. The owner of the lab Mahesh Kulal welcomed the guests.

Temperature to soar up in the state!! ರಾಜ್ಯಡ್ ಎಚ್ಚಾಯೆರೆ ಉಂಡು ದೊಂಬುದ ಬಿರ್ಸ್

ರಾಜ್ಯಡ್ ದೊಂಬುದ ಬಿರ್ಸ್ ಎಚ್ಚಾವೊಂದು ಉಂಡು.

ಎಪ್ರಿಲ್ ಮೂಜಿನೇ ವಾರಡ್ ಎಚ್ಚದ ಬಿರ್ಸ್ ದಾಖಲ್ ಆತ್ಂಡ್. ನನದ ರಡ್ಡ್ ದಿನ ತುಳುನಾಡ್ ಡ್ 3 ಡಿಗ್ರಿ ಸೆ. ಬೊಕ್ಕ ಒಳನಾಡ್ ದ ಕೆಲವು ಕಡೆಟ್ 2 ಡಿಗ್ರಿ ಸೆ. ಬಿರ್ಸ್ ಎಚ್ಚಾಪುನ ಅಂದಾಜಿ ಉಂಡು ಪಂದ್ ಹವಾಮಾನ ಇಲಾಖೆ ಎಚ್ಚರಿಕೆ ಕೊರ್ತುಂಡು. ರಾಜ್ಯಡೇ ಎಚ್ಚ ಬಿರ್ಸ್ ಕಲಬುರಗಿಡ್ 40.6 ದಾತ್ ಡಿ.ಸೆ ದಾಖಲ್ ಆತ್ಂಡ್ ಪಂದ್ ವರದಿ ಆತ್ಂಡ್.

Temperature to soar up in the state!!

The temperature in the state is increasing by the day

April has recorded higher temperature and is likely to increase by two degrees Celsius in the coming days informed the weather forecast. The highest temperature in the state was recorded in Gulbarga with temperature touching 40.6 degrees Celsius.