ಬಂಟ್ವಾಳ: ಜೈ ತುಲುನಾಡ್ (ರಿ.) ಬಂಟ್ವಾಳ ಎಗ್ಗೆರ್ದ್ ವಿಶ್ವ ತುಳು ಲಿಪಿ ದಿನೊ ಲೇಸ್ ಐತಾರ ಅಕ್ಟೋಬರ್ 11 ತಾನಿ ಮದ್ಯಾನ 3:00 ಗಂಟೆಗ್ ಅಮ್ಟೂರು ಕಟ್ಟೆಮಾರ್ ಶ್ರೀ ಮಂತ್ರದೇವತೆ ಕ್ಷೇತ್ರ ಸಾನಿಧ್ಯಡ್ ನಡತ್ಂಡ್.
ದಿವಂಗತ ಡಾ. ಪುಂಡೂರು ವೆಂಕಟರಾಜ ಪುಣಿಂಚಿತ್ತಾಯರೆನ ಭಾವಚಿತ್ರೊಗು ಪುರ್ಪ ಪಾಡ್ದ್ ನುಡಿಪುರ್ಪ ಸಂದೈತ ಮಲ್ತೆರ್.
ತುಲುಕು ಲಿಪಿ ಉಂಡು ಪಂದ್ ಲೋಕೊಗು ತೆರಿಪಾದ್ ಕೊರಿನ ಪೆರ್ಮೆದ ತುಳುವ ವಿದ್ವಾಂಸೆರಾಯಿನ ದಿವಂಗತ ಡಾ. ಪುಂಡೂರು ವೆಂಕಟರಾಜ ಪುಣಿಂಚಿತ್ತಾಯರೆನ ಪುಟ್ಟುದಿನ ದಿನೊತ ನೆಂಪುಗು ವಿಶ್ವ ತುಳು ಲಿಪಿ ದಿನೊ ಪಂದ್ ಆಚರಿಪುವ ಪಂದ್ ಜೈ ತುಲುನಾಡ್ (ರಿ.) ಬಂಟ್ವಾಳ ಎಗ್ಗೆದ ಗುರ್ಕಾರ್ಲು ಕಿಶೋರ್ ಪೂಜಾರಿ ಮುಂಡ್ಲಿ ಪಂಡೆರ್.
ಲೇಸ್ ದ ಗುರ್ಕಾರ್ಮೆನ್ ಕಟ್ಟೆಮಾರ್ ಶ್ರೀ ಮಂತ್ರದೇವತೆ ಕ್ಷೇತ್ರ ಸಾನಿಧ್ಯ ದ ಧರ್ಮದರ್ಶಿಲು ಮನೋಜ್ ಕುಮಾರ್ ಕಟ್ಟೆಮಾರ್ ವೈಸೊಂದಿತ್ತೆರ್.
ಈ ಪೊರ್ತುಡು ಆಟೊರಿಕ್ಷಾಡ್ ಮಿನಿ ಗ್ರಂಥಾಲಯ ಮಲ್ತ್ ದ್ ಪುಗಾರ್ತೆ ಪಡೆಯಿನ ಬಂಟ್ವಾಳದ ನೀರಪಾದೆದ ಸುಶಾನ್ ಮೆರ್ಲ ಮೇರೆಗ್ ಗೌರವ ಮಲ್ತೆರ್.
ಈ ಪೊರ್ತುಡು ಲೇಲೇಲೆಗ ಸಾಂಸ್ಕೃತಿಕ ಕೂಟದ ಗುರ್ಕಾರ್ದಿ ಪೂರ್ಣಿಮಾ ಬಂಟ್ವಾಳ, ಬಂಟ್ವಾಳ ಎಗ್ಗೆದ ಒತ್ತುಗುರ್ಕಾರೆ
ಪ್ರತೀಕ್ ತುಳುವೆ, ಬಂಟ್ವಾಳ ಎಗ್ಗೆ ಒತ್ತು ಸಂಘಟನಾ ಕಾರ್ಯಂತೆರ್
ತ್ರಿಶಾಲಿ ಕುಲಾಲ್ ನಾವೂರ, ಬಂಟ್ವಾಳ ಎಗ್ಗೆ ದ ಒತ್ತು ಸಂಘಟನಾ ಕಾರ್ಯಂತೆರ್ ವಿನ್ಯಾಸ್ ಬಂಟ್ವಾಳ, ಬಂಟ್ವಾಳ ಎಗ್ಗೆದ ಕಾರ್ಯಕಾರಿ ಸಮಿತಿದ ಪದುಕೆರ್ ಮಂಜುನಾಥ ಮಧ್ವ, ಧೀರಜ್ ಬಂಟ್ವಾಳ, ಪದುಕೆರಾಯಿನ ಭೂಮಿಕಾ ಅಂಚನ್ ಬಂಟ್ವಾಳ, ವಿಕಾಸ್ ಕೃಷ್ಣಾಪುರ, ಸುಕಿತ್ ನರಹರಿ ಒತ್ತುಪಾಲಿತ್ತೆರ್.