ಬಜಪೆ: ವಿಶ್ವ ಹಿಂದೂ ಪರಿಷತ್, ಭಜರಂಗದಳ ಶ್ರೀ ರಾಮ ಘಟಕ, ಮಿಜಾರ್ ಕಲ್ಪನೆ ಮೆರೆನ ಮುತಾಲಿಕೆಡ್ ಸಾರ್ವಜನಿಕ ಗೋಪೂಜೆ ಇನಿ ಬಯ್ಯಗ್ ಕಲ್ಪನೆ ಮೈದಾನಡ್ ನಡತ್ಂಡ್.
ಲೇಸ್ ಡ್ ಕುಡ್ಲ ಉತ್ತರ ವಿಧಾನಸಭಾ ಕ್ಷೇತ್ರದ ಶಾಸಕೆರ್ ಡಾ.ವೈ ಭರತ್ ಶೆಟ್ಟಿ ಮೇರ್ ಪಾಲ್ ಪಡೆದ್ ಗೋ ಪೂಜೆ ಬೊಕ್ಕ ಭಾರತ ಮಾತೆಗ್ ಪುಷ್ಪಾರ್ಚನೆ ಮಲ್ತೆರ್.
ಈ ಪೊರ್ತುಡು ವಿಶ್ವ ಹಿಂದೂ ಪರಿಷತ್ ಕುಡ್ಲ ಜಿಲ್ಲಾ ಕಾರ್ಯದರ್ಶಿ ಶಿವಾನಂದ್ ಮೆಂಡನ್, ವಿಶ್ವ ಹಿಂದೂ ಪರಿಷತ್ ಭಜರಂಗದಳದ ಕಾರ್ಯಕರ್ತೆರ್ ಬೊಕ್ಕ ಹಿಂದೂ ಬಾಂಧವೆರ್ ಪಾಲ್ ಪಡೆದಿತ್ತೆರ್.
ಮಹಾರಾಷ್ಟ್ರದ ಹಿಂಗೋಲಿಡ್ 3.5 ಬಿರ್ಸ್ ದ ಭೂಕಂಪ ಆತ್ಂಡ್.
ಆಂಡ ನೆರ್ದ್, ಒವ್ವೇ ಪ್ರಾಣ ತೊಂದರೆ, ಆಸ್ತಿಪಾಸ್ತಿ ನಷ್ಟ ಆಯಿನ ಬಗೆಟ್ಟ್ ದಾಲ ಪೊಲಬು ಗೊತ್ತಾತಿಜಿ. ಮಹಾರಾಷ್ಟ್ರದ ಈ ಪ್ರದೇಶಡ್ ಕೆಲವು ದಿನೊರ್ದಿಂಚ ಏಪಲ ಭೂಕಂಪದ ಅನುಭವ ಆತ್ಂಡ್.
ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz ಡ್ ಯೋಗ ಸುಯೋಗ ಸರಣಿ ಲೇಸ್ ದ 34 ನೇ ಸಂಚಿಕೆ ನ.20 ಸೋಮಾರ ಬಯ್ಯಗ್ 4.15 ಕ್ಕ್ ಪ್ರಸಾರ ಆಪುಂಡು.
ಈ ಲೇಸ್ ಡ್ ಒಡಿಪು ಚಿಟ್ಪಾಡಿದ ಶ್ರೀ ಗುರುಕೃಪಾ
ಯೋಗ ವಿದ್ಯಾ ಪ್ರತಿಷ್ಠಾನಡ್ ಯೋಗ ಶಿಕ್ಷಕೆರಾಯಿನ ಆರ್ ಶಿವಕುಮಾರ್ ಪಾಲ್ ಪಡೆಯೆರೆ ಉಲ್ಲೆರ್. ನ.21 ಕ್ಕ್ ಮಧ್ಯಾಹ್ನ 12.15 ಕ್ಕ್ ಕುಡೊರ ಪ್ರಸಾರ ಆಪುಂಡು. ಈ ಲೇಸ್ ನ್ ರೇಡಿಯೊ ಮಾತ್ರ ಅತ್ತಂದೆ ಆಂಡ್ರಾಯ್ಡ್ ಫೋನ್ ಬೊಕ್ಕ ಐಫೋನ್ ಡ್ ರೇಡಿಯೋ ಮಣಿಪಾಲ್ ಆಫ್ ಡೌನ್ಲೋಡ್ ಮಲ್ತ್ ದ್ ಕೇನೊಲಿ ಪಂದ್ ರೇಡಿಯೊ ಮಣಿಪಾಲ್ ಸಮುದಾಯ ಬಾನುಲಿ ಕೇಂದ್ರದ ಪ್ರಕಟಣೆ ತೆರಿಪಾದ್ಂಡ್.
ಬ್ರಿಟನ್: ಮಕಲನ್ ಕಂಪನಿ ತಯಾರ್ ಮಲ್ತಿನ ಸಿಂಗಲ್ ಮಾಲ್ಟ್ ವಿಸ್ಕಿ 22 ಕೋಟಿ ರೂ.ಗ್ ಮಾರಾಟ ಆದ್ ದಾಖಲೆ ನಿರ್ಮಾಣ ಆಂಡ್.
ಲಂಡನ್ ಡ್ ಇಪ್ಪುನ ಪುಗರ್ತೆದ ಅಂತಾರಾಷ್ಟ್ರೀಯ ಎಲಂ ಸಂಸ್ಥೆ ಸೋಥೆಬೈಸ್ ನಡಪಾಯಿನ ಎಲಂಡ್ ಮಕಲನ್ ಕಂಪನಿ ತಯಾರ್ ಮಲ್ತಿನ ಸಿಂಗಲ್ ಮಾಲ್ಟ್ ವಿಸ್ಕಿ 22 ಕೋಟಿ ರೂ.ಗ್ ಮಾರಾಟ ಆದ್ ದಾಖಲೆ ನಿರ್ಮಾಣ ಮಲ್ದ್ಂಡ್.
ಸೋಥೆಬೈಸ್ಡ್ ವಿಸ್ಕಿನ್ ಎಲಂ ದೀದಿತ್ತೆರ್. ಉಂದು 22 ಲಕ್ಷ ಪೌಂಡ್ (22.48 ಕೋಟಿ ರೂ.) ಗ್ ಎಲಂ ಆದ್ ಪೊಸ ದಾಖಲೆ ಬರೆತ್ಂಡ್.
2019 ಟ್ಟ್ ಉಂದುವೇ ಕಂಪನಿ ತಯಾರ್ ಮಲ್ತಿನ ವಿಸ್ಕಿ 15 ಕೋಟಿ ರೂ. ಮಾರಾಟ ಆತ್ಂಡ್. ಆ ದಾಖಲೆನ್ ‘ದಿ ಮಕಲನ್ ಅದಾಮಿ 1926’ ಪುದರ್ ದ ವಿಸ್ಕಿ ಪಿರ ಹಾಕ್ ದ್ಂಡ್. ಮಕಲನ್ ಕಂಪನಿ 1926 ಟ್ಟ್ ಈ ವಿಸ್ಕಿನ್ ತಯಾರ್ ಮಲ್ದ್ಂಡ್. ಅವೆನ್ 60 ವರ್ಷ ಮುಟ್ಟ ಒರಿಪಾದಿತ್ತ್ಂಡ್.
2023 ತ್ತ ವಿಶ್ವಕಪ್ ಪ್ಲೇಯರ್ ಆಫ್ ದಿ ಟೂರ್ನಮೆಂಟ್ ಪ್ರಶಸ್ತಿಗ್ ವಿರಾಟ್ ಕೊಹ್ಲಿ ಪಾತ್ರರಾತೆರ್.
ಒಟ್ಟು 11 ಮ್ಯಾಚ್ ಗೊಬ್ಬಿನ ಕಿಂಗ್ ಕೊಹ್ಲಿ 3 ಶತಕ ಬೊಕ್ಕ 6 ಅರ್ಧಶತಕದ ನೆರವುರ್ದ್ 765 ರನ್ ಮಲ್ದೆರ್. ಇನಿತ್ತ ಫೈನಲ್ ಮ್ಯಾಚ್ ಡ್ 63 ಬಾಲ್ ಡ್ ವಿರಾಟ್ 54 ರನ್ ಮಲ್ದೆರ್. ಬಿಸಿಸಿಐ ಗುರ್ಕಾರೆ ರೋಜರ್ ಬಿನ್ನಿ ಮೇರ್ ಕೊಹ್ಲಿಗ್ ಪ್ಲೇಯರ್ ಆಫ್ ದಿ ಟೂರ್ನಮೆಂಟ್ ಪ್ರಶಸ್ತಿ ಕೊರ್ತೆರ್.
ಮುಲ್ಕಿ: ಪುಗರ್ತೆದ ಮುಲ್ಕಿ ಸೀಮೆದ ಒರ್ಂಬ ಮಾಗಣೆದ ಬಪ್ಪನಾಡು ಶ್ರೀ ದುರ್ಗಾಪರಮೇಶ್ವರೀ ದೇವಲ್ಯದ ಬ್ರಹ್ಮಕಲಶ ಉಚ್ಚಯ ಬೊಕ್ಕ ಜೀರ್ಣೋದ್ದಾರ ಸಮಿತಿದ ಗುರ್ಕಾರೆ ಬಿ.ಎಂ ನಾರಾಯಣ ಶೆಟ್ಟಿ (86) ಹುಷಾರ್ ದಾಂತೆ ಬೆಂಗ್ಲೂರುಡು ಇಪ್ಪುನ ಬಸವೇಶ್ವರ ನಗರದ ತನ್ನ ಇಲ್ಲಲ್ ತೀರ್ ಪೋಯೆರ್.
ಮೇರ್ ಬಪ್ಪನಾಡು ದೇವಲ್ಯದ ಬ್ರಹ್ಮಕಲಶ ಉಚ್ಚಯ ಬೊಕ್ಕ ಜೀರ್ಣೋದ್ಧಾರ ಸಮಿತಿದ ಗುರ್ಕಾರೆಯಾದ್, ದುಂಬುದ ಸಮಿತಿದ ಕಾರ್ಯಾಧ್ಯಕ್ಷೆರಾದ್, ಕೊಡುಗೈ ದಾನಿಯಾದ್ ದೇವಲ್ಯದ ಮಾತ ಅಭಿವೃದ್ಧಿಗ್ ಬೆಂದ್ ದೆರ್.
ಮೆರೆಗ್ ಬೊಡೆದಿ ಬೊಕ್ಕ 2 ಪೊಣ್ಣು ಜೋಕುಲು ಉಲ್ಲೆರ್. ಮೆರೆನ ನಿಧನೊಗು ಬಪ್ಪನಾಡು ಸೀಮೆದ ಅರಸೆರಾಯಿನ ದುಗ್ಗಣ್ಣ ಸಾವಂತೆರ್, ಶಾಸಕೆರ್ ಉಮಾನಾಥ ಕೋಟ್ಯಾನ್, ಮಾಜಿ ಸಚಿವೆರ್ ಅಭಯ ಚಂದ್ರ, ಯುವ ಕಾಂಗ್ರೆಸ್ ನಾಯಕೆ ಮಿಥುನ್ ರೈ, ಧರ್ಮದರ್ಶಿಲು ಡಾ.ಹರಿಕೃಷ್ಣ ಪುನರೂರು, ಪುನರೂರು ಪ್ರತಿಷ್ಠಾನದ ಗುರ್ಕಾರೆ ದೇವಪ್ರಸಾದ್ ಪುನರೂರು, ಮುಲ್ಕಿ ಬಂಟರ ಸಂಘದ ಮಾನಾದಿಗೆದ ಗುರ್ಕಾರೆ ಸಂತೋಷ್ ಕುಮಾರ್ ಹೆಗ್ಡೆ, ಗುರ್ಕಾರೆ ಅಶೋಕ್ ಕುಮಾರ್ ಶೆಟ್ಟಿ, ಮುಲ್ಕಿ ಜಿಎಸ್ಬಿ ಸಭಾದ ಅತುಲ್ ಕುಡ್ವ, ಮುಲ್ಕಿ ಬಿಲ್ಲವ ಸಮಾಜ ಸೇವಾ ಸಂಘದ ಗುರ್ಕಾರೆ ಪ್ರಕಾಶ್ ಸುವರ್ಣ, ಅತಿಕಾರಿಬೆಟ್ಟು ಗ್ರಾಪಂ ಒತ್ತು ಗುರ್ಕಾರೆ ಮನೋಹರ ಕೋಟ್ಯಾನ್, ಸದಸ್ಯೆರ್ ದಯಾನಂದ ಮಟ್ಟು, ಮುಲ್ಕಿ ನ.ಪಂ ಮಾಜಿ ಗುರ್ಕಾರೆ ಸುಭಾಶ್ ಶೆಟ್ಟಿ, ಸದಸ್ಯೆರ್ ಹರ್ಷ ರಾಜ ಶೆಟ್ಟಿ, ಸತೀಶ್ ಅಂಚನ್, ಪುತ್ತು ಬಾವ, ಮುಲ್ಕಿ ನ.ಪಂ.ಮುಖ್ಯಾಧಿಕಾರಿ ಇಂದು ಎಂ, ಮಾಜಿ ಗುರ್ಕಾರೆ ಸುನಿಲ್ ಆಳ್ವ, ಮಾಜಿ ಸದಸ್ಯೆರ್ ಉಮೇಶ್ ಮಾನಂಪಾಡಿ, ಕೆಪಿಸಿಸಿ ಕೋ ಆರ್ಡಿನೇಟರ್ ವಸಂತ್ ಬೆರ್ನಾಡ್, ಮುಲ್ಕಿ ಲಯನ್ಸ್ ಕ್ಲಬ್ ಗುರ್ಕಾರೆ ಶೀತಲ್ ಸುಶೀಲ್, ಡಾ. ಹರಿಶ್ಚಂದ್ರ ಪಿ.ಸಾಲ್ಯಾನ್, ಶಶಿಂದ್ರ ಸಾಲ್ಯಾನ್, ಅರಸು ಕಂಬುಲ ಸಮಿತಿದ ಗುರ್ಕಾರೆ ಕಿರಣ್ ಶೆಟ್ಟಿ ಕೊಲ್ನಾಡು ಗುತ್ತು, ಉದಯಕುಮಾರ್ ಶೆಟ್ಟಿ ಉದ್ಯಮಿ ಶಿವರಾಮ್ ಜಿ ಅಮೀನ್, ಕಿಶೋರ್ ಶೆಟ್ಟಿ ಬಪ್ಪನಾಡು, ಗೌತಮ್ ಜೈನ್ ಮುಲ್ಕಿ ಅರಮನೆ, ಶಂಕರ್ ಪಡಂಗ, ಮುಲ್ಕಿ ಪ್ರೆಸ್ ಕ್ಲಬ್ ಗುರ್ಕಾರೆ ನಿಶಾಂತ್ ಶೆಟ್ಟಿ ಸಂತಾಪ ತೆರಿಪಾದೆರ್.
ಗಾಡಿಲೆಗ್ HSRP ಪ್ಲೇಟ್ ಪಾಡಿಯೆರೆ ಆನ್ ಲೈನ್ ಡೇ ಅವಕಾಶ ಉಂಡು.
http//transport.karnataka.gov.in ಅತ್ತ್ಂಡ www.siam.in ಗ್ ಕ್ಲಿಕ್ ಕೊರ್ದು ಬುಕ್ HSRP ಮಿತ್ತ್ ಕ್ಲಿಕ್ ಮಲ್ಪೊಡು. ನಿಕ್ಲೆನ ಗಾಡಿ ತಯಾರ್ ಮಲ್ಪುನಕ್ಲೆನ್ ಆಯ್ಕೆ ಮಲ್ತ್ ದ್ ಗಾಡಿದ ಮೂಲ ಪೊಲಬುನ್ ಭರ್ತಿ ಮಲ್ಪೊಡು. ಬೊಕ್ಕ ಫೀಸ್ ಲ ಆನ್ ಲೈನ್ ಮುಖೇನನೇ ಪಾವತಿ ಮಲ್ಪೊಲಿ. ಗಾಡಿ ಮಾಲೀಕೆರೆನ ಮೊಬೈಲ್ ಸಂಖ್ಯೆಗ್ ಒಟಿಪಿ ಬರ್ಪುಂಡು. ನಂಬರ್ ಪ್ಲೇಟ್ ಪಾಡಿಯೆರೆ ಜಾಗೆ ಆಯ್ಕೆ ಮಲ್ತ್ಂಡ ಅಕ್ಲೆ ಬತ್ತ್ ದ್ ಫಿಟ್ ಮಲ್ಪುವೆರ್.
ಉತ್ತರ ಚೀನಾದ ಶಾಂಕ್ಸಿ ಪ್ರಾಂತ್ಯಡ್ ತೂ ಪೊತ್ತ್ ದ್ 26 ಜನ ತೀರ್ ಪೋಯಿನ ಘಟನೆ ನಡತ್ ದ್ಂಡ್.
ನೆಟ್ಟ್ 38 ಜನಕ್ಕ್ ಪೆಟ್ಟಾತ್ಂಡ್. ಅಧಿಕಾರಿಲು ಜಾಗೆಗ್ ಬತ್ತ್ ದ್ ರಕ್ಷಣಾ ಕಾರ್ಯಾಚರಣೆ ಮಲ್ತೊಂದು ಉಲ್ಲೆರ್. ಈ ಘಟನೆಗ್ ಕಾರಣ ದಾದ ಪಂದ್ ನನ ತೆರಿದ್ ಬರೊಡಾತೆ.
ದುಬೈ: ಗಡಿನಾಡ ಸಾಹಿತ್ಯ ಸಾಂಸ್ಕೃತಿಕ ಅಕಾಡೆಮಿ (ರಿ.) ಯು.ಎ.ಇ. ಘಟಕ ದುಬೈದ ಮುತಾಲಿಕೆಡ್ ಡಿ.10 ಕ್ಕ್ ದುಬೈಡ್ ನಡಪರೆ ಇಪ್ಪುನ ದುಬೈ ಗಡಿನಾಡ ಉಚ್ಚಯ-2023 ದ ಯಶಸ್ವಿಗ್ ಚರ್ಚೆ ಮಲ್ಪರೆ ನ.15 ಕ್ಕ್ ಸಭೆ ನಡತ್ಂಡ್.
ಗಡಿನಾಡ ಸಾಹಿತ್ಯ ಸಾಂಸ್ಕೃತಿಕ ಅಕಾಡೆಮಿ (ರಿ.) ದುಬೈ ಘಟಕದ ಗುರ್ಕಾರೆ ನ್ಯಾ.ಇಬ್ರಾಹಿಂ ಕಲೀಲ್ ಮೆರೆನ ಸಭಾ ಅಧ್ಯಕ್ಷತೆಡ್ ದುಬೈದ ಬಿಸಿನೆಸ್ ಬೇದ ಬೆ.ಬೈಟ್ಸ್ ರೆಸ್ಟೋರೆಂಟ್ ಡ್ ನಡತ್ಂಡ್.
ಸಭೆಟ್ಟ್ ಗಡಿನಾಡ ಉಚ್ಚಯದ ಯಶಸ್ವಿದ ಬಗೆಟ್ಟ್ ಚರ್ಚೆ ಮಲ್ತೆರ್. ಗಡಿನಾಡ್ ದ ಕಾಸ್ರೋಡು ಜಿಲ್ಲೆರ್ದ್ ಬತ್ತಿನ ಗ.ಸಾ.ಸಾ. ಕಾಸ್ರೋಡುದ ಕೋಶಾಧಿಕಾರಿ ಝಡ್ ಎ.ಕಯ್ಯಾರ ಪಾತೆರ್ದ್, ನನ ನಮ್ಮ ಗಡಿನಾಡ ಉಚ್ಚಯ ಲೇಸ್ ಗ್ ಕೇವಲ ಒಂತೆ ದಿನ ಇಪ್ಪುರ್ನೆದಾವೆರ ಲೇಸ್ ದ ತಯಾರಿ ಆಯಿನಾತ್ ಬೇಗ ಆವೊಡು. ಮಾತೆರೆರ್ನಾಲ ಒಟ್ಟು ಸೇರ್ಸಾದ್ ಒಂಜಿ ಎಡ್ಡೆ ಲೇಸ್ ಮಲ್ಪುನ ಬೊಕ್ಕ ಲೇಸ್ ದ ಯಶಸ್ವಿಗ್ ಯು.ಎ.ಇ.ಡ್ ಇಪ್ಪುನ ಮಾತ ಗಡಿನಾಡ ಕನ್ನಡಿಗೆರ್ ಸಹಕಾರ ಕೊರೊಡು ಪಂದ್ ಬಿನ್ನಾಪು ಮಲ್ತೆರ್.
ಯು ಎ ಇ ಸಂದರ್ಶನಡ್ ಇಪ್ಪುನ ಗಡಿನಾಡ ಸಾಹಿತ್ಯ ಸಾಂಸ್ಕೃತಿಕ ಅಕಾಡೆಮಿ ಮಸ್ಕತ್ ಘಟಕದ ಗುರ್ಕಾರೆ ಅಬೂಬಕರ್ ರೋಯಲ್ ಬೋಲ್ಲಾರ್ ನ್ ದುಬೈ ಘಟಕದ ಮುತಾಲಿಕೆಡ್ ಮೋಕೆಡ್ ಎದ್ಕೊನಿಯೆರ್.
ರೋಯಲ್ ಅಬೂಬಕರ್ ಪಾತೆರ್ದ್, ಡಿ.10 ಕ್ಕ್ ನಡಪರೆ ಇಪ್ಪುನ ದುಬೈದ ಲೇಸ್ ಗ್ ಮಸ್ಕತ್ ಘಟಕದ ಪದುಕೆರ್ ಬೊಕ್ಕ ಸದಸ್ಯೆರ್ ಬತ್ತ್ ದ್ ಲೇಸ್ ದ ಯಶಸ್ವಿಗ್ ಸಹಕಾರ ಮಲ್ಪುನ ಭರವಸೆನ್ ಕೊರ್ಪೆ. ನಮ್ಮ ಮಸ್ಕತ್ ಘಟಕದ ಲೇಸ್ ಜನವರಿ 5 ಕ್ಕ್ ಮಸ್ಕತ್ ಡ್ ಗೌಜಿಡ್ ನಡಪರೆ ಉಂಡು. ದುಬೈ ಘಟಕದ ಮಾತೆರ್ಲಾ ಲೇಸ್ ಗ್ ಬರೊಡು ಪಂದ್ ಲೆಪ್ಪೋಲೆನ್ ಕೊರಿಯೆರ್.
ಮಲ್ಲ ಬಿನ್ನೆರಾದ್ ಯುಸುಫ್ ಬೋಲ್ಲಾರ್, ಅಬ್ದುಲ್ ರಹಮಾನ್ ಕಣ್ಣೂರು ಲೇಸ್ ಗ್ ಎಡ್ಡೆಪ್ಪು ಬಯಕಿಯೆರ್.
ಸಭೆಟ್ಟ್ ಗ.ಸಾ.ಸ ಅಕಾಡೆಮಿ ದುಬೈ ಘಟಕದ ಪದುಕೆರ್ ಸದನ್ ದಾಸ್ ಶಿರೂರು, ಸುಗಂದರಾಜ್ ಬೇಕಲ್, ಪ್ರಧಾನ ಕಾರ್ಯದರ್ಶಿ ಅಮರ್ ದೀಪ್ ಕಲ್ಲೂರಾಯ, ಡಾ.ಅಬ್ದುಲ್ ರಹಮಾನ್ ಬಾವ, ಯುಸೂಫ್ ಶೇಣಿ, ಆಶೀಫ್ ಹೊಸಂಗಡಿ, ಕೋಶಾಧಿಕಾರಿ ಇಬ್ರಾಹಿಂ ಬಾಜೂರಿ, ಇಬ್ರಾಹಿಂ ಬೇರಿಕೆ, ಝುಬೈರ್ ಕುಬಣೂರು, ವಿಜಯಕುಮಾರ್ ಶೆಟ್ಟಿ ಗಾಣದಮೂಲೆ ಮಜಿಬೈಲ್, ಮಂಜುನಾಥ ಕಾಸ್ರೋಡು, ಅಶ್ರಫ್ ಪಾವೂರು, ಅಮನ್ ತಳೆಕಲ, ಮನ್ಸೂರು, ಅಶ್ರಫ್ ಪಿ.ಪಿ.ಬಾಯಾರ್, ಸಾಕೀರ್ ಬಾಯರ್, ಆಶೀಖ್ ಮೀಯಾ, ಮಹಮ್ಮದ್ ಕುಞ್ಞಿ ಮಂಜೇಶ್ವರ, ಅರೋನ್ ಪೈವಳಿಕೆ, ಶೀಯಾಬ್ ಜೋಡುಕಲ್ಲು, ಮನ್ಸೂರ್ ಪೆರ್ಲ, ಶಂಶೀರ್ ಮೀಯ ಪಾಲ್ ಪಡೆದಿತ್ತೆರ್. ಅಮರ್ ದೀಪ್ ಕಲ್ಲೂರಾಯ ಎದ್ಕೊನಿಯೆರ್. ಮಂಜುನಾಥ ಕಾಸ್ರೋಡು ಸೊಲ್ಮೆ ಸಂದಾಯೆರ್.
ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz ಡ್ ಕೃಷಿವಾಣಿ ಸರಣಿ ಲೇಸ್ ದ ಸಂಚಿಕೆ ನ.16 ಕ್ಕ್ ಗುರುವಾರ ಬಯ್ಯಗ್ 6.15 ಕ್ಕ್ ಪ್ರಸಾರ ಆಪುಂಡು.
ಈ ಲೇಸ್ ಡ್ ಕೃಷಿಕೆರ್ ಶ್ಯಾಮ ಕಾವ್ರಾಡಿ ತಮ್ಮ ಕೃಷಿ ಕಾಯಕದ ಬಗೆಟ್ಟ್ ಪಾತೆರಿಯೆರೆ ಉಲ್ಲೆರ್. ನ.17 ಕ್ಕ್ ಮಧ್ಯಾಹ್ನ 2.15 ಕ್ಕ್ ಕುಡೊರ ಪ್ರಸಾರ ಆಪುಂಡು. ಈ ಲೇಸ್ ನ್ ರೇಡಿಯೊ ಮಾತ್ರ ಅತ್ತಂದೆ ಆಂಡ್ರಾಯ್ಡ್ ಫೋನ್ ಬೊಕ್ಕ ಐಫೋನ್ ಡ್ ರೇಡಿಯೊ ಮಣಿಪಾಲ್ ಆಪ್ ಡೌನ್ಲೋಡ್ ಮಲ್ತ್ ದ್ ಕೇನೊಲಿ ಪಂದ್ ರೇಡಿಯೊ ಮಣಿಪಾಲ್ ಸಮುದಾಯ ಬಾನುಲಿ ಕೇಂದ್ರದ ಪ್ರಕಟಣೆ ತೆರಿಪಾದ್ಂಡ್.
