ಬೊಂಬೈ: ಘಾಟ್ಕೋಪರ್ ಶ್ರೀ ದತ್ತಾತ್ರೇಯ ದುರ್ಗಾಂಬಿಕಾ ದೇವಲ್ಯಡ್ ನ.25 ಸನಿಯಾರ ಮಧ್ಯಾಹ್ನ ಸಾಮೂಹಿಕ ಶ್ರೀ ಶನಿ ಪೂಜೆ ನಡತ್ಂಡ್.
ಈ ಲೇಸ್ ಡ್ ಭಕ್ತಾದಿಲು ಮಾತೆರ್ಲಾ ಎಚ್ಚದ ಸಂಖ್ಯೆಡ್ ಪಾಲ್ ಪಡೆದ್, ತೀರ್ಥ ಪ್ರಸಾದ ದೆತೊಂದು, ಶ್ರೀ ದತ್ತಾತ್ರೇಯ, ಶ್ರೀ ಆದಿಮಾತೆ ದುರ್ಗಾಂಬಿಕಾ, ಶ್ರೀ ಆಂಜನೇಯ, ಶ್ರೀ ನಾಗಶೇಷ, ಶ್ರೀ ಚಾಮುಂಡಿ ದೈವ ಬೊಕ್ಕ ಶ್ರೀ ಶನಿದೇವೆರೆನ ಕೃಪೆಗ್ ಪಾತ್ರರಾಯೆರ್.
ಬೊಂಬೈ: ತ್ರಿರಂಗ ಸಂಗಮ ಬೊಂಬೈ ಸಂಚಾಲಕತ್ವಡ್ ಲಯನ್ ಕಿಶೋರ್ ಡಿ ಶೆಟ್ರೆನ ನಿರ್ದೇಶನೊಡು ನ.29 ಬುಧಾರ ಬಯ್ಯಗ್ ಬೊಂಬೈದ ಸಾಂತಕ್ರೂಜ್ ಬಿಲ್ಲವ ಭವನಡ್ ಗರುಡ ಪಂಚೆಮಿ ತುಳು ನಾಟಕ ನಡಪರೆ ಉಂಡು. 
ಈ ನಾಟಕ ಶ್ರೀ ರಾಜಶೇಖರಾನಂದ ಸ್ವಾಮೀಜಿಲೆನ ಬೊಕ್ಕ ಸಾಣೂರು ಸಾತಿಂಜ ಶ್ರೀ ಜನಾರ್ದನ ಭಟ್ರೆನ ಆಶೀರ್ವಾದದೊಟ್ಟಿಗೆ, ಮಾಳ ಸುನಿ ಮೆರೆನ ಮೂಲಕಥೆ, ರಂಗವಿನ್ಯಾಸದೊಟ್ಟಿಗೆ, ಲ. ನವನೀತ್ ಶೆಟ್ರೆನ ತುಳು ಅನುವಾದದ, ಜೀವನ್ ಉಳ್ಳಾಲ್ ಮೆರೆನ ಸಲಹೆ ಸಹಕಾರಡ್ ಮೋಹನ್ ಕೊಪ್ಪಲ ಕದ್ರಿ ಮೆರೆನ ಸಮಗ್ರ ನಿರ್ವಹಣೆಡ್ ನಡಪರೆ ಉಂಡು ಪಂದ್ ಕರ್ನೂರ್ ಮೋಹನ್ ರೈ, ಅಶೋಕ್ ಪಕ್ಕಳ, ನವೀನ್ ಶೆಟ್ಟಿ ಇನ್ನಾ ಬಾಳಿಕೆ ಲೆಪ್ಪೋಲೆಡ್ ತೆರಿಪಾದೆರ್.
ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz ಡ್ ಯೋಗ ಸುಯೋಗ ಸರಣಿ ಲೇಸ್ ದ 35ನೇ ಸಂಚಿಕೆ ನ. 27 ಸೋಮಾರ ಬಯ್ಯಗ್ 4.15 ಕ್ಕ್ ಪ್ರಸಾರ ಆಪುಂಡು.
ಈ ಲೇಸ್ ಡ್ ಒಡಿಪು ಚಿಟ್ಪಾಡಿದ ಶ್ರೀ ಗುರುಕೃಪಾ ಯೋಗ ವಿದ್ಯಾ ಪ್ರತಿಷ್ಠಾನಡ್ ಯೋಗ ಶಿಕ್ಷಕೆರಾಯಿನ ಆರ್ ಶಿವಕುಮಾರ್ ಪಾಲ್ ಪಡೆಯೆರೆ ಉಲ್ಲೆರ್. ನ.28 ಕ್ಕ್ ಮಧ್ಯಾಹ್ನ 12.15 ಕ್ಕ್ ಕುಡೊರ ಪ್ರಸಾರ ಆಪುಂಡು. ಈ ಲೇಸ್ ನ್ ರೇಡಿಯೊ ಮಾತ್ರ ಅತ್ತಂದೆ ಆಂಡ್ರಾಯ್ಡ್ ಫೋನ್ ಬೊಕ್ಕ ಐಫೋನ್ ಡ್ ರೇಡಿಯೊ ಮಣಿಪಾಲ್ ಆಫ್ ಡೌನ್ಲೋಡ್ ಮಲ್ತ್ ದ್ ಕೇನೊಲಿ ಪಂದ್ ರೇಡಿಯೊ ಮಣಿಪಾಲ್ ಸಮುದಾಯ ಬಾನುಲಿ ಕೇಂದ್ರದ ಪ್ರಕಟಣೆ ತೆರಿಪಾದ್ಂಡ್.
ವೆಸ್ಟರ್ನ್ ಇಂಡಿಯಾ ಶ್ರೀ ಶನಿಮಹಾತ್ಮಾ ಸೇವಾ ಸಮಿತಿ (ರಿ.) ದ 79ನೇ ವರ್ಷದ ಶನಿಪೂಜೆ ಡಿ.16 ಸನಿಯಾರ ಪೋರ್ಟ್ ಬೊಂಬೈದ ಮಿಂಟ್ ರೋಡ್ ಡ್ ಇಪ್ಪುನ ಕಾನ್ಜಿ ಖೆತ್ಸಿ ಚೇರಿಟಿಸ್ ಸಭಾಗೃಹಡ್ ನಡಪರೆ ಉಂಡು.
ಬೊಲ್ಪುಗು ಗಣಹೋಮ, ಪ್ರಾರ್ತನೆ, ಶ್ರೀ ಸತ್ಯನಾರಾಯಣ ಮಹಾಪೂಜೆ, ಭಜನೆ, ಶನಿದೇವೆರೆಗ್ ಕಲಶ ಪ್ರತಿಷ್ಠೆ, ಮಧ್ಯಾಹ್ನ ಭಜನೆ, ಶ್ರೀಶನೀಶ್ವರ ಮಹಾತ್ಮೆ ಯಕ್ಷಗಾನ ತಾಳಮದ್ದಳೆ, ನುಪ್ಪು ಪ್ರಸಾದ ಸೇವೆ, ಬಯ್ಯಗ್ ಧಾರ್ಮಿಕ ಸಭಾ ಲೇಸ್, ಮಹಾಮಂಗಳಾರತಿ, ತೀರ್ಥ ಪ್ರಸಾದ ಬೊಕ್ಕ ನುಪ್ಪು ಪ್ರಸಾದ ಸೇವೆ ನಡಪರೆ ಉಂಡು.
ಈ ಲೇಸ್ ಗ್ ಭಕ್ತಾದಿಲು ಮಾತೆರ್ಲಾ ಪಾಲ್ ಪಡೆದ್, ತೀರ್ಥ ಪ್ರಸಾದ ದೆತೊಂದು, ಶ್ರೀ ಶನಿ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಮಾನಾದಿಗೆದ ಗುರ್ಕಾರೆ ಹರೀಶ್ ಜಿ. ಅಮೀನ್, ಗುರ್ಕಾರೆ ರವಿ ಎಲ್ ಬಂಗೇರ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
ತ್ರಿರಂಗ ಸಂಗಮ ಬೊಂಬೈ ಸಂಚಾಲಕತ್ವಡ್ ಲಯನ್ ಕಿಶೋರ್ ಡಿ ಶೆಟ್ರೆನ ನಿರ್ದೇಶನೊಡು ನ.28 ಅಂಗಾರೆ ಬಯ್ಯಗ್ ಮೀರಾರೋಡ್ ಗಾನ ಸಾಮ್ರಾಜ್ಞಿ ಲತಾ ಮಂಗೇಶ್ಕರ್ ಸಭಾಗೃಹಡ್ ಗರುಡ ಪಂಚೆಮಿ ತುಳು ನಾಟಕ ನಡಪರೆ ಉಂಡು. 
ಈ ನಾಟಕ ಶ್ರೀ ರಾಜಶೇಖರಾನಂದ ಸ್ವಾಮೀಜಿಲೆನ ಬೊಕ್ಕ ಸಾಣೂರು ಸಾತಿಂಜ ಶ್ರೀ ಜನಾರ್ದನ ಭಟ್ರೆನ ಆಶೀರ್ವಾದದೊಟ್ಟಿಗೆ, ಮಾಳ ಸುನಿ ಮೆರೆನ ಮೂಲಕಥೆ, ರಂಗವಿನ್ಯಾಸದೊಟ್ಟಿಗೆ, ಲ. ನವನೀತ್ ಶೆಟ್ರೆನ ತುಳು ಅನುವಾದದೊಟ್ಟಿಗೆ, ಜೀವನ್ ಉಳ್ಳಾಲ್ ಮೆರೆನ ಸಲಹೆ ಸಹಕಾರದೊಟ್ಟಿಗೆ, ಮೋಹನ್ ಕೊಪ್ಪಲ ಕದ್ರಿ ಮೆರೆನ ಸಮಗ್ರ ನಿರ್ವಹಣೆಡ್ ನಡಪರೆ ಉಂಡು.
ಒಡಿಪು: 32 ವರ್ಷದ ಜವನೆಯೊರಿ ಮರರ್ದ್ ಬೂರ್ದು ಬೆರಿತ್ತ ಎಲು ತುಂಡಾದ್, ತನ್ನ ರಡ್ಡ್ ಕಾರ್ ದ ಸ್ವಾಧೀನ ಕಳೆವೊಂದೆರ್. ಮೆರೆನ ಬದ್ಕ್ ಕಟ್ಟೊನಿಯೆರೆ ದಾನಿಲೆಡ ಪನವುದ ಸಕಾಯಗ್ ಬಿನ್ನಾಪು ಮಲ್ದೆರ್.
ಒಡಿಪು ಜಿಲ್ಲೆ ಕಾಪು ತಾಲೂಕ್ ದ ಕುತ್ಯಾರ್ ಗ್ರಾಮದ ಅನಿಲ್ ಪೂಜಾರಿ ಮೇರ್ 18 ವರ್ಷೊದ ಪಿರವು ಮರರ್ದ್ ಬೂರ್ದು ಬೆರಿತ್ತ ಎಲು ತುಂಡಾತ್ಂಡ್. ಆಸ್ಪತ್ರೆಗ್ ತೋಪಾದ್ ಬೆರಿತ್ತ ಚಿಕಿತ್ಸೆ ಮಲ್ಪಾದ್, ಲಕ್ಷರ್ದ್ ಎಚ್ಚ ರೂ. ಸಾಲ ಮಲ್ತ್ ದ್ ಖರ್ಚ್ ಮಲ್ತ್ಂಡಲ ಗುಣ ಆವಂದೆ ತನ್ನ ರಡ್ಡ್ ಕಾರ್ ದ ಸ್ವಾಧೀನ ಕಳೆವೊಂದು ಶಾಶ್ವತ ಅಂಗವಿಕಲೆರಾತೆರ್. ಇತ್ತೆ ವೀಲ್ ಚೇರ್ ಮುಖೇನ ಇಲ್ಲರ್ದ್ ಪಿದಯಿ ಬತ್ತ್ ದ್ ನನ ಜೀವನಡ್ ದಾದಂಡಲ ಮಲ್ತ್ ದ್ ಬದ್ಕೊಡು ಪಂದ್ ಕನ ದೀತೆರ್. ಈ ಜವನಗ್ ಬದ್ಕ್ ಕಟ್ಟರೆ ಸಕಾಯ ಮಲ್ಪೊಡು ಪಂದ್ ಬಿನ್ನಾಪು ಮಲ್ದೆರ್.
Bank: Canara Bank
Name: Anil Poojary
A/c No: 2409101009970
IFSC Code: CNRB0002409
G.pay, phone pay No: 7204775875
ಮಿಜಾರ್ ತುಳುನಾಡ ಪೊರ್ಲು ಚಾರಿಟೇಬಲ್ ಟ್ರಸ್ಟ್ (ರಿ.) ದ 34ನೇ ಸೇವಾ ಯೋಜನೆದ ಮುತಾಲಿಕೆಡ್ ಬಡಪತ್ತ್ ದ ಕುಟುಂಬಗ್ ಪನವುದ ಸಕಾಯನ್ ಮಲ್ತೆರ್.
ಕುಡ್ಲ ತಾಲೂಕ್ ದ ಕುಪ್ಪೆಪದವು ಕಿಲೆಂಜಾರು ಗ್ರಾಮದ ದೊಡ್ಡಲಿಕೆ ನಿವಾಸಿ ಮನೋಹರ್ ಮೆರೆನ ಜೋಕುಲು ವಿಕಲಚೇತನರಾತೆರ್. ಮಲ್ಲ ಮಗೆ ನಿದೀಶ್ ಬೊಕ್ಕ ಎಲ್ಯ ಮಗೆ ಧನುಷ್ ಮೊಕ್ಲೆಗ್ ಸಕ್ಕರೆ ಖಾಯಿಲೆ ಉಂಡು. ಮೊಕುಲು ಸ್ಪೂರ್ತಿ ವಿದ್ಯಾಲಯ ಬೆದ್ರ ಶಾಲೆಗ್ ಪೋವೊಂದು ಉಲ್ಲೆರ್. ಈ ಜೋಕುಲೆಗ್ ವ್ಯಾನ್ ಬಾಡಿಗೆಗ್ ತಿಂಗೊಲ್ ಗ್ 2500 ರೂ. ಬೊಕ್ಕ ರಡ್ಡ್ ಜನತ್ತ ಚಿಕಿತ್ಸೆಗ್ ತಿಂಗೊಲ್ ಗ್ 5000 ರೂ.ಮೆಡಿಸಿನ್ ಗ್ ಖರ್ಚ್ ಉಂಡು. ಬಡವೆರಾಯಿನ ಮೇರ್ ಕೂಲಿ ಕೆಲಸ ಮಲ್ತ್ ದ್ ಜೀವನ ಸಾಗವೊಂದು ಉಲ್ಲೆರ್. ಆಂಚಾದ್ ಜೋಕುಲೆನ ನನದ ಚಿಕಿತ್ಸೆಗ್ ಬೊಕ್ಕ ಜೀವನ ನಿರ್ವಹಣೆಗ್ ಸಹಕಾರ ಮಲ್ಪೊಡು ಪಂದ್ ಮಿಜಾರ್ ಕೂಟಗ್ ಬಿನ್ನಾಪು ಮಲ್ತ್ ದ್ ಇತ್ತೆರ್. ಈ ಬಿನ್ನಾಪು ಗ್ ಸ್ಪಂದಿಸಾಯಿನ ಕೂಟ 20,000/- ರೂಪಾಯಿದ ಚೆಕ್ ನ್ ಶ್ರೀ ದುರ್ಗೇಶ್ವರಿ ದೇವಿ ದೇವಲ್ಯ ಕುಪ್ಪೆಪದವುಡ್ ಪ್ರಧಾನ ಅರ್ಚಕೆರ್ ಗುರುಪ್ರಸಾದ್ ಕಾರಂತ ಮೆರೆನ ಮುಖೇನ ಕೊರಿಯೆರ್. ಅಂಚೆನೆ ಕೂಟದ ಸಲಹೆಗಾರೆ ಅಶ್ವತ್ ಶೆಟ್ಟಿ ಸಿದ್ದಕಟ್ಟೆ ಮೇರ್ ತನ್ನ ವೈಯಕ್ತಿಕ ನಿಲೆರ್ದ್ 10,000/- ರೂಪಾಯಿನ್ ಪನವುದ ಸಕಾಯನ್ ಕೊರ್ದು ಸಹಕಾರ ಮಲ್ತೆರ್. ಈ ಪೊರ್ತುಡು ಪದುಕೆರ್ ಬೊಕ್ಕ ಬಡಜನ ಸೇವಾ ಟ್ರಸ್ಟ್ ದ ಮುನೀರ್ ನಡುಪಲ್ಲ ಪಾಲ್ ಪಡೆದಿತ್ತೆರ್.
ಬೊಲ್ತೇರ್: ಧರ್ಮಸ್ಥಳ ಶ್ರೀ ಮಂಜುನಾಥ ಸ್ವಾಮಿನ ಸನ್ನಿಧಿಡ್ ಕಾರ್ತಿಕ ತಿಂಗೊಲುಡ್ ನಡಪುನ ಲಕ್ಷದೀಪೋತ್ಸವ ಡಿ.8-12 ಮುಟ್ಟ ಬೇತೆ ಬೇತೆ ಲೇಸ್ ದೊಟ್ಟಿಗೆ ನಡಪರೆ ಉಂಡು.
ಡಿ.8 ಕ್ಕ್ ಬೊಲ್ಪುಗು ಹೈಸ್ಕೂಲ್ ವಠಾರಡ್ ರಾಜ್ಯಮಟ್ಟದ ವಸ್ತು ಪ್ರದರ್ಶನನ್ ಪುತ್ತೂರ್ ಸಹಾಯಕ ಕಮೀಷನರ್ ಗಿರೀಶ್ ನಂದನ್ ಉದಿಪನ ಮಲ್ಪುವೆರ್. ವಸ್ತು ಪ್ರದರ್ಶನದ ಮಂಟಪಡ್ ಪ್ರತಿದಿನೊಲ ಬಯ್ಯಗ್ ಸಾಂಸ್ಕೃತಿಕ ಲೇಸ್ ನಡಪರೆ ಉಂಡು.
ಡಿ.10 ಕ್ಕ್ ರಾತ್ರೆ ಅಮೃತವರ್ಷಿಣಿ ಸಭಾಭವನಡ್ ಸಂಗೀತ ನಿರ್ದೇಶಕೆರ್ ಗುರುಕಿರಣ್ ಬೊಕ್ಕ ಕೂಟದಕ್ಲೆರ್ದ್ ಗಾನ, ನೃತ್ಯ ವೈವಿಧ್ಯ ಲೇಸ್ ನಡಪರೆ ಉಂಡು.
ಡಿ.11 ಕ್ಕ್ ಬಯ್ಯಗ್ ಸರ್ವಧರ್ಮ ಸಮ್ಮೇಳನದ 91ನೇ ಅಧಿವೇಶನನ್ ವಿದ್ವಾಂಸೆರ್ ಬೆಂಗಳೂರುದ ಡಾ|ಗುರುರಾಜ ಕರ್ಜಗಿ ಉದಿಪನ ಮಲ್ಪೆರೆ ಉಲ್ಲೆರ್. ತುಮಕೂರು ಸಿದ್ದಗಂಗಾ ಮಠತ್ತ ಸಿದ್ಧಲಿಂಗ ಸ್ವಾಮೀಜಿ ಗುರ್ಕಾರ್ಮೆ ಒಯಿಸೊನ್ವೆರ್. ಸುಪ್ರೀಂಕೋರ್ಟ್ ನ್ಯಾಯವಾದಿ ಡಾ| ಎಂ.ಆರ್ ವೆಂಕಟೇಶ್, ಬೆಂಗ್ಲೂರ್ ದ ವಿಭು ಅಕಾಡೆಮಿ ಮುಖ್ಯಸ್ಥೆರ್ ವಿಜಯ ಪುರದ ಮಹಮ್ಮದ್ ಗೌಸ್ ಹವಾಲ್ದಾರ ಧಾರ್ಮಿಕ ಉಪನ್ಯಾಸ ಕೊರಿಯೆರೆ ಉಲ್ಲೆರ್.
ಡಿ.12 ಕ್ಕ್ ಬಯ್ಯಗ್ 5 ಕ್ಕ್ ಸಾಹಿತ್ಯ ಸಮ್ಮೇಳನದ 91 ನೇ ಅಧಿವೇಶನನ್ ಇಸ್ರೋದ ಗುರ್ಕಾರೆ ಡಾ| ಎಸ್ ಸೋಮನಾಥ್ ಉದಿಪನ ಮಲ್ಪುವೆರ್. ಬೆಂಗ್ಲೂರ್ ದ ಗಮಕಿ ಡಾ|ಎ.ವಿ ಪ್ರಸನ್ನ ಗುರ್ಕಾರ್ಮೆನ್ ಒಯಿಸೊನ್ವೆರ್. ಹೊನ್ನಾವರದ ನಿವೃತ್ತ ಉಪನ್ಯಾಸಕೆರ್ ಡಾ|ಶ್ರೀಪಾದ ಶೆಟ್ಟಿ, ಬೆಂಗ್ಲೂರ್ ದ ರಂಗಕರ್ಮಿ ಪ್ರಕಾಶ್ ಬೆಳವಡಿ ಬೊಕ್ಕ ಬಂಟ್ವಾಳದ ಡಾ| ಅಜಕ್ಕಳ ಗಿರೀಶ್ ಭಟ್ ಉಪನ್ಯಾಸ ಕೊರಿಯೆರೆ ಉಲ್ಲೆರ್. ರಾತ್ರೆ ಲಕ್ಷದೀಪೋತ್ಸವ ನಡಪರೆ ಉಂಡು. ಈ ಪೊರ್ತುಡು ನಾಡ್ ದ ಬೇತೆ ಬೇತೆ ಭಾಗಲೆರ್ದ್ ಲಕ್ಷರ್ದ್ ಎಚ್ಚ ಭಕ್ತೆರ್ ಬರಿಯೆರೆ ಉಲ್ಲೆರ್. ವೈವಿಧ್ಯಮಯ ಸೇವೆ ಕೊರಿಯೆರೆ ಉಲ್ಲೆರ್. ಭಕ್ತೆರೆನ ಅನುಕೂಲಕ್ಕಾದ್ ಕೆಎಸ್ ಆರ್ ಟಿಸಿ ರಾಜ್ಯದ ಬೇತೆ ಬೇತೆ ಭಾಗಲೆರ್ದ್ ಧರ್ಮಸ್ಥಳಗ್ ಇಸೇಸ ಬಸ್ ಸೌಲಭ್ಯ ಉಂಡು.
ಬೆಂಗಳೂರುಡ್ ನ.25 ಕ್ಕ್ ನಡತಿನ “ರಾಜ- ಮಹಾರಾಜ” ಜೋಡುಕರೆ ಕಂಬುಲ ಕೂಟದ ರಿಸಲ್ಟ್ ಇಂಚ ಉಂಡು.
ಕನೆಪಲಯಿ: 7 ಜತೆ
ಅಡ್ಡಪಲಯಿ: 6 ಜತೆ
ಬಲ್ಲ್ ದ ಮಲ್ಲ: 21 ಜತೆ
ನಾಯೆರ್ ಮಲ್ಲ: 32 ಜತೆ
ಬಲ್ಲ್ ಎಲ್ಯ: 31 ಜತೆ
ನಾಯೆರ್ ಎಲ್ಯ: 62 ಜತೆ
ಒಟ್ಟು ಎರ್ಲೆನ ಸಂಖ್ಯೆ: 159 ಜತೆ
ಕನೆಪಲಯಿ: ಬೋಳಂಬಳ್ಳಿ ಚೈತ್ರಾ ಪರಮೇಶ್ವರ ಭಟ್ ಮೇರ್ನ “ಬಿ” ಎರ್ಲು 6.5 ಕೋಲ್ ನಿಶಾನೆಗ್ ನೀರ್ ರಾಪಾದ್ಂಡ್.
ಪಲಯಿ ಮುಟ್ಟಿನಾರ್: ಉಲ್ಲೂರು ಕಂದಾವರ ಗಣೇಶ್
ಅಡ್ಡ ಪಲಯಿ:
ಸುರುತ್ತ ಇನಾಮು: ಎಸ್. ಎಮ್. ಎಸ್ ಫ್ಯಾಮಿಲಿ ಬೆಂಗಳೂರು
ಪಲಯಿ ಮುಟ್ಟಿನಾರ್: ಭಟ್ಕಳ ಹರೀಶ್
ರಡ್ಡನೇ ಇನಾಮು: ಬೋಳಾರ ತ್ರಿಶಾಲ್ ಕೆ ಪೂಜಾರಿ
ಪಲಯಿ ಮುಟ್ಟಿನಾರ್: ಸಾವ್ಯ ಗಂಗಯ್ಯ ಪೂಜಾರಿ
ಬಲ್ಲ್ ಮಲ್ಲ:
ಸುರುತ್ತ ಇನಾಮು: ನಂದಳಿಕೆ ಶ್ರೀಕಾಂತ್ ಭಟ್ “ಸಿ”
ಗಿಡತಿನಾರ್: ಬಂಬ್ರಾಣಬೈಲು ವಂದಿತ್ ಶೆಟ್ಟಿ
ರಡ್ಡನೇ ಇನಾಮು: ಮಾಳ ಆನಂದ ನಿಲಯ ಶೇಖರ ಎ ಶೆಟ್ಟಿ
ಗಿಡತಿನಾರ್: ಭಟ್ಕಳ ಶಂಕರ್ ನಾಯ್ಕ್
ಬಲ್ಲ್ ಎಲ್ಯ:
ಸುರುತ್ತ ಇನಾಮು: ಸುರತ್ಕಲ್ ಪಾಂಚಜನ್ಯ ಯೋಗೀಶ್ ಕರಿಯ ಪೂಜಾರಿ
ಗಿಡತಿನಾರ್: ಮಾಸ್ತಿ ಕಟ್ಟೆ ಸ್ವರೂಪ್
ರಡ್ಡನೇ ಇನಾಮು: ನಿಟ್ಟೆ ಪರಪ್ಪಾಡಿ ಸುರೇಶ್ ಕೋಟ್ಯಾನ್ “ಎ”
ಗಿಡತಿನಾರ್: ಅತ್ತೂರು ಕೋಡಂಗೆ ಸುಧೀರ್ ಸಾಲ್ಯಾನ್
ನಾಯೆರ್ ಮಲ್ಲ:
ಸುರುತ್ತ ಇನಾಮು: ಬಂಗಾಡಿ ಪರಂಬೇಲು ನಾರಾಯಣ ಮಲೆ ಕುಡಿಯ
ಗಿಡತಿನಾರ್: ಸರಪಾಡಿ ಧನಂಜಯ ಗೌಡ
ರಡ್ಡನೇ ಇನಾಮು: ಮಾಳ ಆನಂದ ನಿಲಯ ಶೇಖರ ಎ ಶೆಟ್ಟಿ
ಗಿಡತಿನಾರ್: ಪಟ್ಟೆ ಗುರು ಚರಣ್
ನಾಯೆರ್ ಎಲ್ಯ:
ಸುರುತ್ತ ಇನಾಮು: ಜೈ ತುಳುನಾಡು ಪುತ್ತೂರು ಬೊಟ್ಯಾಡಿ ಕಿಶೋರ್ ಭಂಡಾರಿ
ಗಿಡತಿನಾರ್: ಪೆಂರ್ಗಾಲು ಕೃತಿಕ್ ಗೌಡ
ರಡ್ಡನೇ ಇನಾಮು: ಎರ್ಮಾಳ್ ಪುಚ್ಚೊಟ್ಟುಬೀಡು ಬಾಲಚಂದ್ರ ಶೆಟ್ಟಿ
ಗಿಡತಿನಾರ್: ಬೈಂದೂರು ವಿವೇಕ್ ಪೂಜಾರಿ.
ಬೊಂಬೈ: ಘಾಟ್ಕೋಪರ್ ಶ್ರೀ ದತ್ತಾತ್ರೇಯ ದುರ್ಗಾಂಬಿಕಾ ದೇವಲ್ಯಡ್ ನ.25 ಸನಿಯಾರ ಮಧ್ಯಾಹ್ನ ಸಾಮೂಹಿಕ ಶ್ರೀ ಶನಿ ಪೂಜೆ ನಡಪರೆ ಉಂಡು.
ಈ ಲೇಸ್ ಡ್ ಭಕ್ತಾದಿಲು ಮಾತೆರ್ಲಾ ಎಚ್ಚದ ಸಂಖ್ಯೆಡ್ ಪಾಲ್ ಪಡೆದ್, ತೀರ್ಥ ಪ್ರಸಾದ ದೆತೊಂದು, ಶ್ರೀ ದತ್ತಾತ್ರೇಯ, ಶ್ರೀ ಆದಿಮಾತೆ ದುರ್ಗಾಂಬಿಕಾ, ಶ್ರೀ ಆಂಜನೇಯ, ಶ್ರೀ ನಾಗಶೇಷ, ಶ್ರೀ ಚಾಮುಂಡಿ ದೈವ ಬೊಕ್ಕ ಶ್ರೀ ಶನಿದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಶ್ರೀ ದತ್ತಾತ್ರೇಯ ಮಿತ್ರ ಭಜನಾ ಮಂಡಳಿ (ರಿ.) ದ ಧರ್ಮದರ್ಶಿಲು ದೇವ್ ಬಿ ಪೂಜಾರಿ ಲೆಪ್ಪೋಲೆಡ್ ತೆರಿಪಾದೆರ್.
