ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz ಡ್ ಕನ್ನಡ ಸಾಹಿತ್ಯ ಪರಿಷತ್ ಒಡಿಪು ಜಿಲ್ಲೆ ಬೊಕ್ಕ ತಾಲೂಕ್ ಘಟಕದ ಮುತಾಲಿಕೆಡ್ ಕಥೆ ಕೇಳೋಣ ಸರಣಿ ಲೇಸ್ ದ 48ನೇ ಸಂಚಿಕೆ ಎ.1 ಕ್ಕ್ ಸನಿಯಾರ ಬಯ್ಯಗ್ 4.30ಕ್ಕ್ ಪ್ರಸಾರ ಆಪುಂಡು.
ಈ ಲೇಸ್ ಡ್ ಸಾಹಿತ್ಯಾಸಕ್ತೆರ್ ಬೊಕ್ಕ ಮುಖ್ಯ ಜೀವವಿಮಾ ಸಲಹೆಗಾರೆರ್ ಲತಾ ಚೇತನ್ ಅಶ್ವಥ್ಕಟ್ಟೆ ಪಾಲ್ ಪಡೆಯೆರೆ ಉಲ್ಲೆರ್. ಎ.2 ಮಧ್ಯಾಹ್ನ 12.30ಕ್ಕ್ ಈ ಕಥೆ ಮರುಪ್ರಸಾರ ಆಪುಂಡು.
ಜೆಡಿಎಸ್ ಅಭ್ಯರ್ಥಿಲೆನ 2ನೇ ಪಟ್ಟಿ ಇನಿ ಬುಡುಗಡೆ ಆವರೆ ಉಂಡು.
ಈ ಪಟ್ಟಿಡ್ ದಳಪತಿಲೆನ ಪಾಲ್ ಗ್ ಸವಾಲಾದಿಪ್ಪುನು ಹಾಸನದ ಅಭ್ಯರ್ಥಿ. ಭವಾನಿ ರೇವಣ್ಣ ಬೊಕ್ಕ ಸ್ವರೂಪ್ ಪ್ರಕಾಶ್ ಮೊಕ್ಲೆನೆಟ್ಟ್ ಏರೆಗ್ ಟಿಕೆಟ್ ತಿಕ್ಕುಂಡು ಪನ್ಪುನವು ಕುತೂಹಲ ಆತ್ಂಡ್. ನನ ರೇವಣ್ಣ ರಡ್ಡ್ ಕ್ಷೇತ್ರರ್ದ್ ವೋಟುಗು ಉಂತರೆ ತಯಾರ್ ಆವೊಂದು ಉಲ್ಲೆರ್ ಪಂದ್ ತೆರಿದ್ ಬೈದ್ಂಡ್.
ಕುಡ್ಲ: ಮಾಜಿ ರೌಡಿ ಶೀಟರ್ ಲೋಕೇಶ್ ಕೋಡಿಕೆರೆ ಯಾನೆ ಲೋಕುನ ಮಿತ್ತ್ ಸುರತ್ಕಲ್ ಪೊಲೀಸ್ ಠಾಣೆಡ್ ಗಾಂಜಾ ಸೇವನೆದ ಮಿತ್ತ್ ಕೇಸ್ ದಾಖಲ್ ಆತ್ಂಡ್.
ಮಾ.31 ದಾನಿ ಸಾರ್ವಜನಿಕೆರೆಗ್ ವೋಟುಗು ತೊಂದರೆ ಆವಂದಿಲೆಕ್ಕ ಕಾನೂನು ಸುವ್ಯವಸ್ಥೆ ಕಾಪಾಡುನ ದಿಟ್ಟಿಡ್ ಸುರತ್ಕಲ್ ಪೊಲೀಸ್ ಠಾಣೆದ ಪಿಎಸ್ಐ ಪ್ರದೀಪ್ ಟಿ.ಆರ್ ಠಾಣಾ ವ್ಯಾಪ್ತಿದ ದುಂಬುದ ರೌಡಿ ಶೀಟರ್ ಲೋಕೇಶ್ ಕೋಡಿಕೆರೆ ಯಾನೆ ಲೋಕುನ ಇಲ್ಲಡೇ ಪೋತೆರ್. ಈ ಪೊರ್ತುಡು ಲೋಕುನ್ ವಿಚಾರಣೆ ಮಲ್ಪುನಗ ಗಾಂಜಾ ಸೇವನೆ ಮಲ್ತಿನವು ವೈದ್ಯಕೀಯ ದಾಖಲೆಡ್ ಗೊತ್ತಾತ್ಂಡ್. ಈ ಬಗೆಟ್ ಸುರತ್ಕಲ್ ಪೊಲೀಸ್ ಠಾಣೆಡ್ ಕೇಸ್ ದಾಖಲ್ ಆತ್ಂಡ್.
ಆನ್ಲೈನ್ ಗೇಮ್ ಗೊಬ್ಬರೆ ಇಂಟರ್ನೆಟ್ ಇಜ್ಜಿ ಪನ್ಪಿನ ಕಾರಣಗ್ 8 ನೇ ಕ್ಲಾಸ್ದ ಕಲ್ಪಾರ್ಥಿ ಆತ್ಮಹತ್ಯೆ ಮಲ್ತೊನಿನ ಘಟನೆ ತಮಿಳ್ನಾಡ್ಡ್ ನಡತ್ಂಡ್.
ಆಣ್ ತನ್ನ ಪೋಷಕೆರ್ನ ಮೊಬೈಲ್ನ್ ಗಲಸ್ದ್ ಆನ್ಲೈನ್ ಗೇಮ್ಡ್ ಮಸ್ತ್ ಪೊರ್ತು ಕಲೆವೊಂದಿತ್ತೆ. ಮಸ್ತ್ ಪೊರ್ತು ಗೇಮ್ ಗೊಬ್ಬುವೆ ಪಂದ್ ಇಲ್ಲದಕುಲು ಮೊಬೈಲ್ಗ್ ಇಂಟರ್ನೆಟ್ ಪಾಡ್ದಿಜ್ಜಾಂಡ್. ಈ ಕಾರಣಗ್ ಆಣ್ ಆತ್ಮಹತ್ಯೆ ಮಲ್ತ್ದೆ ಪಂದ್ ತೆರಿದ್ ಬೈದ್ಂಡ್.
ಬೆಂಗ್ಲೂರ್: ಕರ್ನಾಟಕದ ಪ್ರಾಥಮಿಕ ಬೊಕ್ಕ ಪ್ರೌಢಶಾಲೆದ 2023-24 ತ್ತ ಶೈಕ್ಷಣಿಕ ವರ್ಷ ಮೇ 29 ರ್ದ್ ಸುರು ಆಯರೆ ಉಂಡು ಪಂದ್ ಸಾರ್ವಜನಿಕ ಶಿಕ್ಷಣ ಇಲಾಖೆದ ಆಯುಕ್ತೆರ್ನ ಕಚೇರಿ ಸುತ್ತೋಲೆನ್ ಕಡಪುಡ್ದುಂಡು.
ಸುರುತ್ತ ಅವಧಿ ಮೇ 29 ರ್ದ್ ಅಕ್ಟೋಬರ್ 7 ಮುಟ್ಟ ಉಪ್ಪುಂಡು. ಅಕ್ಟೋಬರ್ 8 ರ್ದ್ 24 ಮುಟ್ಟ ದಸರಾ ರಜೆ ತಿಕ್ಕುಂಡು. ರಡ್ಡನೇ ಅವಧಿ ಅಕ್ಟೋಬರ್ 25 ನೆರ್ದ್ 2024 ಎಪ್ರಿಲ್ 10 ಮುಟ್ಟ ಉಪ್ಪುಂಡು.
ಬೆಂಗ್ಲೂರ್: ಕರ್ನಾಟಕ ವಿಧಾನಸಭೆತ್ತ ವೋಟುಗು ದಿನ ಘೋಷಣೆ ಆಯಿನ ಬೆರಿಟ್ಟೆ ನೀತಿ ಸಂಹಿತೆ ಜಾರಿ ಆತ್ಂಡ್. ಇಂಚಾದ್ ಸಾಮಾಜಿಕ ಜಾಲತಾಣದ ಮಿತ್ತ್ ಚುನಾವಣಾ ಆಯೋಗ ಕಣ್ಣ್ ದೀತ್ಂಡ್.
ಒಂಜಿ ಪಕ್ಷ ಅತ್ತ್ಂಡ ಅಭ್ಯರ್ತಿನ ಪರವಾದ್ ವೋಟು ಪಾಡಿಯರೆ ಜನಕ್ಲೆನ್ ಒತ್ತಾಯ ಮಲ್ಪುನ ಮೆಸೇಜ್ಲು ಬತ್ತ್ಂಡ ಅತ್ತ್ಂಡ ಕಡಪಾಂಡ ಸಂಬಂಧಪಟ್ಟಿನ ಗ್ರೂಪ್ ದ ಅಡ್ಮಿನ್ಲೆನ ಮಿತ್ತ್ ಚುನಾವಣಾ ಆಯೋಗ ಕ್ರಮ ದೆತೊನುಂಡು. ಅಂಚಾದ್ ಅಡ್ಮಿನ್ ನಕುಲು ಎಚ್ಚರಿಕೆಡ್ ಇಪ್ಪುನ ಎಡ್ಡೆ.
ದಿಲ್ಲಿ: 2024 ತ್ತ ಆರ್ಥಿಕ ವರ್ಷದ ಸುರುತ್ತ ದಿನನೇ ವಾಣಿಜ್ಯ ಬಳಕೆದ ಎಲ್ಪಿಜಿ ಸಿಲಿಂಡರ್ದ ಬಿಲೆ ಕಮ್ಮಿ ಆದಿತ್ತ್ದ್ 92 ರೂ. ಕಮ್ಮಿ ಆತ್ಂಡ್.
ಈ ಪಿರವು ಮಾರ್ಚ್ಡ್ ಸರ್ಕಾರ ಗ್ಯಾಸ್ ಸಿಲಿಂಡರ್ದ ಬಿಲೆನ್ 350 ರೂ. ಎಚ್ಚ ಮಲ್ತ್ದಿತ್ತ್ಂಡ್. ಆಂಡ ಇನಿ 92 ರೂ. ಕಮ್ಮಿ ಆತ್ಂಡ್.
ಪುತ್ತೂರ್: ಪುಗರ್ತೆದ ಪುತ್ತೂರ್ ಮಹತೋಭಾರ ಶ್ರೀ ಮಹಾಲಿಂಗೇಶ್ವರ ದೇವಲ್ಯದ ವರ್ಷೊದ ಜಾತ್ರೆದ ಅಂಗವಾದ್ ಎ.1 (ಇನಿ) ಕೈಲ್ ಕಡ್ಪರೆ ಉಂಡು.
ಇನಿ ಬೊಲ್ಪುಗು ವೃಷಭ ಲಗ್ನಡ್ ಕೈಲ್ ಕಡ್ತ್ ದ್ ಬೊಕ್ಕ ಎ.10 ಕ್ಕ್ ಕೊಡಿ ಏರುಂಡು. ಅವೆರ್ದ್ ಬೊಕ್ಕ ಜಾತ್ರೆ ನಡಪರೆ ಉಂಡು. ಅಂಚೆನೆ ಪ್ರತಿ ದಿನಲ ಬಯ್ಯಗ್ ಉಚ್ಚಯ, ಪೇಂಟೆ ಸವಾರಿ ಬೊಕ್ಕ ಬೇತೆ ಬೇತೆ ಧಾರ್ಮಿಕ ಲೇಸ್ ನಡಪರೆ ಉಂಡು.
ಆಯಿಲ್ ಇಂಡಿಯಾ ಲಿಮಿಟೆಡ್ ಡ್ ಪಿಯುಸಿ ಪಾಸಾಯಿನ ಜವನೆರೆಗ್ 187 ಬೇಲೆ ಖಾಲಿ ಉಂಡು.
ನೆಟ್ಟ್ ಗ್ರೇಡ್ 3ತ್ತ 134 ಬೇಲೆ, 5ತ್ತ 43 ಬೇಲೆ, 7ತ್ತ 10 ಬೇಲೆ ಉಂಡು. ಅರ್ಜಿ ಸಂದಾವೊನಕುಲು ಎ.25 ತ್ತ ಉಲಯಿ ಸಂದಾವೊಡು. ಅಪ್ಲಿಕೇಶನ್ ಗ್ ಕಂಪೆನಿ ಅಧಿಕೃತ ವೆಬ್ಸೈಟ್ ಗ್ ಭೇಟಿ ಕೊರೊಡು. ಅಂಚೆನೆ GEN, OBC ಮೊಕುಲು 200 ರೂ. ಅರ್ಜಿದ ಫೀಸ್ ಕಟ್ಟೊಡು. ಬೊಕ್ಕ SC, ST ಅಭ್ಯರ್ಥಿಲೆಗ್ ಒವ್ವೇ ಅರ್ಜಿ ಫೀಸ್ ಇಜ್ಜಿ. ಆಯ್ಕೆ ಪ್ರಕ್ರಿಯೆ ಕಂಪ್ಯೂಟರ್ ಬಗೆಟ್ ಪರೀಕ್ಷೆನ್ ಮಲ್ಪರೆ ಆಪುಂಡು.
187 vacancies in Oil India limited.
187 vacancies were called for by Oil India limited for PUC pass candidates.The last date to apply is April 25 th Application can be downloaded from the company’s official website.
ಅಂಡಮಾನ್ ಬೊಕ್ಕ ನಿಕೋಬಾರ್ ದ್ವೀಪಡ್ ಕೋಡೆ ರಾತ್ರೆ ಭೂಕಂಪ ನಡತ್ ದ್ಂಡ್.
ರಿಕ್ಟರ್ ಮಾಪಕಡ್ 4 ಬಿರ್ಸ್ ದಾಖಲ್ ಆತ್ಂಡ್. ಈ ಭೂಕಂಪ ರಾಜಬೂಡು ಪೋರ್ಟ್ ಬ್ಲೇರ್ ರ್ದ್ 140 ಕಿ.ಮೀ ದೂರಡ್ ನಡತ್ಂಡ್ ಪಂದ್ ರಾಷ್ಟ್ರೀಯ ಭೂಕಂಪಶಾಸ್ತ್ರ ಕೇಂದ್ರ ತೆರಿಪಾದ್ಂಡ್. ಭೂಕಂಪದ ಕೇಂದ್ರಬಿಂದು ಭೂಗರ್ಭಡ್ 28 ಕಿಲೋಮೀಟರ್ ದೂರಡ್ ಉಂಡು. ನೆತ್ತೊಟ್ಟಿಗೆ, ನೇಪಾಳದ ರಾಜಬೂಡು ಕಠ್ಮಂಡುಡು 3.5 ದಾತ್ ಬಿರ್ಸ್ ದ ಭೂಕಂಪ ನಡತ್ ದ್ಂಡ್. ಒವ್ವೇ ತೊಂದರೆ ಆತಿಜಿ ಪಂದ್ ತೆರಿದ್ ಬೈದ್ಂಡ್.
Earth Tremors in Andaman and Kathmandu
Tremors were experienced in Andaman and Nicobarislands last night.
It was recorded a density of 4.0 on the Richter scale.The core of the quake was 140 kms off Port Blair the capital of the islands said sources from the National centre of Seismology of India.
