April 2023

April 5 th: Nema for Shri Nagabrahma Koti Chennaya Adi Baidherlu ಎ.5: ಎಣ್ಮೂರು ಶ್ರೀ ನಾಗಬ್ರಹ್ಮ ಕೋಟಿ ಚೆನ್ನಯ ಆದಿ ಬೈದೆರ್ಲೆನ ನೇಮ

ಕಡಬ: ಎಣ್ಮೂರು ಶ್ರೀ ನಾಗಬ್ರಹ್ಮ ಕೋಟಿ ಚೆನ್ನಯ ಆದಿಬೈದೆರ್ಲೆನ ನೇಮ ಎ.5 ಬುಧಾರ ನಡಪರೆ ಉಂಡು.

ಎ.3 ಸೋಮಾರ ಬೊಲ್ಪುಗು ಶ್ರೀ ಮಹಾಗಣಪತಿ ಹೋಮ, ಶ್ರೀ ಉಳ್ಳಾಕುಲು ನೇಮ, ಕಾಜು ಕುಟುಂಬ ನೇಮ, ರಾತ್ರೆ ಎಣ್ಮೂರು ಬೂಡುರ್ದ್ ಉಳ್ಳಾಕುಳ ಭಂಡಾರ ಪಿದಾಡುಂಡು. ಬೊಕ್ಕ ಕೈ ಕಾಣಿಕೆ, ಪ್ರಸಾದ ಕೊರಿಯೆರೆ ಉಂಡು. ‌ಅವೆರ್ದ್ ಬೊಕ್ಕ ಅನ್ನಸಂತರ್ಪಣೆ ನಡಪರೆ ಉಂಡು.

ಎ.4 ಅಂಗಾರೆ ಇಷ್ಟ ದೇವತೆ ನೇಮ, ರಾತ್ರೆ ಪ್ರಸಾದ ಕೊರಿಯೆರೆ ಉಂಡು. ಬೊಕ್ಕ ಅನ್ನಸಂತರ್ಪಣೆ ನಡಪರೆ ಉಂಡು.

ಎ.5 ಬುಧಾರ ಬೊಲ್ಪುಗು ನಾಗತಂಬಿಲ, ತೋರಣ ಮೂರ್ತ, ಮಧ್ಯಾಹ್ನ ಕಟ್ಟಬೂಡುರ್ದ್ ಪೂರ್ವ ಸಂಪ್ರದಾಯದಂಚೆನೆ ಭಂಡಾರ ಪಿದಡುಂಡು. ಬೊಕ್ಕ ನೇತ್ರಾದಿ ಗರಡಿಡ್ ದರ್ಶನ ನಡಪರೆ ಉಂಡು. ರಾತ್ರೆ ಬೈದೇರ್ಲೆನ ಗರಡಿ ಜಪ್ಪುಂಡು. ಕಿನ್ನಿದಾರು ಗರಡಿ ಜತ್ತ್ ದ್ ರಂಗಸ್ಥಳ ಪ್ರವೇಶ ಮಲ್ಪುಂಡು. ಬೊಕ್ಕ ಎಣ್ಮೂರು ಕಟ್ಟಬೂಡುಗ್ ಬೈದೆರ್ಲು ಪೇರ್ ಪರಿಯೆರೆ ಬತ್ತ್ ದ್ ಬೂಡುಗು ಕಾಣಿಕೆ ಅರ್ಪಣೆ ಮಲ್ಪುಂಡು. ಬೊಕ್ಕ ಮನದಾನಿ ಬೊಲ್ಪುಗು ಕೋಟಿ ಚೆನ್ನಯೆರೆನ ದರ್ಶನ ರಂಗಸ್ಥಳಟ್ಟ್ ಬೈದೆರ್ಲೆನ ಸೇಟು ನಡಪರೆ ಉಂಡು. ಬೊಕ್ಕ ಬೈದೆರ್ಲೆಡ ಪರಕೆ, ಗಂಧ ಪ್ರಸಾದ, ತುಲಾಭಾರ ನಡಪರೆ ಉಂಡು.

ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್, ಗಂಧ ಪ್ರಸಾದ ದೆತೊಂದು ಶ್ರೀ ನಾಗಬ್ರಹ್ಮ ಕೋಟಿ ಚೆನ್ನಯ ಆದಿಬೈದೆರ್ಲೆನ ಕೃಪೆಗ್ ಪಾತ್ರರಾವೊಡು ಪಂದ್ ಅನುವಂಶಿಕ ಆಡಳಿತದಾರೆರ್ ಕಟ್ಟಬೂಡು ರಾಮಕೃಷ್ಣ ಶೆಟ್ಟಿ ಲೆಪ್ಪೋಲೆಡ್ ತೆರಿಪಾದೆರ್.

April 4 th: The new premises of “Anna Chatra ” to be inaugurated at Shri Mahalakshmi temple Uchila ಎ.4: ಉಚ್ಚಿಲ ಶ್ರೀ ಮಹಾಲಕ್ಷ್ಮೀ ದೇವಲ್ಯಡ್ ಪೊಸತಾದ್ ನಿರ್ಮಾಣ ಆಯಿನ ಶ್ರೀ ಮಹಾಲಕ್ಷ್ಮಿ ಅನ್ನ ಛತ್ರ ಕಟ್ವಾನದ ಉದಿಪನ

ಒಡಿಪು: ಉಚ್ಚಿಲ ಶ್ರೀ ಮಹಾಲಕ್ಷ್ಮೀ ದೇವಲ್ಯಡ್ ಪೊಸತಾದ್ ನಿರ್ಮಾಣ ಆಯಿನ ಶ್ರೀ ಮಹಾಲಕ್ಷ್ಮಿ ಅನ್ನ ಛತ್ರ ಕಟ್ವಾನದ ಉದಿಪನ ಎ.4 ಬೊಲ್ಪುಗು 10.30 ಕ್ ನಡಪರೆ ಉಂಡು.

ಈ ಲೇಸ್ ಭಕ್ತಾಭಿಮಾನಿಲು ಎಚ್ಚದ ಸಂಖ್ಯೆಡ್ ಪಾಲ್ ಪಡೆವೊಡು ಪಂದ್ ದ.ಕ ಮೊಗವೀರ ಮಹಾಜನ ಸಂಘ (ರಿ.) ಉಚ್ಚಿಲ ನೆತ್ತ ಗೌರವ ಸಲಹೆಗಾರೆರ್, ಅಧ್ಯಕ್ಷೆರ್, ಪದಾಧಿಕಾರಿಲು ಬೊಕ್ಕ ಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

Kuraya- Bandaru Shri Sadashiva temple -Pratistapane and Jatra festival ಕುರಾಯ-ಬಂದಾರು ಶ್ರೀ ಸದಾಶಿವ ದೇವಲ್ಯಡ್ ಪ್ರತಿಷ್ಠಾ ಉಚ್ಚಯ, ಜಾತ್ರೆ

ಬೊಲ್ತೇರ್: ಕುರಾಯ-ಬಂದಾರು ಶ್ರೀ ಸದಾಶಿವ ದೇವಲ್ಯಡ್ ಪ್ರತಿಷ್ಠಾ ಉಚ್ಚಯ, ವಾರ್ಷಿಕ ಜಾತ್ರೆ ಎ.2-10 ಮುಟ್ಟ ನಡಪರೆ ಉಂಡು.

ಎ.3 ಸೋಮಾರ ಬೊಲ್ಪುಗು ಕೈಲ್ ಕಡ್ಪೆರೆ, ಮಧ್ಯಾಹ್ನ ಮಹಾಪೂಜೆ, ರಾತ್ರೆ ಕೊಡಿ ಏರುಂಡು. ಎ.4 ಅಂಗಾರೆ ಬಯ್ಯಗ್ ನಿತ್ಯ ಬಲಿ ನಡಪರೆ ಉಂಡು. ಎ.5 ಬುಧಾರ ಮಧ್ಯಾಹ್ನ ಮಹಾಪೂಜೆ, ಬಯ್ಯಗ್ ಭಜನೆ, ರಾತ್ರೆ ಬೈಗಣ ಬಲಿ ನಡಪರೆ ಉಂಡು. ಎ.6 ಗುರುವಾರ ಬೊಲ್ಪುಗು ಉಚ್ಚಯ ಬಲಿ, ಮಧ್ಯಾಹ್ನ ಮಹಾಪೂಜೆ, ಬಯ್ಯಗ್ ಭಜನೆ, ರಾತ್ರೆ ಕೆರೆಪೂಜೆ ನಡಪರೆ ಉಂಡು. ಎ.7 ಸುಕ್ರಾರ ಬೊಲ್ಪುಗು ಉಚ್ಚಯ ಬಲಿ, ಮಧ್ಯಾಹ್ನ ಇಸೇಸ ಅಪ್ಪದ ಪೂಜೆ, ಮಹಾಪೂಜೆ, ಬಯ್ಯಗ್ ದುರ್ಗಾಪೂಜೆ, ಭಜನೆ, ರಾತ್ರೆ ಕಟ್ಟೆಪೂಜೆ ನಡಪರೆ ಉಂಡು. ಎ.8 ಸನಿಯಾರ ಬೊಲ್ಪುಗು ಬಲಿ, ದರ್ಶನ ಬಲಿ, ಬಟ್ಟಲ್ ಕಾಣಿಕೆ, ಮಧ್ಯಾಹ್ನ ಮಹಾಪೂಜೆ ಪ್ರಸಾದ ಕೊರಿಯೆರೆ ಉಂಡು. ಬಯ್ಯಗ್ ನಲಿಕೆ ಭಜನೆ ರಾತ್ರೆ ರಕ್ತೇಶ್ವರಿ ದೈವೊದ ನೇಮ, ತೇರ್ ಉಚ್ಚಯ, ಶಯನ ಉಚ್ಚಯ ನಡಪರೆ ಉಂಡು. ಎ.9 ಐತಾರ ಬೊಲ್ಪುಗು ಕವಾಟೋದ್ಘಾಟನೆ, ಮಧ್ಯಾಹ್ನ ಮಹಾಪೂಜೆ, ಬಯ್ಯಗ್ ಪಿಲಿಚಾಮುಂಡಿ ನೇಮ, ಶ್ರೀ ದೇವೆರೆನ ಅವಭೃತ ಸ್ನಾನ, ಕೊಡಿ ಜವೆರೆ ಉಂಡು. ಬೊಕ್ಕ ಕಟೀಲ್ ಮೇಳದಕ್ಲೆರ್ದ್ ದೇವಿ ಮಹಾತ್ಮೆ ಆಟ ನಡಪರೆ ಉಂಡು. ಎ.10 ಸೋಮಾರ ಬೊಲ್ಪುಗು ಸಂಪ್ರೋಕ್ಷಣೆ, ಮಧ್ಯಾಹ್ನ ಮಹಾಪೂಜೆ, ರಾತ್ರೆ ಭಜನೆ ಬೊಕ್ಕ ರಂಗಪೂಜೆ ನಡಪರೆ ಉಂಡು.

ಈ ಲೇಸ್ ನೀಲೇಶ್ವರ ವಾಸುದೇವ ತಂತ್ರಿಲೆನ ಹಿರಿತನಡ್, ನೀಲೇಶ್ವರ ಪದ್ಮನಾಭ ತಂತ್ರಿಲೆನ ಮುತಾಲಿಕೆಡ್ ನಡಪರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಪ್ರಸಾದ ದೆತೊಂದು ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಯಕ್ಷಗಾನ ಸಮಿತಿದ ಅಧ್ಯಕ್ಷೆರ್ ಹರೀಶ್ ಹೊಳ್ಳ, ವ್ಯವಸ್ಥಾಪನಾ ಸಮಿತಿದ ಬೊಕ್ಕ ಜಾತ್ರೆ ಉಚ್ಚಯ ಸಮಿತಿದ ಅಧ್ಯಕ್ಷೆರ್ ಬಾಬು ಗೌಡ ಮಡ್ಯಲಖಂಡ, ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾ. ಯೋ.(ರಿ.), ಪ್ರಗತಿಬಂಧು ಒಕ್ಕೂಟ ಮೈರೋಳ್ತಡ್ಕ- ಬಂದಾರುದ ಅಧ್ಯಕ್ಷೆರ್ ಬೊಕ್ಕ ಸದಸ್ಯೆರ್, ಶ್ರೀ ಸದಾಶಿವ ಭಜನಾ ಮಂಡಳಿ ಕುರಾಯದ ಅಧ್ಯಕ್ಷೆರ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

April 8 th: Kallurti Gaggara Seva at Kajuru Daiva Sannidhi ಎ.8: ಕಾಜೂರ ದೈವ ಸನ್ನಿಧಿಡ್ ಕಾಜೂರ ಕಲ್ಲುರ್ಟಿನ ಗಗ್ಗರ ಸೇವೆ

ಕುಡ್ಲ: ಪುಗರ್ತೆದ ವಾಸ್ತುತಜ್ಞೆರ್ ರಾಜ್ ಕುಮಾರ್ ಶಕ್ತಿನಗರ ಮೆರೆನ ದುಂಬಾತ್ತಿಗೆಡ್, ಬ್ರಹ್ಮಶ್ರೀ ವೆತಿರಮನ ಗಣಪತಿ ನಂಬೂತಿರಿ ನೀಲೇಶ್ವರ ಮೆರೆನ ಮುತಾಲಿಕೆಡ್, ಕಾಜೂರ ದೈವ ಸನ್ನಿಧಿಡ್ ಕಾಜೂರ ಕಲ್ಲುರ್ಟಿನ ಗಗ್ಗರ ಸೇವೆ ಎ.8 ಸನಿಯಾರ ನಡಪರೆ ಉಂಡು.

ಬೊಲ್ಪುಗು ಗಣಹೋಮ, ಶುದ್ಧಕಲಶ, ನವಕಪ್ರಧಾನ, ಪ್ರಸನ್ನ ಪೂಜೆ, ಮಧ್ಯಾಹ್ನ ಅನ್ನಸಂತರ್ಪಣೆ, ರಾತ್ರೆ ಸಾರ್ವಜನಿಕ ಅನ್ನಸಂತರ್ಪಣೆ, ಕಾಜೂರ ಕಲ್ಲುರ್ಟಿ ದೈವೊದ ಕೋಲ ನಡಪರೆ ಉಂಡು.

ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್, ಸಿರಿಮುಡಿ ಗಂಧ ಪ್ರಸಾದ ದೆತೊಂದು ದೈವೊದ ಕೃಪೆಗ್ ಪಾತ್ರರಾವೊಡು ಪಂದ್ ಕಾಜೂರು ಇಲ್ಲದ ದೇವಕಿ ಬೊಕ್ಕ ತುಂಗಪ್ಪ ಪೂಜಾರಿ ಲೆಪ್ಪೋಲೆಡ್ ತೆರಿಪಾದೆರ್.

April 8 th: Kallurti Gaggara Seva at Kajuru Daiva Sannidhi 

Mangalore: Renowned Vastu expert Raj Kumar Shakthinagar will lead under the guidance of Ganapati Namboothri Neeleswar to offer Gaggara Seva to Kajuru Kallurthi on April 8 th.

April 5 th: The office of Jagathika Bantara Sangha Okkuta to be inaugurated at Mulki ಎ.5 : ಜಾಗತಿಕ ಬಂಟರ ಸಂಘ ಒಕ್ಕೂಟದ ಆಡಳಿತ ಕಚೇರಿ ಉದಿಪನದ ಲೇಸ್

ಮುಲ್ಕಿ : ಮುಲ್ಕಿ ಹೈವೇ ಕೈತಲ್ ಉಪ್ಪುನ ಶ್ರೀ ಕನ್ಯಾನ ಸದಾಶಿವ ಶೆಟ್ಟಿ ಸಂಕೀರ್ಣಡ್ ಎ.5 ಬುಧಾರ ಬಯ್ಯಗ್ 5 ಗಂಟೆಗ್ ಜಾಗತಿಕ ಬಂಟರ ಸಂಘಲೆನ ಒಕ್ಕೂಟದ “ಪ್ರವೀಣ್ ಭೋಜ ಶೆಟ್ಟಿ ಆಡಳಿತ ಕಚೇರಿ”ದ ಉದಿಪನದ ಲೇಸ್ ನಡಪರೆ ಉಂಡು.

ಒಡಿಯೂರು ಶ್ರೀ ಕ್ಷೇತ್ರದ ಗುರು ದೇವಾನಂದ ಸ್ವಾಮೀಜಿ ಆಶೀರ್ವಚನ ಕೊರಿಯೆರೆ ಉಲ್ಲೆರ್. ಒಕ್ಕೂಟದ ಅಧ್ಯಕ್ಷೆರ್ ಐಕಳ ಹರೀಶ್ ಶೆಟ್ರ್ ಲೇಸ್ ದ ಗುರ್ಕಾರ್ಮೆ ಒಯಿಸೊನ್ವೆರ್.

ಮಲ್ಲ ಬಿನ್ನೆರಾದ್ ಮಹಾದಾನಿ ಕುಳೂರು ಕನ್ಯಾನ ಸದಾಶಿವ ಶೆಟ್ಟಿ, ಒಕ್ಕೂಟದ ಮಹಾ ನಿರ್ದೇಶಕೆರ್ ತೋನ್ಸೆ ಆನಂದ ಶೆಟ್ಟಿ, ಶಶಿಧರ ಶೆಟ್ಟಿ ಬರೋಡ, ರಾಜೇಶ್ ಶೆಟ್ಟಿ ರಾಕ್ಷಿ ಬಿಲ್ಡರ್ಸ್ ಪಾಲ್ ಪಡೆಯೆರೆ ಉಲ್ಲೆರ್.

ಅಂಚೆನೆ ಬಂಟರ ಯಾನೆ ನಾಡವರ ಮಾತೃ ಸಂಘದ ಅಧ್ಯಕ್ಷೆರ್ ಅಜಿತ್ ಕುಮಾರ್ ರೈ ಮಾಲಾಡಿ, ಬಂಟ ಪ್ರತಿಷ್ಠಾನದ ಅಧ್ಯಕ್ಷೆರ್ ಎ.ಜೆ ಶೆಟ್ಟಿ, ಇಂಟರ್ ನ್ಯಾಶನಲ್ ಬಂಟ್ಸ್ ವೆಲ್ಪೇರ್ ಟ್ರಸ್ಟ್ ದ ಅಧ್ಯಕ್ಷೆರ್ ಎ. ಸದಾನಂದ ಶೆಟ್ಟಿ ಪಾಲ್ ಪಡೆಯರೆ ಉಲ್ಲೆರ್.

ಈ ಪೊರ್ತುಡು ಸಹಕಾರಿ ರತ್ನ ಪ್ರಶಸ್ತಿ ಪುರಸ್ಕೃತೆರ್ ಜಯಕರ ಶೆಟ್ಟಿ ಇಂದ್ರಾಳಿ ಬೊಕ್ಕ ಒಕ್ಕೂಟದ ಮಹಾ ನಿರ್ದೇಶಕೆರ್ ಪ್ರವೀಣ್ ಭೋಜ ಶೆಟ್ಟಿ ಮೊಕ್ಲೆಗ್ ಮಾನಾದಿಗೆ ನಡಪರೆ ಉಂಡು.

ಯಕ್ಷಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್ ದ ಸ್ಥಾಪಕಾಧ್ಯಕ್ಷೆರ್ ಪಟ್ಲ ಸತೀಶ್ ಶೆಟ್ಟಿ, ಒಕ್ಕೂಟದ ಉಪಾಧ್ಯಕ್ಷೆರ್ ಕರ್ನಿರೆ ವಿಶ್ವನಾಥ ಶೆಟ್ಟಿ, ಪ್ರಧಾನ ಕಾರ್ಯದರ್ಶಿ ಜಯಕರ ಶೆಟ್ಟಿ ಇಂದ್ರಾಳಿ, ಜತೆ ಕಾರ್ಯದರ್ಶಿ ಪ್ರವೀಣ್ ಭೋಜ ಶೆಟ್ಟಿ, ಕೋಶಾಧಿಕಾರಿ ಉಳ್ತೂರು ಮೋಹನ್ ದಾಸ್ ಶೆಟ್ಟಿ ಪಾಲ್ ಪಡೆಯೆರೆ ಉಲ್ಲೆರ್ .

April 5 th: The office of Jagathika Bantara Sangha Okkuta to be inaugurated at Mulki

Mangalore: The office of the Jagathika Bantara Sangha Okkuta named as the Praveen Boja Shetty office will be inaugurated on Wednesday the 5 th of April at Sri Kanyana Sadashiva Shetty complex near Mulki National Highway road.

Odiyooru Sri Kshetra Guru Devananda Swamiji will bless.The program will be presided by Ikala Harish Shetty.

Philanthropist K Sadashiv Shetty, director of the Okkuta Tonse Anand Shetty, Sashidhar Shetty Baroda,Rajesh Shetty Rakshi builders will participate in the program.

Jayakumar Shetty Indrali Sahakara Rathna awardee and chief executive director of the Okkuta Praveen Boja Shetty will be honoured on the occasion.
Many other dignitaries are expected to be a part of the program.

Nadavali Utsava at Sasihitlu Shri Bhagavathi Kshetra on April 14 th ಎ.14: ದಹಿಬಿತ್ತ್ ಲ್ದ ಶ್ರೀ ಭಗವತೀ ದೇವಲ್ಯಡ್ ನಡಾವಳಿ ಉಚ್ಚಯ

ಸಸಿಹಿತ್ಲು : ಶ್ರೀ ಭಗವತೀ ದೇವಲ್ಯಡ್ ನಡಾವಳಿ (ನಡರಿ) ಉಚ್ಚಯ ಎ.14 ಸುಕ್ರಾರ ನಡಪರೆ ಉಂಡು.

ಎ.5 ಬುಧಾರ ಬೊಲ್ಪುಗು ಕದಿಕೆ ಭಂಡಾರ ಮಂದಿರರ್ದ್ ಪಿದಾಡ್ದ್ ಬಪ್ಪನಾಡ್ ಶ್ರೀ ದುರ್ಗಾಪರಮೇಶ್ವರೀ ದೇವಲ್ಯಡ್ ದುರ್ಗೆ ಭಗವತಿಯೆರೆನ ಭೇಟಿ ಆದ್ ಕೊಡಿ ಏರುಂಡು. ಬಯ್ಯಗ್ ಕದಿಕೆ ಭಂಡಾರದ ಇಲ್ಲಡ್ ನಡರಿ ಉಚ್ಚಯದ ಕೈಲ್ ಕಡ್ಪರೆ ಉಂಡು.

ಎ.12 ಬುಧಾರ ಬಯ್ಯಗ್ ಕದಿಕೆ ಭಂಡಾರದ ಮಂದಿರ್ದ್ ಬಪ್ಪನಾಡ್ ಕ್ಷೇತ್ರಗ್ ಭಂಡಾರ ಪೋದು ಜಾತ್ರೆಡ್ ಪಾಲ್ ಪಡೆವೆರ್.

ಎ.13 ಗುರುವಾರ ರಾತ್ರೆ ಕದಿಕೆ ಭಂಡಾರ ಮಂದಿರರ್ದ್ ಸಸಿಹಿತ್ಲು ಕ್ಷೇತ್ರಗ್ ಭಂಡಾರ ಪಿದಡುಂಡು.

ಎ.14 ಸುಕ್ರಾರ ಬೊಲ್ಪುಗು ನಾಗತಂಬಿಲ, ಮಧ್ಯಾಹ್ನ ಭಜನೆ, ಮಹಾಪೂಜೆ, ಅನ್ನಸಂತರ್ಪಣೆ, ಬಯ್ಯಗ್ ಶರತ್ ಕುಮಾರ್ ಹಳೆಯಂಗಡಿ ಬೊಕ್ಕ ಕೂಟದಕ್ಲೆರ್ದ್ ಗಿಟಾರ್ ವಾದನ ನಡಪರೆ ಉಂಡು. ಬೊಕ್ಕ ಪದ್ಮನಾಭ ಸಸಿಹಿತ್ಲು, ತೋನ್ಸೆ ಪುಷ್ಕಳ್ ಕುಮಾರ್, ಶೇಖರ್ ಸಸಿಹಿತ್ಲು ಬೊಕ್ಕ ಕೂಟದಕ್ಲೆರ್ದ್ ಭಜನ್ ಸಂಧ್ಯಾ, ರವಿಚಂದ್ರ ಮುಲ್ಕಿ ಕೂಟದಕ್ಲೆರ್ದ್ ಸ್ಯಾಕ್ಸೋಫೋನ್ ವಾದನ, ಅನ್ನಸಂತರ್ಪಣೆ ಬೊಕ್ಕ ಶ್ರೀ ಕ್ಷೇತ್ರದ ಸಸಿಹಿತ್ಲು ಶ್ರೀ ಭಗವತೀ ಪ್ರಸಾದಿತ ದಶಾವತಾರ ಯಕ್ಷಗಾನ ಮಂಡಳಿದಕ್ಲೆರ್ದ್ ಭಾಗ್ಯವಂತೆರ್ ಆಟ ನಡಪರೆ ಉಂಡು. ರಾತ್ರೆ ಮಹಾಪೂಜೆ, ಬಲಿ ಸುರು, ಮೂರ್ತಿ ದರ್ಶನ, ಕಂಚಿಲ್ ಸೇವೆ, ಮಡಸ್ತಾನ, ಪರಕೆ ಬೊಕ್ಕ ತುಲಾಭಾರ ಸೇವೆ ನಡಪರೆ ಉಂಡು.

ಎ.15 ಸನಿಯಾರ ಬೊಲ್ಪುಗು ಬಿಸು ಪೂಜೆ ಆದ್ ಭಂಡಾರ ಪಿರ ಪೋವೆರೆ ಉಂಡು.

ಎ.16 ಐತಾರ ಬೊಲ್ಪುಗು “ಓಂ ನಮೋ ಭಗವತೇ ವಾಸುದೇವಾಯ” ಮಂತ್ರೋಚ್ಛಾರ, ಮಧ್ಯಾಹ್ನ ಅನ್ನಸಂತರ್ಪಣೆ ನಡಪರೆ ಉಂಡು.

ಎ.17 ಸೋಮಾರ ಬೊಲ್ಪುಗು ಮಹಾಮಂಗಳಾರತಿ, ಪ್ರಸಾದ ಕೊರಿಯೆರೆ ಉಂಡು. ‌

ಎ.18 ಅಂಗಾರೆ ರಾತ್ರೆ ಕದಿಕೆ ಭಂಡಾರ ಮಂದಿರರ್ದ್ ದೀಪಾರಾಧನೆ, ಪೊಯಿಕಣ್ಣ ದೈವ ಬೊಕ್ಕ ಪರಿವಾರ ದೈವೊಲೆನ ತಂಬಿಲ ನಡಪರೆ ಉಂಡು.

ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್, ಪ್ರಸಾದ ದೆತೊಂದು, ಶ್ರೀ ದೇವಿನ ಕೃಪೆಗ್ ಪಾತ್ರರಾವೊಡು ಪಂದ್ ಆಡಳಿತ ಮೊಕ್ತೇಸರೆರ್ ರಾಮಪ್ಪ ಮಾಸ್ತರ್ ಗುಡ್ಯಾಂ ಕೆಮ್ಮಣ್ಣು, ಅಧ್ಯಕ್ಷೆರ್ ವಾಮನ ಇಡ್ಯಾ, ಅನುವಂಶಿಕ ಮೊಕ್ತೇಸರೆರ್ ಶ್ರೀನಿವಾಸ ಯಾನೆ ಅಪ್ಪು ಪೂಜಾರಿ, ಗೌರವಾಧ್ಯಕ್ಷೆರ್ ರೋಹಿದಾಸ್ ಬಂಗೇರ ಬೊಂಬೈ, ಜೀರ್ಣೋದ್ಧಾರ ಸಮಿತಿದ ಅಧ್ಯಕ್ಷೆರ್, ಸದಸ್ಯೆರ್ ಬೊಕ್ಕ ಸಸಿಹಿತ್ಲು ಶ್ರೀ ಭಗವತೀ ದೇವಲ್ಯದ ಆಡಳಿತ ಸಮಿತಿ ಬೊಕ್ಕ ಅಭಿವೃದ್ಧಿ ಸಮಿತಿದಕುಲು ಲೆಪ್ಪೋಲೆಡ್ ತೆರಿಪಾದೆರ್.

Rahul Gandhi presented with a four storied building by a congress leader!! ರಾಹುಲ್‌ ಗಾಂಧಿಗ್ 4 ಮಾಳಿಗೆದ ಇಲ್ಲ್ ಕೊರ್ನ ಕಾಂಗ್ರೆಸ್‌ ನಾಯಕಿ!

ಡೆಲ್ಲಿ: ಕಾಂಗ್ರೆಸ್‌ ನಾಯಕೆ ರಾಹುಲ್‌ ಗಾಂಧಿ ಮೇರ್ ʻ50 ವರ್ಷ ಆಂಡಲ ಎಂಕ್ ಪಂದ್ ಸ್ವಂತ ಇಲ್ಲ್ ಇಜ್ಜಿ” ಪಂದ್ ಇತ್ತೆರ್.

ನೆತ್ತೊಟ್ಟಿಗೆ ಸಂಸದೆರ್ ತಾನರ್ದ್ ಅನರ್ಹ ಆಯಿನ ಬೆರಿಕ್ಕೆ ಅಧಿಕೃತ ಸರ್ಕಾರಿ ನಿವಾಸನ್ ಬುಡ್ತೆರ್.

ಡೆಲ್ಲಿದ ಕಾಂಗ್ರೆಸ್ ಸೇವಾ ದಳತ್ತ ಅಧ್ಯಕ್ಷೆರ್ ರಾಜಕುಮಾರಿ ಗುಪ್ತಾ ಮೇರ್ ಮಂಗೋಲ್ವುರಿ ಪ್ರದೇಶಡ್ ತನ್ನ ಪುದರ್ ಡ್ ಇತ್ತಿನ 4 ಮಾಳಿಗೆದ ಇಲ್ಲ್ ನ್ ರಾಗಾ ಪುದರ್ ಗ್ ವರ್ಗಾವಣೆ ಮಲ್ದೆರ್.

ಗುಪ್ತಾ ಮೇರ್ ಇಂದಿರಾ ಗಾಂಧಿ ಮೆರೆನ ಕಾಲಡ್ ಈ ಇಲ್ಲ್ ನ್ ದೆತೊಂದೆರ್ ಪನ್ಪುನವು ಇಸೇಸ ಆತ್ಂಡ್. ಈ ಬಗೆಟ್ ವೀಡಿಯೋ ಒಂಜೆನ್ ಕಾಂಗ್ರೆಸ್‌ ಲ ತನ್ನ ಟ್ವಿಟ್ಟರ್‌ ಅಕೌಂಟ್ ಡ್ ಪಾಡ್ದ್ಂಡ್.

Rahul Gandhi presented with a four storied building by a congress leader!!

Delhi: Rahul Gandhi was declared disqualified of being a MP and had to leave his official quarters.

At the backdrop of this matter Congress Seva dal , Delhi president Rajakumari Gupta has changed the name of a four storied house in her name to that of Rahul Gandhi.

She had bought this premise when she was working under Indira Gandhi.

Yakshadruva Patla foundation trust- gives an aid of rupees one lakh to the family of Kanthu Ajila ದೈವ ನರ್ತಕೆರ್ ದಿ. ಕಾಂತು ಅಜಿಲ ಕುಟುಂಬಗ್ ಯಕ್ಷಧ್ರುವ ಪಟ್ಲ ಫೌಂಡೇಶನ್ ರ್ದ್ 1 ಲಕ್ಷ ರೂ. ಪನವುದ ಸಕಾಯ

ಕುಡ್ಲ: ನೇಮದ ಪೊರ್ತುಡು ದೈವ ನರ್ತನ ಮಲ್ತೊಂದು ಇಪ್ಪುನಗನೇ ತಿರ್ತ್ ಬೂರ್ದು ದೇವೆರೆ ಪಾದೊ ಸೇರಿನ ದೈವ ನರ್ತಕೆರ್ ಕಾಂತು ಅಜಿಲ ಮೆರೆನ ಕುಟುಂಬಗ್ ಯಕ್ಷಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್ 1 ಲಕ್ಷ ರೂ. ಪನವುದ ಸಕಾಯನ್ ಘೋಷಣೆ ಮಲ್ದ್ಂಡ್.

ಕಾಣಿಯೂರು ಗ್ರಾಮ‌ ಪಂಚಾಯತ್ ವ್ಯಾಪ್ತಿದ ದೋಳ್ಪಾಡಿ ಗ್ರಾಮದ ಇಡ್ಯಡ್ಕಡ್ ಮಾ.30 ಗು ಕಾಂತು ಅಜಿಲೆರ್ ದೈವ ನರ್ತನ ಮಲ್ತೊಂದಿಪ್ಪುನಗನೆ ದೇವೆರೆ ಪಾದ ಸೇರ್ದಿತ್ತೆರ್.

ಯಕ್ಷಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್ ದ ಸಭೆಟ್ಟ್ ಇಂಚೊಗು ದಿ.ಕಾಂತು ಅಜಿಲೆರೆಗ್ ಶ್ರದ್ದಾಂಜಲಿ ಅರ್ಪಣೆ ಮಲ್ತೆರ್.

ದೈವಾರಾಧನೆದ ಬಗೆಟ್ ಮಸ್ತ್ ಜ್ಞಾನ ಇಪ್ಪುನ ಕಾಂತು ಅಜಿಲೆರ್ ಸುಮಾರ್ ಜನಕ್ಲೆಗ್ ಸಂಶೋಧನೆದ ಬಗೆಟ್ ಪೊಲಬು ಕೊರೊಂದು ಇತ್ತೆರ್.

ಎಡಮಂಗಲದ ಪ್ರಮುಖ ದೈವೊಲ್ಯಡ್ ದೈವನರ್ತಕೆರಾದ್ ಸೇವೆ ಮಲ್ತೊಂದು ಇತ್ತೆರ್. ಮೇರ್ 45 ವರ್ಷೊರ್ದಿಂಚಿ ದೈವ ನರ್ತಕೆರಾದ್ ಕೂಡುಕಟ್ಟ್ ಗ್ ಸಂಬಂಧ ಪಟ್ಟಿನಂಚನೆ ದೈವಾರಾಧಕೆರಾದ್ ಗ್ರಾಮದೈವೊಲೆನ ಪರಿಚಾರಕೆರಾದ್ ಸೇವೆ ಸಂದಾವೊಂದು ಇತ್ತೆರ್.

Yakshadruva Patla foundation trust- gives an aid of rupees one lakh to the family of Kanthu Ajila

Mangalore: Kanthu Ajila who was a divine dancer breathed his last while performing the divine dance ritual of Nema ceremony on March 30th at Kaniyoor village limits .

The Patla foundation have announced an aid of one lakh rupees to his family at a prayer meet held in his honour.

He was an Authority on Daivaradane rituals and has been performing the divine dance ritual from the past 45 years.

ಹಳೆಯಂಗಡಿ ವಾಲಿಬಾಲ್ ಪಂದ್ಯಾಟೊಗು ಚಾಲನೆ

ಹಳೆಯಂಗಡಿ: ಶ್ರೀ ವಿದ್ಯಾವಿನಾಯಕ ಯುವಕ ಮಂಡಲದ ಬಂಗಾರ್ ಪರ್ಬ ಉಚ್ಚಯದ ನಿಲೆಟ್ಟ್ ಎ.2 ವಾಲಿಬಾಲ್ ಪಂದ್ಯಾಟ ಯುವಕ ಮಂಡಲದ ವಠಾರಡ್ ನಡತ್ಂಡ್.

ಸಾರಿಗೆ ಉದ್ಯಮಿ ಕೇಶವ ಸನಿಲ್ ಪಂದ್ಯಾಟ ಉದಿಪನ ಮಲ್ತೆರ್.

ನೆಹರು ಯುವ ಕೇಂದ್ರದ ಜಗದೀಶ್ ಗುರ್ಕಾರ್ಮೆ ಒಯಿಸ್ ದ್ ಪಾತೆರ್ದ್, ಕ್ರೀಡಾ ಕ್ಷೇತ್ರ ಡ್ ಯುವ ಸಮುದಾಯಗ್ ಎಡ್ಡೆ ಭವಿಷ್ಯ ಉಂಡು. ಗ್ರಾಮೀಣ ಭಾಗದ ಪ್ರತಿಭೆಲೆಗ್ ಅವಕಾಶ ಮುಕ್ತವಾದಿತ್ತ್ ದ್, ಅಕ್ಲೆನ ಕ್ರೀಡಾ ಸಾಮರ್ಥ್ಯನ್ ಪ್ರದರ್ಶನ ಮಲ್ತ್‌ದ್ ಸಾಧನೆ ಮಲ್ಪುನ ಮುಕೇನ ಗ್ರಾಮೀಣ ಭಾಗದ ಪುದರ್ನ್ ಮೆರೆಪಾಲೆ ಪಂದ್ ಪಂಡೆರ್.

ಸಸಿಹಿತ್ಲು ಕದಿಕೆ ಭಂಡಾರದ ಇಲ್ಲದ, ಶ್ರೀ ಭಗವತೀ ತೀಯಾ ಸಂಘದ ಅಧ್ಯಕ್ಷೆರ್ ಸುರೇಶ್ ಬಂಗೇರ ಶುಭಹಾರೈಕೆ ಮಲ್ತೆರ್.

ಹೇಮಾವತಿ ಒಡಿಪು, ಗಣೇಶ್ ಪ್ರಭು ರಾವ್, ಹಳೆಯಂಗಡಿ ಪಿಸಿಎ ಬ್ಯಾಂಕ್‌ ದ ಉಪಾಧ್ಯಕ್ಷೆರ್ ಶ್ಯಾಂಪ್ರಸಾದ್ ಪಡುಪಣಂಬೂರು, ಸುವರ್ಣ ಮಹೋತ್ಸವದ ಅಧ್ಯಕ್ಷೆರ್ ಪ್ರಕಾಶ್ ಎನ್. ಶೆಟ್ಟಿ, ಸಲಹಾ ಸಮಿತಿದ ಅಧ್ಯಕ್ಷೆರ್ ಮೋಹನ್ ಬಂಗೇರ, ರಜತ ವರ್ಷ ಟ್ರಸ್ಟ್‌ದ ಕಾರ್ಯದರ್ಶಿ ಸ್ಟ್ಯಾನಿ ಡಿಕೋಸ್ತ, ಕ್ರೀಡಾ ಕಾರ್ಯದರ್ಶಿ ಮೋಹನ್ ಅಮೀನ್, ಮಹಿಳಾ ಮಂಡಲದ ಅಧ್ಯಕ್ಷೆ ರೇಷ್ಮಾ, ಯುವತಿ ಮಂಡಲದ ಅಧ್ಯಕ್ಷೆ ರಶ್ವಿತಾ ಮೊಕುಲು ಮಾತ ಇತ್ತೆರ್ .

ಶ್ರೀ ವಿದ್ಯಾ ವಿನಾಯಕ ಯುವಕ ಮಂಡಲದ ಅಧ್ಯಕ್ಷೆರ್ ಯತೀಶ್ ಕೋಟ್ಯಾನ್ ಸ್ವಾಗತ ಮಲ್ತೆರ್. ಸುವರ್ಣ ಮಹೋತ್ಸವದ ಕಾರ್ಯಾಧ್ಯಕ್ಷೆರ್ ಸುಧಾಕರ ಆರ್. ಅಮೀನ್ ಸೊಲ್ಮೆ ಸಂದಾಯೆರ್. ಪ್ರಧಾನ ಕಾರ್ಯದರ್ಶಿ ರಾಮದಾಸ್ ಪಾವಂಜೆ ಸಭೆ ಸುಧಾರಿಕೆ ಮಲ್ತೆರ್.

ತೋಕೂರು ಬ್ರಹ್ಮಕಲಶ ಉಚ್ಚಯಗ್ ದೊಂಪ ಮೂರ್ತ, ಲೆಪ್ಪೋಲೆ ಬುಡುಗಡೆ

ಹಳೆಯಂಗಡಿ: ಜೀರ್ಣೋದ್ಧಾರ ಆದ್ ಬ್ರಹ್ಮಕಲಶ, ನಾಗಮಂಡಲ ಉಚ್ಚಯಗ್ ತಯಾರಾತಿನ ತೋಕೂರು ಶ್ರೀ ಸುಬ್ರಹ್ಮಣ್ಯ ಮಹಾಗಣಪತಿ ದೇವಸ್ಥಾನಡ್ ದೊಂಪ ಮೂರ್ತ ಬೊಕ್ಕ ಉಚ್ಚಯದ ಲೆಪ್ಪೋಲೆ ಬುಡುಗಡೆ ಲೇಸ್ ಏ.2 ಐತಾರ ನಡತ್ಂಡ್.

ಶಿಬರೂರು ಗೋಪಾಲಕೃಷ್ಣ ತಂತ್ರಿಲೆನ ಮುತಾಲಿಕೆಡ್ ಅರ್ಚಕೆರ್ ಮದುಸೂದನ ಆಚಾರ್ಯ ಮೇರ್ ಬಾಲಾಲಯಡ್ ದೇವೆರೆಗ್ ಪ್ರಾರ್ತನೆ ಮಲ್ತ್ ದ್ ಬೊಕ್ಕ ದೇವಲ್ಯದ ಬಾಕಿಮಾರು ಕಂಡೊಡು ಪೂಜಾ ವಿಧಿ ಮಲ್ತ್‌ದ್ ಚಪ್ಪರ ಮೂರ್ತ ನಡತ್ಂಡ್.

ಕಟೀಲು ಶ್ರೀ ದುರ್ಗಾಪರಮೇಶ್ವರೀ ದೇವಸ್ಥಾನದ ಅನುವಂಶಿಕ ಅರ್ಚಕೆರ್ ವೇ.ಮೂ.ಲಕ್ಷ್ಮೀನಾರಾಯಣ ಅಸ್ರಣ್ಣೆರ್ ಮುರ್ತ ನೆರವೇರಿಸಾದ್ ಪಾತೆರ್ದ್, ತೋಕೂರು ದೇವಸ್ಥಾನಗ್ ಪ್ರಾಚೀನ ಕಾಲದ ಪರಪೋಕು (ಇತಿಹಾಸ) ಇತ್ತ್ ದ್ ಭಕ್ತಿ ಬೊಕ್ಕ ಶ್ರದ್ಧಾ ಕೇಂದ್ರವಾದುಂಡು.ಇತ್ತೆ ಸಂಪೂರ್ಣವಾದ್ ಜೀರ್ಣೋದ್ಧಾರ ಆತಿನವು ಪ್ರಗತಿದ ಸಂಕೇತ ಆದುಂಡು. ನಮ್ಮ ಮನಸ್ ದ ದೈವೀಕ ಶಕ್ತಿದ ಆರಾಧನೆನ್ ಭಕ್ತಿ ಮಾರ್ಗೊಡು ನೆರವೇರಿಸಾದ್ ಸಂತೃಪ್ತ ಭಾವನೆನ್ ಅರಳಾವೊಡು ಪಂದ್ ಪಂಡೆರ್.

ಮೂಲ್ಕಿ ಸೀಮೆದ ಅರಸೆರ್ ಎಂ. ದುಗ್ಗಣ್ಣ ಸಾವಂತೆರ್ ಅಧ್ಯಕ್ಷತೆ ಒಯಿಸಾದ್ ಪಾತೆರ್ದ್, ಸೀಮೆದ ಮಾತಾ ಧಾರ್ಮಿಕ ಕ್ಷೇತ್ರೊಲು ಇನಿಕ್ಕ್ ಭಕ್ತೆರ್ನ ಸಂಘಟನಾ ಶಕ್ತಿರ್ದ್ ಬೆಳಗೊಂದುಂಡು ಪಂಡೆರ್.

ಬಪ್ಪನಾಡು ಶ್ರೀ ದುರ್ಗಾಪರಮೇಶ್ವರೀ ದೇವಸ್ಥಾನದ ಆಡಳಿತ ಮೊಕ್ತೇಸರೆರ್ ಮನೋಹರ ಶೆಟ್ಟಿ, ದಕ್ಷಿಣ ಕನ್ನಡ ಜಿಲ್ಲಾ ಧಾರ್ಮಿಕ ಪರಿಷತ್‌ ಸದಸ್ಯೆರ್ ಕೆ.ಭುವನಾಭಿರಾಮ ಉಡುಪ ಎಡ್ಡೆಪ್ಪು ಬಯಕಿಯೆರ್ .

ಜೀರ್ಣೋದ್ಧಾರ ಸಮಿತಿದ ಅಧ್ಯಕ್ಷೆರ್ ಧರ್ಮದರ್ಶಿ ಹರಿಕೃಷ್ಣ ಪುನರೂರು, ಬ್ರಹ್ಮಕಲಶೋತ್ಸವ ಸಮಿತಿದ ಅಧ್ಯಕ್ಷೆರ್ ಸಂತೋಷ್‌ಕುಮಾರ್ ಹೆಗ್ಡೆ, ವ್ಯವಸ್ಥಾಪನಾ ಸಮಿತಿದ ಸದಸ್ಯೆರಾಯಿನ ವಿಜಯಕುಮಾರ್ ರೈ, ಪುರುಷೋತ್ತಮ ರಾವ್, ಎಲ್.ಕೆ.ಸಾಲ್ಯಾನ್, ವಿಪುಲ ಡಿ. ಶೆಟ್ಟಿಗಾರ್, ಶಾರದಾ ಬಂಗೇರ, ವಿಶ್ವನಾಥ್, ಯೋಗೀಶ್ ಕೋಟ್ಯಾನ್, ಬೇತೆ ಬೇತೆ ಸಮಿತಿದ ರತ್ನಾಕರ ಶೆಟ್ಟಿಗಾರ್, ಮೋಹನ್‌ದಾಸ್, ಗುರುರಾಜ್ ಪೂಜಾರಿ, ಸುಗಂಧಿ ಕೊಂಡಾಣ, ಶಂಕರ್ ಶೆಟ್ಟಿಗಾರ್, ಜನಾರ್ದನ ಪಡುಪಣಂಬೂರು, ಅನಂತರಾಮ ಶಿಮಂತ್ರಾಯ, ವಿನೋದ್ ಬೊಳ್ಳೂರು, ಧರ್ಮಾನಂದ ಶೆಟ್ಟಿಗಾರ್, ಶ್ರೀಧರ ಬಂಗೇರ, ಹೇಮಂತ್ ಅಮೀನ್, ವಿನೋದ್‌ಕುಮಾರ್, ಯಶೋಧ ರಾವ್, ಸಂತೋಷ್ ದೇವಾಡಿಗ, ನವೀನ್ ಶೆಟ್ಟಿಗಾರ್, ಅನುಪಮಾ ರಾವ್, ಭಾಸ್ಕರ ಅಮೀನ್, ಗಂಗಾಧರ ಶೆಟ್ಟಿ ಮೈಲೊಟ್ಟು, ಸವಿತಾ ಬೆಳ್ಳಾಯರು, ಶೋಭಾ ವರುಣ್ ಅಂಚನ್, ಪ್ರವೀಣ್ ಶೆಟ್ಟಿ ಬೆಳ್ಳಾಯರು, ಕುಮಾರ್ ದೇವಾಡಿಗ, ಸಂತೋಷ್‌ಕುಮಾರ್ ಚಿಕ್ಕಟ್ರಾಯಪಾಡಿ, ನಾರಾಯಣ ಸುವರ್ಣ, ಎಸ್‌ಕೆಪಿ ಮೋಹನ್ ಭಟ್ ಮೊಕುಲು ಮಾತ ಇತ್ತೆರ್.

ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಹರಿದಾಸ್ ಭಟ್ ಎದ್ಕೊಂಡೆರ್. ಪ್ರಧಾನ ಸಂಚಾಲಕೆರ್ ಡಾ.ಸೋಂದಾ ಭಾಸ್ಕರ ಭಟ್ ಪ್ರಸ್ತಾವನೆ ಮಲ್ತ್ ದ್ ಸೊಲ್ಮೆ ಸಂದಾಯೆರ್.