February 2023

Radio Manipal to air ” Puranamrutha -Pauranika Patra Jeevana Sutra” program ರೇಡಿಯೊ ಮಣಿಪಾಲ್ ಡ್ ಪುರಾಣಾಮೃತ- ಪೌರಾಣಿಕ ಪಾತ್ರ ಜೀವನ ಸೂತ್ರ ಲೇಸ್

ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhzಡ್ ಪುರಾಣಾಮೃತ- ಪೌರಾಣಿಕ ಪಾತ್ರ ಜೀವನ ಸೂತ್ರ ಸರಣಿ ಲೇಸ್ ದ 84ನೇ ಸಂಚಿಕೆ ಫೆ.25 ಸನಿಯಾರ ಬಯ್ಯಗ್ 4.15ಕ್ ಪ್ರಸಾರ ಆಪುಂಡು.

ಈ ಲೇಸ್ ಡ್ ಉಪನ್ಯಾಸಕೆರ್ ಮುಂಡಾಜೆ ಕುಮಾರೇಶ್ವರ ಭಟ್ ಪಾಲ್ ಪಡೆಯೆರೆ ಉಲ್ಲೆರ್.ಫೆ.26 ಮಧ್ಯಾಹ್ನ 12.15ಕ್ ಮರುಪ್ರಸಾರ ಆಪುಂಡು.

Radio Manipal to air “Kathe Kelona” series ರೇಡಿಯೊ ಮಣಿಪಾಲ್ ಡ್ ಕಥೆ ಕೇಳೋಣ ಕೂಪೆ

ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz ಡ್ ಕನ್ನಡ ಸಾಹಿತ್ಯ ಪರಿಷತ್ ಒಡಿಪು ಜಿಲ್ಲೆ ಬೊಕ್ಕ ತಾಲೂಕ್ ಘಟಕದ ಒಟ್ಟುಸೇರಿಗೆಡ್ ಕಥೆ ಕೇಳೋಣ ಸರಣಿ ಲೇಸ್ ದ 43ನೇ ಸಂಚಿಕೆ ಫೆ.25 ಸನಿಯಾರ ಬಯ್ಯಗ್ 4.30 ಕ್ ಪ್ರಸಾರ ಆಪುಂಡು.

ಈ ಲೇಸ್ ಡ್ ಬರವುಗಾರೆ ಬೊಕ್ಕ ಶಿಕ್ಷಕೆ ನರೇಂದ್ರಕುಮಾರ್ ಕೋಟ ಪಾಲ್ ಪಡೆಯೆರೆ ಉಲ್ಲೆರ್ ಫೆ.26 ಮಧ್ಯಾಹ್ನ 12.30 ಕ್ ಮರುಪ್ರಸಾರ ಆಪುಂಡು.

March 4 th -10th: Shri Brahmadeva, Isthadevatha, Balavandi, Pilichandi Daiva, Punar Pratistapaney , Kalashabisheka and annual Jatra at Perara near Bajpe ಮಾ.4-10: ಪೆರ್ರ ಶ್ರೀ ಬ್ರಹ್ಮದೇವರ್ ಇಷ್ಟದೇವತಾ ಬಲವಾಂಡಿ ಪಿಲಿಚಾಂಡಿ ದೈವೊಲ್ಯಡ್ ಪುನರ್ ಪ್ರತಿಷ್ಠಾ ಕಲಶಾಭಿಷೇಕ, ವರ್ಷಾಧಿದ ಜಾತ್ರೆ

ಬಜ್ಪೆ: ಪೆರ್ರದ ಶ್ರೀ ಬ್ರಹ್ಮದೇವೆರ್ ಇಷ್ಟದೇವತಾ ಬಲವಾಂಡಿ ಪಿಲಿಚಾಂಡಿ ದೈವೊಲ್ಯಡ್ ಪುನರ್ ಪ್ರತಿಷ್ಠಾ ಕಲಶಾಭಿಷೇಕ ಬೊಕ್ಕ ವರ್ಷಾಧಿದ ಜಾತ್ರೆ ಮಾ.4-10 ಮುಟ್ಟ ನಡಪರೆ ಉಂಡು.

ಕುಡುಪು ಕೃಷ್ಣರಾಜ ತಂತ್ರಿಲೆನ ಮುತಾಲಿಕೆಡ್, ಕದಳಿ ಶ್ರೀ ಯೋಗೇಶ್ವರ ಮಠತ್ತ ಶ್ರೀ ರಾಜಯೋಗಿ ನಿರ್ಮಲನಾಥಜಿ ಮಹಾರಾಜ್ ಮೆರೆನ ಉಪಸ್ಥಿತಿಡ್ ಪೊಸತಾದ್ ನಿರ್ಮಾಣ ಆಯಿನ ಛತ್ರದರಸು ಚಾವಡಿ, ಬಂಟಕಂಬ ರಾಜಾಂಗಣ ಬೊಕ್ಕ ಪಿಲಿಚಾಂಡಿ ದೈವೊಲ್ಯಡ್ ದೈವೊಲೆನ ಪುನರ್ ಪ್ರತಿಷ್ಠಾ ಕಲಶಾಭಿಷೇಕ ನಡಪರೆ ಉಂಡು. ಅಂಚೆನೆ ಪ್ರತಿದಿನಲ ಬೇತೆ ಬೇತೆ ವೈದಿಕ, ಧಾರ್ಮಿಕ ವಿಧಿ ವಿಧಾನಲು ನಡಪರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಸಿರಿಮುಡಿ ಗಂಧ ಪ್ರಸಾದ ದೆತೊಂದು ಶ್ರೀ ದೈವೊಲೆನ ಕೃಪೆಗ್ ಪಾತ್ರರಾವೊಡು ಪಂದ್ ಶ್ರೀ ಕ್ಷೇತ್ರ ಪೆರಾರ ಜೀರ್ಣೋದ್ಧಾರ ಸಮಿತಿದ ಗೌರವಾಧ್ಯಕ್ಷೆರ್ ಸಂಸದೆರ್ ನಳಿನ್ ಕುಮಾರ್ ಕಟೀಲ್, ಸಚಿವೆರ್ ಸುನಿಲ್ ಕುಮಾರ್ ವಿ, ಅಧ್ಯಕ್ಷೆರ್ ಶಾಸಕೆರ್ ಡಾ. ಭರತ್ ಶೆಟ್ಟಿ ವೈ, ಆಡಳಿತಾಧಿಕಾರಿ ಸಾಯೀಶ ಚೌಟ ತಲೇಕಳ‌ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

Nati Vaidya(Herbal healer) Srinivasa Pundit who has lessened the misery of thousands of people ಸಾರರ್ದ್ ಎಚ್ಚ ಜನತ ಬೇನೆ ಬೆಸರ್ ನ್ ಕಮ್ಮಿ ಮಲ್ತಿನ ನಾಟಿವೈದ್ಯೆರ್ ಶ್ರೀನಿವಾಸ್ ಪಂಡಿತ್

‘ಕೋಟಿ ವಿದ್ಯೆರ್ದ್, ನಾಟಿ ವಿದ್ಯೆ ಮೇಲು’ ಪನ್ಪುನ ಪಾತೆರದಂಚನೆ ಮುಲ್ಪ ಒರಿ ವ್ಯಕ್ತಿ, ಆರೆಗ್ ವಂಶಪಾರಂಪರ್ಯವಾದ್ ಬತ್ತಿನ ನಾಟಿವಿದ್ಯೆದ ಜ್ಞಾನನ್ ಗಲಸ್ ದ್ ಆಸ್ಪತ್ರೆಡೇ ಗುಣ ಮಲ್ಪರೆ ಆವಂದಿನ ಕೆಲವೊಂಜಿ ಸೀಕ್ ಲೆಗ್ ಚಿಕಿತ್ಸೆ ಕೊರ್ದು ಸುಮಾರ್ ಜನಕ್ ಸೀಕ್ ಗುಣ ಮಲ್ತಿನಾರ್ ನಾಟಿವೈದ್ಯೆರ್ ಶ್ರೀನಿವಾಸ ಪಂಡಿತ್.

ಮೇರ್ ಸರಳ ವ್ಯಕ್ತಿಯಾದ್ ತೋಜಿಂಡಲ ಮೆರೆನ ಸೇವೆರ್ದ್ ನೂದೆರ್ದ್ ಎಚ್ಚ ಜನಕ್ ಪ್ರಯೋಜನ ಆತ್ಂಡ್. ದಕ್ಷಿಣ ಕನ್ನಡ ಜಿಲ್ಲೆದ ಕುಕ್ಕೆ ಸುಬ್ರಹ್ಮಣ್ಯ ಕೈತಲ್ ದ ಏನೇಕಲ್ಲು ಪನ್ಪುನ ಊರುಡ್ ಎಲ್ಯ ಬಾಡಿಗೆ ರೂಮ್ ಡ್ ಇತ್ತ್ ದ್ ಅಲ್ಪ ಮೆರೆನ ಕೈತಡೆ ಚಿಕಿತ್ಸೆಗಾದ್ ಬರ್ಪುನ ಜನಕ್ ಮರ್ದ್ ಕೊರೊಂದು ಉಲ್ಲೆರ್. ಇತ್ತೆ ಮೇರ್ ‘ನಾಟಿವೈದ್ಯ ಪಂಡಿತೆರ್” ಪಂದೇ ಪುದರ್ ಪಡೆತೆರ್.

ಮೂಲತಃ ಕೇರಳ ರಾಜ್ಯದ ಕಾಸ್ರೋಡು ಜಿಲ್ಲೆದ ಕೊಡ್ಲಮೊಗರು ಗ್ರಾಮದ ಮುಗುಳಿ ನಿವಾಸಿ ಪುಗರ್ತೆದ ನಾಟಿವೈದ್ಯೆ, ಪಂಡಿತೆರ್ ದಿ. ಮಾಯನಪ್ಪು ಬೆಳ್ಚಡ, ಬೊಕ್ಕ ಶಾರದಾ ದಂಪತಿಲೆನ ಮಗೆನೇ ಶ್ರೀನಿವಾಸೆರ್.

ಮೇರ್ ಅಜ್ಜೆರ್ ಬೊಕ್ಕ ಅಮ್ಮೆರೆರ್ದ್ ವಂಶಪಾರಂಪರ್ಯವಾದ್ ಬತ್ತಿನ ನಾಟಿವಿದ್ಯೆದ ಪಾಂಡಿತ್ಯರ್ದ್ ಪಕ್ಷಪಾತ (ಪಾರ್ಶ್ವವಾಯು), ಗಂಟ್ ಬೇನೆ, ಮೂಲವ್ಯಾಧಿ, ಸಕ್ಕರೆ ಕಾಯಿಲೆ, ಸರ್ಪಸುತ್ತು, ಕೆಂಪು, ಕಿರಾಣಿ, ಪಡಿಕೆಡ್ ಕಲ್ಲ್, ತರೆಹೊಟ್ಟು, ಚರ್ಮರೋಗ, ಮಂಜೊಲು ಸೀಕ್, ಬೊಕ್ಕ ಪೊಂಜೋವ್ ನಕ್ಲೆಗ್ ತೋಜಿದ್ ಬರ್ಪುನ ಬಿಳಿಸೆರಗು, ತಿಂಗೊಲ್ದ ಪಿದಯಿದ ಸಮಸ್ಯೆ, ಬಂಜೆತನ, ಅತ್ತಂದೆ ವಿಷತ ಚಾಲಿಯೆ ತುಚ್ಚಿನ ಇಂಚಿನ ಮಾತ ಗಂಭೀರ ಸಮಸ್ಯೆಗ್ ಪರಿಣಾಮಕಾರಿ ಆಯಿನ ಮರ್ದ್ ಕೊರೊಂದು ಉಲ್ಲೆರ್.

ಪ್ರಕೃತಿಡ್ ತಿಕ್ಕುನ ಮರ ದೈತ ಬೊಕ್ಕ ಮೂಲಿಗೆದ ಇರೆ, ಬೇರ್, ಕೆತ್ತೆ ಬೊಕ್ಕ ನವಧಾನ್ಯಲೆನ್ ಗಲಸ್ ರ್ದ್ ಅಯಿರ್ದ್ ತಾನೇ ಸ್ವತಃ ವಾದ್ ಎಣ್ಣೆ, ಕಷಾಯ, ಲೇಹ್ಯ ತಯಾರ್ ಮಲ್ತ್ ದ್, ಚಿಕಿತ್ಸೆಗಾದ್ ಬತ್ತಿ‌ನಕ್ಲೆನ ನಾಡಿ ಪರೀಕ್ಷೆ ಮಲ್ತ್ ದ್, ಸೀಕ್ ದ ಸ್ವರೂಪನ್ ತೆರಿವೊಂದು ಚಿಕಿತ್ಸೆ ಕೊರೊಂದು ಉಲ್ಲೆರ್.

ಕರಿನ 9 ವರ್ಷೊರ್ದಿಂಚಿ ಏನೇಕಲ್ಲ್ ಡ್ ಇಪ್ಪುನ ಮೇರ್ ತನ್ನ 14 ನೇ ವರ್ಷಡ್ ನಾಟಿಮರ್ದ್ ಕೊರಿಯೆರೆ ಸುರು ಮಲ್ದೆರ್. ಇಡೇ ಮುಟ್ಟ ಸರಿ ಸುಮಾರ್ 10 ಸಾರರ್ದ್ ಎಚ್ಚ ಜನಕ್ ನಾಟಿವೈದ್ಯೆ ಪದ್ಧತಿಡ್ ಮರ್ದ್ ಕೊರ್ದು ಸೀಕ್ ಗುಣ ಮಲ್ದೆರ್.

ಪಿರಾಕ್ ದ ಕಾಲದ ಈ ನಾಟಿವೈದ್ಯ ಪದ್ಧತಿ ನನದ ಪೀಳಿಗೆಡ್ಲಾ ಒರಿವೊಡು ಪನ್ಪುನ ಉದ್ದೇಶರ್ದ್ ನಾಟಿವಿದ್ಯೆಡ್ ಆಸಕ್ತಿ ಇಪ್ಪುನಕ್ಲೆಗ್ ತನ್ನ ಮುಖೇನ ನಾಟಿವೈದ್ಯೆ ಪದ್ಧತಿನ್ ಕಲ್ಪುನ ಇರಾದೆನ್ ಮಲ್ತೊಂದು ಉಲ್ಲೆರ್. ತನ್ನ ಕೈತಡೇ ಚಿಕಿತ್ಸೆಗಾದ್ ಬರ್ಪುನಕ್ಲೆಗ್ ಒವ್ವೇ ಸಮಯಡ್ಲಾ ಲಭ್ಯ ಇಪ್ಪುನ ಮೇರ್ ಜೋಕುಲೆನ ಆರೋಗ್ಯದ ಬಗೆಟ್ ಪೊಲಬು ಕೊರ್ಪುನ ಸಂಪನ್ಮೂಲ ವ್ಯಕ್ತಿಯಾದ್ ಸುಮಾರ್ ಕಡೆ ಪೊಲಬುಲೆನ್ ಕೊರ್ತೆರ್. ತನ್ನ ಈ ಸಮಾಜಮುಖಿ ಕಾರ್ಯಗ್ ತಮ್ಮನ ಬಯಸಂದಿನ ಸರಳ ವ್ಯಕ್ತಿ ಮೇರ್. ಅತ್ತಂದೆ ತನ್ನ ಈ ಕಾರ್ಯಗ್ ಏನೇಕಲ್ಲು ಪನ್ಪುನ ಈ ಎಲ್ಯ ಊರುದಕ್ಲೆನ ಸಂಪೂರ್ಣ ಸಹಕಾರ, ಸಕಾಯ ಉಂಡು ಪಂದ್ ಪನ್ಪೆರ್.

ಮೆರೆನ ವಿಳಾಸ:
ಶ್ರೀನಿವಾಸ್ ಪಂಡಿತ್, ಶ್ರೀ ಕನಿಲ ನಾಟಿ ವೈದ್ಯೆರ್, ಏನೇಕಲ್ಲು, ಮೊಬೈಲ್: 9148719183

(ಬರವು: ಚಂದ್ರಶೇಖರ ಕೊಡಿಯಾಲ)

” Punchada Punya Prasada” Tulu Bakthi geethe on Shri Kalikamba Devi Kukkaje released ಫೆ.26: ಕುಕ್ಕಾಜೆದ ಅಪ್ಪೆ ಶ್ರೀ ಕಾಳಿಕಾಂಬ ದೇವಿನ ತುಳು ಭಕ್ತಿ ಸುಗಿಪು “ಪುಂಚದ ಪುಣ್ಯ ಪುರ್ಸಾದ” ಬುಡುಗಡೆ

ದಯಾ ಕ್ರಿಯೇಷನ್ಸ್ ಅರ್ಪಣೆ ಮಲ್ಪುನ ಶ್ರೀ ಕ್ಷೇತ್ರ ಕುಕ್ಕಾಜೆದ ಅಪ್ಪೆ ಕಾಳಿಕಾಂಬ ದೇವಿನ ತುಳು ಭಕ್ತಿ ಸುಗಿಪು ಪುಂಚದ ಪುಣ್ಯ ಪುರ್ಸಾದ ಫೆ.26 ಐತಾರ ಶ್ರೀ ಕ್ಷೇತ್ರ ಕುಕ್ಕಾಜೆಡ್ ಬುಡುಗಡೆ ಆವೆರೆ ಉಂಡು‌.

ಈ ಭಕ್ತಿ ಸುಗಿಪು ಧರ್ಮದರ್ಶಿ ಶ್ರೀಕೃಷ್ಣ ಗುರೂಜಿ ಮೆರೆನ ಆಶೀರ್ವಾದದೊಟ್ಟಿಗೆ ಬುಡುಗಡೆ ಆಪುಂಡು. ಕೆ. ಮಹೇಂದ್ರನಾಥ್ ಸಾಲೆತ್ತೂರು ಸಾಹಿತ್ಯ ಬರೆಯಿನ ಈ ಭಕ್ತಿ ಸುಗಿಪುಗ್ ಪುರನ್ ಶೆಟ್ಟಿಗಾರ್ ಸಂಗೀತ ಕೊರ್ತೆರ್. ದಯಾನಂದ ಅಮೀನ್ ಬಾಯಾರ್ ಸಮಗ್ರ ನಿರ್ವಹಣೆ ಮಲ್ದೆರ್. ಸಲಹೆ ಬೊಕ್ಕ ಸಹಕಾರನ್ ರವಿ ಎಸ್ ಎಂ ಕುಕ್ಕಾಜೆ ಕೊರ್ತೆರ್. ಛಾಯಾಗ್ರಹಣ ಬೊಕ್ಕ ಸಂಕಲನ ಸುದರ್ಶನ್ ಟಿ ಮಲ್ದೆರ್. ಪ್ರಚಾರ ಕಲೆ ಪುಚ್ಚೇರ್ ಟ್ಯಾಬ್ ಸ್ಟುಡಿಯೋ ಬೆದ್ರ ಮಲ್ದ್ಂಡ್.

Agitation against persons who mocked Tulu language ತುಳು ಬಾಸೆ, ದೈವ ದೇವೆರೆನ ಇಚಾರಡ್ ಮಕ್ಕರ್ ಮಲ್ತಿನ ಸಚಿವೆರ್ ಮಾಧುಸ್ವಾಮಿ, ಸಿಟಿ ರವಿ ವಿರುದ್ಧ ಪೊರ್ಂಬಾಟ

ವಿಧಾನಸಭೆತ್ತ ಅಧಿವೇಶನಡ್ ತುಳು ಬಾಸೆ ಬೊಕ್ಕ ದೈವ ದೇವೆರೆನ ಇಚಾರಡ್ ಮಕ್ಕರ್ ಮಲ್ತಿನ ಸಚಿವೆರಾಯಿನ ಮಾಧುಸ್ವಾಮಿ ಅಂಚೆನೆ “ದೈವ ದೇವೆರೆನಕುಲು ಬಿಜೆಪಿ ಪರ” ಪನ್ಪಿನ ಸಿ.ಟಿ. ರವಿ ಮೆರೆನ‌ ಪಾತೆರನ್ ಖಂಡಿಸಾದ್ ಇನಿ ತುಳುನಾಡ್ ದ ದೈವರಾಧನೆ ಸಂರಕ್ಷಣಾ ಯುವ ವೇದಿಕೆ ಕುಡ್ಲ ಮೊಕುಲು ಕುಡ್ಲದ ಕ್ಲಾಕ್ ಟವರ್ ದ ಎದುರು ಪೊರ್ಂಬಾಟ ಮಲ್ತೆರ್.

“ಮಾಧುಸ್ವಾಮಿಗ್ ದಿಕ್ಕಾರ, ಸಿಟಿ ರವಿಗ್ ದಿಕ್ಕಾರ” ಪಂದ್ ತುಳುವೆರ್ ತುಳುನಾಡ ಕೊಡಿನ್ ರಾಪಾದ್ ಘೋಷಣೆ ಮಲ್ತೆರ್. ಈ ಪೊರ್ತುಡು ಪದ್ಮನಾಭ ನರಿಂಗಾನ, ಸುಮತಿ ಹೆಗಡೆ, ಮುರಳಿ ಸಾಲಿಯಾನ್ (ಮಾಜಿ ಮುಡಾ ಸದಸ್ಯೆರ್), ಅಲ್ತಾಫ್ ತುಂಬೆ, ನಿಶಾಲ್ ಸನಿಲ್, ಭರತ್, ಯುವರಾಜ್, ಪ್ರದೀಪ್, ನಂದನ್, ಪ್ರೀತೇಶ್, ಪ್ರಖ್ಯಾತ್, ಆದಿತ್ಯ, ಯಶವಂತ್, ನಂದೀಶ್, ಆದರ್ಶ್ ಇತ್ತೆರ್.

Agitation against persons who mocked Tulu language

Tulunadu Daivaradane Samrakshana Yuva Vedike have held an agitation showing dissent on the talk by Madhuswami and C T Ravi of the Karnataka government who have mocked the age old customs and traditions of Tulunadu.

Nagabrahmastana renovation foundation stone laying program at Balatothadi village ಬಾಳ ತೊತ್ತಾಡಿ ನಾಗಬ್ರಹ್ಮಸ್ಥಾನದ ಜೀರ್ಣೋದ್ಧಾರ ಕಜ್ಜೊಗು ಕೆಸರ್ ಕಲ್ಲ್ ಪಾಡುನ ಲೇಸ್, ಬಿನ್ನಾಪು ಪತ್ರ ಬುಡುಗಡೆ

ಸುರತ್ಕಲ್: ಪತ್ತೆರ್ ಒಟ್ಟು ಸೇರ್ದ್ ದೇವೆರೆ‌ನ್ ಸುಗಿತ್ಂಡ ಅತ್ತ್ಂಡ ಅಲ್ಪ ದೇವೆರ್ ಪ್ರಸನ್ನರಾಪೆರ್, ಯಶಸ್ಸ್ ತಿಕ್ಕುಂಡು” ಪಂದ್ ಕಟೀಲ್ ಕ್ಷೇತ್ರದ ಅನುವಂಶಿಕ ಮೊಕ್ತೇಸರೆರ್ ಅನಂತ ಪದ್ಮನಾಭ ಅಸ್ರಣ್ಣ ಪಂಡೆರ್.

ಮೇರ್ ಬಾಳ ತೊತ್ತಾಡಿ ನಾಗಬ್ರಹ್ಮಸ್ಥಾನ ಬೊಕ್ಕ ಪರಿವಾರ ದೈವ ದೇವೆರೆನ ಜೀರ್ಣೋದ್ಧಾರದವಬೇಲೆಗ್ ಕೆಸರ್ ಕಲ್ಲ್ ಪಾಡುನ ಲೇಸ್ ಡ್ ವಿಜ್ಞಾಪನ ಪತ್ರ ಬುಡುಗಡೆ ಮಲ್ತ್ ದ್ ಪಾತೆರಿಯೆರ್. “ದೇವಲ್ಯದ ಬ್ರಹ್ಮಕಲಶಗ್ ದಿನ ಆತ್ಂಡ್. ಮಾತಾ ಭಕ್ತೆರ್ ಕೈ ತಾಂಗ್ ಕೊರ್ಪಿನ ಮುಖೇನ ಅಭಿವೃದ್ಧಿದ ಬೇಲೆನ್ ಯಶಸ್ವಿ ಮಲ್ಪೊಡು” ಪಂದ್ ಪಂಡೆರ್.

ಕ್ಷೇತ್ರದ ತಂತ್ರಿಲು ಅನಂತ ಪದ್ಮನಾಭ ತಂತ್ರಿ ಮೇರ್ ಪಾತೆರ್ದ್, “ದೇವೆರೆನ ಅನುಗ್ರಹ ಇಜ್ಜಂದೆ ದಾಲ ನಡಪುಜಿ. ದೇವೆರೆನ ಅನುಗ್ರಹರ್ದ್ ನಮ ಮಾತ ಒಂಜಾತ. ಕ್ಷೇತ್ರದ ಅಭಿವೃದ್ಧಿ ಬೇಲೆಲು ಇತ್ತೆ ಸುರು ಆತ್ಂಡ್. ನೆಟ್ಟ್ ಊರುದ ಪರವೂರುದ ಭಕ್ತೆರ್ ಕಾಯಾ ವಾಚಾ ಮನಸಾ ಬೆನ್ಕ” ಪಂದ್ ಪಂಡೆರ್.

ಈ ಪೊರ್ತುಡು ಬೊಂಬೈ ಸಮಿತಿದ ಗೌರವಾಧ್ಯಕ್ಷೆರ್ ಸುಬ್ರಹ್ಮಣ್ಯ ರಾವ್, ಅನಂತ ಪದ್ಮನಾಭ ತಂತ್ರಿ, ಡಾ. ರೋಹಿತ್ ಬೆಂಗ್ಲೂರ್, ಅನಿಲ್ ಶೆಟ್ಟಿ ಬಾಳ ಕೆಳಗಿನ‌ಮನೆ, ರವೀಂದ್ರ ಶೆಟ್ಟಿ ಉಳಿದೊಟ್ಟು, ಆದಿತ್ಯ ಮುಕ್ಕಾಲ್ದಿ ಖಂಡೇವು ಬೂಡು, ಬೊಂಬೈ ಸಮಿತಿ ಅಧ್ಯಕ್ಷೆರ್ ಕುಶಲ ಭಂಡಾರಿ, ದಿವಾಕರ ಆಳ್ವ ತೋಕೂರುಗುತ್ತು, ಜಯ ಶೆಟ್ಟಿ ಕುಡುಂಬೂರುಗುತ್ತು, ಬಾಳ ಪಂಚಾಯತ್ ಅಧ್ಯಕ್ಷೆರ್ ಹುಲಿಗಮ್ಮ, ಸುಜಿತ್ ಆಳ್ವ, ಉಲ್ಲಾಸ್ ಶೆಟ್ಟಿ ಪೆರ್ಮುದೆ, ಆಡಳಿತ ಸಮಿತಿ ಅಧ್ಯಕ್ಷೆರ್ ದೇವದಾಸ ಶೆಟ್ಟಿ, ಪ್ರಸನ್ನ ಚೌಟ ಬಾಳ ಮೇಗಿನಮನೆ, ಜೀರ್ಣೋದ್ಧಾರ ಸಮಿತಿದ ಅಧ್ಯಕ್ಷೆರ್ ಚಿತ್ತರಂಜನ್ ಭಂಡಾರಿ, ಗೌರವಾಧ್ಯಕ್ಷೆರ್ ಕರುಣಾಕರ ಶೆಟ್ಟಿ ಬಾಳದಗುತ್ತು, ಆಡಳಿತ ಸಮಿತಿದ ಕಾರ್ಯದರ್ಶಿ ವೇಣುವಿನೋದ್ ಶೆಟ್ಟಿ, ಮಾಜಿ ಮೇಯರ್ ಭಾಸ್ಕರ ಕೆ., ಸಂತೋಷ್ ಪೈ, ಬಿಎಎಸ್ ಎಫ್, ಕಿರಣ್ ಎಂಆರ್ ಪಿಎಲ್, ಗಣೇಶಪುರ ದೇವಲ್ಯದ ಅಧ್ಯಕ್ಷೆರ್ ಧರ್ಮೇಂದ್ರ, ದಯಾನಂದ ಶೆಟ್ಟಿ ಖಂಡಡೇವು ಬೂಡು, ಅರುಣ್ ಚೌಟ, ಇಂಜಿನಿಯರ್ ಸಂತೋಷ್ ಶೆಟ್ಟಿ, ಪ್ರಶಾಂತ್ ಶೆಟ್ಟಿ, ಬಿ ರವೀಂದ್ರ ರಾವ್, ಪ್ರಧಾನ‌ ಕಾರ್ಯದರ್ಶಿ ಶಿವಪ್ರಸಾದ್ ಬಾಳ, ಕೋಶಾಧಿಕಾರಿ ಜಯಲಕ್ಷೀ ಆರ್ ಶೆಟ್ಟಿ, ಜತೆ ಕಾರ್ಯದರ್ಶಿ ನಾಗೇಶ್ ಶೆಟ್ಟಿ ಬಾಳ ಸಾನದ ಹೊಸಮನೆ ಇತ್ತೆರ್.

ಚಿತ್ತರಂಜನ್ ಭಂಡಾರಿ ಎದ್ಕೊನಿಯೆರ್. ವೇಣು ವಿನೋದ್ ಶೆಟ್ಟಿ ಪ್ರಸ್ತಾವನೆ ಮಲ್ತೆರ್. ಪುಷ್ಪರಾಜ ಅಡಪ ಪ್ರಾರ್ತನೆ ಮಲ್ತೆರ್. ಯತಿರಾಜ ಡಿ ಸಾಲ್ಯಾನ್ ಸೊಲ್ಮೆ ಸಂದಾಯೆರ್. ಶಕುಂತಳಾ ನಾಗೇಶ್ ಶೆಟ್ಟಿ ಬಾಳ ಸಾನದ ಹೊಸಮನೆ ಲೇಸ್ ದ ಸುಧಾರಿಕೆ ಮಲ್ತೆರ್.

Invitation release of Brahmakalash function of Chippar Shri Vishnumurthi temple ಚಿಪ್ಪಾರ್ ಶ್ರೀ ವಿಷ್ಣುಮೂರ್ತಿ ದೇವಲ್ಯದ ಬ್ರಹ್ಮಕಲಶ ಉಚ್ಚಯದ ಲೆಪ್ಪೋಲೆ ಬುಡುಗಡೆ

ಕಾಸ್ರೋಡು: ಚಿಪ್ಪಾರ್ ಶ್ರೀ ವಿಷ್ಣುಮೂರ್ತಿ ದೇವಲ್ಯಡ್ ಮಾ.25-30 ಮುಟ್ಟ ನಡಪರೆ ಇಪ್ಪುನ ಅಷ್ಟಬಂಧ ಬ್ರಹ್ಮಕಲಶ ಉಚ್ಚಯದ ಲೆಪ್ಪೋಲೆ ಬುಡುಗಡೆ ಲೇಸ್ ಫೆ‌.24 (ಇನಿ) ಬಯ್ಯಗ್ 4 ಗಂಟೆಗ್ ನಡಪರೆ ಉಂಡು.

ಈ ಲೇಸ್ ಡ್ ಕೊಂಡೆವೂರು ಶ್ರೀ ನಿತ್ಯಾನಂದ ಯೋಗಾಶ್ರಮದ ಶ್ರೀ ಯೋಗಾನಂದ ಸರಸ್ವತಿ ಸ್ವಾಮೀಜಿ ಲೆಪ್ಪೋಲೆನ್ ಬುಡುಗಡೆ ಮಲ್ತ್ ದ್ ಆಶೀರ್ವಚನ ಕೊರಿಯೆರೆ ಉಲ್ಲೆರ್. ಬೊಕ್ಕ ಶ್ರೀ ಕ್ಷೇತ್ರದ ತಂತ್ರಿಲಾಯಿನ ಉಳಿಯತ್ತಾಯ ವಿಷ್ಣು ಆಸ್ರ ಮೇರ್ ಪಾಲ್ ಪಡೆದ್ ಆಶೀರ್ವಚನ ಕೊರಿಯೆರೆ ಉಲ್ಲೆರ್. ಗುರ್ಕಾರ್ಮೆನ್ ಶ್ರೀ ಬ್ರಹ್ಮಕಲಶ ಉಚ್ಚಯ ಸಮಿತಿದ ಕಾರ್ಯಾಧ್ಯಕ್ಷೆರ್ ಮುರಳಿಧರ ಬಲ್ಲಾಳ್ ಚಿಪ್ಪಾರ್ ಅರಮನೆ ಒಯಿಸೊನ್ವೆರ್ ಪಂದ್ ಚಿಪ್ಪಾರ್ ಶ್ರೀ ವಿಷ್ಣುಮೂರ್ತಿ ಕ್ಷೇತ್ರಾಡಳಿತ ಸೇವಾ ಸಮಿತಿ ಬೊಕ್ಕ ಬ್ರಹ್ಮಕಲಶ ಉಚ್ಚಯ ಸಮಿತಿ ಲೆಪ್ಪೋಲೆಡ್ ತೆರಿಪಾದೆರ್.

Radio Manipal to air program giving information on a healthy home garden ರೇಡಿಯೊ ಮಣಿಪಾಲ್ ಡ್ ಪೌಷ್ಠಿಕ ಕೈತೋಟದ ಬಗೆಟ್ ಪೊಲಬು

ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz, ಡ್ ಗ್ರಾಮೀಣ ಪರ್ಪಿನ ನೀರ್ ಬೊಕ್ಕ ನೈರ್ಮಲ್ಯ ಇಲಾಖೆ ಬೆಂಗ್ಲೂರ್, ನೆತ್ತ ಮುತಾಲಿಕೆಡ್ ಶುದ್ಧ ಜಲ, ಸ್ವಚ್ಛ ನೆಲ, ಆರೋಗ್ಯವಾಗಿರಲಿ ಜೀವಸಂಕುಲ ಸರಣಿ ಲೇಸ್ ಫೆ.24 ಸುಕ್ರಾರ ಬಯ್ಯಗ್ 6 ಗಂಟೆಗ್ ಎಸ್.ಎಲ್.ಆರ್.ಎಂ ಬೊಕ್ಕ ಪೌಷ್ಠಿಕ ಕೈತೋಟ ಬಗೆಟ್ ಪ್ರಸಾರ ಆಪುಂಡು.

ಈ ಲೇಸ್ ಡ್ ನಿಟ್ಟೆ ಗ್ರಾಮ ಪಂಚಾಯತ್ ದ ಪೌಷ್ಠಿಕ ಕೈತೋಟದ ನಿರ್ವಾಹಕೆರ್ ಸುಕನ್ಯ ಪಾಲ್ ಪಡೆಯೆರೆ ಉಲ್ಲೆರ್. ಫೆ.25 ಕ್ ಮಧ್ಯಾಹ್ನ 2 ಗಂಟೆಗ್ ಮರುಪ್ರಸಾರ ಆಪುಂಡು.

Feb 24th: University College, Mangalore -” Keddasada Porlu Polsu” program ಫೆ.24: ಕುಡ್ಲ ವಿಶ್ವವಿದ್ಯಾನಿಲಯಡ್ ಕೆಡ್ಡಸದ ಪೊರ್ಲು-ಪೊಲ್ಸು ಲೇಸ್

ಕುಡ್ಲ: ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ತುಳುಪೀಠ, ಶ್ರೀ ಸಂಸ್ಥಾನ ಒಡಿಯೂರು ತುಳು ಅಧ್ಯಯನ ಕೇಂದ್ರ, ತುಳು ಸ್ನಾತಕೋತ್ತರ ಅಧ್ಯಯನ ವಿಭಾಗ, ವಿಶ್ವವಿದ್ಯಾನಿಲಯ ಸಂಧ್ಯಾ ಕಾಲೇಜ್ ಕುಡ್ಲ ನೆತ್ತ ಒಟ್ಟುಸೇರಿಗೆಡ್ ಕೆಡ್ಡಸದ ಪೊರ್ಲು-ಪೊಲ್ಸು ಲೇಸ್ ಡ್ ತುಳು ಎಂ.ಎ ಹಳೆ ವಿದ್ಯಾರ್ಥಿ ಸಂಘದ ಪದಗ್ರಹಣ, ಅಮೃತ ಐಸಿರೊ, ಪಂಚ ದ್ರಾವಿಡ ಭಾಷಾ ಜಾನಪದ ಕತೆಲು, ಬೊಕ್ಕ ಕೃತಿಲೆನ ಬುಡುಗಡೆ ಫೆ.24 ಸುಕ್ರಾರ ಬಯ್ಯಗ್ 5:30 ಕ್ ಕುಡ್ಲ ಹಂಪನಕಟ್ಟೆ ವಿಶ್ವವಿದ್ಯಾನಿಲಯ ಕಾಲೇಜ್ ರವೀಂದ್ರ ಕಲಾಭವನಡ್ ನಡಪರೆ ಉಂಡು.

ಈ ಲೇಸ್ ದ ಉದಿಪನನ್ ಕುಡ್ಲ ಕುಲಸಚಿವೆರ್ ಡಾ. ಕಿಶೋರ್ ಕುಮಾರ್ ಸಿ.ಕೆ ಮಲ್ಪೆರೆ ಉಲ್ಲೆರ್. ಗುರ್ಕಾರ್ಮೆನ್ ಶ್ರೀ ಧ.ಮಂ. ತುಳುಪೀಠ ತುಳು ಸ್ನಾತಕೋತ್ತರ ಅಧ್ಯಯನ ವಿಭಾಗದ ಸಂಯೋಜಕೆರ್ ಡಾ. ಮಾಧವ ಎಂ ಕೆ ಒಯಿಸೊನ್ವೆರ್. ಕುಡ್ಲ ವಿ ವಿ ಸಂಧ್ಯಾ ಕಾಲೇಜ್ ದ ಪ್ರಾಂಶುಪಾಲೆರ್ ಡಾ ಲಕ್ಷ್ಮೀ ದೇವಿ ಎಲ್ ಕೃತಿ ಬುಡುಗಡೆ ಮಲ್ಪುವೆರ್. ಮಲ್ಲ ಬಿನ್ನೆರಾದ್ ಕುಡ್ಲ ಪೂರ್ವ ಸಿಂಡಿಕೇಟ್ ಸದಸ್ಯೆರ್ ರಮೇಶ್ ಕೆ ಬರಿಯೆರೆ ಉಲ್ಲೆರ್. ಕೆಡ್ಡಸದ ಪೊಲಬುನ್ ತುಳು ಸ್ನಾತಕೋತ್ತರ ವಿಭಾಗದ ಉಪನ್ಯಾಸಕೆರ್ ಜಯಲಕ್ಷ್ಮಿ ಆರ್ ಶೆಟ್ಟಿ ಕೊರಿಯೆರೆ ಉಲ್ಲೆರ್. ಕೃತಿತ ಪರಿಚಯನ್ ಪ್ರಶಾಂತಿ ಶೆಟ್ಟಿ ಇರುವೈಲ್ ಬೊಕ್ಕ ವಿಜಯಲಕ್ಷ್ಮಿ ಕಟೀಲ್ ಮಲ್ಪುವೆರ್ ಪಂದ್ ತುಳು ಸ್ನಾತಕೋತ್ತರ ವಿಭಾಗದ ಪ್ರಾಂಶುಪಾಲೆರ್, ಸಂಯೋಜಕೆರ್, ಉಪನ್ಯಾಸಕೆರ್, ಕಲ್ಪಾರ್ಥಿಲು ಬೊಕ್ಕ ಹಳೆ ವಿದ್ಯಾರ್ಥಿ ಸಂಘದ ಅಧ್ಯಕ್ಷೆರ್ ಸುಭಾಶ್ಚಂದ್ರ ಕಣ್ವತೀರ್ಥ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

Feb 24th: University College, Mangalore-” Keddasada Porlu Polsu” program

Mangalore: Sri Manjunatheshwara Tulu Peetha, Sri Sanstan Odiyooru Tulu Adyayana Kendra, Tulu Post graduate study centre, University evening college, Mangalore will come together to organise a program
” Keddasada Porlu Polsu” on February 24th to promote Tulu language and culture. The program will be inaugurated by Dr Kishore Kumar C K. Director of Physical education , Mangalore University.