January 2023

GAIL ಇಂಡಿಯಾಡ್ 277 ಜನಕ್ ಬೇಲೆ

ಡೆಲ್ಲಿದ GAIL ಇಂಡಿಯಾಡ್  ಖಾಲಿ ಇಪ್ಪುನ 277 ಬೇಲೆಲೆಗ್ ಆನ್ ಲೈನ್ ಮುಖೇನ ಅರ್ಜಿ ಪಾಡೊಲಿ.

ಶಾರ್ಟ್ ಲಿಸ್ಟಿಂಗ್, ಸ್ಕ್ರೀನಿಂಗ್, ಗ್ರೂಪ್ ಡಿಸ್ಕಷನ್ ಬೊಕ್ಕ ಸಂದರ್ಶನದ ಮುಖೇನ ಆಯ್ಕೆ ಮಲ್ಪುವೆರ್. ಫೆ.2 ಅರ್ಜಿ ಪಾಡಾರೆ ಅಕೇರಿದ ದಿನ. ನೆತ್ತ ವೆಬ್‌ ಸೈಟ್ ಇಂಚ: https://gailonline.com

ರಾಜ್ಯಗ್ ಇನಿ ನಡ್ಡಾ ಭೇಟಿ

ಬಿಜೆಪಿ ರಾಷ್ಟ್ರಾಧ್ಯಕ್ಷೆರ್ ಜೆ.ಪಿ ನಡ್ಡಾ ಇನಿ ರಾಜ್ಯ ಪ್ರವಾಸ ಮಲ್ಪರೆ ಉಲ್ಲೆರ್.

ಮಧ್ಯಾಹ್ನ 12 ಗಂಟೆಗ್ ತುಮಕೂರು, ಮಧುಗಿರಿ ಶಕ್ತಿ ಕೇಂದ್ರದ ಪ್ರಮುಖೆರೆನ ಸಭೆ ನಡಪಾದ್, ಸಿದ್ಧಗಂಗಾ ಮಠಟ್ ಶಿವಕುಮಾರ ಸ್ವಾಮೀಜಿನ ಗದ್ದುಗೆಗ್ ಕೈ ಮುಗಿದ್ ಬೊಕ್ಕ 3:15 ಕ್ ಚಿತ್ರದುರ್ಗಗ್ ಪೋದು ಮದಕರಿ ನಾಯಕೆ, ಒನಕೆ ಓಬವ್ವ, ಬಿ. ಆರ್ ಅಂಬೇಡ್ಕರ್ ನ ಮೂರ್ತಿಲೆಗ್ ಮಾಲೆ ಪಾಡುವೆರ್, ಎಲ್ಲೆ ದಾವಣಗೆರೆತ ಸುಮಾರ್ ಲೇಸ್ ಡ್ ಪಾಲ್ ಪಡೆಯೆರೆ ಉಲ್ಲೆರ್.

BJP national president J P Nadda to visit the state today

BJP national president J P Nadda will tour the state from today.
He will arrive at Tumkur this noon and address a meeting with Madhugiri Shakthi Kendra officials.He will pay his respects to Shivakumar Swamiji at Siddaganga mutt and to to the status of Madakara Nayaka and Onakay Obbavva and B R Ambedkar at Davangere.He is to participate in many programs at Davangere tomorrow.

ಜ.6: ಚಿಲಿಂಬಿಗುಡ್ಡೆ ಶ್ರೀ ರಾಮಾಂಜನೇಯ ಯುವಕ ಮಂಡಲದ 36 ನೇ ವಾರ್ಷಿಕ ಉಚ್ಚಯದ ಲೆಕ್ಕೊಡು ಸಾರ್ವಜನಿಕ ಶ್ರೀ ಸತ್ಯನಾರಾಯಣ ಪೂಜೆ

ಕುಡ್ಲ: ಚಿಲಿಂಬಿಗುಡ್ಡೆ ಶ್ರೀ ರಾಮಾಂಜನೇಯ ಯುವಕ ಮಂಡಲದ 36 ನೇ ವಾರ್ಷಿಕ ಉಚ್ಚಯದ ಲೆಕ್ಕೊಡು ಪುಣ್ಯಾಹ ಪಂಚಗವ್ಯ, ಕಲಶ, ಗಣಹೋಮ ಬೊಕ್ಕ ಸಾರ್ವಜನಿಕ ಶ್ರೀ ಸತ್ಯನಾರಾಯಣ ಪೂಜೆ ಜ.6. ಶುಕ್ರಾರ ಕೋಡಿಕಲ್ ವೇದಮೂರ್ತಿ ವಿಶ್ವಕುಮಾರ್ ಜೋಯಿಸೆರೆನ ಮುತಾಲಿಕೆಡ್ ನಡಪರೆ ಉಂಡು.

ಈ ಲೇಸ್ ಡ್ ಕುಡ್ಲ ಹೈಲ್ಯಾಂಡ್ ದ ಪುಗರ್ತೆದ ಉದ್ಯಮಿ ಸುಧಾಕರ್ ಶೆಟ್ಟಿ ಬೊಕ್ಕ ಪ್ರಶಾಂತ್ ಬಿಲ್ಡರ್ಸ್ & ಡೆವಲಪರ್ಸ್ ದ ಪ್ರವೀಣ್ ನಾಯಕ್ ತುಡರ್ ಅರ್ಲಾವೆರ್. ಬಯ್ಯಗ್ ಸಭಾ ಲೇಸ್ ನಡಪುಂಡು. ನೆತ್ತ ಗುರ್ಕಾರ್ಮೆನ್ ಶಾಸಕೆರ್ ವೇದವ್ಯಾಸ ಕಾಮತ್ ಒಯಿಸೊನ್ವೆರ್. ಮಲ್ಲ ಬಿನ್ನೆರಾದ್ ಕುಡ್ಲ ಮ.ನ ಪಾಲಿಕೆದ ಉಪಮೇಯರ್ ಪೂರ್ಣಿಮಾ, ಸದಸ್ಯೆರ್ ಎಂ.ಶಶಿಧರ್ ಹೆಗ್ಡೆ, ನಿವೃತ್ತ ಸೇನಾಧಿಕಾರಿ ಕರ್ನಲ್ ಜಯಚಂದ್ರನ್, ಉದ್ಯಮಿ ರಾಜ್ ಗೋಪಾಲ್ ರೈ, ಪತಂಜಲಿ ಯೋಗ ಶಿಕ್ಷಕಿ ಸುನಂದ ಬಿ ಬರಿಯೆರೆ ಉಲ್ಲೆರ್.

ಬೊಕ್ಕ ಮೊಕ್ಲೆನ ಸಮ್ಮುಖಡ್ ವಿದ್ಯಾಪ್ರೋತ್ಸಾಹ, ವಿಕಲಚೇತನ ಪಣವುದ ಸಕಾಯನ್ ಪಟ್ಟಿಯೆರೆ ಉಂಡು. ರಾತ್ರೆ ಕೈತಲ್ ದ ಪ್ರತಿಭೆಲೆರ್ದ್ ಸಾಂಸ್ಕೃತಿಕ ಲೇಸ್ ಆದ್, ಶ್ರೀ ಪ್ರಾಪ್ತಿ ಕಲಾವಿದೆರೆರ್ದ್ ಕುಡ್ಲ ಮೊಕ್ಲೆರ್ದ್ ಮಾಯದಪ್ಪೆ ಮಂತ್ರದೇವತೆ ತುಳು ನಾಟಕ ನಡಪರೆ ಉಂಡು. ಈ ಮಾತ ಲೇಸ್ ಗ್ ಮಾತೆರ್ಲಾ ಬರೊಡು ಪಂದ್ ಅಧ್ಯಕ್ಷೆರ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಎಟಿಎಂಡ್ ಕಾಸ್ ದ ಬರ್ಸ: ರಾಶಿ ಬೂರ್ನ ಜನ

ಹೈದರಾಬಾದ್‌: ಹರಿಬೌಲಿಡ್ ಇಪ್ಪುನ ಎಚ್‌ಡಿಎಫ್‌ಸಿ ಎಟಿಎಂಡ್ ಒಂಜಿ ಜನ 500 ರೂ. ಡ್ರಾ ಮಲ್ಪುನಗ 2500 ರೂ. ಡ್ರಾ ಆತ್ಂಡ್.

ಈ ಇಸಯನ್ ದೋಸ್ತಿನಕ್ಲೆಗ್ ತೆರಿಪಾನಗ ಅಕ್ಲ ಕಾಸ್ ಡ್ರಾ ಮಲ್ದೆರ್. ಉಂದು ಮಾತೆರೆಗ್ಲಾ ಗೊತ್ತಾದ್ ಎಟಿಎಂದ ಎದುರು ಜನ ರಾಶಿ ಬೂರ್ದೆರ್. ಬೊಕ್ಕ ಈ ಇಸಯ ತೆರಿನ ಅಧಿಕಾರಿಲು ಎಟಿಎಂ ಕೇಂದ್ರಗ್ ಬತ್ತ್ ದ್, ಕೂಡ್ಲೆ ಎಟಿಎಂನ್ ಮುಚ್ಚಿದೆರ್.

ಮೈಸೂರ್ ಡ್ ಚಿರತೆ: ಶಾಲೆಗೆ ರಜೆ

ಮೈಸೂರ್: ಕೇಂದ್ರ ಆಹಾರ ಸಂಶೋಧ‌ನಾಲಯದ ಆವರಣಡ್ ಚಿರತೆ ತೋಜಿದ್ ಬೈದ್ಂಡ್ ಪಂದ್ ಶಾಲೆಗ್ ರಜೆ ಘೋಷಣೆ ಮಲ್ದೆರ್.

ಶಿಕ್ಷಕೆರ್ ಶಾಲೆಗ್ ಬತ್ತಿನ ಜೋಕುಲೆನ್ ವಾಪಸ್ ಇಲ್ಲಡೇ ಕಡಪಾದೆರ್. ಜಾಗೆಗ್ ಅರಣ್ಯ ಇಲಾಖೆದ ಅಧಿಕಾರಿಲು ಭೇಟಿ ಕೊರ್ದು ಪರಿಶೀಲನೆ ನಡಪಾದೆರ್. CFTRI ಆವರಣಡ್ ತೋಜಿನ ಚಿರತೆನ್ ಪತ್ತೆರೆ ಬಲೆ ಪಾಡ್ದೆರ್.

ಸುಳ್ಯ: ಜಯನಗರದ ಪೊಸತ್ತ್ ಗುಳಿಗನ ಕಟ್ಟೆಗ್ ಶುದ್ಧಕಲಶ

ಸುಳ್ಯ: ಶ್ರೀ ಗುಳಿಗನ ಕಟ್ಟೆ ಅಭಿವೃದ್ಧಿ ಸಮಿತಿದ ಮುತಾಲಿಕೆಡ್ ಜಯನಗರದ ನಿಸರ್ಗ ಇಂಡಸ್ಟ್ರೀಸ್ ದ ಕೈತಲ್ ನಿರ್ಮಾಣ ಆಯಿನ ಗುಳಿಗನ ಕಟ್ಟೆಗ್ ಪೆರಾಜೆ ವೇದವ್ಯಾಸ ತಂತ್ರಿಲು ಗಣಪತಿ ಹವನ, ಬೊಂಡ ಅಭಿಷೇಕ ಮಲ್ತ್ ದ್ ಶುದ್ಧಕಲಶ ಮಲ್ತೆರ್.

ಮಧ್ಯಾಹ್ನ ಮಹಾಪೂಜೆ, ಅನ್ನಸಂತರ್ಪಣೆ ನಡತ್ಂಡ್. ಈ ಪೊರ್ತುಡು ಪುಂಡರೀಕ ಭಟ್, ಗೌತಮ್ ಭಟ್, ನಿಸರ್ಗ ಇಂಡಸ್ಟ್ರೀಸ್ ದ ಮಾಲಕೆರ್ ಕಸ್ತೂರಿ ಶಂಕರ್, ನ.ಪಂ ದ ನಾಮನಿರ್ದೇಶನ ಸದಸ್ಯೆರ್ ರೋಹಿತ್ ಕೊಯಿಂಗೋಡಿ, ಶಿಲ್ಪಾ ಸುದೇವ್, ಬುಧನಾಯ್ಕ್ ಸಮಿತಿದ ಅಧ್ಯಕ್ಷೆರ್, ಪದಾಧಿಕಾರಿಲು, ಸರ್ವ ಸದಸ್ಯೆರ್ ಬೊಕ್ಕ ಊರುದ ಭಕ್ತಾದಿಲು ಇತ್ತ್ ದ್, ದೈವೊದ ಗಂಧ ಪ್ರಸಾದ ದೆತೊಂಡೆರ್.