ಎ.ಜೆ ಆಸ್ಪತ್ರೆಡ್ ಒಂಜೇ ಪೊರ್ತುಡು ರಡ್ಡ್ ಜನಕ್ಕ್ ಅಂಗಾಂಗ ಕಸಿ ಸರ್ಜರಿ.!

ಕುಡ್ಲದ ಎ.ಜೆ ಆಸ್ಪತ್ರೆಡ್ ಅಪ್ರೂಪದ ಅಂಚನೆ ಸವಾಲ್ ಆತಿನ ಅಂಗಾಂಗ ಕಸಿ ಸರ್ಜರಿ ಯಶಸ್ವಿಯಾದ್ ನಡತ್ಂಡ್.

ಕುಡ್ಲದ ಫಾದರ್ ಮುಲ್ಲರ್ ಆಸ್ಪತ್ರೆಡ್ ಡಿಸೆಂಬರ್ 11 ಕ್ಕ್ ಮೆದುಳು ನಿಷ್ಕ್ರಿಯವಾಯಿನ ಜನತ್ತ ಅಂಗಾಂಗನ್ ಕಸಿ ಮಲ್ತ್‌ದಿತ್ತ್‌ದ್, ರಡ್ಡ್ ಕಿಡ್ನಿನ್ ಲ ಎ.ಜೆ ಆಸ್ಪತ್ರೆಗ್ ಕನತ್ತ್‌ದ್ ಅಲ್ಪದ ರೋಗಿಲೆಗ್ ಯಶಸ್ವಿಯಾದ್ ಜೋಡ್ಸಾದೆರ್.

ಕಿಡ್ನಿ ಟ್ರಾನ್ಸ್‌ಪ್ಲಾಂಟ್ ಮಲ್ಪರೆ ಒಂಜೆ ವೈದ್ಯೆರ್‍ನ ಕೂಟಗ್ 6-7 ಗಂಟೆ ದೆತೊಂದಿತ್ತ್‌ದ್, ರಡ್ಡ್ ಸರ್ಜರಿನ್ ಒಂಜೇ ಪೊರ್ತುಗು ಯಶಸ್ವಿಯಾದ್ ಮಲ್ತ್‌ದೆರ್. ಸಾಮಾನ್ಯವಾದ್ ರಡ್ಡ್ ಅಂಗಲು ಒಂಜೆ ಆಸ್ಪತ್ರೆಗ್ ಬರ್ಪಿನವು ಭಾರಿ ಕಮ್ಮಿ.

ಇಂಚಿತ್ತಿನ ಸನ್ನಿವೇಶನ್ ಎ.ಜೆ ಆಸ್ಪತ್ರೆದ ಡಾ. ಪ್ರೀತಮ್ ಶರ್ಮಾ, ಡಾ. ರೋಶನ್ ವಿ ಶೆಟ್ಟಿ, ಡಾ. ರಾಘವೇಂದ್ರ ನಾಯಕ್, ಡಾ ಹರೀಶ್ ಕಾರಂತ್, ಸೌಮ್ಯ, ಲೀಲಾವತಿ ಹೆಗ್ಡೆ, ಸವಿನಾ ರೋಶ್ನಿ, ಮಹಾಬಲ ಈ ಸವಾಲ್‌ನ್ ದೆತೊಂದು ಶಸ್ತ್ರಚಿಕಿತ್ಸೆ ಮಲ್ತಿನಕುಲು.

ರಡ್ಡ್ ರೋಗಿಲ್‌ಲ್ ಹುಷಾರ್ ಆದ್ ಇಲ್ಲಗ್ ಪೋತೆರ್. ಈ ಆಸ್ಪತ್ರೆಡ್ 2015 ನೆರ್ದ್ ಇಡೆ ಮುಟ್ಟ 41 ದಾನಿಲೆರ್ದ್ ಪಡೆಯಿನ ಅಂಗಾಂಗರ್ದ್ ಸುಮಾರ್ 150 ರೋಗಿಲು ಹುಷಾರ್ ಆತೆರ್.