ದಕ್ಷಿಣ ಕನ್ನಡ ಜಿಲ್ಲೆಡ್ ಉಂಡು 17,37,688 ವೋಟು

ಕುಡ್ಲ: ದಕ್ಷಿಣ ಕನ್ನಡ ಜಿಲ್ಲೆದ 8 ವಿಧಾನಸಭಾ ಕ್ಷೇತ್ರದ ಕಡೆತ್ತ ಮತದಾರೆರ್‍ನ ಪಟ್ಟಿನ್ ಪ್ರಕಟಣೆ ಮಲ್ತ್‌ದ ಪಂದ್ ದ.ಕ.ಜಿಲ್ಲಾಧಿಕಾರಿ ರವಿಕುಮಾರ್ ಎಂ.ಆರ್ ತೆರಿಪಾಯೆರ್.

ಪೇಂಟೆದ ಜಿಲ್ಲಾಧಿಕಾರಿ ಕಚೇರಿಡ್ ಪಾತೆರಿನ ಆರ್, ಜಿಲ್ಲೆಡ್ 23,57,852 ಜನಸಂಖ್ಯೆ ಇತ್ತ್‌ದ್ ಅವೆಟ್ಟ್ 17,37,688 ಮತದಾರೆರ್ ಉಲ್ಲೆರ್. ಉಂದೆಟ್ಟ್ 8,50,552 ಆಂಜೋವುಲು ಬೊಕ್ಕ 8,87,060 ಪೊಂಜೋವುಲು ಅಂಚನೆ 76 ಮಂಗಳಮುಖಿಯೆರ್ ಉಲ್ಲೆರ್ ಪಂದ್ ಪಂಡೆರ್.

ಕುಡ್ಲ ಉತ್ತರ ವಿಧಾನಸಭಾ ಕ್ಷೇತ್ರಡ್ 2,42,186 ಬೊಕ್ಕ ಸುಳ್ಯ ವಿಧಾನಸಭಾ ಕ್ಷೇತ್ರಡ್ 2,01,976 ಮತದಾರೆರ್ ಉಲ್ಲೆರ್. 18,441 ಮತದಾರೆರೆನ್ ಪಟ್ಟಿರ್ದ್ ಬುಡ್ತ. ಒಟ್ಟು 1860 ಮತಗಟ್ಟೆಲು ಉಂಡು.