ಟೈಮ್ಸ್ ಆಫ್ ಕುಡ್ಲ | Times of Kudla | Kudla Tulu Patrike

Fri. Jun 19th, 2026

November 2022

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಡಿ.1-7: ಒಡಿಯೂರು ಶ್ರೀ ಗುರುದೇವದತ್ತ ಸಂಸ್ಥಾನಡ್ ಶ್ರೀ ದತ್ತ ಜಯಂತಿ ಉಚ್ಚಯ, ತುಳು ನಾಟಕ ಉಚ್ಚಯ

ದಕ್ಷಿಣ ಗಾಣಗಾಪುರದ ಒಡಿಯೂರು ಶ್ರೀ ಗುರುದೇವದತ್ತ ಸಂಸ್ಥಾನಮ್ ಶ್ರೀ ದತ್ತಾಂಜನೇಯ ಕ್ಷೇತ್ರಡ್ 2022 ಡಿ. 1 – 7 ಮುಟ್ಟ ಶ್ರೀ ದತ್ತ ಜಯಂತಿ ಮಹೋಚ್ಚಯ, ಶ್ರೀದತ್ತ ಮಹಾಯಾಗ ಸಪ್ತಾಹ, ಹರಿಕಥಾ ಸತ್ಸಂಗ ಸಪ್ತಾಹ ಅಂಚನೆ ಒಡಿಯೂರು ತುಳು ನಾಟಕೋತ್ಸವ ಲೇಸ್ ಶ್ರೀ ಸಂಸ್ಥಾನದ ರಾಜಾಂಗಣಡ್ ನಡಪರೆ ಉಂಡು.

ಏಳ್ ದಿನಲ ಬೇತೆ ಬೇತೆ ರೀತಿದ ವೈದಿಕ, ಧಾರ್ಮಿಕ, ಸಾಂಸ್ಕೃತಿಕ ಕಾರ್ಯಕ್ರಮದ ಓರುಟ್ಟು ಈ ಲೇಸ್ ನಡಪರೆ ಉಂಡು. ಅಂಚನೆ 1 ತಾರೀಕ್‌ರ್ದ್ 6 ಮುಟ್ಟ ಬೇತೆ ಬೇತೆ ರೀತಿದ ತುಳು ನಾಟಕ ಪಂತೊ ನಡಪರೆ ಇತ್ತ್‌ದ್ ಈ ಲೇಸ್‌ಗ್ ಮಾತೆರ್‍ಲ ಬರೋಡು ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಡಿ.3-10: ಉರ್ವದ ಬೋಳೂರು ಶ್ರೀ ರಾಮ ಭಜನಾ ಮಂದಿರಡ್ 26 ನೇ ವಾರ್ಷಿಕ ಏಕಾಹ ಭಜನೋಚ್ಚಯ

ಕುಡ್ಲ: ಉರ್ವದ ಬೋಳೂರು ಶ್ರೀ ರಾಮ ಭಜನಾ ಮಂದಿರಡ್ 26ನೇ ವಾರ್ಷಿಕ ಏಕಾಹ ಭಜನೋಚ್ಚಯ ಬೊಕ್ಕ ನಗರ ಭಜನೆ, ನೃತ್ಯ ಬಲಿ ಸೇವೆ, ಪಲ್ಲಕ್ಕಿ ಉಚ್ಚಯ, ಯಕ್ಷಗಾನ ಬಯಲಾಟ ಡಿ.3 – 10 ಮುಟ್ಟ ನಡಪರೆ ಉಂಡು.

ಡಿ.3 ತಾರೀಕ್ ಸನಿವಾರ ಕಾಂಡೆ 8 ಗಂಟೆಗ್ ವೇ| ಮೂ| ಶ್ರೀ ಕೆ. ಪುರುಷೋತ್ತಮ ಭಟ್ ಮೆರೆನ ಪೌರೋಹಿತ್ಯಡ್ ದೇವತಾ ಪ್ರಾರ್ಥನೆ, ತೋರಣ ಮೂರ್ತ, ಕೊರಗಜ್ಜ ಕ್ಷೇತ್ರಡ್ ಪರ್ವಸೇವೆ, ಪ್ರಾರ್ಥನೆ ನಡಪರೆ ಉಂಡು.

ಡಿ.3-5 ತಾರೀಕ್ ಮುಟ್ಟ ನಗರ ಭಜನೆ ನಡಪರೆ ಉಂಡು. ಡಿ. 6 ಕ್ಕ್ ಅಂಗಾರೆ ಆದ್ಯ ಗಣಯಾಗ, ನವಕ ಕಲಶ ಸ್ಥಾಪನೆ, ಪ್ರಧಾನ ಹವನ, ಪಂಜಾಮೃತ ಫಲಾಭಿಷೇಕ, ಕಲಶಾಭಿಷೇಕ, ಅಲಂಕಾರ ಪೂಜೆ ನಡಪರೆ ಉಂಡು.

8 ದಿನಲ ಬೇತೆ ಬೇತಿ ರೀತಿದ ಧಾರ್ಮಿಕ, ಸಾಂಸ್ಕೃತಿಕ, ವೈದಿಕ ಕಾರ್ಯಕ್ರಮ ನಡಪರೆ ಉಂಡು. ಡಿ. 9 ತಾರೀಕ್‌ಗ್ ಬಯ್ಯ 6 ಗಂಟೆಗ್ ಪಲ್ಲಕ್ಕಿ ಉಚ್ಚಯ-ಅವಭ್ರತ ಉಚ್ಚಯ ನಡತ್ತ್‌ದ್ ಡಿ. 10 ತಾರೀಕ್‌ಗ್ ಬಯ್ಯ 6 ಗಂಟೆರ್ದ್ ಉರ್ವ ಮಾರ್ಕೆರ್ಟ್ ಮೈದಾನೊಡು ಶ್ರೀ ಜ್ಞಾನಶಕ್ತಿ ಸುಬ್ರಹ್ಮಣ್ಯ ಸ್ವಾಮಿ ಕೃಪಾಪೋಷಿತ ಯಕ್ಷಗಾನ ಮಂಡಳಿ ಪಾವಂಜೆ ಮೊಕಲೆರ್ದ್ ಯಕ್ಷಧ್ರುವ ಪಟ್ಲ ಸತೀಶ್ ಶೆಟ್ಟಿ ಮೆರೆನ ಭಾಗವತಿಕೆಡ್ ಶ್ರೀ ದೇವಿ ಮಹಾತ್ಮೆ ಯಕ್ಷಗಾನ ನಡಪರೆ ಉಂಡು.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಡಿ.1 ಕ್ಕ್ ಗುರುವಾಯನಕೆರೆ ಶ್ರೀ ಪಿಲಿಚಂಡಿ ದೈವದ ದೊಂಪದ ಬಲಿ ಉಚ್ಚಯ

ಬೊಲ್ತೇರ್ ತಾಲೂಕ್‌ದ ಗುರುವಾಯನಕೆರೆ ಪಿಲಿಚಾಮುಂಡಿಕಲ್ಲು ಮುಲ್ಪ ವರ್ಷಂಪ್ರತಿ ನಡಪುನ ಶ್ರೀ ಪಿಲಿಚಂಡಿ ದೈವದ ದೊಂಪದ ಬಲಿ ಉಚ್ಚಯ ಡಿ. 1 ತಾರೀಕ್‌ಗ್ ಬಯ್ಯ 6 ಗಂಟೆಗ್ ನಡಪರೆ ಉಂಡು.

ಈ ಉಚ್ಚಯಗ್ ಮಾತ ಭಕ್ತೆರ್ ಬತ್ತ್‌ದ್, ಗಂಧಪ್ರಸಾದನ್ ದೆತೊಂದ್ ದೈವದ ಕೈಪೆಗ್ ಪಾತ್ರರಾವೊಡು ಪಂದ್ ಪಿಲಿಚಾಮುಂಡಿಕಲ್ಲು ದೊಂಪದಬಲಿ ಉಚ್ಚಯ ಸಮಿತಿದ ಅಧ್ಯಕ್ಷೆರ್ ಸೋಮಶೇಖರ ದೇವಸ್ಯ ಬಾಳಿಕೆ, ಉಪಾಧ್ಯಕ್ಷೆರ್ ವಿತೇಶ್ ಬಂಗೇರ ಅಂಚನೆ ಶ್ರೀನಿವಾಸ ಅಸ್ರಣ್ಣೆರ್ ಮೂಡುಮನೆ, ಅಳದಂಗಡಿ ಅರಮನೆತ್ತ ಎ. ರಾಜಶೇಖರ ಶೆಟ್ಟಿ, ಗೌರವಾಧ್ಯಕ್ಷೆರ್ ಪ್ರವೀಣ್ ಕುಮಾರ್ ಅಜ್ರಿ, ಪ್ರಧಾನ ಕಾರ್ಯದರ್ಶಿ ಜಿ. ನಾಗೇಶ್ ಮೂಲ್ಯ, ಕಾರ್ಯದರ್ಶಿ ಶೋಭಿತ್ ಜೈನ್, ಕೋಶಾಧಿಕಾರಿ ನಾರಾಯಣ ಆಚಾರ್ಯ ಬರಾಯ ಸೇರಿನಂಚನೆ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಬ್ರಹ್ಮಶ್ರೀ ಮುಗೇರ ಮಹಾಂಕಾಳಿ ದೈವೋಲ್ಯ ಈಶ್ವರಗೋಳಿದ ಜೀರ್ಣೋದ್ದಾರದ ವಿಜ್ಞಾಪನ ಪತ್ರ ಬುಡುಗಡೆ

ಈಶ್ವರಗೋಳಿದ ಬ್ರಹ್ಮಶ್ರೀ ಮುಗೇರ
ಮಹಾಂಕಾಳಿ ದೈವೋಲ್ಯದ ಜೀರ್ಣೋದ್ದಾರದ ವಿಜ್ಞಾಪನ ಪತ್ರ ಬುಡುಗಡೆ ಲೇಸ್ ನಡತ್ಂಡ್.


ಈ ಲೇಸ್ ಡ್ ವಿಜ್ಞಾಪನ ಪತ್ರನ್ ಶಾಸಕೆರ್ ಡಾ. ಭರತ್ ಶೆಟ್ಟಿ ಮೇರ್ ಬುಡುಗಡೆ ಮಲ್ತೆರ್.
ವರದಿ: ನಿತೇಶ್ ಕುಳಾಯಿ

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಭಾರತೀಯ ಒಲಂಪಿಕ್ ಸಂಸ್ಥೆದ ಪೊಸ ಅಧ್ಯಕ್ಷೆರಾದ್ ಪಿಟಿ ಉಷಾ ಆಯ್ಕೆ

ಡೆಲ್ಲಿ: ಭಾರತೀಯ ಒಲಂಪಿಕ್ ಸಂಸ್ಥೆ(ಐಒಎ)ದ ಪೊಸ ಅಧ್ಯಕ್ಷೆರಾದ್ ಪುಗರ್ತೆದ ಮಾಜಿ ಅಥ್ಲೀಟ್ ಪಿಟಿ ಉಷಾ ಮೇರ್ ಅವಿರೋಧ ಆಯ್ಕೆ ಆತೆರ್.

ಐಒಎ ಅಧ್ಯಕ್ಷೆರಾದ್ ಆಯ್ಕೆ ಆಯಿನ ಸುರುತ ಪೊಂಜೋವ್ ಪನ್ಪುನ ಪುದರ್ ಗ್ ಪಿ.ಟಿ.ಉಷಾ ಮೇರ್ ಪಾತ್ರರಾತೆರ್. ಮೆರೆಗ್ ಕೇಂದ್ರ ಕ್ರೀಡಾ ಸಚಿವೆರಾದಿತ್ತಿನ, ಕೇಂದ್ರ ಕಾನೂನು ಸಚಿವೆರ್ ಕಿರಣ್ ರಿಜಿಜು ಸೊಲ್ಮೆ ಸಂದಾದೆರ್.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಮದಿಮೆದ ಲೇಸ್ ಡ್ ನಲಿತೊಂದುಪ್ಪುನಗನೇ ತಿಗಲೆ ಬೇನೆಡ್ ತೀರ್ ಪೋಯಿನ ಬಿನ್ನೆ

ವಾರಣಾಸಿ: ಮದಿಮೆ ಲೇಸ್ ಡ್ ಡ್ಯಾನ್ಸ್ ಮಲ್ಪುನಗ ವ್ಯಕ್ತಿಯೊರಿ ತಿಗಲೆ ಬೇನೆರ್ದ್ ತೀರ್ ಪೋಯಿನ ಘಟನೆ ಉತ್ತರ ಪ್ರದೇಶದ ವಾರಣಾಸಿಡ್ ನಡತ್ಂಡ್.


ತೀರ್ ಪೋಯಿನಾರ್ ಮನೋಜ್ ವಿಶ್ವಕರ್ಮ ಪಂದ್ ತೆರಿದ್ ಬೈದ್ಂಡ್. ನೆತ್ತ ವೀಡಿಯೋ ಸಾಮಾಜಿಕ ಜಾಲತಾಣಡ್ ವೈರಲ್ ಆತ್ಂಡ್.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಡಿಸೆಂಬರ್ 16,17,18: ಕಾಪು ಕಡಲ ಬರಿಟ್ಟ್ ಕಡಲ ಐಸಿರ-2022

ಕಾಪು: ಲಾಲ್ ಬಹದ್ದೂರ್ ಶಾಸ್ತ್ರಿ ಸ್ಪೋರ್ಟ್ಸ್ ಅಂಡ್ ಕಲ್ಚರಲ್ ಕ್ಲಬ್ (ರಿ.) ಕಾಪು, ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ ಕಾಪು ಪಡು, ದಿ| ಆರ್ ಡಿ ಮೆಂಡನ್ ಕಾಪು ಸ್ಮರಣಾರ್ಥ ಜನ್ಮ ಶತಮಾನೋತ್ಸವ ಆಚರಣೆ ಸಮಿತಿ ಕಾಪು ನೆತ್ತ ಸಂಯುಕ್ತ ಆಶ್ರಯಡ್ ಕಾಪು ದೀಪಸ್ಥಂಭದ ಕೈತಲ್ ಕಡಲ ಬರಿಟ್ಟ್ ಬೀಚ್ ಉಚ್ಚಯ ಕಡಲ ಐಸಿರ 2022, ಡಿಸೆಂಬರ್ 16,17,18 ದಾನಿ ನಡಪರೆ ಉಂಡು ಪಂದ್ ಸಂಸ್ಥೆದ ಗೌರವಾಧ್ಯಕ್ಷೆರ್ ಕಾಪು ಶಾಸಕೆರ್ ಲಾಲಾಜಿ ಆರ್ ಮೆಂಡನ್ ಪತ್ರಿಕಾಗೋಷ್ಠಿಡ್ ಮಾಹಿತಿ ಕೊರಿಯೆರ್.

ಲಾಲ್ ಬಹುದ್ದೂರ್ ಶಾಸ್ತ್ರಿ ಸ್ಪೋರ್ಟ್ಸ್ ಆಂಡ್ ಕಲ್ಚರಲ್ ಕ್ಲಬ್ ಸಂಸ್ಥೆದ 45ನೇ ವಾರ್ಷಿಕ ಉಚ್ಚಯ ಕಾಪು ಪಡು ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ ವಾರ್ಷಿಕ ಉಚ್ಚಯ ದಿ. ಆರ್ ಡಿ ಮೆಂಡನ್ ಕಾಪು ಮೆರೆನ ಸ್ಮರಣಾರ್ಥ ಜನ್ಮ ಶತಮಾನೋತ್ಸವ ಆಚರಣೆ ಸಂಯುಕ್ತ ಆಶ್ರಯಡ್, ಬೇತೆ ಬೇತೆ ಲೇಸ್ ಲು ಕಾಪು ಕಡಲ ಬರಿಟ್ಟ್ ನಡಪರೆ ಉಂಡು. ನೆರ್ದ್ ದುಂಬು ಲೇಸ್ ಲೆನ್ ಅಟ್ಟಣೆ ಮಲ್ತಿನ ಕೂಟ ಈ ಸರ್ತಿ ಗೊಬ್ಬುದೊಟ್ಟಿಗೆ, ಬೇತೆ ಬೇತೆ ಪಂತೊಲು, ಸಾಂಸ್ಕೃತಿಕ ಪಂತೊ, ಚಿತ್ರ ಬುಡುಪಾವುನ ಪಂತೊ, ಫಲಪುಷ್ಪ ಕಲಾ ಪಂತೊ- ಪ್ರದರ್ಶನ, ಫುಡ್ ಫೆಸ್ಟಿವಲ್, ಲೇಸರ್ ಷೋ, ರಸಮಂಜರಿ, ಬಲೆ ಬೀಸ್ ದ್ ಮೀನ್ ಪತ್ತುನ, ಗಾಳ ಪಾಡ್ದ್ ಮೀನ್ ಪತ್ತುನ, ಚೆಂಡೆ ಪಂತೊ, ಬೀಚ್ ವಾಲಿಬಾಲ್ ಪಂತೊ, ಪೊಂಜೋವ್ ನಕ್ಲೆಗ್ ತ್ರೋಬಾಲ್, ಸಂಗೀತ ಕುರ್ಚಿ ಪಂತೊಲು, ಕೊಳಲು ತಬಲ ಕೂಟ, ಶ್ವಾನ ಪಂತೊ, ಈಜು ಸ್ಪರ್ಧೆ, ಮರಳ್ ಡ್ ಕಲಾಕೃತಿ, ವೋಡ ಒಚ್ಚುನ ಪಂತೊ, ಗಾಳಿಪಟ ಪಂತೊಲೆನ್ ಆಯೋಜನೆ ಮಲ್ತ್ ದ. ನೆಟ್ ಸುರುತ, ರಡ್ಡ್ ನೇ, ಮೂಜಿನೇ ಸ್ಥಾನ ಗಲಸಿನಕ್ಲೆಗ್ ನಗದು ಇನಾಮ್ ಉಂಡು ಪಂದ್ ಪಂಡೆರ್. ಈ ಪೊರ್ತುಡು ಸಂಸ್ಥೆದ ಅಧ್ಯಕ್ಷೆರ್ ಶೀಲರಾಜ್ ಪುತ್ರನ್, ಉಪಾಧ್ಯಕ್ಷೆರ್ ಆನಂದ ಶ್ರೀಯಾನ್, ಕಾರ್ಯದರ್ಶಿ ಸಚಿನ್ ಪುತ್ರನ್, ಕೋಶಾಧಿಕಾರಿ ಕುಶ ಸಾಲ್ಯಾನ್, ದಿನೇಶ್ ಸುವರ್ಣ, ನಿತೇಶ್ ಸುವರ್ಣ, ರಾಜೇಶ್ ಸುವರ್ಣ ಇತ್ತೆರ್.

ಊರ್ದ ಸುದ್ದಿ Regional News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ರಡ್ಡ್ ತಿಂಗೊಲ್‌ದ ಉಲಯಿ ತೀರ್ ಪೋಯೆರ್ ಒಂಜೇ ಇಲ್ಲದ ಮೂಜಿ ಜನ ಮೆಗ್ಯೆ ಪಲಯೆ!!

ತಲಪಾಡಿ: ಕಾಲಿ ಪದಿನೈನ್ ದಿನತ್ತ ಉಲಯಿ ಒಂಜೇ ಇಲ್ಲದ ಮೂಜಿ ಜನ ತೀರ್ ಪೋಯಿನ ಸಂಗತಿ ತಲಪಾಡಿಡ್ ನಡದ್ಂಡ್.

ಮುಳ್ಳೇರಿಯಾದ ಆದೂರುದ ನಿವಾಸಿ ವಸಂತ್ ಕುಮಾರ್ ರೈ(55) ಸೋಮಾರ ಬಯ್ಯಡ್ ನಡತಿನ ಆಕ್ಸಿಡೆಂಟ್ ಡ್ ತೀರ್ ಪೋಯೆರ್. ಕೆಲವು ದಿನತ್ತ ಪಿರವುಡು ಅರೆನ ರಡ್ಡ್ ಜನ ಮೆಗ್ಗಿ ಪಲಯಲ್ಲು ಕ್ಯಾನ್ಸರ್ ಡ್ ತೀರ್ ಪೋದಿತ್ತೆರ್.

ವಸಂತ್ ಮೇರ್ ಸಂಬಂಧಿಕೆರೆನ ಸುದ್ದದ ಲೇಸ್‌ಗ್ ಪೋದು ಕೋಟೆಕಾರ್‌ಗ್ ಪೋಯರೆ ಟೋಲ್‌ಗೇಟ್ ಕೈತಲ್ ಮಾರ್ಗ ಕಡಪುನ ಪೊರ್ತುಡು ಕೇರಳದಂಚಿರ್ದ್ ಬರೊಂದಿತ್ತಿನ ಲಾರಿ ಗುದ್ದುದ್ಂಡ್. ಈ ಘಟನೆಡ್ ತರೆಕ್ಕ್ ಮಸ್ತ್ ಪೆಟ್ಟಾತಿನೆಡ್ದಾವರ ಮೆರೆನ್ ಆಸ್ಪತ್ರೆಗ್ ದಾಖಲ್ ಮಲ್ಪುನ ಪೊರ್ತುಡು ಸಾದಿದ ನಡುಟ್ಟ್ ತೀರ್ ಪೋಯೆರ್.ಕುಡ್ಲದ ಸಂಚಾರಿ ಠಾಣಾ ಪೊಲೀಸೆರ್ ಲಾರಿದ ಡ್ರೈವರ್‌ನ್ ವಶಕ್ಕ್ ಪಡೆಯೊಂದು, ಕೇಸ್ ದಾಖಲ್ ಮಲ್ತ್‌ದೆರ್.

2 ತಿಂಗೊಲ್ಡ್ ತೀರ್ ಪೋಯೆರ್ ಮೆಗ್ಯ ಪಲಯಲ್ಲು!!
ವಸಂತ್ ಕುಮಾರ್ ಕಾಸ್ರೋಡ್‌ದ ಕೆಎಸ್‌ಆರ್‌ಟಿಸಿ ಡಿಪೊಡ್ 10 ವರ್ಷರ್ದಿಂಚಿ ಬೇಲೆ ಮಲ್ತೊಂದಿತ್ತೆರ್. ಮೆರೆನ ಕುಟುಮದ ಮೂಜಿ ಜನ ರಡ್ಡ್ ತಿಂಗೊಲ್‌ದ ಉಲಯಿ ತೀರ್ ಪೋತೆರ್. ಬೊಂಬಾಯಿಡ್ ಇತ್ತಿನ ಮೆರೆನ ಅಣ್ಣೆ ಸದಾನಂದ ರೈ ಕ್ಯಾನ್ಸರ್‌ರ್ದ್ ತಿಂಗೊಲ್‌ದ ಪಿರವು ತೀರ್ ಪೋದಿತ್ತೆರ್. ಅರೆನ ಜೋಕುಲು ಸೋಮಾರ ರಾತ್ರೆ ರೈಲ್‌ಡ್ ಬೊಂಬಾಯಿಗ್ ಪೋಯರೆ ಇತ್ತೆರ್. ಅರೆನ್ ಭೇಟಿ ಆಪಿನ ಸಲುವಾದ್ ವಸಂತ್ ರೈ ಕೋಟೆಕಾರ್‌ಗ್ ಪೋವೊಂದಿತ್ತೆರ್. ನನೊಂಜಿ ಪಲಯೆ ಚಂದ್ರಹಾಸ್ ರೈ 17 ದಿನತ್ತ ಪಿರವು ಕ್ಯಾನ್ಸರ್‌ಡ್ ತೀರ್ ಪೋದಿತ್ತೆರ್. ಇಂಚಾದ್ ಇತ್ತೆ ವಸಂತ್ ಕುಮಾರ್‌ಲ ತೀರ್ ಪೋದಿತ್ತ್‌ದ್ ಒಂಜೇ ಕುಟುಮದ ಮೂಜಿ ಮೆಗ್ಯೆ ಪಲಯೆರ್‍ಲು ತೀರ್ ಪೋತೆರ್.

ವಸಂತ್ ಕುಮಾರ್ ಮೆರೆಗ್ ಬೊಡೆದಿ ಬೊಕ್ಕ ಮೂಜಿ ಪೊಣ್ಣು ಜೋಕುಲು ಅಂಚನೆ ಒರಿ ಆನ್ ಮಗೆ ಉಲ್ಲೆರ್.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಪಾಕಿಸ್ತಾನಡ್ ಆತ್ಮಾಹುತಿ ಬಾಂಬ್ ದಾಳಿ: ಮೂಜಿ ಜನ ತೀರ್ ಪೋಯೆರ್

ಇಸ್ಲಾಮಾಬಾದ್: ಪಶ್ಚಿಮ ಪಾಕಿಸ್ತಾನಡ್ ಆತ್ಮಾಹುತಿ ಬಾಂಬ್ ಪುಡಾತ್ ದ್ ಮೂಜಿ ಜನ ತೀರ್ ಪೋಯಿನ ಘಟನೆ ನಡತ್ಂಡ್.


ಈ ಘಟನೆಡ್ 23 ಜನಕ್ ಪೆಟ್ಟಾತ್ಂಡ್. ಉಂದೆನ್ ಒವು ಸಂಘಟನೆ ಮಲ್ದ್ಂಡ್ ಪಂದ್ ನನ ಗೊತ್ತಾವೊಡಾತೆ. ಇತ್ತೆ ಇಡೀ ಪ್ರದೇಶಡ್ ಭದ್ರತಾಪಡೆ ಸುತ್ತುವರಿದ್ ಇಸೇಸ ತನಿಖೆ ತಂಡನ್ ರಚನೆ ಮಲ್ದ್ಂಡ್.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಹೈಸ್ಕೂಲ್ ಕಲ್ಪಾರ್ಥಿಲೆನ ಬ್ಯಾಗ್ ಡ್ ಕಾಂಡೋಮ್, ಸಿಗರೇಟ್!!

ಬೆಂಗ್ಲೂರ್: ರಾಜಬೂಡು ಬೆಂಗ್ಲೂರ್ ದ ಕೆಲವು ಶಾಲೆದ ಕಲ್ಪಾರ್ಥಿಲೆನ ಬ್ಯಾಗ್ ಡ್ ಕಾಂಡೋಮ್, ಗರ್ಭ ನಿರೋಧಕ ಮಾತ್ರೆ, ಲೈಟರ್, ಸಿಗರೇಟ್ ಇಂಚಿ ಸೊತ್ತುಲು ಪತ್ತೆ ಆತ್ಂಡ್.


ಕಲ್ಪಾರ್ಥಿಲು ಶಾಲೆಗ್ ಮೊಬೈಲ್ ಕನವೊಂದು ಇತ್ತೆರ್ ಪನ್ಪುನ ದೂರುದ ಬಗೆಟ್ ಕರ್ನಾಟಕ ಪ್ರಾಥಮಿಕ ಬೊಕ್ಕ ಮಾಧ್ಯಮಿಕ ಶಾಲೆದ ಆಡಳಿತ ಮಂಡಳಿ ಸೂಚನೆದಂಚನೆ ಜೋಕುಲೆನ ಬ್ಯಾಗ್ ಪರಿಶೀಲನೆ ಮಲ್ಪುನಗ ಈ ಸೊತ್ತುಲು ತಿಕ್ಕ್ ದ್ಂಡ್ ಪಂದ್ ಶಾಲೆ ಒಂಜೇತ ಪ್ರಾಂಶುಪಾಲೆರ್ ತೆರಿಪಾದೆರ್.

You Missed

ಊರ್ದ ಸುದ್ದಿ Regional News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಲ್ತೆರ್ ಸುದ್ದಿ | Belthangady News

ಗುರುವಾಯನಕೆರೆ : ಬೈಕ್‌ ಬೊಕ್ಕ ರಡ್ಡ್ ಕಾರ್ ಗುದ್ದುದು ಬೈಕ್‌ದಾರೆಗ್ ಪೆಟ್ಟ್

ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಕಾರ್ಲ : ಮಾರ್ಗದ ಬರಿಟ್ಟ್ ಕಜವು ದಕಿನ 2 ಜನಕ್ಲೆಗ್ ದಂಡ

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿರ್ದ್ ಪ್ರತಿಭಾ ಗೌರವ : ಎಚ್. ವಸಂತ್ ಬೆರ್ನಾರ್ಡ್

ಊರ್ದ ಸುದ್ದಿ Regional News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಲ್ತೆರ್ ಸುದ್ದಿ | Belthangady News

ಥಾಮಸ್ ಕಪ್ ಗೆಂದಿನ ಬ್ಯಾಡ್ಮಿಂಟನ್ ಪಟು ಆಯುಷ್ ಶೆಟ್ಟಿ ಧರ್ಮಸ್ಥಳ ಭೇಟಿ

Copyright © All rights reserved - The Times of Kudla Mangalore | Paper News by Themeansar.