ಬಿಲ್ಲವಾಸ್ ಕತಾರ್ ಮುತಾಲಿಕೆಡ್ ಅಸ್ಟೆಮಿ ಬೊಕ್ಕ ಚೌತಿದ ಗೌಜಿ
ಬಿಲ್ಲವಾಸ್ ಕತಾರ್ ಮುತಾಲಿಕೆಡ್ ಉಂದೆತ್ತ ಅಧ್ಯಕ್ಷೆರ್ ಆಯಿನ ರಘುನಾಥ್ ಅಂಚನ್ ಮೆರೆನ ಸಾಕಾರಡ್ ಅಸ್ಟೆಮಿ ಚೌತಿದ ಲೇಸ್ ಸೆ. 2 ತಾರೀಕ್ಗ್ ಗ್ರಾಂಡ್ ಕತಾರ್ ಪ್ಯಾಲೇಸ್ ದ ಚಾವಡಿಡ್ ಭಾರೀ ಗೌಜಿಡ್ ನಡತ್ಂಡ್.
ಕೃಷ್ಣ-ರಾಧೆ ಛದ್ಮವೇಷ ಪಂತೊಗ್ ಜೋಕುಲು ಪೊರ್ಲುದ ತುತ್ತೈತ ಪಾಡ್ದ್ ಕಾರ್ಯಕ್ರಮಗ್ ಚಾಲನೆ ಕೊರಿಯೆರ್. ಅಂಚನೆ ಪೊಂಜೊವುಲು ಬೊಕ್ಕ ಅಂಜೊವುಲು ಪರಂಪರೆದ ತುತ್ತೈತ ಪಾಡ್ದ್ ಲೇಸ್ನ್ ನನಾತ್ ಪೊರ್ಲು ಮಲ್ತೆರ್. ಕೃಷ್ಣ-ರಾಧೆ ವೇಷ ಪಂತದ ಲೇಸ್ನ್ ಪುಗರ್ತೆದ ಜೋಕುಲಾಯಿನ ಭೂಮಿಕಾ ರಘುನಾಥ್ ಅಂಚನ್ ಬೊಕ್ಕ ಶಾನ್ವಿ ಶರತ್ ನಡಪಾದ್ ಮಾತೆರ್ನಲ ಮೆಚ್ಚಿಗೆಗ್ ಪಾತ್ರರಾಯೆರ್. ಪಂತದ ತೀರ್ಪುಗಾರೆರಾದ್ ಭರತನಾಟ್ಯ ವಿದ್ವತ್ ಸಂಜನಾ ಜೀವನ್ ಮೇರ್ ವಹಿಸ್ ದ್ ಇತ್ತೆರ್. ಸೀಮಾ ಉಮೇಶ್ ಮೇರ್ ಪ್ರಶಸ್ತಿ ಪಟ್ಟಿಯರೆ ಸಕಾಯ ಮಲ್ತೆರ್.
ಶ್ರೀ ವಿಜಯ ಸುವರ್ಣ ಮೇರ್ “ಪ್ರಾಣಾಯಾಮ -ಧ್ಯಾನ -ಆಹಾರ” ವಿಷಯದ ಬಗೆಟ್ ವಿಶೇಷ ಮಾಹಿತಿನ್ ಕೊರ್ಂಡ ಸಂಘದ ಉಪಾಧ್ಯಕ್ಷೆರ್ ಅಮಿತ್ ಪೂಜಾರಿ ಮೇರ್ ಅಷ್ಟಮಿ- ಚೌತಿ ಆಚರಣೆ, ಗೌಜಿ ಬೊಕ್ಕ ಮಹತ್ವದ ಬಗೆಟ್ ಪಾತೆರಿಯೆರ್. ಗಣಪತಿ-ಕೃಷ್ಣನ ಆರಾಧನೆದೊಟ್ಟುಗ್ ಭಜನಾ ಕಾರ್ಯಕ್ರ್ರಮ ನಡತ್ಂಡ್. 100 ರ್ದ್ ಎಚ್ಚದ ಜನ ಈ ಲೇಸ್ ಡ್ ಪಾಲ್ ಪಡೆಯೆರ್.
ಲೇಸ್ ಡ್ ಉಮೇಶ್ ಪೂಜಾರಿ, ಸಂದೀಪ್ ಮಲ್ಲಾರ್, ಕಿಶೋರ್ ಅಂಚನ್, ಜಯರಾಜ್, ಮಂಜು ಕರಿಗಾರ್, ಅಪರ್ಣ ಶರತ್, ಜಯರಾಮ ಸುವರ್ಣ ಲೇಸ್ ಡ್ ಪಾಲ್ ಪಡೆದಿತ್ತೆರ್.
ಅಜಯ್ ಕೋಟ್ಯಾನ್ ಲೇಸ್ ಸುದಾರಿಕೆ ಮಲ್ತೆರ್. ರಘುನಾಥ್ ಅಂಚನ್ ಬತ್ತಿನ ಬಿನ್ನೆರೆನ್ ಎದ್ಕೊನಿಯೆರ್. ಕವಿರಾಜ್ ಬಂಗೇರ ಸೊಲ್ಮೆ ಸಂದೈತ ಮಲ್ತೆರ್.
Billawas Quatar organise
‘ Asthami ‘ and ‘Chauthi ‘ celebration.
Billawas Quatar under the leadership of its president Raghunath Anchan organised
‘ Asthami’ and ‘Chauthi’ celebrations with gaiety and pomp.
Fancy dress competition for children was arranged and all the members came dressed in traditional attire that contributed to the beauty of the program.Bhartanatya vidwan Sanjana Jeevan judged the compitition and Seema Umesh gave away the prizes.
Sri Vijay Suvarna gave a talk on the benifits of Pranayama and meditation.Amith Pujary spoke about the customs involved in the celebrations of Asthami’ and ‘Chauthi’.
Bajan program was also arranged.
More than 100 members participated in the program.
