September 2022

ದ.ಕ.ಮೊಗವೀರ ಮಹಾಜನ ಸಂಘದ ಮುತಾಲಿಕೆಡ್ ವಿದ್ಯಾರ್ಥಿ ವೇತನ, ಗುರಿಕಾರೆರೆಗ್ ಗೌರವಧನ ಪಟ್ಟುನ ಲೇಸ್

ಉಚ್ಚಿಲ ಮಹಾಲಕ್ಷ್ಮಿ ದೇವಸ್ಥಾನದ ಜೀರ್ಣೋದ್ಧಾರದ ಪೊರ್ತುಡು ಎನ್ನ್ ದಿನ ಕನ ನಿಜ ಆಂಡ್ : ಡಾ.ಜಿ.ಶಂಕರ್

ಉಚ್ಚಿಲ: ದ.ಕ.ಮೊಗವೀರ ಮಹಾಜನ ಸಂಘ (ರಿ) ಉಚ್ಚಿಲ ಉಂದೆತ್ತ ಮುತಾಲಿಕೆಡ್ ಉಪ್ಪಳರ್ದ್ ಶೀರೂರು ಮುಟ್ಟದ ಮೊಗವೀರ ಸಮಾಜದ ಪ್ರತಿಭಾವಂತ ವಿದ್ಯಾರ್ಥಿಲೆಗ್ ವಿದ್ಯಾರ್ಥಿ ವೇತನ ಅಂಚೆನೆ ಗುರಿಕಾರೆರೆಗ್ ಗೌರವಧನ ಪಟ್ಟುನ ಲೇಸ್ ಸೆ.11 ಐತಾರ ಕಾಂಡೆ ಉಚ್ಚಿಲದ ಮೊಗವೀರ ಭವನಡ್ ನಡತ್ಂಡ್.

ಉಚ್ಚಿಲ ಶ್ರೀ ಮಹಾಲಕ್ಷ್ಮಿ ದೇವಸ್ಥಾನದ ಗೌರವಾಧ್ಯಕ್ಷೆರ್, ನಾಡೋಜ ಡಾ.ಜಿ.ಶಂಕರ್ ಮೇರ್ ಲೇಸ್ ಉದಿಪನ ಮಲ್ತೆರ್.

ಈ ಪೊರ್ತುಡು ಪಾತೆರಿನ ಆರ್, ಉಚ್ಚಿಲ ದೇವಸ್ಥಾನದ ಜೀರ್ಣೋದ್ಧಾರ ದ ಪೊರ್ತುಡು ಶಿಕ್ಷಣ ಬೊಕ್ಕ ಆರೋಗ್ಯದ ವಿಚಾರೊಡು ಎನ್ನ್ ದಿತ್ತಿನ ಮಲ್ಲ ಮಟ್ಟ್ ದ ಕನ ಇತ್ತೆ ನಿಜ ಆಂಡ್. ಎಸ್ಸೆಸ್ಸೆಲ್ಸಿ ಬೊಕ್ಕ ಪಿಯುಸಿದ ಪ್ರತಿಭಾವಂತ ವಿದ್ಯಾರ್ಥಿಲೆಗ್ 25 ಲಕ್ಷ ರೂ. ಅಂಚೆನೆ ಎಂಬಿಬಿಎಸ್, ಇಂಜಿನಿಯರಿಂಗ್ ಕಲ್ಪುನ ವಿದ್ಯಾರ್ಥಿಲೆಗ್ ಅಂದಾಜಿ 25,000 ರೂ.ದಲೆಕ್ಕ 25 ಲಕ್ಷ ರೂ. ಸೇರ್ದ್ ಒಟ್ಟಾರೆ 50 ಲಕ್ಷ ರೂ. ಮುಟ್ಟದ ಪಣವುದ ಸಕಾಯೊನು ಕೊರೊಂದುಲ್ಲ ಪಂಡೆರ್.

ಉಪ್ಪಳರ್ದ್ ಶೀರೂರು ಮುಟ್ಟದ 160 ಗ್ರಾಮಸಭೆತ್ತ ಗುರಿಕಾರೆರ್ ನಕಲೆಗ್ ಗೌರವಧನ ಪಟ್ ದ್ ಪಾತೆರಿನ ಜಿ.ಶಂಕರ್, 1ಸಾರ, 2 ಸಾರ ಮುಟ್ಟ ಕೊರೊಂದಿತ್ತಿನ ಗುರಿಕಾರೆರ್ನ ಗೌರವಧನನ್ ಈ ಸರ್ತಿ 5 ಸಾರ ರೂಪಾಯಿಗ್ ಎಚ್ಚ ಮಲ್ತ್ ದ. ಉಂದೆಟ್ಟ್ ಕಾಸ್ ವಿಚಾರ ಮುಖ್ಯ ಅತ್ತ್, ಗುರಿಕಾರೆರ್ನಕ್ಲೆನ್ ಗೌರವ ಮಲ್ಪುನ ಮಲ್ಲ ಸಂಗತಿ. ಅಂದಾಜಿ ಮಾತೆರ್ಲ ಗುರಿಕಾರೆರೆಗ್ ಗೌರವ ಕೊರೊಡು ಪಂದ್ ತೆರಿಪಾಯೆರ್.

ಉಂದುವೇ ಸುರೂತ್ತ ಸರ್ತಿ ಮಂಗಳೂರು ದಸರಾ ಮಾದರಿಡ್ ಉಚ್ಚಿಲ ದಸರಾ ಮಲ್ಪರೆ ತೀರ್ಮಾನ ಮಲ್ತ್ ದ. ಮಾತೆರ್ಲ ಈ ಲೇಸ್ ಡ್ ಪಾಲದ ಪಡೆದ್ ಯಶಸ್ವಿ ಮಲ್ಪಡು ಪಂದ್ ಬಿನ್ನಾಪು ಮಲ್ತೆರ್.

ಈ ಪೊರ್ತುಡು ಎಸ್ಸೆಸ್ಸೆಲ್ಸಿ ಡ ಜಾಸ್ತಿ ಮಾರ್ಕ್ಸ್‌ ದೈದಿನ ಶ್ರಾವ್ಯ ಎಸ್.ಪುತ್ರನ್, ಪಿಯುಸಿದ ಹಿರಾಲ್ ಸುಂದರ್, ಎಂಕಾಮ್ ಡ್ 3 ನೇ ರ‌್ಯಾಂಕದ ಪಡೆದಿನ ಶ್ರಾವ್ಯ ಡಿ.ಪುತ್ರನ್, ಸಿಎ ಪಾಸ್ ಆತಿನ ಪ್ರವೀಣ್ ರಾಜ್ ಮೆರೆನ್ ಜಿ.ಶಂಕರ್ ಬೊಕ್ಕ ಬೈದಿನ ಬಿನ್ನೆರ್ ಮಾನಾದಿಗೆ ಮಲ್ತೆರ್.

ಪಿಯುಸಿದ 175, ಡಿಗ್ರಿದ 175 ವಿದ್ಯಾರ್ಥಿಲು ಸೇರ್ದ್ 350 ವಿದ್ಯಾರ್ಥಿ ಲೆಗ್ ವಿದ್ಯಾರ್ಥಿ ವೇತನ ಅಂಚೆನೆ ಬಗ್ವಾಡಿ ಹೋಬಳಿದ 175 ಗುರಿಕಾರೆರ್, ಬಾರ್ಕೂರು ವಲಯದ 80 ಅಂಚೆನೆ ಉಚ್ಚಿಲ-ಕುಡ್ಲ ವಲಯದ 79 ಗುರಿಕಾರೆರ್ ಸೇರ್ದ ಒಟ್ಟು 334 ಗುರಿಕಾರೆನಕ್ಲೆಗ್ ನಕ್ಲೆಗ್ ಗೌರವಧನ ಪಟ್ಟಿಯೆರ್.

ಮಲ್ಲ ಬಿನ್ನೆರಾದ್ ಆನಂದ್ ಸಿ.ಕುಂದರ್,ಗುಂಡು ಬಿ.ಅಮೀನ್, ಸತೀಶ್ ಅಮೀನ್ ಬಾರ್ಕೂರು, ಬಗ್ವಾಡಿ ಹೋಬಳಿದ ಉದಯಕುಮಾರ್ ಹಟ್ಟಿಯಂಗಡಿ, ಮೋಹನ್ ಕರ್ಕೇರ ತೋನ್ಸೆ, ವಾಸುದೇವ ಸಾಲ್ಯಾನ್, ಕೋಶಾಧಿಕಾರಿ ಭರತ್ ಕುಮಾರ್ ಎರ್ಮಾಳ್ , ರಾಜೇಂದ್ರ ಹಿರಿಯಡ್ಕ, ಮೊಗವೀರ ಮಹಿಳಾ ಸಭಾತ್ತ ಅಧ್ಯಕ್ಷೆರ್ ಪೂರ್ಣಿಮಾ ಸಿ. ಮಿತ್ತರ್ಮೆಡ್ ಇತ್ತೆರ್.
ದಕ ಮೊಗವೀರ ಮಹಾಜನ ಸಂಘದ ಅಧ್ಯಕ್ಷೆರ್ ಜಯ ಸಿ.ಕೋಟ್ಯಾನ್ ಬಿನ್ನೆರೆನ್ ಸ್ವಾಗತ ಮಲ್ತೆರ್.

ಸತೀಶ್ ಅಮೀನ್ ಪಡುಕರೆ ಲೇಸ್ ಸುಧಾರಿಕೆ ಮಲ್ತೆರ್. ಪ್ರಧಾನ ಕಾರ್ಯದರ್ಶಿ ಸುಧಾಕರ ಕುಂದರ್ ಸೊಲ್ಮೆ ಸಂದಾಯೆರ್.

DK Mogaveera Mahajana Sangha Ucchila

Scholarship distributed, Seniors honoured,and honorary funds distributed

Renovation of Mahalakshmi temple Ucchila was a dream come true- Dr J Shankar.

Ucchila: A program was organised by the Mogaveera Mahajana Sangha Ucchila o the 11 th of September to distribute scholarship and honorary funds to gram sabha leaders of the community.

The honorary president of the Mahalakshmi temple Ucchila Nadoja Dr G Shankar inaugurated the program.

Speaking on the occasion he said that the renovation of the Mahalakshmi temple was a dream come true for him.About 25 lakhs scholarship was distributed to deserving SSLC and PUC students from around the the district.Rupees 25,000 each was given to MBBS and engineering students.A total of 50 lakhs were distributed.
160 gramsabha leaders were given an amount of five thousand each.

A decision was taken to celebrate Dussehra on the scale of Mangalore Dusshera.
Mogaveera leaders were also given honorary funds and a total of 334 leaders were distributed funds.

ನಾರಾಯಣ ಗುರುಕ್ಲೆನ ಆದರ್ಶ ಪಾಲನೆ ಮಲ್ತ್ ದ್ ಅಶಕ್ತೆರೆಗ್ ಶಕ್ತಿ ಕೊರ್ಪಿನ ಬೇಲೆ ಮಲ್ಪುಲೆ: ಶಾಸಕೆರ್ ಉಮಾನಾಥ ಕೋಟ್ಯಾನ್

ಮುಲ್ಕಿ ಬಿಲ್ಲವ ಸಂಘೊಡು ಗೌಜಿದ ಗುರು ಜಯಂತಿ; 6 ಲಕ್ಷ ರೂ. ವಿದ್ಯಾರ್ಥಿ ವೇತನ ಪಟ್ಟುನ ಲೇಸ್

ಮುಲ್ಕಿ : ಬ್ರಹ್ಮಶ್ರೀ ನಾರಾಯಣ ಗುರುಕ್ಲೆನ ಆದರ್ಶ ಪಾಲನೆ ಮಲ್ತ್ ದ್ ಅಶಕ್ತೆರೆಗ್ ಶಕ್ತಿ ಕೊರ್ಪಿನ ಬೇಲೆ ಮಲ್ಪುಲೆ ಪಂದ್ ಶಾಸಕೆರ್ ಉಮಾನಾಥ ಕೋಟ್ಯಾನ್ ಪಂಡೆರ್.

ಬಿಲ್ಲವ ಸಮಾಜ ಸೇವಾ ಸಂಘ(ರಿ) ಮುಲ್ಕಿ ಉಂದೆತ್ತ ಆಶ್ರಯೊಡು ಸನಿಯಾರ ನಡತಿನ ಬ್ರಹ್ಮಶ್ರೀ ನಾರಾಯಣ ಗುರುಕ್ಲೆನ 168 ನೇ ಜನ್ಮ ದಿನಾಚರಣೆದ ಸಂದರ್ಭೊಡು ವಿದ್ಯಾರ್ಥಿ ವೇತನ ಪಟ್ ದ್ ಆರ್ ಪಾತೆರಿಯೆರ್.

ನಮ್ಮ ಕುಡ್ಲ ವಾರ್ತಾ ವಾಹಿನಿದ ಡಾ.ಪ್ರಿಯಾ ಹರೀಶ್ ಮೇರ್ ನಾರಾಯಣ ಗುರುಕ್ಲೆನ ಬಗೆಟ್ ಉಪನ್ಯಾಸ ಮಲ್ತೆರ್. ಎಸೆಸೆಲ್ಸಿ ಬೊಕ್ಕ ಪಿಯುಸಿ ವಿಜ್ಞಾನ ಅಂಚೆನೆ ವಾಣಿಜ್ಯ ವಿಭಾಗಡ್ ಎಚ್ಚ ಅಂಕ ಪಡೆದಿನ ವಿದ್ಯಾರ್ಥಿ ಲೆಗ್ ಎನ್ .ಆರ್ ಮುಲ್ಕಿ ನೆಂಪುದ ದತ್ತಿ ನಿಧಿನ್ ಅರೆನ ಸಂಬಂಧಿಕೆರಾದುಪ್ಪುನ ಅಶೋಕ್ ಟೈಲರ್ಸ್ ಮಾಲೀಕೆರ್ ಶಶಿಧರ ಕೋಟ್ಯಾನ್ ಪಟ್ಟಿಯೆರ್.

ಮುಲ್ಕಿ ಬಿಲ್ಲವ ಸೇವಾ ಸಂಘ ದ ಅಧ್ಯಕ್ಷೆರ್ ರಮೇಶ್ ಕೆ.ಅಮೀನ್ ಅಧ್ಯಕ್ಷತೆ ಒಯಿಸ್ ದಿತ್ತೆರ್. ಈ ಪೊರ್ತುಡು ಮಾಡೆಲಿಂಗ್ ಕ್ಷೇತ್ರದ ಸಾಧಕಿ ಡಾಕ್ಟರೇಟ್ ಪಡೆದಿನ ಪ್ರತಿಭಾ ಪೂಜಾರಿ ಅಂಚೆನೆ ದಾನಿಲಾಯಿನ ರಾಧಿಕಾ ಯಾದವ ಕೋಟ್ಯಾನ್ ದಂಪತಿಗ್ ಮಾನಾದಿಗೆ ನಡತ್ಂಡ್.

ಅಂಚೆನೆ ಎಸ್ಸೆಸ್ಸೆಲ್ಸಿ ಬೊಕ್ಕ ಪಿಯುಸಿಡ್ ಶೇ.90 ರ್ದುಲ ಎಚ್ಚ ಅಂಕ ಪಡೆದಿನ ಪ್ರತಿಭಾವಂತೆರೆಗ್ ಪಣವುದ ಸಕಾಯ ಕೊರಿಯೆರ್. ಒಟ್ಟುಗು 6 ಲಕ್ಷ ರೂ. ಮುಟ್ಟದ ಪಣವುದ ಸಕಾಯೊನು ಪಟ್ಟಿನವು ವಿಶೇಷ.

ಮಲ್ಲ ಬಿನ್ನೆರಾದ್ ಮುಲ್ಕಿ ನಗರ ಪಂಚಾಯತ್ ಅಧ್ಯಕ್ಷೆರ್ ಸುಭಾಷ್ ಶೆಟ್ಟಿ, ಉದ್ಯಮಿ ಶೇಖರ ಶೆಟ್ಟಿ ಬಂಡಸಾಲೆ ಕಿಲ್ಪಾಡಿ, ಮುಲ್ಕಿ ಬಿಲ್ಲವ ಸಂಘದ ಬೊಂಬೈ ಸಮಿತಿದ ಕಾರ್ಯದರ್ಶಿ ವಾಸುದೇವ ಎನ್.ಸಾಲ್ಯಾನ್, ಎಚ್.ವಿ.ಕೋಟ್ಯಾನ್, ಉದಯ ಅಮೀನ್, ಕೋಶಾಧಿಕಾರಿ ಪ್ರಕಾಶ್ ಸುವರ್ಣ,ನಾರಾಯಣ ಗುರು ಮಹಿಳಾ ಮಂಡಳಿದ ಅಧ್ಯಕ್ಷೆರ್ ಅಂಬಾವತಿ ಮೊಕುಲು ಮಾತ ಮಿತ್ತರ್ಮೆಡ್ ಇತ್ತೆರ್.

ಡಾ.ಪಿ.ಹರಿಶ್ಚಂದ್ರ ಸಾಲ್ಯಾನ್ ಸೊಲ್ಮೆ ಸಂದಾಯೆರ್.
ಪತ್ರಕರ್ತೆರ್ ನರೇಂದ್ರ ಕೆರೆಕಾಡು ಸಭೆ ಸುಧಾರಿಕೆ ಮಲ್ತೆರ್. ಗುರು ಜಯಂತಿದ ನಿಲೆಟ್ಟ್ ರಡ್ಡ್ ದಿನಲ ಬೇತೆ ಬೇತೆ ಭಜನಾ ಮಂಡಳಿದಕ್ಲೆರ್ದ್ ಭಜನಾ ಸೇವೆ ನಡತ್ಂಡ್.

ಶೋಭಾಯಾತ್ರೆ

ಗುರುಕ್ಲೆನ ಸದ್ಭಕ್ತೆರಾಯಿನ ಪಡುಬೈಲು ರಾಧಿಕಾ ಯಾದವ ಕೋಟ್ಯಾನ್ ಮೊಕ್ಲೆನ ಇಲ್ಲಡ್ ಸನಿಯಾರ ಕಾಂಡೆರ್ದ್ ಮಧ್ಯಾಹ್ನ ಮುಟ್ಟ ಗುರು ದೇವೆರೆಗ್ ಭಜನಾ ಸೇವೆ ನಡತ್ ದ್ ಬಯ್ಯಡ್ ಬ್ರಹ್ಮಶ್ರೀ ನಾರಾಯಣ ಗುರುಕುಲೆನ ಭಾವಚಿತ್ರದ ಶೋಭಾಯಾತ್ರೆ ಚೆಂಡೆ, ವಾದ್ಯ ಇಂಚ ಬೇತೆಬೇತೆ ಬಿರ್ದಾವಳಿಡ್ ಪಡುಬೈಲ್ ರ್ದ್ ಮುಲ್ಕಿ ಪೇಂಟೆ, ಬಪ್ಪನಾಡ್ ದೇವಸ್ಥಾನ, ಪಂಚಮಹಲ್ ರಸ್ತೆಗಾದ್ ಮುಲ್ಕಿ ಬಿಲ್ಲವ ಸಂಘ ಮುಟ್ಟ ನಡತ್ಂಡ್.

Let us follow the principles of Narayana Guru and help the downtrodden.- MLA Umanath Kotian.

Rupees six lakhs scholarship distributed at Mulki from Billawa Sangha.
##
On the occasion of 168th birth anniversary celebration of Sri Narayan Guru a program was organised by Billava Sangha Mulki.
Scholarship was distributed to achievers in SSLC,PUC students More than six lakh rupees was distributed.
The program was presided by the president of the association Ramesh K Amin.
Dr Priya Harish from Namma Kudla channel gave a lecture on Sri Narayan Guru.
Doctorate achiever Pratibha Pujary and donors Radika Yadav Kotian were honoured on the occasion.
Bajan program was also organised.

ಬ್ರಹ್ಮ ಶ್ರೀ ನಾರಾಯಣ ಗುರು ಸ್ವಾಮಿಲೆನ ಪುಟ್ಟಿನ ದಿನತ್ತ ಲೆಕ್ಕೊಡು ನಾಟಿ ವೈದ್ಯೆರ್ ಜಾನಕಿ ಪೂಜಾರಿ ಮೆರೆಗ್ ಮಾನಾದಿಗೆ

ಬ್ರಹ್ಮ ಶ್ರೀ ನಾರಾಯಣ ಗುರು ಸ್ವಾಮಿಲೆನ 168ನೇ ಪುಟ್ಟಿನ ದಿನತ್ತ ಲೆಕ್ಕೊಡು ವಾರ್ಷಿಕ ಗುರುಪೂಜೆ ಬ್ರಹ್ಮಶ್ರೀ ನಾರಾಯಣ ಗುರು ಸ್ವಾಮಿ ಸೇವಾ ಸಂಘ (ರಿ) ಕದಂದಲೇ ಪಾಲಡ್ಕ ಡ್ ಆಚರಣೆ ಮಲ್ತೆರ್.

ಈ ಪೊರ್ತುಡು ಹಳ್ಳಿದ ಮರ್ದ್ ನ್ ಕೊರ್ಪಿನ ನಾಟಿ ವೈದ್ಯೆರ್ ಜಾನಕಿ ಪೂಜಾರಿ ಮೆರೆಗ್ ಬತ್ತಿನ ಬಿನ್ನೆರ್ನ ಉಪಸ್ಥಿತಿಟ್ ಮಾನಾದಿಗೆ ಮಲ್ತೆರ್.