August 2022

ತಲಪಾಡಿ ಶ್ರೀ ವೀರಾಂಜನೇಯ ವ್ಯಾಯಾಮ ಶಾಲೆಗ್ ಪೊಗ್ಗಿನ ಕಲ್ವೆರ್

Aug 29, 2022

ತಲಪಾಡಿ ಶ್ರೀ ವೀರಾಂಜನೇಯ ವ್ಯಾಯಾಮ ಶಾಲೆಗ್ ಕಲ್ವೆರ್ ಪೊಗ್ಗ್ ದಿನ ಘಟನೆ ಉಳ್ಳಾಲ ಪೊಲೀಸ್ ಠಾಣಾ ವ್ಯಾಪ್ತಿಡ್ ನಡತ್ ದ್oಡ್.

ವ್ಯಾಯಮ ಶಾಲೆಗ್ 4 ಕಲ್ವೆರ್ ಪೊಗ್ಗ್ ದಿತ್ತ್ ದ್ ಒರಿ ಸೀದಾ ಉಲಾಯಿ ಪೋತೆ. ಆಯೆ ಜನಕ್ಲೆನ ಕೈಕ್ ತಿಕ್ಕ್ ದ್ ಬೂರ್ದೆ. ವ್ಯಾಯಮ ಶಾಲೆಡ್ ಇತ್ತಿನ ಕಾಸ್ ದ ಡಬ್ಬಿನ್ ದೆಪ್ಪರೆ ಕಲ್ವೆರ್ ಪೋತೆರ್ ಪಂದ್ ಸುರುತ್ತ ಮಾಹಿತಿಡ್ ತೆರಿದ್ ಬೈದ್oಡ್.

ವರದಿ: ಮಂಜುನಾಥ ಶೆಟ್ಟಿ

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕುಡ್ಲಡ್ “ಶ್ರೀ ನಾರಾಯಣ ಗುರು, ಸಂತ, ಸುಧಾರಕ, ಕವಿ” ಉಪನ್ಯಾಸ ಬೊಕ್ಕ ಸಂಗೀತ ಕಛೇರಿ

Aug 28, 2022

ಕುಡ್ಲ : ಪಿ ಪಿ ಗೋಮತಿ ಸ್ಮಾರಕ ಶಿಕ್ಷಣ ಟ್ರಸ್ಟ್ ಬೊಕ್ಕ ಬ್ರಹ್ಮಶ್ರೀ ನಾರಾಯಣ ಗುರು ಅಧ್ಯಯನ ಪೀಠ ಮೊಕಲ್ನ ಒಟ್ಟು ಸೇರಿಗೆಡ್ “ಶ್ರೀ ನಾರಾಯಣ ಗುರು, ಸಂತ, ಸುಧಾರಕ, ಕವಿ” ಉಪನ್ಯಾಸ ಬೊಕ್ಕ ಸಂಗೀತ ಕಚೇರಿ ಆಗೋಸ್ಟ್ 28 ತಾರೀಕ್ ಐತಾರದಾನಿ ಬಯ್ಯ 4.30 ಗಂಟೆಗ್ ರವೀಂದ್ರ ಕಲಾ ಭವನ ವಿಶ್ವವಿದ್ಯಾಲಯ ಕಾಲೇಜು ಹಂಪನ್‌ಕಟ್ಟೆ ಕುಡ್ಲ ಮುಲ್ಪ ನಡತ್ಂಡ್.

ಶ್ರೀ ನಾರಾಯಣ ಗುರುಕುಲೆನ ಬಗೆಟ್ ಉಪನ್ಯಾಸನ್ ಕೇಂದ್ರೀಯ ವಿಶ್ವವಿದ್ಯಾಲಯ ಗುಜರಾತ್‌ದ ಪ್ರೊಫೆಸರ್ ಇ. ವಿ. ರಾಮಕೃಷ್ಣನ್ ನಡಪಾದ್ ಕೊರಿಯೆರ್. ನಾರಾಯಣ ಗುರುಕುಲು ಒರಿ ಶ್ರೇಷ್ಠತೆ ದಾರ್ಶನಿಕೆರ್. ಸಮಾಜ ಸುಧಾರಕೆ, 19 ಶತಮಾನಡ್ ಕೇರಳಡ್ ಮಲ್ಲ ಮಟ್ಟ್‌ಡ್ ಸಮಾಜಗ್ ಬೇನೆ ಕೊರ್‌ನಂಚಿನ ಅಸ್ಪೃಶ್ಯತೆ ಪೋವೊಡು ಪಂದ್ ಪೊರುಂಬಾಟ ಮಲ್ದಿನಾರ್, ತಾನ್ ಒವ್ವೆ ಒಂಜಿ ಸಮುದಾಯಗ್ ಸೇರ್‌ದಿನಾರ್ ಪಂದ್ ತೊಜಪವಂದೆ ಒಂಜೇ ಜಾತಿ, ಒಂಜೇ ಮತ, ಒಂಜೇ ದೇವೆರ್ ಪಂದ್ ಪ್ರತಿಪಾದನೆ ಮಲ್ತೊಂದು ಏಕತೆನೇ ರಾಷ್ಟ್ರದ ಸಕ್ತಿ ಪಂದ್ ತೆರಿಪಾದಿನಾರ್, ಅಪ್ಪೆ ಅಮ್ಮೆ ಕರಿದ್ ಪೋದು ಬೊಕ್ಕ ಒಂಜಿ ಜಾಗೆಡ್ ಮೂಜಿ ದಿನಡ್‌ದ್ ಜಾಸ್ತಿ ಓಲುಲಾ ಉಂತ್ತಂದೆ ಊರೊರ್ಮೆ ತಿರ್ಗೊಂದು ಮಾತೆರ್ಲಾ ಶಿಕ್ಷಿತೆರಾವೊಡು ಪಂದ್ ಲೋಕೊಗು ತುಡರ್ ತೋಜಾದ್ ಸಂತೆರಾದ್ ನೆಗಲ್ತ್ ತೋಜಿನಾರ್. ಅರೆನ ವ್ಯಕ್ತಿತ್ವ ಮಹಾತ್ಮ ಗಾಂಧಿ ಬೊಕ್ಕ ರವೀಂದ್ರನಾಥ್ ಠಾಗೋರೆರೆನ್ಲಾ ಆಕರ್ಷಣೆ ಮಲ್ತುದು ಇಡೆಗ್ ಬತ್ತ್‌ದ್ ಅರೆನ್ ತಿಕ್ಕುನಂಚ ಮಲ್ತ್ಂಡ್ . ಆರ್ ಒರಿ ಕಬಿಯಾದ್ ದೈವ ಪ್ರೀತಿ ಬೊಕ್ಕ ಈ ಸಮಾಜಡ್ ನಮ ಎಂಚ ಬದುಕೊಡು ಪನ್ಪಿನೆನ್ ತೆರಿಪಾದ್ ಕೊರ್ತೆರ್ ಪಂಡೆರ್.

ಉಪನ್ಯಾಸ ಕಾರ್ಯಕ್ರಮ ಆದ್ ಬೊಕ್ಕ ಶ್ರೀ ನಾರಾಯಣ ಗುರುಕುಲು ಬರೆತಿನ ಕಾವ್ಯದ ಸಂಗೀತ ಕಛೇರಿ ನಡತ್ಂಡ್. ವಿದ್ವಾನ್ ಟಿ. ಎಂ. ಕೃಷ್ಣ ಮೆರೆನ ಪದೊಕು ಅಕ್ಕರೈ ಶುಭಲಕ್ಷ್ಮಿ ವಯಲಿನ್‌, ಅರುಣ್ ಪ್ರಕಾಶ್ ಮೃದಂಗಡ್, ಚಂದ್ರಶೇಖರ್ ಶರ್ಮ ಘಟವಾದ್ಯಡ್ ಸಕಾಯ ಕೊರ್ದು ಕಜ್ಜೊನು ಪೊರ್ಲು ಮಲ್ತ್ ದ್ ಕೊರಿಯೆರ್.
ವರದಿ: ಗೀತಾ ಲಕ್ಷ್ಮೀಶ್

“Sri Narayan Guru–Saint, Reformer ,Poet” ; Lecture and musical program in Mangalore

Mangalore: The P P Gomati memorial educational trust and The Narayan Guru study center came together to host a program to Narayan Guru on the 28 th of August at the University College campus.

A lecture on Sri Narayan Guru was given by Proffessor E V Ramakrishnan , Central University , Gujrat.He spoke of the reformist movement of Sri Narayan Guru in the early 19 th century and his strong stand on religious reforms. This was followed by a musical program were poetry written by him was compiled into a musical performance by vidwan T M Krishna and his team.

ಅಕ್ಟೋಬರ್ 17 : ಕಾಂಗ್ರೆಸ್ ಅಧ್ಯಕ್ಷೆರ್ನ ತಾನೊಗು ವೋಟು

Aug 28, 2022

ದೆಲ್ಲಿ: ಇನಿ ಸಭೆ ಮಲ್ತಿನ ಕಾಂಗ್ರೆಸ್ ಕಾರ್ಯಕಾರಿ ಸಮಿತಿ (CWC), ಪಕ್ಷದ ಪೂರ್ಣಾವಧಿತ್ತ ಅಧ್ಯಕ್ಷಿಯ ವೋಟುನ್ ಅಕ್ಟೋಬರ್ 17 ತಾರೀಕ್ ಗ್ ಮಲ್ಪರೆ ತೀರ್ಮಾನ ಮಲ್ತ್ ದ್oಡ್.

ನಾಮಪತ್ರ ಕೊರಿಯರೆ ಕಡೆತ್ತ ದಿನ ಸೆಪ್ಟೆಂಬರ್ 30. ಅಧ್ಯಕ್ಷಿಯ ಚುನಾವಣೆ ಅಕ್ಟೋಬರ್ 17 ಗ್ ಆಯರೆ ಉಂಡು. ವೋಟು ಗೆನ್ಪರೆ ಬೊಕ್ಕ ರಿಸಲ್ಟ್ ಘೋಷಣೆ ಅಕ್ಟೋಬರ್ 19 ಗ್ ಆಯರೆ ಉಂಡು. ಸೋನಿಯಾ ಗಾಂಧಿ ಮೇರ್ ಕಾಂಗ್ರೆಸ್ ಕಾರ್ಯಕಾರಿ ಸಮಿತಿ (ಸಿಡಬ್ಲ್ಯೂಸಿ) ಸಭೆತ್ತ ಅಧ್ಯಕ್ಷತೆ ವಹಿಸೊಂದು ಇತ್ತೆರ್.

Date set for congress Presidential election

Dey: The working committee of the Congress ( CWC) has announced that the election for its president will be held on October 17th. The last date to file nomination is September 30th.The results will be declared on October 19th.

ಜನವರಿ 26 ಕ್ಕ್ ಮುಲ್ಕಿ ಆಡಳಿತ ಸೌಧ ಉದಿಪನ ಆವಡ್: ವಸತಿ ಸಚಿವೆರ್ ಸೋಮಣ್ಣ

Aug 28, 2022

ಮೂಲ್ಕಿ ತಾಲೂಕು ಆಡಳಿತ ಸೌಧ, ಪ್ರವಾಸಿ ಬಂಗಲೆಗ್ ಕೆಸರ್ ಕಲ್ಲ್ ಪಾಡುನ ಲೇಸ್

ಮುಲ್ಕಿ : ಸುಮಾರ್ 10 ಕೋಟಿ ರೂಪಾಯಿ ಕರ್ಚಿಡ್ ಮುಲ್ಕಿ ತಾಲೂಕು ಆಡಳಿತ ಸೌಧದ ಬೇಲೆ ಆಯಿನಾತ್ ಬೇಗ ಮುಗಿದ್ 2023 ನೇ ವರ್ಷದ ಜನವರಿ 26 ತ್ತ ಗಣರಾಜ್ಯೋತ್ಸವದ ಎಡ್ಡೆ ದಿನತ್ತಾನಿ ಉದಿಪನ ಆವಡ್ ಪಂದ್ ವಸತಿ ಸಚಿವೆರ್ ವಿ.ಸೋಮಣ್ಣ ಪಂಡೆರ್.

ಆರ್ ಕಾರ್ನಾಡ್ ದ ಗೇರುಕಟ್ಟೆಡ್ ನಿರ್ಮಾಣ ಆವರೆ ಇತ್ತಿನ ಆಡಳಿತ ಸೌಧಗ್ ಕೆಸರ್ ಕಲ್ಲ್ ಪಾಡುನ ಲೇಸ್ ಅಂಚೆನೆ ಬೆದ್ರ, ಮೂಲ್ಕಿ ಪ್ರವಾಸಿ ಮಂದಿರ ಬೊಕ್ಕ ಮುಲ್ಕಿ-ಬೆದ್ರ ಕ್ಷೇತ್ರ ವ್ಯಾಪ್ತಿದ ಕೆಲವು ಅಭಿವೃದ್ದಿ ಯೋಜನೆಲೆಗ್ ಚಾಲನೆ ಕೊರ್ದು ಪಾತೆರಿಯೆರ್.

ಜನಪ್ರತಿನಿಧಿನಕ್ಲೆಗ್ ದೂರದರ್ಶಿತ್ವ,ಇಚ್ಚಾಶಕ್ತಿ ಉಪ್ಪೊಡು. ಅವೆನ್ ಬೇಲೆಡ್ ತೋಜಾವೊಡು. ಆ ಬೇಲೆನ್ ಶಾಸಕೆರ್ ಉಮಾನಾಥ ಕೋಟ್ಯಾನ್ ಮುಲ್ಕಿ ತಾಲೂಕು ಆಯಿನ ಒಂಜರೆ ವರ್ಷದ ಉಲಯಿ ಮಲ್ತ್ ತೋಜಾದೆರ್. ಮುಲ್ಕಿ ಡ್ ಆಡಳಿತ ಸೌಧ ನಿರ್ಮಾಣದ ಒಟ್ಟುಗು ಮೂಲ ಭೂತ ಸೌಕರ್ಯದ ಬಗೆಟ್ಟ್ ಗೇನ ಕೊರ್ದು ಅರೆನ ಕ್ಷೇತ್ರೊನು ರಾಜ್ಯೊಡೇ ಸುರೂತ್ತ ತಾನೊಗು ಕೊನೊಪಿನ ಪ್ರಯತ್ನೊಡು ಉಲ್ಲೆರ್ ಪಂದ್ ಸಚಿವೆರ್ ಪಂಡೆರ್.

ಪ್ರವಾಸಿ ಮಂದಿರ ಬೊಕ್ಕ ಆಡಳಿತ ಸೌಧಗ್ ಕೆಸರ್ ಕಲ್ಲ್ ಪಾಡಿನ ಲೋಕೋಪಯೋಗಿ ಇಲಾಖೆದ ಸಚಿವೆರ್ ಸಿ ಸಿ ಪಾಟೀಲ್ ಪಾತೆರ್ದ್, ಯಡಿಯೂರಪ್ಪೆರ್ ಬೊಕ್ಕ ಬಸವರಾಜ ಬೊಮ್ಮಾಯಿ ಮುಖ್ಯ ಮಂತ್ರಿಲಾಯಿ ಬೊಕ್ಕ ರಾಜ್ಯಡ್ ಅಭಿವೃದ್ದಿದ ಪರ್ವ ಆರಂಭ ಆತ್ಂಡ್ ಪಂಡೆರ್.

ಜಿಲ್ಲಾ ಉಸ್ತುವಾರಿ ಸಚಿವೆರ್ ವಿ. ಸುನೀಲ್ ಕುಮಾರ್ ಪಾತೆರ್ದ್ ಮುಲ್ಕಿ ಬೆದ್ರ ಕ್ಷೇತ್ರಡ್ ಅಭಿವೃದ್ಧಿ ಬಾರಿ ಬೇಗೊಡು ಆವೊಂದುಂಡು . ರಡ್ಡ್ ತಾಲೂಕುನ್ಲ ಶಾಸಕೆರ್ ಒಂಜೇ ರೀತಿಡ್ ಅಭಿವೃದ್ದಿ ಮಲ್ತೊಂದುಲ್ಲೆರ್ ಪಂದ್ ಪಂಡೆರ್.

ಕರಾವಳಿ ಅಭಿವೃದ್ದಿ ಪ್ರಾದಿಕಾರದ ಅಧ್ಯಕ್ಷೆರ್ ಮಟ್ಟಾರು ರತ್ನಾಕರ ಹೆಗ್ಡೆ,ವಿಧಾನ ಪರಿಷತ್ ಸದಸ್ಯೆರಾಯಿನ ಕೆ. ಹರೀಶ್ ಕುಮಾರ್ ,ಕೆ ಪ್ರತಾಪ್‌ಸಿಂಹ ನಾಯಕ್,ಮಂಜುನಾಥ ಭಂಡಾರಿ,ಮೂಲ್ಕಿ ನಗರ ಪಂಚಾಯತ್ ಅಧ್ಯಕ್ಷೆರ್ ಸುಭಾಷ್ ಶೆಟ್ಟಿ, ಉಪಾಧ್ಯಕ್ಷೆರ್ ಸತೀಶ್ ಅಂಚನ್, ಗೃಹ ಮಂಡಳಿದ ಅದಿಕಾರಿ ನಂಜುಂಡಪ್ಪ , ಬೆದ್ರ ಪುರಸಭೆ ಅಧ್ಯಕ್ಷೆರ್ ಪ್ರಸಾದ್ ಕುಮಾರ್,ಬೆದ್ರ ಮೂಡಾ ಅಧ್ಯಕ್ಷೆರ್ ಮೇಘನಾಥ ಶೆಟ್ಟಿ,ಉದ್ಯಮಿ ಎಂ. ಎಚ್ ಅರವಿಂದ ಪೂಂಜ, ಕೆ ಎಂ ಎಫ್ ಜಿಲ್ಲಾಧ್ಯಕ್ಷೆರ್ ಸುಚರಿತ ಶೆಟ್ಟಿ, ಕಸ್ತೂರಿ ಪಂಜ, ಈಶ್ವರ ಕಟೀಲ್, ಭುವನಾಭಿರಾಮ ಉಡುಪ ಮೊಕುಲು ಮಾತ ಇತ್ತೆರ್. ನವೀನ್ ಶೆಟ್ಟಿ ಎಡ್ಮೆಮಾರ್ ಲೇಸ್ ನಿರೂಪಣೆ ಮಲ್ತೆರ್.

ದ.ಕ.ಜಿಲ್ಲಾ ಪದ್ಮಶಾಲಿ ಮಹಾಸಭಾ (ರಿ) ಮಂಗಳೂರು ಅಮೃತ ಸಂಭ್ರಮ-2022

Aug 27, 2022

ಕುಲ ಕಸುಬುಗು ಆಧುನಿಕ ತಂತ್ರಜ್ಞಾನದ ಸ್ಪರ್ಶ ಕೊರ್ದು ಎಚ್ಚಿನ ಸಂಪಾದನೆ ಮಲ್ಪುಲೆ : ಡಾ.ವೀರೇಂದ್ರ ಹೆಗ್ಗಡೆ

ಮುಲ್ಕಿ: ಸಮಾಜದ ಅಭಿವೃದ್ಧಿದ ನಿಲೆಟ್ಟ್ ಮಾತೆರೆಗ್ಲ ಶಿಕ್ಷಣ ಅತೀ ಅಗತ್ಯವಾದುಂಡು. ಸರ್ಕಾರದ ಯೋಜನೆಲೆನ ಮುಕೇನ ಮಕ್ಕಳ ಕನಸ್ ನ್ ನಿಜ ಮಲ್ಪರೆ ಅವಕಾಶ ನಿರ್ಮಾಣ ಆತ್ಂಡ್ ಪಂದ್ ಶ್ರೀ ಕ್ಷೇತ್ರ ಧರ್ಮಸ್ಥಳದ ಧರ್ಮಾಧಿಕಾರಿ,ರಾಜ್ಯ ಸಭಾ ಸದಸ್ಯೆರ್ ರಾಜರ್ಷಿ ಡಾ.ಡಿ. ವೀರೇಂದ್ರ ಹೆಗ್ಗಡೆ ರ್ ಪಂಡೆರ್.

ಆರ್ ದ.ಕ.ಜಿಲ್ಲಾ ಪದ್ಮಶಾಲಿ ಮಹಾಸಭಾ (ರಿ) ಕುಡ್ಲ ನೆತ್ತ ಅಮೃತ ಮಹೋತ್ಸವ ಸಮಿತಿದ ಮುತಾಲಿಕೆಡ್ ಬಪ್ಪನಾಡ್ ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನದ ವಠಾರಡ್ 2 ದಿನ ನಡಪುನ ಅಮೃತ ಸಂಭ್ರಮ-2022 ಲೇಸ್ ಉದಿಪನ ಮಲ್ತ್ ದ್ ಪಾತೆರಿಯೆರ್.
ನೇಯ್ಗೆದ ಕುಂಟುಗು ಮಸ್ತ್ ಬೇಡಿಕೆ ಉಂಡು. ಅಂಚಾದ್ ನೇಕಾರ ಸಮುದಾಯದಕುಲು ಆಧುನಿಕ ಯಂತ್ರೋಪಕರಣಲೆನ್ ಗಲಸ್ ದ್ ಎಚ್ಚಿನ ಸಂಪಾದನೆ ಮಲ್ಪೊಡು ಪಂದ್ ಪಂಡೆರ್.

ಲೇಸ್ ದ ಗುರ್ಕಾರ್ಮೆನ್ ದ.ಕ.ಜಿಲ್ಲಾ ಪದ್ಮಶಾಲಿ ಮಹಾಸಭಾ ಅಮೃತ ಮಹೋತ್ಸವ ಸಮಿತಿದ ಅಧ್ಯಕ್ಷೆರ್ ಪುರಂದರ ಡಿ ಶೆಟ್ಟಿಗಾರ್ ಒಯಿಸ್ ದಿತ್ತೆರ್.
ಶ್ರೀ ಕ್ಷೇತ್ರ ಕಟೀಲ್ ದ ಅರ್ಚಕೆರ್ ವೇದಮೂರ್ತಿ ಕೆ.ಲಕ್ಷ್ಮೀ ನಾರಾಯಣ ಆಸ್ರಣ್ಣೆರ್ ಆಶೀರ್ವಚನ ಕೊರಿಯೆರ್.

ಶಾಸಕೆರ್ ಉಮಾನಾಥ ಕೋಟ್ಯಾನ್,ರಾಜ್ಯ ಕಾನೂನು ಸೇವಾ ಪ್ರಾಧಿಕಾರದ ಉಪ ಕಾರ್ಯದರ್ಶಿ ರಾಘವೇಂದ್ರ ಶೆಟ್ಟಿಗಾರ್ , ಜಾಗತಿಕ ಬಂಟರ ಸಂಘಗಳ ಒಕ್ಕೂಟದ ಅಧ್ಯಕ್ಷೆರ್ ಐಕಳ ಹರೀಶ್ ಶೆಟ್ಟಿ ,ಮಾಜಿ ಸಚಿವೆರ್ ಕೆ. ಅಭಯಚಂದ್ರ ಜ್ಯೆನ್,ಮೂಲ್ಕಿ ಸೀಮೆ ಅರಸೆರ್ ದುಗ್ಗಣ್ಣ ಸಾವಂತೆರ್ ಮಲ್ಲ ಬಿನ್ನೆರಾದ್ ಬತ್ತಿತ್ತೆರ್.

ಅಂಬಾತನಯ ಮುದ್ರಾಡಿ, ಭಾನುಮತಿ ಡಿ ಶೆಟ್ಟಿಗಾರ್ ಬೆಂಗಳೂರು,ಉತ್ತಮ್ ಎ ಶೆಟ್ಟಿಗಾರ್ ಮುಂಬೈ ,ರವಿ ಶೆಟ್ಟಿಗಾರ್ ದುಬೈ, ಸಮುದಾಯದ 16 ದೇವಸ್ಥಾನಲೆನ ಆಡಳಿತ ಮೊಕ್ತೇಸರೆರ್,ಅಧ್ಯಕ್ಷೆರ್,ಗುರಿಕಾರೆರ್ ಮಾತ ಇತ್ತೆರ್.

ಗಿರೀಶ್ ಶೆಟ್ಟಿಗಾರ್ ವಿಟ್ಲ ಬಿನ್ನೆರೆನ್ ಎದ್ಕೊಂಡೆರ್. ಎಂ.ಜಯರಾಮ್ ಮಂಗಳೂರು ಪ್ರಸ್ತಾವನೆದ ಪಾತೆರ ಪಂಡೆರ್.ಲಕ್ಷ್ಮಣ್ ಕೊಡಿಯಾಲ್ ಬೈಲ್ ಸೊಲ್ಮೆ ಸಂದಾಯೆರ್. ರಾಜೇಂದ್ರ ಶೆಟ್ಟಿಗಾರ್ ಬಸ್ರೂರು ನಿರೂಪಣೆ ಮಲ್ತೆರ್.

DK district Padmashali Mahasabha (R) Mangalore

Amrutmahotsava-2022

When the family proffession is given a technical touch it is more rewarding- Dr D Veerendra Heggade.

Mulki: “Education plays a vital role in the development of a society.The government schemes are also aiding in bringing alive the dreams of the youngsters” said Sri D Veerendra Heggade Dharmadikari of Dharmasthala.He was speaking at the premises of Bappanadu Durgaparameshwari temple were the Amrutmahotsava celebrations of DK district Padmashali Mahasabha is being held.

The program was presided by the president of Amrutmahotsava Samithi Purandar D Shetty.Blessings were by the head priest of Kateel Durga parameshwari temple Vedamurthy Sri Lakshmi Narayan Asranna.
Many dignitaries were present on the occasion.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ರಪಕ್ಕ ಸುದ್ದಿ Flash News

ಇನಿರ್ದ್ ಏಷ್ಯಾ ಕಪ್ ಟಿ20 ಟೂರ್ನಿ

Aug 27, 2022

ದುಬೈ: 15ನೇ ಏಷ್ಯಾ ಕಪ್ ಟಿ20 ಟೂರ್ನಿ ಗ್ ಆಆಸನಿವಾರ ದುಬೈಡ್ ಚಾಲನೆ ತಿಕ್ಕರೆ ಉಂಡು. ಆಜಿ ರಾಷ್ಟ್ರಲು ಟೂರ್ನಿಡ್ ಪಾಲ್ ಪಡೆಯರೆ ಉಂಡು. ದುಬೈ ಅಂತಾರಾಷ್ಟ್ರೀಯ ಮೈದಾನಡ್ ನಡಪುನ ಉದಿಪನ ಪಂತೊಡ್ ಶ್ರೀಲಂಕಾ-ಅಫ್ಘಾನಿಸ್ತಾನ ತಂಡಲು ಮುಖಾಮುಖಿ ಆಯರೇ ಉಂಡು.

ಏಷ್ಯಾ ಕಪ್ 2022 ಸಂಪೂರ್ಣ ವೇಳಾಪಟ್ಟಿ:

ಆಗಸ್ಟ್ 27: ಶ್ರೀಲಂಕಾ vs ಅಫ್ಘಾನಿಸ್ತಾನ. ದುಬೈ ಸ್ಟೇಡಿಯಂ

ಆಗಸ್ಟ್ 28: ಭಾರತ vs ಪಾಕಿಸ್ತಾನ. ದುಬೈ ಸ್ಟೇಡಿಯಂ

ಆಗಸ್ಟ್ 30: ಬಾಂಗ್ಲಾದೇಶ vs ಅಫ್ಘಾನಿಸ್ತಾನ, ಶಾರ್ಜಾ ಸ್ಟೇಡಿಯಂ

ಆಗಸ್ಟ್ 31: ಭಾರತ vs ಹಾಂಗ್ ಕಾಂಗ್, ದುಬೈ ಸ್ಟೇಡಿಯಂ

ಸೆಪ್ಟೆಂಬರ್ 1: ಶ್ರೀಲಂಕಾ vs ಬಾಂಗ್ಲಾದೇಶ. ದುಬೈ ಸ್ಟೇಡಿಯಂ

ಸೆಪ್ಟೆಂಬರ್ 2: ಪಾಕಿಸ್ತಾನ vs ಹಾಂಕಾಂಗ್. ಶಾರ್ಜಾ ಸ್ಟೇಡಿಯಂ

ಸೂಪರ್- 4 ವೇಳಾಪಟ್ಟಿ:

ಸೆಪ್ಟೆಂಬರ್ 3: B1 vs B2 , ಶಾರ್ಜಾ ಸ್ಟೇಡಿಯಂ

ಸೆಪ್ಟೆಂಬರ್ 4: A1 vs A2, ದುಬೈ ಸ್ಟೇಡಿಯಂ

ಸೆಪ್ಟೆಂಬರ್ 6: A1 vs B1 , ದುಬೈ ಸ್ಟೇಡಿಯಂ

ಸೆಪ್ಟೆಂಬರ್ 7: A2 vs B2 , ದುಬೈ ಸ್ಟೇಡಿಯಂ

ಸೆಪ್ಟೆಂಬರ್ 8: A1 vs B2 , ದುಬೈ ಸ್ಟೇಡಿಯಂ

ಸೆಪ್ಟೆಂಬರ್ 9: B1 vs A2 , ದುಬೈ ಸ್ಟೇಡಿಯಂ

ಸೆಪ್ಟೆಂಬರ್ 11: ಫೈನಲ್ ಪಂದ್ಯ , ದುಬೈ ಸ್ಟೇಡಿಯಂ

ಶಾಲೆದ ಜೋಕುಲೆಗ್ ಲೈಂಗಿಕ ಕಿರುಕುಳ ಕೊರೊಂದಿತ್ತಿನ ಚಿತ್ರದುರ್ಗದ ಮುರುಘಾ ಶರಣೆರ್‍ನ ವಿರುದ್ಧ ಎಫ್‌ಐಆರ್

Aug 27, 2022

ಶಾಲೆದ ಜೋಕುಲೆಗ್ ಲೈಂಗಿಕ ಕಿರುಕುಳ ಕೊರೊಂದಿತ್ತಿನ ಆರೋಪದ ಬಗೆಟ್ ಚಿತ್ರದುರ್ಗದ ಮುರುಘಾ ಮಠದ ಡಾ.ಶಿವಮೂರ್ತಿ ಮುರುಘಾ ಶರಣೆರ್ ಸೇರಿನಂಚನೆ ಮಠದ ಮೂಜಿ ಜನ ಅಂಚನೆ ಮೈಸೂರ್ ದ ರಡ್ಡ್ ಜನತ್ತ ವಿರುದ್ದ ನಜರಾಬಾದ್ ಠಾಣೆಡ್ ಲೈಂಗಿಕ ಅಪರಾಧದ ಜೋಕ್ಲೆನ ಸಂರಕ್ಷಣಾ ಕಾಯ್ದೆ ಅಡಿಟ್ ದೂರು ದಾಖಲಾತ್ಂಡ್.

ಈ ಕೇಸ್ ಶಿವಮೂರ್ತಿ ಶಿವಾಚಾರ್ಯ ಶರಣೆರ್ ಸುರುತ್ತ ಆರೋಪಿ ಆದಿತ್ತ್ ದ್ ವಾರ್ಡನ್ ರಡ್ಡನೇ ಆರೋಪಿ ಆತೆರ್. ಮಠತ್ತ ಬಸವಾದಿತ್ಯ ಮೂಜನೇ ಆರೋಪಿ. ಮೈಸೂರ್ ದ ಪರಮಶಿವಯ್ಯ ಬೊಕ್ಕ ಗಂಗಾಧರಯ್ಯ ನಾಲ್ ಬೊಕ್ಕ ಐನನೇ ಆರೋಪಿ ಆತೆರ್.

FIR filed against Muruga Sharana of Chitradurga on allegations of sexual harassment to school children

Dr Shivamurthy Muruga Sharana of Chitradurga Muruga mutt has been named in a sexual harassment case and an fir has been filed against him under POSCO act at the Nazarabad police station. Four others have also been named in the fir.

ಕಲೆವೊಂದಿನ ನೆಕ್ಲೇಸ್ ನ್ ಪಿರ ಕೊರ್ದು ಪ್ರಾಮಾಣಿಕತೆ ಮೆರೆಯಿನ ಮೀನ್ ಮಾರುನ ಪೊಂಜೊವು

Aug 27, 2022

ಕರಿನ ರಡ್ಡ್ ದಿನೊರ್ದಿಂಚಿ ತನ್ನ ಬಂಗಾರ್‌ದ ನೆಕ್ಲೇಸ್ ಕಲೆವೊಂದು ಬೇಜಾರ್‌ಡಿತ್ತಿನ ಪೊಣ್ಣಗ್ ಇತ್ತೆ ನೆಕ್ಲೇಸ್ ಪಿರ ತಿಕ್ಕ್‌ದ್ಂಡ್.

ಕುಡ್ಲ ಸ್ಟೇಟ್ ಬ್ಯಾಂಕ್ ದ ಮೀನ್ ಮಾರುನ ಪೊಂಜೊವುಗು ತಿಕ್ಕಿನ ಬಂಗಾರ್‌ದ ನೆಕ್ಲೇಸ್ ನ್ ಆರ್ ಕೊರಾಡಾಯಿನಕ್ಲೆಗ್ ಎತ್ತಾದ್ ಪ್ರಮಾಣಿಕತೆ ಮೆರೆತ್ತೆರ್.

Fisherwoman hands back the lost necklace

A fisherwoman from near State Bank who found a gold necklace has handed it to the owners and shown her integrity.

ಒಡಿಪು: ವಿಚಿತ್ರ ಏಸಗ್ ವಿದಾಯ ಪಂಡಿನ ರವಿ ಕಟಪಾಡಿ

Aug 27, 2022

ಒಡಿಪು: ಕರಿನ ಏಳ್ ವರ್ಷ ರ್ದ್ ಕೃಷ್ಣ ಜನಾಷ್ಟಮಿಗ್ ಬೇತೆ ಬೇತೆ ನಮೂನೆದ ಏಸ ಪಾಡ್ದ್ ಈಡೇ ಮುಟ್ಟ ಸುಮಾರು 1 ಕೋಟಿ ಕಾಸ್ ನ್ ಹುಷಾರ್ ದಾಂತಿನ ಜೋಕುಲೆನ ಚಿಕಿತ್ಸೆಗಾದ್ ಪಟೊಂದಿತ್ತಿನ ರವಿ ಕಟಪಾಡಿ ಈ ಸರ್ತಿ ಕಡೆತ್ತ ಸರ್ತಿದ ಡೆಮೊನ್ ಏಸ ಪಾಡ್ದ್ ಅರೆನ ಏಸ ಪರಂಪರೆಗ್ ವಿದಾಯ ಪಾಡ್ದೆರ್.

“7 ವರ್ಷದ ಅವಧಿಡ್ ಯಾನ್ ಯನ್ನ ಕೂಟದ ಸದಸ್ಯೆರ್‍ನೊಟ್ಟುಗ್ ಅಂಚನೆ ದಾನಿಲೆನ ಸಕಾರರ್‍ದ್ ಕೋಟಿ ಕಾಸ್ ನ್ ಒಟ್ಟು ಸೇರ್ಸಾದ್ ಇಂಚಿನ ಕಾರ್ಯ ಮಲ್ಪರೆ ಸಾಧ್ಯ ಆಂಡ್. ಇ ಸರ್ತಿ ಕಡೆತ್ತ ವೇಷ ಪಾಡ್ದೆ. ಆಗೋಸ್ಟ್ 30 ಗ್ ಜಿಲ್ಲಾಧಿಕಾರಿಲೆನ ಮುಖೇನ ಪಣವುನ್ ಜೋಕುಲೆಗ್ ಕೊರಿಯರೆ ಉಂಡು” ಪಂದ್ ರವಿ ಕಟಪಾಡಿ ಮಾಹಿತಿ ಕೊರಿಯೆರ್.

Udupi: Ravi Katpadi dons ‘Vesha’ for the last time this Janmashtami

Udupi: Ravi Katpadi who used to dress up in different styles during the Janmashtami festivities has said that he will be doing it for the last time this year.He has earned more than a crore from the past 7 years which amounts he was distributing for the medical expenses of needy sick children. He announced that that on August 30thhe would be handing over this year’s collection for the last time to the DC.

ರೇಡಿಯೋ ಮಣಿಪಾಲ್ 90.4 Mh : -ದೇಸಿ ಸೊಗಡು ಸಮುದಾಯ ಬಾನುಲಿ

Aug 27, 2022

ಮಣಿಪಾಲ: ರೇಡಿಯೋ ಮಣಿಪಾಲ್ 90.4 Mhz -ದೇಸಿ ಸೊಗಡು ಸಮುದಾಯ ಬಾನುಲಿಡ್ ತುಳುವೆರ್ ಜಾಲ್ ಲೇಸ್ ಆಗೋಸ್ಟ್ 27 ತಾರೀಕ್ ಗ್ ಶನಿವಾರ ಬಯ್ಯಗ್ 5 ಗಂಟೆಗ್ ಪ್ರಸಾರ ಆಯೆರೆ ಉಂಡು.

ಜೈತುಳುನಾಡ್ ಸಂಘಟನೆದ ಆರಂಭಿಕ ಸಮಿತಿದ ಪದಾಧಿಕಾರಿ ಬೊಕ್ಕ ಕೊಪ್ಪರಿಗೆ ಪದಕೋಶದ ನಿರ್ಮಾತೃ ಸುಮಂತ್ ಪೂಜಾರಿ ಹೆಬ್ರಿ ಜೈತುಳುನಾಡ್ ಸಂಘಟನೆ ಬೊಕ್ಕ ಕೊಪ್ಪರಿಗೆ ಪದಕೋಶದ ಬಗೆಟ್ ಪಾತೆರಿಯರೇ ಉಲ್ಲೆರ್. ಈ ಕಾರ್ಯಕ್ರಮ ಆಗಸ್ಟ್ 28 ಕ್ಕ್ ಮಧ್ಯಾಹ್ನ 1 ಗಂಟೆಗ್ ಮರು ಪ್ರಸಾರ ಆಯಾರ ಉಂಡು.

ಸಾಕಾರ : ಒಡಿಪು ಜಿ.ಪಂ

August 2022

ತಲಪಾಡಿ ಶ್ರೀ ವೀರಾಂಜನೇಯ ವ್ಯಾಯಾಮ ಶಾಲೆಗ್ ಪೊಗ್ಗಿನ ಕಲ್ವೆರ್

ಕುಡ್ಲಡ್ “ಶ್ರೀ ನಾರಾಯಣ ಗುರು, ಸಂತ, ಸುಧಾರಕ, ಕವಿ” ಉಪನ್ಯಾಸ ಬೊಕ್ಕ ಸಂಗೀತ ಕಛೇರಿ

ಅಕ್ಟೋಬರ್ 17 : ಕಾಂಗ್ರೆಸ್ ಅಧ್ಯಕ್ಷೆರ್ನ ತಾನೊಗು ವೋಟು

ಜನವರಿ 26 ಕ್ಕ್ ಮುಲ್ಕಿ ಆಡಳಿತ ಸೌಧ ಉದಿಪನ ಆವಡ್: ವಸತಿ ಸಚಿವೆರ್ ಸೋಮಣ್ಣ

ದ.ಕ.ಜಿಲ್ಲಾ ಪದ್ಮಶಾಲಿ ಮಹಾಸಭಾ (ರಿ) ಮಂಗಳೂರು ಅಮೃತ ಸಂಭ್ರಮ-2022

ಇನಿರ್ದ್ ಏಷ್ಯಾ ಕಪ್ ಟಿ20 ಟೂರ್ನಿ

ಶಾಲೆದ ಜೋಕುಲೆಗ್ ಲೈಂಗಿಕ ಕಿರುಕುಳ ಕೊರೊಂದಿತ್ತಿನ ಚಿತ್ರದುರ್ಗದ ಮುರುಘಾ ಶರಣೆರ್‍ನ ವಿರುದ್ಧ ಎಫ್‌ಐಆರ್

ಕಲೆವೊಂದಿನ ನೆಕ್ಲೇಸ್ ನ್ ಪಿರ ಕೊರ್ದು ಪ್ರಾಮಾಣಿಕತೆ ಮೆರೆಯಿನ ಮೀನ್ ಮಾರುನ ಪೊಂಜೊವು

ಒಡಿಪು: ವಿಚಿತ್ರ ಏಸಗ್ ವಿದಾಯ ಪಂಡಿನ ರವಿ ಕಟಪಾಡಿ

ರೇಡಿಯೋ ಮಣಿಪಾಲ್ 90.4 Mh : -ದೇಸಿ ಸೊಗಡು ಸಮುದಾಯ ಬಾನುಲಿ

You Missed

ಗುರುವಾಯನಕೆರೆ : ಬೈಕ್‌ ಬೊಕ್ಕ ರಡ್ಡ್ ಕಾರ್ ಗುದ್ದುದು ಬೈಕ್‌ದಾರೆಗ್ ಪೆಟ್ಟ್

ಕಾರ್ಲ : ಮಾರ್ಗದ ಬರಿಟ್ಟ್ ಕಜವು ದಕಿನ 2 ಜನಕ್ಲೆಗ್ ದಂಡ

ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿರ್ದ್ ಪ್ರತಿಭಾ ಗೌರವ : ಎಚ್. ವಸಂತ್ ಬೆರ್ನಾರ್ಡ್

ಥಾಮಸ್ ಕಪ್ ಗೆಂದಿನ ಬ್ಯಾಡ್ಮಿಂಟನ್ ಪಟು ಆಯುಷ್ ಶೆಟ್ಟಿ ಧರ್ಮಸ್ಥಳ ಭೇಟಿ