August 2022

ಬೊಲ್ತೇರ್ : ಬೈಕ್ ಬೊಕ್ಕ ಕಾರ್ ತಾಂಟ್ ದ್ ಬೈಕ್ ದಾಯಗ್ ಮಲ್ಲ ಪೆಟ್ಟ್

Aug 20, 2022

ಬೊಲ್ತೇರ್: ಬೈಕ್ ಬೊಕ್ಕ ಕಾರ್ ದ ನಡುಟ್ ಅಪಘಾತ ಆತಿನ ಘಟನೆ ಪಡಂಗಡಿ ಪೆರ್ನಮಂಜೆ ತಿರ್ಗಸ್ ಡ್ ನಡತ್oಡ್.

ಮಾರುತಿ ಕಾರ್ ದ ಡ್ರೈವರ್ ಬೋಲ್ತೆರ್ ರ್ದ್- ಬೆದ್ರ ಸಾದಿಯಾದ್ ಪೊವೊಂದಿತ್ತ್ ದ್, ಬೈಕ್ ಡ್ರೈವರ್ ವೇಣೂರು ರ್ದ್ ಬೋಲ್ತೆರ್ ಕಡೆಗ್ ಪೋವೊಂದಿತ್ತಿನ ಪೊರ್ತುಡು ತಾoಟ್ ದ್ ಈ ಅಪಘಾತ ನಡತ್oಡ್. ಬೈಕ್ ಡ್ರೈವರ್ ನ ಸ್ಥಿತಿ ಗಂಭೀರ ಆದಿತ್ತ್ ದ್, ಕುಡ್ಲ ಖಾಸಗಿ ಆಸ್ಪತ್ರೆಗ್ ಸೇರ್ಸಾದೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

ಅಥಣಿಡ್ ಶಾಲೆದ ಬಸ್ ಬೊಕ್ಕ ಕ್ಯಾಂಟರ್ ಲಾರಿ ತಾಂಟ್ ದ್ ರಡ್ಡ್ ಜನ ತೀರ್ ಪೋಯೆರ್; ೧೦ರ್ದ್ ಲ ಎಚ್ಚದ ಜೋಕುಲೆಗ್ ಪೆಟ್ಟ್

Aug 20, 2022

ಅಥಣಿಡ್ ಶನಿವಾರ ಕಾಂಡೆ ಶಾಲೆದ ಬಸ್ ಅಂಚನೆ ಕ್ಯಾಂಟರ್ ಲಾರಿ ಡಿಕ್ಕಿಯಾದ್ ರಡ್ಡ್ ಗಾಡಿದ ಡ್ರೈವರ್ ನಕುಲು ತೀರ್ ಪೋಯೆರ್.

೨೦ ಕಲ್ಪಾರ್ಥಿಲು ಶಾಲೆದ ಬಸ್ ಟ್ ಇತ್ತೆರ್. ಉಂದೆಟ್ ೧೦ರ್ದ್ ಲ ಎಚ್ಚದ ಕಲ್ಪಾರ್ಥಿಲೆಗ್ ಪೆಟ್ಟ್ ಆತ್ಂಡ್. ಪೆಟ್ಟ್ ಆತಿನ ಕಲ್ಪಾರ್ಥಿಲೆನ್ ಕೈತಲ್ ದ ಆಸ್ಪತ್ರೆಗ್ ದಾಖಲು ಮಲ್ತ್ ದೆರ್. ಜಾಗೆಗ್ ಅಥಣಿ ಪೊಲೀಸ್ ವರಿಷ್ಠಾಧಿಕಾರಿಲು ಭೇಟಿ ಮಲ್ತ್ ದ್ ಪ್ರಕರಣ ದಾಖಲ್ ಮಲ್ತ್ ದೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಜೊತೆಜೊತೆಯಲಿ ಸೀರಿಯಲ್ ರ್ದ್ ಪಿದಯ್ ಬತ್ತಿನ ನಟೆ ಅನಿರುದ್ಧ್

Aug 20, 2022

ಬೆಂಗ್ಲೂರ್: ಜೀ ಕನ್ನಡಡ್ ಪ್ರಸಾರ ಆವೊಂದಿತ್ತಿನ ಜೊತೆ ಜೊತೆಯಲಿ ಸೀರಿಯಲ್ ದ ನಾಯಕೆ ನಟೆ ಅನಿರುದ್ದ್ ಅಂಚೆನೆ ಧಾರಾವಾಹಿ ಕೂಟದ ನಡುಟ್ಟು ಲಡಾಯಿ ನಡತ್ತ್ ದಿತ್ತ್ ದ್, ನಟೆ ಅನಿರುದ್ದ್ ಸೀರಿಯಲ್ ರ್ದ್ ಪಿದಯಿ ಬೈದೆರ್ ಪನ್ಪಿನ ವಿಷಯ ಕೋಡೆರ್ದ್ ಸುದ್ದಿ ಆವೊಂದ್ಂಡು.

ಧಾರಾವಾಹಿ ಕೂಟದ ಸದಸ್ಯೆರ್ ಲ ಉಂದೆತ್ತ ಬಗೆಟ್ ಒವ್ವೇ ರೀತಿದ ಅಧಿಕೃತ ಮಾಹಿತಿ ಕೊರ್‍ತಿಜೆರ್. ಆಂಡ ಅನಿರುದ್ಧ್ ಈ ಬಗೆಟ್ ಪಾತೆರ್ದ್, ನಿರ್ದೇಶಕೆರ್ ಜಗದೀಶ್ ಬೊಕ್ಕ ಚಾನೆಲ್ ಕಡೆ ರ್ದ್ ಯನ್ನ ಮಿತ್ತ್ ಆರೋಪ ಬತ್ತ್ಂಡ ಯಾನ್ ಅವೆನ್ ಸ್ಪಷ್ಟನೆ ಕೊರಿಯರೆ ತಯಾರ್ ಉಲ್ಲೆ. ಅನಿವಾರ್ಯ ಆಂಡ ಪತ್ರಿಕಾಗೋಷ್ಠಿ ಲೆತ್ತ್ ದ್ ವಿವರಣೆ ಮಲ್ಪುವೆ ಪಂದ್ ಪಂತೆರ್.

ಆ.28 ಸುರತ್ಕಲ್ ಸುಭಾಷಿತ ನಗರ ರೆಸಿಡೆಂಟ್ಸ್ ವೆಲ್ ಫೇರ್ ಅಸೋಸಿಯೇಶನ್ ವರ್ಸದ ಉಚ್ಚಯ

Aug 20, 2022

ಸುರತ್ಕಲ್: ಸುಭಾಷಿತ ನಗರ ರೆಸಿಡೆಂಟ್ಸ್ ವೆಲ್ ಫೇರ್ ಅಸೋಸಿಯೇಶನ್ (ರಿ) ಸುರತ್ಕಲ್ ಉಂದೆತ್ತ ಸುರೂತ್ತ ವರ್ಷದ ಉಚ್ಚಯ ಆಗೋಸ್ಟ್ 28 ಐತಾರ ಬಯ್ಯ 4.30 ಗ್ ಸುರತ್ಕಲ್ ಬಂಟರ ಭವನದ ಚಾವಡಿಡ್ ನಡಪರೆ ಉಂಡು.

ಮಂಗಳೂರು ಉತ್ತರ ವಿಧಾನ ಸಭಾ ಕ್ಷೇತ್ರದ ಶಾಸಕೆರ್ ಡಾ. ವೈ. ಭರತ್ ಶೆಟ್ಟಿ ಲೇಸ್ ಉದಿಪನ ಮಲ್ಪರೆ ಉಲ್ಲೆರ್. ಗುರ್ಕಾರ್ಮೆ ನ್ ಅಸೋಸಿಯೇಶನ್ ದ ಗುರ್ಕಾರ್ಲು ರಮೇಶ್ ಶೆಟ್ಟಿ ಒಯಿಸೊನ್ವೆರ್.

ಮಲ್ಲ ಬಿನ್ನೆರಾದ್ ಕರಾವಳಿ ಅಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷೆರ್ ಮಟ್ಟಾರ್ ರತ್ನಾಕರ ಹೆಗ್ಡೆ,
ಬೊಂಬೈ ವಿ.ಕೆ.ಸಮೂಹ ಸಂಸ್ಥೆದ ಚೇರ್ಮನ್ ಕರುಣಾಕರ ಎಂ ಶೆಟ್ಟಿ ಮಧ್ಯಗುತ್ತು , ಕುಡ್ಲ ಕಾರ್ಪೊರೇಶನ್ ಸುರತ್ಕಲ್ ವಿಭಾಗದ ವಲಯ ಆಯುಕ್ತೆರ್ ವಾಣಿ ಆಳ್ವ, ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ ಕಲಾವಿದೆರ್, ತೆಲಿಕೆದ ಬೊಳ್ಳಿ ಡಾ. ದೇವದಾಸ ಕಾಪಿಕಾಡ್, ಮಂಗಳೂರು ನಾಗರಿಕ ಸಮಿತಿದ ಅಧ್ಯಕ್ಷೆರ್ ಸುಭಾಶ್ಚಂದ್ರ ಶೆಟ್ಟಿ ಹೊಸಬೆಟ್ಟು, ಸುರತ್ಕಲ್ ನಾಗರಿಕ ಸಲಹಾ ಸಮಿತಿದ ಅಧ್ಯಕ್ಷೆರ್ ಡಾ. ರಾಜ್ ಮೋಹನ್ ರಾವ್, ಸುರತ್ಕಲ್ ಬಂಟರ ಸಂಘದ ಅಧ್ಯಕ್ಷೆರ್ ಸುಧಾಕರ ಎಸ್ ಪೂಂಜ, ಸುರತ್ಕಲ್ ವಿಜಯ್ ಫ್ಯೂಲ್ ಪಾಕ್೯ ಮಾಲಕೆರ್ ದಯಾನಂದ ಡಿ ಶೆಟ್ಟಿ, ಮಂಗಳೂರು ಮಹಾನಗರ ಪಾಲಿಕೆದ ಸದಸ್ಯೆರ್ ನಯನಾ ಕೋಟ್ಯಾನ್, ಶ್ವೇತಾ ಪೂಜಾರಿ ಪಾಲ್ ಪಡೆಯರೆ ಉಲ್ಲೆರ್.

ಈ ಪೊರ್ತುಡು ಸಾಧಕೆರೆ ಗ್ ಮಾನಾದಿಗೆ ನಡಪರೆ ಉಂಡು. ಅವೆರ್ದ್ ಬೊಕ್ಕ ಚಾಪರ್ಕ ತಂಡದ ಕಲಾವಿದೆರೆರ್ದ್ ತೆಲಿಕೆದ ಬೊಳ್ಳಿ ದೇವದಾಸ್ ಕಾಪಿಕಾಡ್, ತುಳುನಾಡ ಮಾಣಿಕ್ಯ ಅರವಿಂದ ಬೋಳಾರ್, ನವರಸ ರಾಜೆ ಭೋಜರಾಜ್ ಅಭಿನಯದ ಸೂಪರ್ ಹಿಟ್ ನಾಟಕ “ನಾಯಿದ ಬೀಲ” ಪ್ರದರ್ಶನ ಉಂಡು ಪಂದ್ ಅಸೋಸಿಯೇಷನ್ ಲೆಪ್ಪೋಲೆಡ್ ತೆರಿಪಾದ್ಂಡ್.

ನಾರಾಯಣ ಗುರುಕ್ಲೆನ ಪಾಟೊನ್ ಸಮಾಜ ವಿಜ್ಞಾನಗ್ ಸೇರ್ಸಾಯಿನ ಸರ್ಕಾರ

Aug 20, 2022

ಕುಡ್ಲ: ರಾಜ್ಯಡ್ ಮಸ್ತ್ ವಿವಾದ ಸೃಷ್ಟಿ ಮಲ್ತಿನ ಶಾಲಾ ಪಠ್ಯ ಪುಸ್ತಕನ್ ಕರ್ನಾಟಕ ಪಠ್ಯಪುಸ್ತಕ ಸಂಘ ಒಟ್ಟು ೮ ಅಂಶಲೆಡ್ ತಿದ್ದುಪಡಿ ಮಲ್ತ್ ದ್ಂಡ್. ಅಯಿತೊಟ್ಟುಗ್ ತುಳಾನಾಡ್ ಡ್ ಎಚ್ಚ ಸುದ್ದಿಡ್ ಇತ್ತಿನ ಬ್ರಹ್ಮಶ್ರೀ ನಾರಾಯಣ ಗುರುಕ್ಲೆನ ಪಾಟೊನು ಕನ್ನಡ ಬೂಕುರ್ದು ಸಮಾಜ ವಿಜ್ಞಾನ ಬೂಕುಗು ಸೇರಿಸಾವುಲೆಕ್ಕ ಬೇತೆನೆ ಸುತ್ತೋಲೆ ಪಾಡ್ದೆರ್.

10ನೇ ಕ್ಲಾಸ್ ದ ಕನ್ನಡ ಭಾಷೆಡ್ ಇತ್ತಿನ ಬ್ರಹ್ಮಶ್ರೀ ನಾರಾಯಣ ಗುರು ಪಠ್ಯನ್ ಯಥಾವತ್ತಾದ್ ಅವ್ವೇ ಕ್ಲಾಸ್ ದ ಸಮಾಜ ವಿಜ್ಞಾನದ ಭಾಗ-೧ತ್ತ ಅಧ್ಯಾಯ ೫ ತ್ತ ಸಾಮಾಜಿಕ ಬೊಕ್ಕ ಧಾರ್ಮಿಕ ಸುಧಾರಣಾ ಚಳುವಳಿಡ್ ಪಾಡ್ದೆರ್ ಪಂದ್ ಪಠ್ಯ ಪುಸ್ತಕ ಪರಿಷ್ಕರಣಾ ಸಮಿತಿದ ಪೆರಿಯ ಸಹಾಯಕ ನಿರ್ದೇಶಕೆರ್ ಡಾ. ಕೃಷ್ಣಮೂರ್ತಿ ಸ್ಪಷ್ಟನೆ ಕೊರ್ತೆರ್.

The government includes lessons on Narayan Guru in Social Science lessons

Mangalore: Many changes were incorporated by the Karnataka textbooks association in certain controversial topics in the text books.The lessons relating to Narayan Guru that was in the Kannada text books has been changed to Social Science text book .

The lessons on Narayan Guru that were in the tenth class text book has been now changed to the tenth standard Social Science lessons.It has been put under the topic of Social and Religious change Movement said Dr Krishnamurthy senior assistant director of textbooks refinement committee.

ಕಾಪು: ಫ್ಲ್ಯಾಟ್ ಡ್ ಕಂಡೊಂದಿತ್ತಿನ ಖತರ್ನಾಕ್ ಜೋಡಿ ಪೊಲೀಸೆರ್‍ನ ಕೈಕ್ಕ್

Aug 20, 2022

ಕಾಪು: ಫ್ಲ್ಯಾಟ್ ರ್ದ್ ಬಂಗಾರ್ ಬೊಕ್ಕ ಕಾಸ್ ಕಂಡಿನ ಪೊಣ್ಣು ಬೊಕ್ಕ ಜವನನ್ ಪೊಲೀಸೆರ್ ಅರೆಸ್ಟ್ ಮಲ್ತಿನ ಘಟನೆ ಕುಡ್ಲದ ಕಾಪುಡ್ ನಡತ್ಂಡ್.

ಬಜಪೆದ ಮೂಳೂರು ಶ್ರೀ ಸಾಯಿ ವಾರ್ಚರ್ ಫ್ಲ್ಯಾಟ್ ಡ್ ಇಪ್ಪುನ ವಾಜೀದ್ (೨೫) ಬೊಕ್ಕ ಒಡಿಪು ಕಡಿಯಾಳಿದ ಬಾಡಿಗೆ ಇಲ್ಲಡ್ ಇಪ್ಪುನ ಶಹನಾಜ್(೩೨) ಅರೆಸ್ಟ್ ಆತಿನ ಆರೋಪಿಲು.
ಶ್ರೀ ಸಾಯಿ ವಾರ್ಚರ್ ಫ್ಲ್ಯಾಟ್ ಡ್ ಇಪ್ಪುನ ಸರ್ಫ್‌ರಾಜ್ ಮೇರ್ ಇಲ್ಲಡ್ ಇಜ್ಜಂದಿನ ಪೊರ್ತುಡು ಅರೆನ ಇಲ್ಲದ ಕಬಾಟ್ ದ ಡ್ರಾವರ್ ಡ್ ಇತ್ತಿನ ೧.೯೮ ಲಕ್ಷ ರೂ. ಬಿಲೆತ್ತ ಬಂಗಾರ್ ಕಂಡ್ ದ್ ಪೋದಿತ್ತ್ಂಡ್. ಕಾಪು ಪೊಲೀಸ್ ಠಾಣೆಡ್ ಕೇಸ್ ದಾಖಲಾದಿತ್ತ್ಂಡ್.

ತನಿಖೆ ಮಲ್ತಿನ ಪೊಲೀಸೆರ್ ಸಿಸಿಟಿವಿ ಸಾಕ್ಷಿ ಆಧಾರಡ್ ದಾಖಲೆನ್ ಪರಿಶೀಲಿಸಾದ್ ವಾಜೀದ್ ಅಂಚನೆ ಶಹನಾಜ್ ಮೊಕುಲೆನ್ ವಶಕ್ಕ್ ದೆತೊಂದೆರ್.

ಕುಡ್ಲ: ಜವನನ ಕೈಕ್ಕ್ ಕಡ್ತಿನ ಗ್ಯಾಂಗ್; ಮಲ್ಲ ಪೆಟ್ಟಾದ್ ಅಸ್ಪತ್ರೆಗ್ ದಾಖಲ್

Aug 20, 2022

ಕುಡ್ಲ: ಪೇಂಟೆದ ವಳಚ್ಚಿಲ್ ಡ್ ಗ್ಯಾಂಗ್ ಒಂಜಿ ಜವನೆನ ಮಿತ್ತ್ ಕಡ್ತಿನ ಘಟನೆ ಕೋಡೆ ಕತ್ತಲೆಗ್ ನಡತ್ಂಡ್.

ಮಲ್ಲ ಪೆಟ್ಟ್ ಆತಿನ ಜವನಗ್ ಆಸ್ಪತ್ರೆಡ್ ಚಿಕಿತ್ಸೆ ನಡತೊಂದು ಉಂಡು. ಕೋಡೆ ಕತ್ತಲೆಗ್ ಸಾಮಾನ್ ಕನರೆ ಅಂಗಡಿಗ್ ಪೋವೊಂದಿತ್ತಿನ ಮಿಫ್ತಾರ್(೧೬) ಪನ್ಪಿನ ಆಣನ್ ತಡೆತಿನ ಗ್ಯಾಂಗ್ ತಲ್ವಾರ್ ಡ್ ಹಾಕರೆ ಬತ್ತಿನ ಪೊರ್ತುಡು, ತಡೆಪರೆ ಬತ್ತಿನ ಆಣನ ಮಾಮು ಆಸೀಫ್(೩೦) ಮೆರೆನ ಮಿತ್ತ್ ತಲ್ವಾರ್ ಡ್ ಹಾಕ್ ದ್ ಕೆರಿಯರೆ ಪ್ರಯತ್ನ ಮಲ್ತ್ ದೆರ್ ಪಂದ್ ತೆರಿದ್ ಬೈದ್ಂಡ್.

Mangalore: Attempted murder on a youth by the Ganja Gang- youth admitted to hospital

Mangalore: A youth was assaulted by a gang at Valchil in the outskirts of Mangalore allegedly over Ganja issue. Miftar (17) was stopped by the members of a gang and attacked with sharp weapons. When his relative Asif(30) tried to stop them he was also attacked.

ಪೆಜಮಾಡಿ ಜೈ ಕರ್ನಾಟಕ ಯುವ ಸಂಸ್ಥೆ ಸ್ಥಾಪನೆದ ಲೆಕ್ಕೊಡು ನೀಲಯ್ಯ ಗುರಿಕಾರ ಮಟ್ಟು ಪಟ್ನ ಮೆರೆಗ್ ಮಾನಾದಿಗೆ

Aug 20, 2022

ಜೈ ಕರ್ನಾಟಕ ಯುವ ಸಂಸ್ಥೆ ಸ್ಥಾಪನೆಯಾದ್ ೩೬ ವರ್ಷ ಆತಿನ ಲೆಕ್ಕೊಡು ಸಂಸ್ಥೆಡ್ ನಿರ್ದೇಶಕೆರಾದ್ ಸೇವೆ ಮಲ್ತಿನ ನೀಲಯ್ಯ ಗುರಿಕಾರ ಮಟ್ಟು ಪಟ್ನ ಮೆರೆನ್ ಪೆಜಮಾಡಿದ ಪೆರಿಯ ಧಾರ್ಮಿಕ ಮುಖಂಡೆರ್ ಮಾಧವ ಸನಿಲ್ ಮಾನಾದಿಗೆ ಮಲ್ತೆರ್.

ಸಂಸ್ಥೆದ ಗುರ್ಕಾರೆ ಪ್ರಭೋದ್ ಚಂದ್ರ ಪೆಜಮಾಡಿ, ಪೆಜಮಾಡಿ ಗ್ರಾಮ ಪಂಚಾಯತ್ ದ ಗುರ್ಕಾರೆ ಪಾಂಡುರಂಗ ಕರ್ಕೇರ, ಗ್ರಾಮ ಪಂಚಾಯತ್ ಒತ್ತು ಗುರ್ಕಾರ್ದಿ ಪವಿತ್ರ ಗಿರೀಶ್, ಜೈ ಕರ್ನಾಟಕ ಪೊಂಜೊವುಲೆನ ಮಂಡಲದ ಗುರ್ಕಾರ್ದಿ ಶಾರದಾ ಎಸ್ ಬಂಗೇರ, ಗ್ರಾಮ ಪಂಚಾಯತ್ ಮಾಜಿ ಗುರ್ಕಾರೆ ಪ್ರಾಣೇಶ್ ಪೆಜಮಾಡಿ, ಪಂಚಾಯತ್ ಸದಸ್ಯೆರ್ ಲೀಲೇಶ್ ಪೆಜಮಾಡಿ, ಅಬ್ದುಲ್ ಅಝೀಜ್ ಪೆಜಮಾಡಿ, ಸಂಸ್ಥೆದ ಮಲ್ಲ ಕಾರ್ಯಂತೆರ್ ಸುನಿಲ್ ಕುಮಾರ್, ವಿಮಲ ದಯಾನಂದ್, ಗ್ರಾಮ ಪಂಚಾಯತ್ ಮಾಜಿ ಸದಸ್ಯೆರ್ ಸುಧಾ ಸೀತಾರಾಮ್, ಮನೋಹರ್ ಪೆಜಮಾಡಿ ಲೇಸ್ ಡ್ ಪಾಲ್ ಪಡೆದಿತ್ತೆರ್.

Neelaiah Gurikar Mattu,Patna honoured by Pejmady Jai Karnataka youth association

The Jai Karnataka youth association has crossed 36 years and it’s director Neelaiah Gurikar Mattu Patna was honoured religious leader of Pejmady Madava Sanil.

The president of the association Prabodh Chandra Pejmady, and other associated persons were present.

ಶ್ರೀನಿವಾಸ್ ಯುನಿವರ್ಸಿಟಿ ಇನ್ಸ್ಟಿಟ್ಯೂಟ್ ಆಫ್ ಹೊಟೇಲ್ ಮ್ಯಾನೇಜ್ ಮೆಂಟ್ ಬೊಕ್ಕ ಟೂರಿಸಂ ಮೊಕ್ಲೆನ ಮುತಾಲಿಕೆಡ್ ನಡತಿನ ಅಸ್ಟೆಮಿದ ಗೌಜಿ

Aug 20, 2022

ಶ್ರೀನಿವಾಸ್ ಯುನಿವರ್ಸಿಟಿ ಇನ್ಸ್ಟಿಟ್ಯೂಟ್ ಆಫ್ ಹೊಟೇಲ್ ಮ್ಯಾನೇಜ್ ಮೆಂಟ್ ಬೊಕ್ಕ ಟೂರಿಸಂ ಮುಕ್ಲೇನ ಮುತಾಲಿಕೆಡ್ ಆಗೋಸ್ಟ್ 18 ದಾನಿ ಪಾಂಡೇಶ್ವರದ ಸಿಟಿ ಕ್ಯಾಂಪಸ್ ಡ್ ಅಸ್ಟೆಮಿದ ಗೌಜಿ ನಡತ್ತ್ಂಡ್.

ಈ ಪೊರ್ತುಡು ಶ್ರೀನಿವಾಸ ವಿಶ್ವವಿದ್ಯಾಲಯದ ಮಾನಾದಿಗೆದ ಕುಲಾಧಿಪತಿ ಅಂಚನೆ ವಿ. ಶಾಮರಾವ್ ಪ್ರತಿಷ್ಠಾನದ ಗುರ್ಕಾರೆ ಡಾ. ಸಿಎ ಎ. ರಾಘವೇಂದ್ರ ರಾವ್ ಮೇರ್ ಕಜ್ಜೊದ ಗುರ್ಕಾಮೆ ವಹಿಸ್ ದ್ ಇತ್ತೆರ್.

ಶ್ರೀನಿವಾಸ ವಿಶ್ವವಿದ್ಯಾಲಯೊದ ಒತ್ತು ಕುಲಾಧಿಪತಿ ಅಂಚನೆ ಎ. ಶಾಮರಾವ್ ಫೌಂಡೇಶನ್ ದ ಒತ್ತು ಗುರಿಕಾರೆ ಡಾ. ವಿ. ಶ್ರೀನಿವಾಸ ರಾವ್ ಕಜ್ಜೊಡ್ ಬಿನ್ನೆರಾದ್ ಮಿತ್ತರ್ಮೆಡ್ ಇತ್ತೆರ್. ಅಕುಲ್ ನ ಒಟ್ಟುಗ್ ಶ್ರೀನಿವಾಸ ವಿದ್ಯಾಲಯದ ಅಭಿವೃದ್ಧಿ ರಿಜಿಸ್ಟ್ರಾರ್ ಡಾ. ಅಜಯ್ ಕುಮಾರ್ ಅಂಚನೆ ಇನ್ಸ್ಟಿಟ್ಯೂಟ್ ಆಫ್ ಹೊಟೇಲ್ ಮ್ಯಾನೇಜ್ ಮೆಂಟ್ ಬೊಕ್ಕ ಟೂರಿಸಂ ದ ಡೀನ್ ಫ್ರೊ. ಸ್ವಾಮಿನಾಥನ್ ಎಸ್ , ಇನ್ಸ್ಟಿಟ್ಯೂಟ್ ಆಫ್ ಪಿಸಿಯೊಥೆರಪಿದ ಡೀನ್ ಡಾ. ಎಸ್ ರಾಜಶೇಖರ್, ಕಾಲೇಜಿದ ಮಾತ ಸಂಸ್ಥೆದ ಡೀನ್ ಅಂಚನೆ ಕಲ್ಪಾರ್ಥಿಲು ಈ ಪೊರ್ತುಡು ಇತ್ತೆರ್. ಅಸ್ಟೆಮಿದ ಲೆಕ್ಕೊಡು ಕಾಲೇಜಿದ ಜೋಕುಲೆರ್ದ್ ಪಿಲಿ ನಲಿಕೆ, ಕುಜಿಲ್ ದರ್ಪುನ ಅಂಚನೆ ನಲಿಕೆದ ಕಜ್ಜೊ ನಡತ್ತ್ಂಡ್.

“Asthami Grandeur” at Srinivas University Institute of Hotel management and Tourism.

A grand celebration to commorate Krishna Asthami was held at Pandeshwara City Campus of Srinivas Institute of Hotel management and Tourism on August 18th.

The honourable Chancellor of the Srinivasa University Dr C A Raghavendra Rao presided over the function.

The chief guest was Dr V Srinivas Rao Vice Chancellor of Srinivas University. Development Registrer of Srinivas University Dr Ajay Kumar, Dean of Srinivas University institute of hotel management and Tourism Prof Swaminathan N Dr S Rajshekhar Dean of Srinivas Institute of Physiotherapy and students participated.Cultral events associated with Astami were held at the celebrations.