August 2021

ಉಗ್ರೆರ್ ಒಲ್ಪ ಇತ್ತುಂಡಲ ಬೆರಿ ಪತ್ದ್ ಕೆರ್ಪಾವ : ಜೋ ಬೈಡೆನ್ ಶಪಥ

ಜನಕ್ಲೆನ ಜೀವದೊಟ್ಟುಗು ಗೊಬ್ಬೊoದು ಉಪ್ಪುನ ಉಗ್ರೆರ್ ಒಲ್ಪ ಇತ್ತುಂಡಲ ಅಕ್ಲೆನ್ ಬೆರಿ ಪತ್ದ್ ಕೆರ್ಪ ಪಂದ್ ಅಮೆರಿಕಾ ಗುರ್ಕಾರ್ಲಾಯಿನ ಜೋ ಬೈಡೆನ್ ಪ್ರತಿಜ್ಞೆ ಮಲ್ದೆರ್ . ಕಬೂಲ್ ಏರ್ಪೋಟ್್ರ ಮಿತ್ತ್ ನಡತಿನ ಆತ್ಮಾಹುತಿ ದಾಳಿಗ್ ಪ್ರತಿಕ್ರಿಯೆ ಮಲ್ತಿನ ಜೋ ಬೈಡೆನ್ ಅವ್ವೆತೋ ಅಮಾಯಕೆರ್ ಸೈಯೊಂದು ಉಪ್ಪೆರೆ ಅಕುಲೆ ಕಾರಣ . ಅಕುಲು ಒಲ್ಪ ದೆಂಗ್ ದ್ ಕುಲ್ದು ಇತ್ತುಂಡಲ ಅಕ್ಲೆನ್ ಬೇಟೆ ಮಲ್ತ್ ತಕ್ಕ ಉತ್ತರ ಕೊರ್ಪ ಪಂದ್ ಪಂಡೆರ್.

ವಯೋಸಹಜ ಅನಾರೋಗ್ಯರ್ದ್ ತೀರ್ ಪೋಯಿನ ವಿಶ್ವನಾಥ ರೈ ಮೇಗಿನಗುತ್ತು

ಪುತ್ತೂರು, ಕಾಂಗ್ರೆಸ್ ಮುಖಂಡ, ಪುತ್ತೂರು ತಾಲೂಕುದ ಮುಂಡೂರು ಗ್ರಾಮದ ಮೇಗಿನಗುತ್ತು ನಿವಾಸಿ ವಿಶ್ವನಾಥ ರೈ(76) ವಯೋಸಹಜ ಅನಾರೋಗ್ಯರ್ದ್ ಗುರುವಾರ ರಾತ್ರಿ ತನ್ನ ಇಲ್ಲಡೆ ತೀರ್ ಪೋಯೆರ್.

ಪ್ರಗತಿಪರ ಬೆನ್ನಿ ದಾರ್ ಆಯಿನ ವಿಶ್ವನಾಥ ರೈ 15 ವರ್ಷ ಮುಂಡೂರು ಗ್ರಾಮ ಪಂಚಾಯತ್ ಸದಸ್ಯೆರಾದ್ ಭಕ್ತಕೋಡಿ ಪೇರ್ದ ಸೊಸೈಟಿದ ಸದಸ್ಯೆರಾದ್ ಅಂಚನೇ ಬೇತೆ ಬೇತೆ ಸಂಘ ಸಂಸ್ಥೆಡ್ ಬೇಲೆ ಮಲ್ದೆರ್ .