April 2021

ಕುಂಭಮೇಳಡ್ ಕಡೆತ ಶಾಹಿ ಸ್ನಾನ

ಹರಿದ್ವಾರ, ಎಪ್ರಿಲ್ 28: ದೇಶೋಡು ಕೋವಿಡ್‌ ರಡ್ಡನೇ ಅಲೆತ ತೀವ್ರ ಸ್ವರೂಪ ಜಾಸ್ತಿ ಆವೊಂದು ಇತ್ತಿಲಕನೇ ಕುಂಭಮೇಳಡ್ ಕಡೆತ ಶಾಹಿ ಸ್ನಾನ ನಡಪಾಯೆರ್ . ಕೋಡೆ ಕಾಂಡೆ ಐನರೆ ಗಂಟೆರ್ದ್ ಸ್ನಾನ ಸುರು ಆತುಂಡು , ಭಕ್ತಾದಿಲೆನ ಸಂಖ್ಯೆ ಜಾಸ್ತಿ ಇತ್ತುಂಡು ಪಂದ್ ತೆರಿದ್ ಬೈದುಂಡು.

ಬೇತೆ ಬೇತೆ ಘಾಟ್‌ಡ್ ಚೈತ್ರ ಪೂರ್ಣಿಮೆದಾನಿ ಬತ್ತಿನ ಭಕ್ತೆರ್ ಸಾಮೂಹಿಕ ಸ್ನಾನ ಮಲ್ತೆರ್ . ಇತ್ತೇ ಕುಂಭಮೇಳಡ್ ಪಾಲ್ ಪಡೆಯಿನ ಕೆಲವು ಜನಕ್ ಕೋವಿಡ್‌ ಸೋಂಕು ಬತ್ತಿನ ಕಾರಣ ಮಸ್ತ್ ಜನ ಅಖಾಡದ ಸನ್ಯಾಸಿಲು ಕುಂಭಮೇಳರ್ದ್ ಪಿರ ಜಾರ್ದ್ ಇತ್ತೆರ್

ಕಾಂಡೆದ ಬ್ರಾಹ್ಮಿ ಮುರ್ತಡ್ ಸ್ನಾನ ಸುರು ಆತುಂಡು ೧೦೦ ಜಾಸ್ತಿ ಸನ್ಯಾಸಿಲೆಗ್ ಒಟ್ಟುಗು ಅವಕಾಶ ಕೊರ್ತೆರ್.

ಕುವೈತ್‌ರ್ದ್ ಭಾರತಗ್ ಅಗತ್ಯ ಆಕ್ಸಿಜನ್‌ ಪೂರೈಕೆ

ಕುವೈತ್:‌ ಸೋಮವಾರದಾನಿ ನಡತಿನ ಕುವೈತ್‌ ಕ್ಯಾಬಿನೆಟ್‌ ಸಭೆಟ್ ಕೋವಿಡ್‌ ರ್ದ್ ಬಂಗ ಬರೊಂದು ಉಪ್ಪುನ ಭಾರತಗ್ ಅಗತ್ಯ ಆಕ್ಸಿಜನ್‌ ಪೂರೈಕೆ ಬೊಕ್ಕ ಪರಿಹಾರ ಸಾಮಗ್ರಿಲೆನ್ ಕಡಪಾಯರೇ ಕುವೈತ್‌ ನಿರ್ಧಾರ ದೆತೊನ್ದೆರ್ ಪಂದ್ ತೆರಿದ್ ಬೈದುಂಡು.

ಭಾರತ ಬೊಕ್ಕ ಕುವೈತ್‌ ನಡುತ ಸ್ನೇಹ ಸಂಬಂಧನ್ ಗೇನೊಡು ದೀಯೊಂದು ಅಂಚನೇ ದೇಶದ ಸಂಕಷ್ಟದ ಪೊರ್ತುಡು ನಮ ಒಟ್ಟುಗು ಉಲ್ಲಾ ಪನ್ಪಿನ ನಾವು ಒಗ್ಗಟ್ಟ್ ನ್ ಸಾರುನ ಸಲುವಾದ್ ಕುವೈತ್‌ ಈ ನಿರ್ಧಾರ ದೆತೊದುಂಡು . ಕೊರೋನ ವೈರಸ್‌ದ ರಡ್ಡನೇ ಅಲೆತ ಪೊರ್ತುಡು ಅನಿಯಂತ್ರಿತ ಸೋಂಕು ಪರಡುನೆರ್ದಾವರ ಭಾರತಡ್ ಹದಗೆಟ್ಟೊಂದು ಉಪ್ಪುನ ಆರೋಗ್ಯ ಪರಿಸ್ಥಿತಿದ ಬಗ್ಗೆ ಕ್ಯಾಬಿನೆಟ್‌ ತನ್ನ ಆಳವಾಯಿನ ಕಳವಳ ಬೊಕ್ಕ ವಿಷಾದ ವ್ಯಕ್ತಪಡಿಸಾದೆರ್ .