April 2021

ದಿ. ಗಿರಿಜಾ ಎಕ್ಕೂರು ಸ್ಮರಣಾರ್ಥ ನೇತ್ರದಾನ ಸಂಕಲ್ಪ ಶಿಬಿರ

ಕುಡ್ಲ, ಎಪ್ರಿಲ್ 13: ದಿ. ಗಿರಿಜಾ ಎಕ್ಕೂರು ಸ್ಮರಣಾರ್ಥ ನೇತ್ರದಾನ ಸಂಕಲ್ಪ ಶಿಬಿರ ಸಂತ ಅಲೋಶಿಯಸ್ ಕಾಲೇಜು ಸಭಾಂಗಣಡ್ ಐತಾರ ನಡತ್oಡ್.

ರೇಡಿಯೋ ಸಾರಂಗ್ 107.8 ಎಫ್‌ಎಂ ಬೊಕ್ಕ ರಾಷ್ಟ್ರೀಯ ಪರಿಸರ ಸಂರಕ್ಷಣ ಒಕ್ಕೂಟದ ಒಟ್ಟು ಸೇರಿಗೆಡ್ ಲೇಸ್ ನಡತ್oಡ್ ನಡೆಯಿತು. 72 ಜನ ನೇತ್ರದಾನ ಘೋಷಣೆ ಮಲ್ತೆರ್ . ಐಟ್ 15 ಪೆರಿಯ ನಾಗರಿಕೆರ್ , 40 ಹರೆಯ ಮೇಲ್ಪಟ್ಟ 27 ಜನ , 30 ಯುವಕೆರ್ ಪಾಲ್ ಪಡೆದಿತ್ತೆರ್ .

ದಿ. ಗಿರಿಜಾ ಮೆರ್ನ ಜೋಕುಲು , ಮರ್ಮಲಲ್ಲು, ಪುಳ್ಳಿ ನಕುಲು , ನೇತ್ರದಾನದ ಸಂಕಲ್ಪ ಮಲ್ತೆರ್ . ಪ್ರಸಾದ್ ನೇತ್ರಾಲಯದ ಡಾ. ದಿಶಾ ನೇತ್ರದಾನದ ಬಗ್ಗೆ ಮಾಹಿತಿ ಕೊರಿಯೆರ್ . ರೇಡಿಯೋ ಸಾರಂಗ್ದ ನಿರ್ದೇಶಕೆರಾಯಿನ ಡಾ. ಫಾ. ಮೆಲ್ವಿನ್ ಪಿಂಟೋ, ರಾಷ್ಟ್ರೀಯ ಪರಿಸರ ಸಂರಕ್ಷಣಾ ಒಕ್ಕೂಟದ ಪ್ರಧಾನ ಕಾರ್ಯದರ್ಶಿ ಶ್ರೀ ಶಶಿಧರ ಶೆಟ್ಟಿ ಪಾಲ್ ಪಡೆದಿತ್ತೆರ್.

ಕೊಡವೂರು ವಾರ್ಡ್ ಅಭಿವೃದ್ದಿ ಸಮಿತಿ ಬೊಕ್ಕ ಸ್ನೇಹಿತ ಯುವ ಸಂಘ ಕಾನಂಗಿ ಮೆಕ್ಲೆನ ಒಟ್ಟು ಸೇರಿಗೆಡ್ ಬೃಹತ್ ಚಿತ್ರಕಲಾ ಪಂತೋ ಬೊಕ್ಕ  ಪೆರಿಯ ಚಿತ್ರ ಕಲಾವಿದೆರೆಗ್ ಮಾನಾದಿಗೆ

ಒಡಿಪು, ಎಪ್ರಿಲ್ 13: ಒಡಿಪು ನಗರಸಭೆತ ಕೊಡವೂರು ವಾರ್ಡ್ದ ನಗರಸಭಾ ಸದಸ್ಯೆರಾಯಿನ ಶ್ರೀಯುತ ವಿಜಯ್ ಕೊಡವೂರು ಮೆರ್ನ ಮುತಾಲಿಕೆಡ್ ಕೈತಲ್ ದ ಸಂಘ ಸಂಸ್ಥೆಲೆನ್ ಒಟ್ಟು ಸೇರಾದ್ ಅವ್ವೆತೋ ಜನಪರ ಕಾರ್ಯಕ್ರಮಲು ನಿರಂತರವಾದ್ ನಡತೊಂದು ಬೈದುಂಡು, ಬೇತೆ ಬೇತೆ ಕ್ಷೇತ್ರಡ್ ಸಾಧಕೆರೆನ್ ಗುರ್ತಿಸಾವುನ ಕಾರ್ಯ ನಡತೊಂದು ಉಂಡು , ಈ ನೆಲೆಟ್ಟ್ ಇತ್ತೆ , ವೈದ್ಯೆರ್ , ಶಿಕ್ಷಕೆರ್ ,ಇಂಜಿನೀಯರ್ ನಕುಲು , ಕೃಷಿಕೆರ್ , ಜೋಕುಲು , ಗೋ ಸಾಂಕುನಕುಲು,ಕಾರ್ಮಿಕೆರ್ ಇಂಚ ಬೇತೆ ಬೇತೆ ದಿನತಾನಿ ಮೆಕ್ಲೆನ್ ಗುರ್ತಿಸಾದ್ ಮನಾದಿಗೆ ಮಲ್ಪುನೆತ್ತ ಒಟ್ಟುಗು ಜೋಕ್ಲೆಗ್ ಪ್ಲಾಸ್ಟಿಕ್ ರ್ದ್ ಇಕೋ ಬ್ರಿಕ್ಸ್ ಲೆನ್ ತಯಾರ್ ಮಲ್ಪುನ ಕಾರ್ಯಗಾರ ಮಕ್ಕಳ ಹಕ್ಕು ಕಾರ್ಯ ಕ್ರಮ, ವಿಕಲಾಂಗೆರೆನ್ ಬೊಕ್ಕ ಅಶಕ್ತರೆನ್ ಗುರ್ತಿಸಾದ್ ಸಹಾಯ ಹಸ್ತ ಕೊರ್ಪಿನ ಕಾರ್ಯಕ್ರಮ ನಡತೊಂದು ಉಂಡು .

ಅಂಚನೇ , ಕೊಡವೂರು ವಾರ್ಡ್ ಅಭಿವೃದ್ದಿ ಸಮಿತಿ ಬೊಕ್ಕ ಸ್ನೇಹಿತ ಯುವ ಸಂಘ ಕಾನಂಗಿ ಮೆಕ್ಲೆನ ಒಟ್ಟು ಸೇರಿಗೆಡ್ ಚಂದ್ರಚಿತ್ರ ಮೆರ್ನ ಮಾರ್ಗದರ್ಶನಡ್ ಬೃಹತ್ ಚಿತ್ರಕಲಾ ಸ್ಪರ್ಧೆ ಬೊಕ್ಕ ಪೆರಿಯ ಚಿತ್ರ ಕಲಾವಿದೆರೆಗ್ ಮಾನದಿಗೆ ಮಲ್ಪುನ ಲೇಸ್ ಕೊಡವೂರುದ ಮುಖ್ಯಪೇಂಟೆಡ್ ನಡತುಂಡು.

ಬಾರಿ ವಿನೂತನವಾದ್ ನಡತಿನ ಈ ಲೇಸ್ ಡ್ ಮುಖ್ಯ ರಸ್ತೆಯ ಇಕ್ಕೆಲದ ಪರಾ ಕಟ್ಟಡ ದ ಗೋಡೆಲು , ಕಂಪೌಂಡ್ ವಾಲ್, ಬೊಕ್ಕ ವಿದ್ಯುತ್ ಕಂಬಡ್ ಚಿತ್ರಕಲಾ ಸ್ಪರ್ದಿಲು ನಮ್ಮ ಕಲೆ, ಸಂಸ್ಕೃತಿ, ಪರಿಸರಗ್ ಸಂಬಂಧ ಪಟ್ಟಿನ ಬಣ್ಣ ಬಣ್ಣದ ಚಿತ್ತಾರಲೆನ್ ಬುಡ್ಪಾದ್ ಲೇಸ್ ನಡಪಾದ್ ಕೊರಿಯೆರ್ ಕೈತಲ್ ದ ಸ್ಪರ್ದಿಲೆನ ಒಟ್ಟುಗು ಧರ್ಮಸ್ಥಳ, ಕೋಟೇಶ್ವರ, ಬ್ರಹ್ಮಾವರ, ಕಾಪು, ಉಡುಪಿ ಇಂಚ ದೂರದ ಊರುರ್ದು ಬೈದಿನ 10 ವರ್ಷ ಪ್ರಾಯದ ಜೋಕ್ಲೆನೆರ್ದ್ ಪತ್ತಿನ 15 ವರ್ಷ ರ್ದ್ ಜಾಸ್ತಿ ಪ್ರಾಯದ ಪಂತಾರ್ತಿಲು ಬಾರಿ ಕುಸಿಟ್ ಪಾಲ್ ಪಡೆಯೆರ್.

ಕೈತಲ್ ದ ಅಂಗಡಿ ಮಾಲಕೆರ್ ಪಂತಾರ್ತಿಲೆಗ್ ಫಲಜೂಸ್ , ಐಸ್ ಕ್ರೀಮ್, ಚಾಕೋಲೇಟ್ ಕೊರ್ದು ಪ್ರೋತ್ಸಾಹ ಕೊರಿಯೆರ್ . ಕೈತಲ್ ದ ಮಹಾಗಣಪತಿ ಪೈಂಟಿಂಗ್ ಕಾಂಟ್ರಾಕ್ಟರ್ ಸುರೇಶ್ ಮೇರ್ ನೆಕ್ಕ್ ಬೋಡಾಯಿನ ಪೈಂಟ್ ದ ವ್ಯವಸ್ಥೆನ್ ಮಲ್ತೆರ್ , ಪಂತಾರ್ತಿಲೆಗ್ ಉಪಹಾರ ಬೊಕ್ಕ ವನಸ್ ದ ವ್ಯವಸ್ಥೆನ್ ಮಲ್ತಿತ್ತೆರ್.ಬೈಯ್ಯ ನಡತಿನ ಮುಗಿತಲದ ಲೇಸ್ ಡ್ ಪೆರಿಯ ಚಿತ್ರ ಕಲಾವಿದೆರೆಗ್ ಮಾನದಿಗೆ ಮಲ್ತ್ ದ್, ಮಾತಾ ಪಂತಾರ್ತಿಲೆಗ್ ಸ್ಮರಣಿಕೆ ಕೊರ್ದು , ಗೆಂದಿನಕ್ಲೆಗ್ ಮನಾದಿಗೆ ಮಲ್ತೆರ್.

ಮಲ್ಪೆ ಬಲೆ ತುಳು ಲಿಪಿ ಕಲ್ಪುಗ ಕಾರ್ಯಾಗಾರದ ಉದಿಪನ

ಮಲ್ಪೆ ಕೊಳ, ಎಪ್ರಿಲ್ 11: ಶ್ರೀ ಶಿವ ಪಂಚಾಕ್ಷರಿ ಭಜನಾ ಮಂಡಳಿ ಕೊಳ ಮುಲ್ಪದ ಸದಸ್ಯೆರ್ನ ಮುತಾಲಿಕೆಡ್ ಅಂಚನೇ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಬೊಕ್ಕ ಜೈ ತುಳುನಾಡು ಒಟ್ಟು ಸೇರಿಗೆಡ್ ಏ.4 ಬಲೆ ತುಳು ಲಿಪಿ ಕಲ್ಪುಗ ಕಾರ್ಯಾಗಾರ ಶ್ರೀ ಶಿವಪಂಚಾಕ್ಷರಿ ಶಿಶು ಮಂದಿರಡ್ ಉದಿಪನ ಆಂಡ್ .

ಮಲ್ಲ ಬಿನ್ನೆರ್ ಆದ್ ಶ್ರೀ ಶೇಷಪ್ಪ ಸಾಲಿಯಾನ್ ಬೊಕ್ಕ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಪದುಕೆರಾಯಿನ ಡಾ| ಆಕಾಶ್ ಜೈನ್ ಬೊಕ್ಕ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ದ ಸದಸ್ಯೆರಾಯಿನ ತಾರಾ ಆಚಾರ್ಯ ಲೇಸ್ ನ್ ಉದಿಪನ ಮಲ್ತ್ ಪಾತೆರ್ದ್ ತುಳುಲಿಪಿ ಬಗ್ಗೆ ಅಲ್ಪದ ಜನಕ್ಲೆಗ್ ಕಲಿಕಾ ಉತ್ಸಾಹನ್ ಜಿಂಜಾಯೆರ್.ಅಂಚನೇ ಮಾತೃಮಂಡಳಿ ದ ಗುರ್ಕಾರ್ಲಾಯಿನ ವಿನೋದ ನಾಗೇಶ್ ಬೊಕ್ಕ ಶ್ರೀ ಶಂಕರ ಸುವರ್ಣ,ಜೈ ತುಳುನಾಡು ಸದಸ್ಯೆರಾಯಿನ ರಾಜೇಶ್ ತುಳುವೆ ಬಿನ್ನೆರ್ ಆದ್ ಪಾಲ್ ಪಡೆದಿತ್ತೆರ್ ಅಂಚನೇ ಶಿಕ್ಷಕಿಯೆರಾಯಿನ ಸ್ವಾತಿ ಸುವರ್ಣ ಸುಶೀಲಾ ಜಯಕರ್,ಸುರೇಶ್ ನಾಯಕ್, ಅಕ್ಷತಾ ಕುಲಾಲ್ ಪಾಲ್ ಪಡೆದಿತ್ತೆರ್ ರವಿರಾಜ್ ಸಾಲಿಯಾನ್ ಲೇಸ್ ನಡಪಾದ್ ಕೊರಿಯೆರ್. ಕಿರಣ್ ಕುಂದರ್ ಸೊಲ್ಮೆ ಸಂದೈತ ಮಲ್ತೆರ್ ಬೊಕ್ಕ ಪದ್ಮಾ ಕಿರಣ್ ಲೇಸ್ ನಡಪಾದ್ ಕೊರಿಯೆರ್.

ತ್ಯಾಜ್ಯ ನಿರ್ವಹಣೆ, ಸವಾಲು ಬೊಕ್ಕ ಪರಿಹಾರ’ ಸಂವಾದ ಕಾರ್ಯಕ್ರಮ

ಕುಡ್ಲ, ಎಪ್ರಿಲ್ 11: : ‘ತಾಜ್ಯ ನಿರ್ವಹಣೆ ಪನ್ಪಿನ ಎಲ್ಯ ಸಮಸ್ಯೆ. ಕುಡ್ಲದ ಪೇಂಟೆಡ್ ಅವೆನ್ ಮಾತೆರ್ಲಾ ತಾತ್ಸಾರ ಮಲ್ತಿನ ಪರಿಣಾಮವಾದ್ ಇನಿ ಬಾರಿ ಮಲ್ಲ ಮಟ್ಟ್ ಡ್ ಬುಲೆದುಂಡು. ನೆಕ್ಕ್ ಶಾಶ್ವತ ಪರಿಹಾರ ನಾಡ್ಯರೆ ರಾಮಕೃಷ್ಣ ಮಠದ ಮಂಗಳಾ ರಿಸೋರ್ಸ್‌ ಮ್ಯಾನೇಜ್‌ಮೆಂಟ್‌ ಸಂಸ್ಥೆ ತಯಾರುಂಡು ಪಂದ್ ‘ ಏಕಗಮ್ಯಾನಂದಜಿ ಪಂಡೆರ್ .

ಮಂಗಳಾ ರಿಸೋರ್ಸ್‌ ಮ್ಯಾನೇಜ್‌ಮೆಂಟ್‌ ಸಂಸ್ಥೆದ ವತಿರ್ದ್ ಕುಡ್ಲದ ಓಷಿಯನ್‌ ಪರ್ಲ್‌ ಹೋಟೆಲ್‌ಡ್ ಶನಿವಾರ ಅಟ್ಟನೆ ಮಲ್ದಿನ ‘ತ್ಯಾಜ್ಯ ನಿರ್ವಹಣೆ, ಸವಾಲು ಬೊಕ್ಕ ಪರಿಹಾರ’ ಸಂವಾದದ ಉದಿಪನದ ಲೇಸ್ ಡ್ ಆರ್ ದಿಕ್ಸೂಚಿ ಭಾಷಣ ಮಲ್ತೆರ್ .

‘ತ್ಯಾಜ್ಯ ಪನ್ಪಿನ ಸಮಸ್ಯೇನೆ ಅತ್ತ್. ಐತ ಪರಿಣಾಮಕಾರಿ ನಿರ್ವಹಣೆರ್ದ್ ಆದಾಯ ಪಡೆಯೋಲಿ ಪಂದ್ ನಮ ಸಾಬೀತ್ ಮಲ್ದ ಪಂದ್ ಪಂಡೆರ್.