ಕುಡ್ಲದ ಸುದ್ದಿ | Mangalore News

CM visit mangalore on march 16th ಮಾ.16 ಕ್ಕ್ ಕುಡ್ಲಗ್ ಸಿಎಂ ಬೊಮ್ಮಾಯಿ

ಕುಡ್ಲ: ಕೇಂದ್ರ ಬೊಕ್ಕ ರಾಜ್ಯ ಸರ್ಕಾರದ ಯೋಜನೆದ ಫಲಾನುಭವಿಲೆನ ಸಮ್ಮೇಳನ ಮಾ.16 ಗುರುವಾರ ಕಾಂಡೆ 10 ಗಂಟೆಗ್ ಕರಾವಳಿ ಉತ್ಸವ ಮೈದಾನಡ್ ನಡಪರೆ ಉಂಡು. ಈ ಲೇಸ್‌ನ್ ಮುಖ್ಯಮಂತ್ರಿ ಬಸವರಾಜ್ ಬೊಮ್ಮಾಯಿ ಉದಿಪನ ಮಲ್ಪರೆ ಉಲ್ಲೆರ್.

ಇಂಧನ, ಕನ್ನಡ ಬೊಕ್ಕ ಸಂಸ್ಕೃತಿ ಅಂಚನೆ ಜಿಲ್ಲಾ ಉಸ್ತುವಾರಿ ಸಚಿವೆರ್ ವಿ.ಸುನೀಲ್ ಕುಮಾರ್, ಮೀನುಗಾರಿಕೆ, ಬಂದರು ಬೊಕ್ಕ ಒಳನಾಡು ಜಲಸಾರಿಗೆ ಸಚಿವೆರ್ ಎಸ್. ಅಂಗಾರ ಸೇರಿನಂಚನೆ ಮಸ್ತ್ ಜನ ಲೇಸ್‌ಡ್ ಪಾಲ್ ಪಡೆಯರೆ ಉಲ್ಲೆರ್.

ಪಾವಂಜೆ ಶ್ರೀ ಮಹಾಲಿಂಗೇಶ್ವರ ದೇವೆರೆಗ್ ದೃಢಕಲಶ ಅಭಿಷೇಕ

ಹಳೆಯಂಗಡಿ : ಇಂಚೊಗು ಜೀರ್ಣೋದ್ಧಾರ ಆದ್ ಬ್ರಹ್ಮಕಲಶ ಉಚ್ಚಯ ನಡತಿನ “ತುಳುನಾಡ ಕೈಲಾಸ” ಪುಗರ್ತೆದ ಪಾವಂಜೆ ಶ್ರೀ ಮಹಾಲಿಂಗೇಶ್ವರ ಮಹಾಗಣಪತಿ ದೇವಸ್ಥಾನಡ್ ದೃಢಕಲಶ ಅಭಿಷೇಕ ಮಾ.12 ಐತಾರ ಬೊಲ್ಪುಗು ನಡತ್ಂಡ್.

ಕ್ಷೇತ್ರದ ತಂತ್ರಿಲಾಯಿನ ರಾಧಾಕೃಷ್ಣ ಉಪಾಧ್ಯಾಯೆರ್ ಬೊಕ್ಕ ಅರ್ಚಕೆರ್ ವಾಸುದೇವ ಭಟ್ ಮೆರೆನ ಮುತಾಲಿಕೆಡ್ ರಕ್ತೇಶ್ವರಿ ಸನ್ನಿಧಿಡ್ ಹೋಮ, ಮಹಾಲಿಂಗೇಶ್ವರ ಸನ್ನಿಧಿ ಡ್ 101 ಕಲಶ ಪ್ರಧಾನ ಹೋಮ, ಪ್ರಾಯಶ್ಚಿತ್ತ ಹೋಮ, ಗಣಯಾಗ, ನಾಗದೇವೆರೆಗ್ ಕಲಶಾಭಿಷೇಕ ಮಹಾಪೂಜೆ ನಡತ್ಂಡ್. ಬೊಕ್ಕ ಅನ್ನ ಸಂತರ್ಪಣೆ ನಡತ್ಂಡ್.

ವಿದ್ವಾಂಸೆರಾಯಿನ ಕೃಷ್ಣ ಭಟ್ ಪಾವಂಜೆ, ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಸೂರ್ಯಕುಮಾರ್, ಬ್ರಹ್ಮಕಲಶ ಸಮಿತಿದ ಅಧ್ಯಕ್ಷೆರ್ ಪ್ರಕಾಶ್ ಶೆಟ್ಟಿ, ಪ್ರಧಾನ ಕಾರ್ಯದರ್ಶಿ ಚಂದ್ರಶೇಖರ್ ನಾನಿಲ್, ಸದಸ್ಯೆರಾಯಿನ ಗೋಪಾಲಕೃಷ್ಣ ರಾವ್, ರಘು ದೇವಾಡಿಗ, ಜ್ಯೋತಿ ರಾಮಚಂದ್ರ, ಸುಲೋಚನ ಮಹಾಬಲ, ರಾಮದಾಸ್ ಪಾವಂಜೆ, ಮೋಹನ್ ರಾವ್, ವೆಂಕಟೇಶ ಭಟ್ ಮೊಕುಲು ಮಾತ ಇತ್ತೆರ್.

ಬೀದಿ ನಾಯಿಲು ತುಚ್ಚಿದ್ 7 ಬೊಕ್ಕ 5 ವರ್ಷದ ಮೆಗ್ಯ ಪಲಯೆ ತೀರ್ ಪೋಯೆರ್!

ದಿಲ್ಲಿ: ದಿಲ್ಲಿದ ನೈಋತ್ಯ ಪ್ರದೇಶಡ್ ತಾದಿಡ್ ಇತ್ತಿನ ಬೀದಿ ನಾಯಿಲು ದಾಳಿ ಮಲ್ತ್‌ದ್ 7 ಬೊಕ್ಕ 5 ವರ್ಷ ಪ್ರಾಯದ ಮೆಗ್ಯ ಪಲಯನಕುಲು ತೀರ್ ಪೋಯಿನ ಘಟನೆ ನಡತ್ಂಡ್.

ಅನಂದ್ ಬೊಕ್ಕ ಆದಿತ್ಯ ತೀರ್ ಪೋಯಿನಕುಲು ಪಂದ್ ಗುರ್ತಿಸಾದೆರ್. ಈ ರಡ್ಡ್ ಜೋಕುಲು ದಿಲ್ಲಿದ ವಸಂತ್ ಕುಂಜ್ ನಿವಾಸಿಲು ಆದಿತ್ತ್‌ದ್, ವಸಂತ್ ಕುಂಜ್ ಪೊಲೀಸೆರೆಗ್ ಮಾರ್ಚ್ 10 ಕ್ಕ್ ಮಧ್ಯಾಹ್ನ 3 ಗಂಟೆಗ್ ಜೋಕುಲು ಕಾಣೆ ಆತಿನೆನ್ ದೂರು ಕೊರ್ದಿತ್ತೆರ್. ಮಸ್ತ್ ನಾಡಿನೆಡ್ದ್ ಬೊಕ್ಕ ಒಂಜಿ ಗೋಡೆದ ಬರಿಟ್ಟ್ ರಡ್ಡ್ ಜೋಕುಲೆನ ಪುನ ತೋಜಿದ್ ಬೈದ್ಂಡ್.

Flyer of the play “Shivadootha Guliga” released at Muscat on March 12 th ಮಸ್ಕತ್ ಡ್ ಮೇ 12 ಕ್ಕ್ “ಶಿವದೂತ ಗುಳಿಗೆ” ನಾಟಕ

ಮಸ್ಕತ್ : ಕರಾವಳಿ ಫ್ರೆಂಡ್ಸ್ ಮಸ್ಕತ್ ಬೊಕ್ಕ ಮಜಾನ್ ಈವೆಂಟ್ಸ್ ಒಟ್ಟುಗು ಸೇರೊಂದು ನ್ಯಾಷನಲ್ ಬ್ಯಾಂಕ್ ಒಫ್ ಒಮಾನ್ ಅರ್ಪಣೆ ಮಲ್ತ್ ಅಲ್ ಮಹಾ ಪೆಟ್ರೋಲಿಯಂ ಬೊಕ್ಕ ಮಲ್ಟಿಟೆಕ್ ಕಾಂಟ್ರಾಕ್ಟಿಂಗ್ ಸಹಕಾರೊದೊಟ್ಟುಗು ವಿಜಯ ಕುಮಾರ್ ಕೊಡಿಯಾಲ್ ಬೈಲ್ ನಿರ್ದೇಶನದ ವಿಭಿನ್ನ ಶೈಲಿದ ನಾಟಕ ಶಿವದೂತ ಗುಳಿಗೆ ನೆತ್ತ ಫ್ಲೈಯರ್ ಬುಡುಗಡೆ ಲೇಸ್ ದಾರ್ಸೈಟ್ ಮುಲ್ಪ ಉಪ್ಪುನ ಶ್ರೀ ಕೃಷ್ಣ ದೇವಸ್ಥಾನದ ಚಾವಡಿಡ್ ಪುತ್ತಿಗೆ ಮಠದ ಶ್ರೀ ಶ್ರೀ ಸುಗುಣೆoದ್ರ ತೀರ್ಥ ಸ್ವಾಮೀಜಿಲೆನ ಅಮೃತ ಹಸ್ತೋಡು ಬುಡುಗಡೆ ಮಲ್ತೆರ್.

ಈ ನಾಟಕ ತುಳು ಬೊಕ್ಕ ಕನ್ನಡ ಭಾಷೆಡ್ ಪ್ರದರ್ಶನ ಆವರೆ ಉಂಡು. ತುಳು ಬೊಕ್ಕ ಕನ್ನಡ ಜನೊಕುಲು ತೂದು ನಮ್ಮ ತುಳುನಾಡ್ದ ದೈವ ದೇವೆರೆನ ಮಹಿಮೆನ್ ನಮ್ಮ ದುಂಬುದ ಪೀಳಿಗೆಗ್ ತೆರಿಪಾವುನ ಬೇಲೆ ನಮ ಮಲ್ಪೊಡು ಪನ್ಪಿನ ಪಾತೆರದ ಒಟ್ಟುಗು ಆಶೀರ್ವಾದ ಮಲ್ತೆರ್. ಈ ನಾಟಕ ಒಮಾನ್ಡ್ ಮೇ 12 ತಾರೀಕ್ 2023 ಕ್ಕ್ ಅಲ್ ಫಲಾಜ್ ಹಾಲ್ಡ್ ತುಳು ಬೊಕ್ಕ ಕನ್ನಡ ಭಾಷೆಡ್ ರಡ್ಡ್ ಪ್ರದರ್ಶನ ನಡಪರೆ ಉಂಡು.

ಈ ಫ್ಲೈಯರ್ ಬುಡುಗಡೆ ಲೇಸ್ ಡ್ ಜಿ.ವಿ.ರಾಮಕೃಷ್ಣ, ಲಕ್ಷ್ಮಿ ನಾರಾಯಣ ಆಚಾರ್ಯ, ಹಿರಿಯಣ್ಣ ನಾರಾಯಣ ಸ್ವಾಮಿ, ಶಶಿಧರ್ ಶೆಟ್ಟಿ ಮಲ್ಲಾರ್, ದಿವಾಕರ್ ಶೆಟ್ಟಿ ಮಲ್ಲಾರ್, ಗಣೇಶ್ ಶೆಟ್ಟಿ ಕುತ್ತಾರ್ ಪದವು, ಎಂ. ಜೆ. ಚಂಗಪ್ಪ, ಮಂಜುನಾಥ್ ನಾಯಕ್, ನರೇಶ್ ಪೈ, ನಾಗೇಶ್ ಶೆಟ್ಟಿ ಕಿನ್ನಿಗೋಳಿ, ಡಾ. ಅಂಚನ್ ಸಿ. ಕೆ, ಯುವರಾಜ್ ಸಾಲಿಯಾನ್ ಪಾಲ್ ಪಡೆತೆರ್.

ಅಂಚೆನೇ ಈ ನಾಟಕೊನು ಒಮಾನ್ದ ಊರುಡು ಪ್ರದರ್ಶನ ಮಲ್ಪುನ ಕರಾವಳಿ ಫ್ರೆಂಡ್ಸ್ ದ ರಾಜೇಂದ್ರ ಶೆಟ್ಟಿ, ಹಿತೇಶ್ ಮಂಗಳೂರು, ಪದ್ಮಾಕರ್ ಮೆಂಡನ್, ರಮಾನಂದ ಶೆಟ್ಟಿ, ಮಂಜುನಾಥ್ ರಾವ್, ರವೀಂದ್ರ ಆಚಾರ್ಯ, ಶಿವಾನಂದ ಕೋಟ್ಯಾನ್, ರಾಮಕೃಷ್ಣ ಪ್ರಭು, ಸುಕುಮಾರ್ ಅಂಚನ್ ಬೈದಿನ ಬಿನ್ನೆರೆನ್ ಎದ್ಕೊಂಡೆರ್.

ನಾಟಕೊಡು ಕಲಾ ಸಂಗಮದ 28 ಕಲಾವಿದೆರ್ ಪಾಲ್ ಪಡೆವೊಂದುಲ್ಲೆರ್. ವಿಜಯ್ ಕುಮಾರ್ ಕೊಡಿಯಾಲ್ ಬೈಲ್ ನಿರ್ದೇಶನೊಡು ಬರ್ಪಿನ ಈ ನಾಟಕೊಡು ಕಾಂತಾರ ಫಿಲ್ಮ್ ದ ಗುರುವ ಪಾತ್ರೊಡು ಮಿಂಚಿದಿನ ಸ್ವರಾಜ್ ಶೆಟ್ರ್ ಗುಳಿಗನ ಪಾತ್ರ ಮಲ್ಪುವೆರ್.

Flyer of the play “Shivadootha Guliga” released at Muscat on March 12 th

Muscat: Karavali friends, Muscat and Majaan events will come together with National Bank of Oman with support from Al Maha Petroleum and Multi Tech Contracting to present the innovative Play “Shivadootha Guliga” directed by Vijay Kumar Kodialbail at Oman on the 12 th of May 2023.

The flyer of the play was released on March 12 th at Darsait by his holiness Sri Sri Sugunendra Thirtha Swamiji of Putige Mutt at the Sri Krishna temple here .

The play will be enacted in Kannada and Tulu at Al Falaz hall on May 12 th, and 28 artists from Kalasngama are to participate, including Swaraj Shetty of Kantara movie fame as Guliga.

ಗಾಡಿಗ್ ತೂ ಕೊರ್ದು ಬಾಂಬ್‌ ಟೆಸ್ಟ್ ಮಲ್ತೊಂದಿತ್ತೆ ಶಾರೀಕ್!

ಶಿವಮೊಗ್ಗ: ತೀರ್ಥಹಳ್ಳಿಡ್ 15 ನೆರ್ದ್ ಎಚ್ಚದ ಗಾಡಿಲೆಗ್ ತೂ ಪೊತ್ತಾದಿನ ಕೇಸ್‌ಡ್ ಕುಡ್ಲ ಕುಕ್ಕರ್ ಬಾಂಬ್ ಬ್ಲಾಸ್ಟ್ ಕೇಸ್‌ದ ಆರೋಪಿ ಶಾರೀಕ್‌ನ ಕೈವಾಡ ಉಂಡು ಪಂದ್ ತನಿಖೆದ ಪೊರ್ತುಡು ತೆರಿದ್ ಬೈದ್ಂಡ್.

ಶಾರೀಕ್ ಬೊಕ್ಕ ಆಯನ ಕೂಟ ಸಾದಿದ ಬರಿಟ್ಟ್ ದೀತಿನ ಗಾಡಿಲೆಗ್ ತೂ ಪೊತ್ತಾದ್ ತಾನ್ ತಯಾರ್ ಮಲ್ತೊಂದಿತ್ತಿನ ಬಾಂಬ್‌ಲೆನ ಟೆಸ್ಟ್ ಮಲ್ತೊಂದಿತ್ತ್ಂಡ್ ಪಂದ್ ತೆರಿದ್ ಬೈದ್ಂಡ್.