ಕುಡ್ಲದ ಸುದ್ದಿ | Mangalore News

ಸಹಕಾರ ಕ್ಷೇತ್ರಡ್ ಸಾಧನೆ ಮಲ್ಪರೆ ಗ್ರಾಹಕೆರೆ‌ನ ಸಹಭಾಗಿತ್ವ ಮುಖ್ಯ : ಸ್ಪೀಕರ್ ಯು.ಟಿ.ಖಾದರ್

May 21, 2026

ಹಳೆಯಂಗಡಿ ಪ್ರಿಯದರ್ಶಿನಿ ಕೋ-ಆಪರೇಟಿವ್ ಸೊಸೈಟಿ 5ನೇ ವರ್ಷದ ಸಂಭ್ರಮ ಮುಗಿತಲ

ಹಳೆಯಂಗಡಿ: ಸಮಾಜಸೇವೆ ಬೊಕ್ಕ ಗ್ರಾಹಕ ಸೇವೆಡ್ ಪುಗರ್ತೆ ಪಡೆತಿನ ಪ್ರಿಯದರ್ಶಿನಿ ಕೋ-ಆಪರೇಟಿವ್ ಸೊಸೈಟಿದ 5ನೇ ವರ್ಷದ ಸಂಭ್ರಮಾಚರಣೆ ಮುಗಿತಲದ ಲೇಸ್ ಬೊಕ್ಕ ಸಾಧಕೆರೆಗ್ ಗೌರವ ಮಲ್ಪುನ ಲೇಸ್
ಬುಧವಾರ ಬಯ್ಯಡ್

ಹರಿ ಓಂ ಕಟ್ವಾಣದ ಜಾಲ್‌ಡ್ ನಡತ್ಂಡ್. ಕರ್ನಾಟಕ ರಾಜ್ಯ ವಿಧಾನ ಸಭಾಧ್ಯಕ್ಷೆರ್ ಯು.ಟಿ ಖಾದರ್ ಮೇರ್ ತುಡರ್ ಅರ್ಲಾದ್ ಲೇಸ್ ಉದಿಪನ ಮಲ್ತೆರ್. ಈ ಪೊರ್ತುಡು ಎಡ್ಡೆಪ್ಪುದ ಪಾತೆರ ಪಂಡಿನ ಆರ್, “ಕರಿನ 5 ವರ್ಷರ್ದಿಂಚಿ ಗ್ರಾಮೀಣ ಪರಿಸರಡ್ ಪ್ರಾಮಾಣಿಕತೆ, ಕಠಿಣ ಶ್ರಮದ ಮುಕೇನ ಬೊಕ್ಕ ತನ್ನನೇ ಬ್ರ್ಯಾಂಡ್ ಪುಟ್ಟುಪಾಡೊಂದಿನ ಹಳೆಯಂಗಡಿ ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿ, ಅಧ್ಯಕ್ಷೆರ್ ಎಚ್ ವಸಂತ್ ಬೆರ್ನಾಡ್ ಮೆರೆನ ಆಡಳಿತಡ್, ಗ್ರಾಹಕೆರ್‌ನ ಸಹಕಾರೊಡು ಬೇಗ ಬೇಗ ಅಭಿವೃದ್ಧಿ ಆವೊಂದು ಪೋಪಿನವು ಭಾರಿ ಕುಷಿತ್ತ ಸಂಗತಿ” ಪಂದ್ ಪಂಡೆರ್. ಸಹಕಾರ ಕ್ಷೇತ್ರಡ್ ಸಾಧನೆ ಮಲ್ಪರೆ ಗ್ರಾಹಕೆರೆ‌ನ ಸಹಭಾಗಿತ್ವ ಮುಖ್ಯ.ಅಕ್ಲೆನ ಪ್ರೇರಣೆರ್ದ್ ಸೊಸೈಟಿ ಇನಿ 5 ನೇ ವರ್ಷದ ಸಾಧನೆದ ಶಿಖರ ಏರ್‌ದ್ಂಡ್. ಉಂದು ನನಾತ್ ಯಶಸ್ವಿ ಆದ್ ಮಲ್ಲ ಸಾಧನೆ ಮಲ್ಪಡ್. ವಸಂತ್ ಬರ್ನಾಡ್‌ರೆನ ಮಾತಾ ಸಾಮಾಜಿಕ ಬೊಕ್ಕ ರಾಜಕೀಯ ಕಾರ್ಯಲೆಗ್ ಏಪಲ ಬೆರಿಬಲ ಕೊರ್ಪೆ ಪಂದ್ ಆರ್ ಪಂಡೆರ್.
ಲೇಸ್‌ದ ಗುರ್ಕಾರ್ಮೆ ನ್
ಮುಲ್ಕಿ ಸೀಮೆದ ಅರಸೆರ್ ಎಂ. ದುಗ್ಗಣ್ಣ ಸಾವಂತೆರ್ ವಹಿಸ್‌ದ್ ದೇಶದ ಮಾಜಿ ಪ್ರಧಾನಿ ಇಂದಿರಾ ಗಾಂಧಿ ಮೆರೆನ ಪುದರ್‌ದ ಪ್ರಿಯದರ್ಶಿನಿ ಸೊಸೈಟಿ ಇತ್ತೆ ಜನಕ್ಲೆನ ವಿಶ್ವಾಸ ಪಡೆದ್ ಪ್ರಗತಿ ಆತ್ಂಡ್ ಪಂದ್ ಪಂಡೆರ್.
ಮಲ್ಲ ಬಿನ್ನೆರಾದ್ ಬತ್ತಿತ್ತಿನ
ಮಾಜೀ ಸಚಿವೆರ್ ಕೆ. ಅಭಯಚಂದ್ರ ಜೈನ್ ಎಡ್ಡೆಪ್ಪು ಬಯಕಿಯೆರ್. ಈ ಪೊರ್ತುಡು ಬಂಗಾರ್‌ದ ಶುದ್ಧತೆನ್ ಸರಿಯಾದ ತೊಜಪಾವುನ ಗೋಲ್ಡ್ ಪ್ಯೂರಿಟಿ ಟೆಸ್ಟಿಂಗ್ ಮೆಷಿನ್‌ನ್ ಪಾವಂಜೆ ಶ್ರೀ ಮಹಾಲಿಂಗೇಶ್ವರ ಮಹಾ ಗಣಪತಿ ದೇವಸ್ಥಾನದ ಆಡಳಿತ ಮೊಕ್ತೇಸರೆರ್ ಬಿ. ಸೂರ್ಯಕುಮಾ‌ರ್ ಉದಿಪನ ಮಲ್ತೆರ್. ರಾಜ್ಯ ಸರಕಾರದ ಗೇರು ನಿಗಮದ ಅಧ್ಯಕ್ಷೆ ಮಮತಾ ಗಟ್ಟಿ ಮೇರ್ ಸೊಸೈಟಿದ ಸ್ಥಾಪನಾ ವರ್ಷದ ಸಿಬ್ಬಂದಿಲೆಗ್ ಗೌರವ ಸಮರ್ಪಣೆ ಮಲ್ತೆರ್. ಮಲ್ಲ ಬಿನ್ನೆರಾದ್ ಕಾರ್ನಾಡ್ ಇಮ್ಯಾಕ್ಯುಲೇಟ್ ಕನ್ವೆನ್ಷನ್ ಚರ್ಚ್‌ದ ಪಾಲನಾ ಸಮಿತಿದ 22 ಆಯೋಗ ಸಂಯೋಜಕೆರ್
ಪೌಲ್ ರೋಲ್ಫಿ ಡಿಕೋಸ್ಟ , ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿ ಅಧ್ಯಕ್ಷೆರ್ ಎಚ್. ವಸಂತ್ ಬೆರ್ನಾರ್ಡ್, ಉಪಾಧ್ಯಕ್ಷೆರ್
ವಿಜಯ ಕುಮಾ‌ರ್ ಸನಿಲ್‌,ನಿರ್ದೇಶಕೆರಾಯಿನ ಉಮಾನಾಥ ಜೆ ಶೆಟ್ಟಿಗಾರ್,ಧನಂಜಯ ಮಟ್ಟು, ಗೌತಮ್ ಜೈನ್, ಗಣೇಶ್ ಪ್ರಸಾದ್ ದೇವಾಡಿಗ, ಜೈ ಕೃಷ್ಣ ಕೋಟ್ಯಾನ್, ಡಾ. ಶೆರಿಲ್ ಅಯೋನ, ರೇಖಾ ಶೆಟ್ಟಿ,ಹರೀಶ್ ಎನ್ ಪುತ್ರನ್, ನವೀನ್ ಸಾಲ್ಯಾನ್ ಪಂಜ, ಮೋಹನ್ ದಾಸ್, ಅನಿಲ್ ಪೂಜಾರಿ ಸಸಿಹಿತ್ಲು, ರಜಿಯಾ ಭಾನು, ಕರಿಯ ಕಾಡಿಗ ಬೊಕ್ಕ ಹರಿ ಓಂ ಕಟ್ವಾಣದ ಧನಿ ಹರಿಶ್ಚಂದ್ರ ಕೆ ಅಮೀನ್ ಮೊಕುಲು ಮಾತ ಇತ್ತೆರ್. ಚಲನಚಿತ್ರ ನಟಿ ಅದ್ವಿತಿ ಶೆಟ್ಟಿ , ಗಾನ ಭಟ್ ಬೊಕ್ಕ ಯೂಟ್ಯೂಬರ್ ಶಿಲ್ಪಾ ಶೆಟ್ಟಿ ಮೊಕ್ಲೆನ್ ಈ ಪೊರ್ತುಡು ವಿಶೇಷ ವಾದ್ ಮಾನಾದಿಗೆ ಮಲ್ತೆರ್.
ಸೊಸೈಟಿ ಅಧ್ಯಕ್ಷೆರ್ ಎಚ್ ವಸಂತ್ ಬೆರ್ನಾಡ್ ಸ್ವಾಗತ ಮಲ್ತೆರ್. ಮುಖ್ಯ ಕಾರ್ಯನಿರ್ವಣಾಧಿಕಾರಿ
ಸುದರ್ಶನ್ ಸೊಲ್ಮೆ ಸಂದಾಯೆರ್. ಸೊಸೈಟಿದ ಕಿನ್ನಿಗೋಳಿ ಶಾಖಾ ಪ್ರಬಂಧಕಿ ಅಕ್ಷತಾ ಶೆಟ್ಟಿ ಎಂ ಬೊಕ್ಕ ಖ್ಯಾತ ನಿರೂಪಕಿ ಸೌಜನ್ಯಾ ಹೆಗ್ಡೆ, ಅಕೌಂಟೆಂಟ್ ಲೋಲಾಕ್ಷಿ , ಪ್ರಬಂಧಕೆರಾಯಿನ ಮೋಹನ್ ದಾಸ್ ಪೂಜಾರಿ ಬೊಕ್ಕ ಅಂಜಲಿ ಉಳ್ಳಾಲ್ ಲೇಸ್ ನಿರೂಪಣೆ ಮಲ್ತೆರ್.
ಬೊಕ್ಕ ಸಾಂಸ್ಕೃತಿಕ ಕಾರ್ಯಕ್ರಮ ನಡತ್ಂಡ್.

ಬಪ್ಪನಾಡ್‌ಡ್ ಮೇ 24 ಕ್ಕ್ “ಅಪ್ಪೆ ಬೇರ್‌ದ ತುಳುನಾಡ್” ರಾಷ್ಟ್ರೀಯ ವಿಚಾರಸಂಕಿರಣ : ಭಾನುಮತಿ ಶೆಟ್ಟಿ ಕಕ್ವಗುತ್ತು

May 21, 2026

ಮುಲ್ಕಿ : ನನ ದುಂಬುದ ಪೀಳಿಗೆಗ್ ತುಳುನಾಡ್‌ದ ಮೂಲ ಸಂಸ್ಕೃತಿ, ಆಚಾರ-ವಿಚಾರ, ದೈವ ಪರಂಪರೆ ಅಂಚೆನೆ ತುಳು ಜೀವನ ಮೌಲ್ಯನ್ ತೆರಿಪಾವುನ ಅಂಚೆನೆ ಅವೆನ್ ಸಂರಕ್ಷಣೆ ಮಲ್ಪುನ ಉದ್ದೇಶಡ್ ಪಗಾರ್ತೆದ ಸಾಹಿತಿ ಬೊಕ್ಕ ತುಳು ಜಾನಪದ ವಿದ್ವಾಂಸೆರ್ ಡಾ.ಇಂದಿರಾ ಹೆಗ್ಗಡೆ ಮೆರೆನ ಸರ್ವಾಧ್ಯಕ್ಷತೆಡ್ “ಅಪ್ಪೆ ಬೇರ್ ದ ತುಳುನಾಡ್” ಪನ್ಪಿನ ರಾಷ್ಟ್ರೀಯ ತುಳು ವಿಚಾರ ಸಂಕಿರಣ ಮೇ 24 ಕ್ಕ್ ಐತಾರ ಮುಲ್ಕಿ ಬಪ್ಪನಾಡ್‌ ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನದ ಅನ್ನಪೂರ್ಣೇಶ್ವರಿ ಸಭಾಂಗಣದ ಚಾವಡಿಡ್ ಕಾಂಡೆ 9 ಗಂಟೆರ್ದ್ ಬಯ್ಯಮುಟ್ಟ ನಡಪರೆ ಉಂಡು ಪಂದ್ ವಿಚಾರ ಸಂಕಿರಣದ ಗುರ್ಕಾರೆರ್, ತುಳುವ ಮಹಾಸಭೆ ಇಂಟರ್‌ನ್ಯಾಷನಲ್ ದ ಪ್ರಧಾನ ಸಂಚಾಲಕೆರ್ ಭಾನುಮತಿ ಶೆಟ್ಟಿ ಕಕ್ವಗುತ್ತು ತೆರಿಪಾಯೆರ್.
ಆರ್ ಮುಲ್ಕಿದ ಪುನರೂರು ಕಾಂಪ್ಲೆಕ್ಸ್ ‌ದ ಸ್ವಾಗತ್ ಹೋಟೆಲ್‌ದ ಚಾವಡಿಡ್ ಬುಧಾರ ನಡತಿನ ಪತ್ರಿಕಾಗೋಷ್ಠಿಡ್ ಈ ವಿಚಾರ ಪಂಡೆರ್. ತುಳುವರ್ಲ್ಡ್ ಫೌಂಡೇಶನ್, ತುಳುವ ಮಹಾಸಭೆ ಇಂಟರ್ನ್ಯಾಷನಲ್, ಬಂಟರ ಸಂಘ ಮುಲ್ಕಿ (ರಿ.) ಮೊಕ್ಲೆನ ಮುತಾಲಿಕೆಡ್ ಬಿಲ್ಲವ ಸಂಘ ಮಹಿಳಾ ಮಂಡಳಿ, ರೋಟರಿ ಕ್ಲಬ್ ಮುಲ್ಕಿ, ಲಯನ್ಸ್ ಕ್ಲಬ್ ಮುಲ್ಕಿ ಬೊಕ್ಕ ವಿಜಯ ಕಾಲೇಜು ಮುಲ್ಕಿ ರಾಷ್ಟ್ರೀಯ ಸೇವಾ ಯೋಜನೆ ಮೊಕ್ಲೆನ ಒಟ್ಟುಸೇರಿಗೆಡ್ ನಡಪುನ ಈ ವಿಚಾರಸಂಕಿರಣಡ್ ಅಂದಾಜಿ 300ರ್ದ್ 500 ಜನ ಪಾಲ್ ಪಡೆವುನ ನಿರೀಕ್ಷೆ ಉಂಡು ಪಂಡೆರ್.
ಈ ವಿಚಾರ ಸಂಕಿರಣನ್ ಒಡಿಯೂರು ಸಂಸ್ಥಾನದ ಸಾಧ್ವಿ ಶ್ರೀ ಮಾತಾನಂದಮಯೀ ಉದಿಪನ ಮಲ್ಪರೆ ಉಲ್ಲೆರ್. ಪ್ರೊ. ಪುರುಷೋತ್ತಮ ಬಲ್ಯಾಯ ದಿಕ್ಸೂಚಿ ಭಾಷಣ ಮಲ್ಪರೆ ಉಲ್ಲೆರ್. ಮಲ್ಲ ಬಿನ್ನೆರಾದ್ ಕಟೀಲ್‌ದ ಶ್ರೀಹರಿ ನಾರಾಯಣದಾಸ ಅಸ್ರಣ್ಣೆರ್, ಶಾಸಕೆರ್ ಉಮಾನಾಥ್ ಕೋಟ್ಯಾನ್, ತುಳು ಸಾಹಿತ್ಯ ಅಕಾಡೆಮಿದ ಮಾಜಿ ಗುರ್ಕಾರ್ದಿ ಜಾನಕಿ ಬ್ರಹ್ಮಾವರ, ಮಾಜಿ ಶಾಸಕಿ ಶಕುಂತಲಾ ಶೆಟ್ಟಿ, ಬಪ್ಪನಾಡ್ ದೇವಸ್ಥಾನದ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಶ್ವೇತ ಪಳ್ಳಿ ಬೊಕ್ಕ ಡಾ. ವಾಸುದೇವ ಬೆಳ್ಳೆ ಮೊಕುಲು ಮಾತ ಪಾಲ್ ಪಡೆಯರೆ ಉಲ್ಲೆರ್.
ಕಾಂಡೆ 11 ಗಂಟೆಗ್ ಡಾ. ಸಾಯಿಗೀತಾ ಹೆಗ್ಡೆ ಸಂಯೋಜನೆಡ್ ನಡಪುನ “ಅಪ್ಪೆ ಕಟ್ಟ್ ತುಳುವ ಸಂಸ್ಕೃತಿದ ಬೇರು” ಗೋಷ್ಠಿಡ್ ಅಮೃತ ಅಜಯ್ ಶೆಟ್ಟಿ, ಡಾ. ಜ್ಯೋತಿ ಚೇಳಾಯಿರು, ಡಾ. ರತಿ ಕೋಡಿಕಲ್, ಶ್ರೀಕಾಂತ್ ಶೆಟ್ಟಿ ಬೊಕ್ಕ ಅರವಿಂದ ಬೆಲ್ಚಡ ಮೊಕುಲು ವಿಚಾರ ಮಂಡನೆ ಮಲ್ಪರೆ ಉಲ್ಲೆರ್.
ಮಧ್ಯಾಹ್ನ ಡಾ. ವೈ.ಎನ್. ಶೆಟ್ಟಿ ಸಙಯೋಜನೆಡ್ ನಡಪುನ “ಬರಿ ಬಂದ್ರ ಕಾಪುನ ತುಳುವ ಕುಟುಮೊದ ಇತಿಹಾಸಾತ್ಮಕ ಸಾದಿ” ಗೋಷ್ಠಿಡ್ ಸಾಯಿನಾಥ್ ಶೆಟ್ಟಿ, ಅರ್ಪಿತಾ ಪ್ರಶಾಂತ್ ಶೆಟ್ಟಿ, ರೇಮಂಡ್ ಡಿ ಕುನ್ಹಾ ತಾಕೊಡೆ, ದಾ.ನಾ. ಉಮ್ಮಣ್ಣ ಬೊಕ್ಕ ವಿದ್ಯಾಶ್ರೀ ಎಸ್ ಉಪನ್ಯಾಸ ಮಲ್ಪರೆ ಉಲ್ಲೆರ್.
ಸಾಂಸ್ಕೃತಿಕ ಕಾರ್ಯಕ್ರಮದ ಅಂಗವಾದ್ ಐಲೇಸಾ ಬೆಂಗಳೂರು ತಂಡರ್ದ್ ಪದ, ಪಾಡ್ಡನ, ಬೊಳಿಕೆ ಜಾನಪದ ಕೂಟದಕ್ಲೆರ್ದ್ ಪಾಡ್ಡನ ಮೇಳ, ವಿಜಯ ಕಾಲೇಜು ಮುಲ್ಕಿ ರಾಷ್ಟ್ರೀಯ ಸೇವಾ ಯೋಜನೆ ವಿದ್ಯಾರ್ಥಿಲೆರ್ದ್ “ಅಪ್ಪೆ ಬೇರ್” ಮೂಲ ಸಂಸ್ಕೃತಿದ ನಲಿಕೆ ಬೊಕ್ಕ ತೂಪರಿಕೆ, ಅಂಚೆನೆ ಮುಲ್ಕಿ ಬಿಲ್ಲವ ಸಂಘ ಮಹಿಳಾ ಮಂಡಳಿ ಸದಸ್ಯೆರೆರ್ದ್ “ಬೆನ್ನಿ ಬದ್”ದ ನಲಿಕೆ ಕಾರ್ಯಕ್ರಮ ನಡಪರೆ ಉಂಡು ಪಂದ್ ತೆರಿಪಾಯೆರ್.
ಮುಗಿತಲದ ಲೇಸ್ :
ಬಯ್ಯಡ್ ನಡಪುನ ಮುಗಿತಲದ ಲೇಸ್‌ಡ್ ಸರ್ವಾಧ್ಯಕ್ಷೆರ್ ಡಾ. ಇಂದಿರಾ ಹೆಗ್ಗಡೆ, ಮುಲ್ಕಿ ಸೀಮೆದ ಅರಸುಲು ದುಗ್ಗಣ್ಣ ಸಾವಂತೆರ್, ಸಂಸದೆರ್ ಬ್ರಿಜೇಶ್ ಚೌಟ, ಶಾಸಕೆರ್ ಗುರ್ಮೆ ಸುರೇಶ್ ಶೆಟ್ಟಿ, ಐಕಳ ಹರೀಶ್ ಶೆಟ್ಟಿ, ಸರ್ವೋತ್ತಮ ಶೆಟ್ಟಿ, ಭಾಸ್ಕರ ರೈ ಕುಕ್ಕುವಳ್ಳಿ, ಅರವಿಂದ ಪೂಂಜ ಬೊಕ್ಕ ಮಧು ಆಚಾರ್ಯ ಪಾಲ್ ಪಡೆಯರೆ ಉಲ್ಲೆರ್. ಡಾ. ಗಣೇಶ್ ಅಮೀನ್ ಸಂಕಮಾರ್‌ ಸಮಾರೋಪ ಭಾಷಣ ಮಲ್ಪರೆ ಉಲ್ಲೆರ್ ಪಂದ್ ಆರ್ ತೆರಿಪಾಯೆರ್.
ಪತ್ರಿಕಾಗೋಷ್ಠಿಡ್ ಅಶೋಕ್ ಕುಮಾರ್ ಶೆಟ್ಟಿ, ಸರೋಜಿನಿ ಸುವರ್ಣ, ವಸಂತ ರೈ ಕುತ್ತೆತ್ತೂರು,ಅರವಿಂದ ಬೆಲ್ಚಡ, ಹರಿಪ್ರಸಾದ್ ರೈ, ಗೀತಾ ಗಣೇಶ್ ಬಂಗೇರ, ಲತಾ ಶೇಖರ ಪೂಜಾರಿ, ಹರ್ಷರಾಜ್ ಶೆಟ್ಟಿ ಜಿಎಂ ಮೊಕುಲು ಮಾತ ಇತ್ತೆರ್.

“ತುಳು ಅಪ್ಪೆ ಸಿರಿ” ಪ್ರಶಸ್ತಿ

ಈ ಸಂದರ್ಭಡ್ ವಿವಿಧ ಕ್ಷೇತ್ರಡ್ ಸಾಧನೆ ಮಲ್ದಿನ ಚಂದ್ರಿಕಾ ಹರೀಶ್ ಶೆಟ್ಟಿ, ಸಿಂಧು ಗುಜರನ್, ಸರೋಜಿನಿ ಸುವರ್ಣ, ಜಯಂತಿ ಬಂಗೇರ, ಸಾವಿತ್ರಿ ಶೆಟ್ಟಿ, ಕಸ್ತೂರಿ ಪಂಜ ಬೊಕ್ಕ ಸುನಂದ ಎಂ. ಅಮೀನ್ ಅವರಿಗೆ “ತುಳು ಅಪ್ಪೆಸಿರಿ” ಪ್ರಶಸ್ತಿ ಪ್ರದಾನ ಮಲ್ಪರೆ ಉಂಡು. ಈ ಲೇಸ್‌ಡ್ ವೆಂಕಟೇಶ್ ಭಟ್, ಚಂದ್ರಶೇಖರ ಸುವರ್ಣ, ಹರ್ಷರಾಜ್ ಶೆಟ್ಟಿ, ಸುಜಿತ್ ಸಾಲ್ಯಾನ್, ಜೇಮ್ಸ್ ಪೀಟರ್ ಡಿ. ಸೋಜ, ಭುಜಂಗ ಕವತ್ತಾರ್, ವಾಮನ ಕೋಟ್ಯಾನ್, ಶಮಿನ ಆಳ್ವ, ಗೀತಾ ಲಕ್ಷ್ಮೀಶ್, ಉದಯ್ ಶೆಟ್ಟಿ, ಜಯಪಾಲ ಶೆಟ್ಟಿ ಐಕಳ, ಕಿಶೋರ್ ಶೆಟ್ಟಿ, ಉದಯ್ ಶೆಟ್ಟಿ, ರವೀಶ್ ಕಾಮತ್ , ಪ್ರಶಾಂತ್ ಶೆಟ್ಟಿ, ಅರುಣಾ, ಪುರಂದರ್ ಎಲ್. ಶೆಟ್ಟಿ, ರೋಹಿಣಿ ಬಿ. ಶೆಟ್ಟಿ, ಶಶಿಕಲ ಯದೀಶ್ ಅಮೀನ್, ಚಂದ್ರಕಲ ಶೆಟ್ಟಿ, ಶೀತಲ್ ಸುಶೀಲ್ ಬೊಕ್ಕ ಮುರಲೀಧರ ಭಂಡಾರಿ, ದಿನೇಶ್ ಶೆಟ್ಟಿ, ಸಾಧು ಅಂಚನ್ ಮೊಕುಲು ಮಾತ ಉಪ್ಪುವೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಮುಲ್ಕಿ ರಪಕ್ಕ ಸುದ್ದಿ Flash News

ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿ 5ನೇ ವರ್ಷದ ಸಂಭ್ರಮ, 5 ಜನಕ್ಕ್ ಕುಂಟು ಪೊಲ್ಲುನ ಮಿಷನ್

May 20, 2026

ಸಮಾಜಸೇವೆ ಮಲ್ಪರೆ ಎಡ್ಡೆ ಮನಸ್‌ ಬೋಡು: ಭುವನಾಭಿರಾಮ ಉಡುಪ

ಮುಲ್ಕಿ: ಸಮಾಜಮುಖಿ ಕಾರ್ಯಕ್ರಮ ಮಲ್ಪುನೆತ್ತ ಒಟ್ಟುಗು ಎಡ್ಡೆ ಮನಸ್, ಸಹೃದಯತೆಲ ಬೋಡು. ಒವ್ವೇ ಸಂಸ್ಥೆ ವ್ಯವಹಾರ ಮಲ್ಪುನು ಮಾತ್ರ ಅತ್ತಾಂದೆ ಅಶಕ್ತೆರೆಗ್ ಆರೋಗ್ಯಗ್ ಪನವುದ ಸಕಾಯ ಸಹಿತ ಮಸ್ತ್ ಸಮಾಜಮುಖಿ ಕಾರ್ಯಕ್ರಮ ಮಲ್ಪೊಡು. ಅಂಚಿನ ಅಮೂಲ್ಯ ಕೆಲಸ ಮಲ್ಪುನ ಹಳೆಯಂಗಡಿ ಪ್ರಿಯದರ್ಶಿನಿ ಕೋ-ಆಪರೇಟಿವ್‌ ಸೊಸೈಟಿದ ಬೇಲೆ ಮಸ್ತ್ ಅಭಿನಂದನೀಯ ಪಂದ್ ಕಿನ್ನಿಗೋಳಿ ಯುಗಪುರುಷ ಸಂಪಾದಕೆರ್ ಭುವನಾಭಿರಾಮ ಉಡುಪ ಪಂಡೆರ್.
ಆರ್ ಹಳೆಯಂಗಡಿದ ಹರಿ ಓಂ ಕಟ್ವಾಣದ ಜಾಲ್‌ಡ್ ಬುಧವಾರ ಪ್ರಿಯದರ್ಶಿನಿ ಕೋ-ಆಪರೇಟಿವ್‌ ಸೊಸೈಟಿದ 5ನೇ ವರ್ಷದ ಸಂಭ್ರಮಾಚರಣೆದ ಅಂಗವಾದ್ ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ಬಿ.ಸಿ ಟ್ರಸ್ಟ್‌ ರಿ., ಮುಲ್ಕಿ ಅರಮನೆ ವೆಲ್ಫೇರ್ ಆಂಡ್‌ ಚಾರಿಟೇಬಲ್ ಟ್ರಸ್ಟ್ (ರಿ) ಮುಲ್ಕಿ ಪ್ರೆಸ್ ಕ್ಲಬ್ , ಪೂಜಾ ಫ್ರೆಂಡ್ಸ್ ಹಳೆಯಂಗಡಿ, ಭಗವತಿ ಫ್ರೆಂಡ್ಸ್ ಸಸಿಹಿತ್ಲು , ಶ್ರೀ ಭಗವತಿ ಯುನೈಟೆಡ್ ಫ್ರೆಂಡ್ಸ್ ಕದಿಕೆ, ಹಳೆಯಂಗಡಿ, ಯಶಸ್ವಿ ಸಂಜೀವಿನಿ ಗ್ರಾಮ ಪಂಚಾಯತ್ ಮಟ್ಟದ ಒಕ್ಕೂಟ(ರಿ) ಹಳೆಯಂಗಡಿ, ಚೇಳಾಯರು ವಿವೇಕಾನಂದ ಯುವಕ ಮಂಡಲ,ತೋಕೂರು ಫೇಮಸ್ ಯೂತ್ ಕ್ಲಬ್ ಬೊಕ್ಕ ಮಹಿಳಾ ಮಂಡಲ, ಸುಬ್ರಹ್ಮಣ್ಯ ಸ್ಪೋರ್ಟ್ಸ್ ಕ್ಲಬ್, ಚೇಳಾಯಿರು ಈಶ್ವರಾನಂದ ಭಜನಾ ಮಂದಿರ, ಹಳೆಯಂಗಡಿ ಆಟೋ ರಿಕ್ಷಾ ಚಾಲಕರ ಮತ್ತು ಮಾಲಕರ ಸಂಘ. ಪಾವಂಜೆ, ಓಂ ಕ್ರಿಕೆಟರ್ಸ್‌, ಸಾಗರ ಸಾಗ್ ಕ್ರಿಕೆಟರ್ಸ್ ಸಾಗ್, ಇಂದಿರಾ ನಗರ ಸಂಗಮ ಮಹಿಳಾ ಮಂಡಲ ಮೊಕ್ಲೆನ ಒಟ್ಟುಸೇರಿಗೆಡ್
ಕಟೀಲ್‌ದ ದುರ್ಗಾ ಸಂಜೀವನಿ ಮಣಿಪಾಲ್‌ ಆಸ್ಪತ್ರೆದ ಸಹಕಾರೊಡು ಕಟೀಲು ದುರ್ಗಾ ಸಂಜೀವಿನಿ ಆಸ್ಪತ್ರೆದ ಆಡಳಿತ ನಿರ್ದೇಶಕೆರ್ ಡಾ. ಶಿವಾನಂದ ಪ್ರಭು ನೇತೃತ್ವಡ್ ನಡತಿನ ಉಚಿತ ಆರೋಗ್ಯ ವೈದ್ಯಕೀಯ ತಪಾಸಣಾ ಶಿಬಿರಡ್ 5 ಜನ ಪೊಂಜೊವುಲೆಗ್ ಉಚಿತ ಹೊಲಿಗೆ ಯಂತ್ರ ಹಸ್ತಾಂತರ ಮಲ್ತ್‌ದ್ ಪಾತೆರಿಯೆರ್.
ಶಿಬಿರನ್ ದ.ಕ.ಜಿಲ್ಲೆದ ಸಹಕಾರ ಸಂಘದ ಉಪ ನಿಬಂಧಕೆರ್ ಎಚ್. ಎನ್ ರಮೇಶ್ ಉದಿಪನ ಮಲ್ತ್‌ದ್, ಪ್ರಿಯದರ್ಶಿನಿ ಸೊಸೈಟಿ ತನ್ನ ವ್ಯವಹಾರದ ಒಟ್ಟುಗೆ ಸಮಾಜಮುಖಿ ಬೇಲೆ ಮಲ್ಪುನವು ಬೇತೆಕ್ಲೆಗ್ ಮಾದರಿ ಆದುಂಡು. ಅವು ನಿರಂತರವಾದ್ ನಡಪಡ್ ಪಂದ್ ಪಂಡೆರ್.
ಮಲ್ಲ ಬಿನ್ನೆರಾದ್ ಹೋಟೆಲ್ ವುಡ್ ಸೈಡ್ ಮಹಾಪ್ರಬಂಧಕೆರ್ ಎಚ್. ಭಾಸ್ಕರ್ ಸಾಲ್ಯಾನ್,ತಾ ಪಂ ಮಾಜೀ ಸದಸ್ಯೆರ್ ಮನ್ಸೂರ್ ಸಾಗ್ ,ಮುಲ್ಕಿ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷೆರ್ ಮೋಹನ್ ಕೋಟ್ಯಾನ್, ಮುಲ್ಕಿ ನ ಪಂ ಮಾಜಿ ಉಪಾಧ್ಯಕ್ಷೆ ರಾಧಿಕ ಕೋಟ್ಯಾನ್ ,ಹಳೆಯಂಗಡಿ ಪ್ರಿಯದರ್ಶಿನಿ ಕೋಆಪರೇಟಿವ್ ಸೊಸೈಟಿ ಅಧ್ಯಕ್ಷೆರ್ ವಸಂತ್ ಬೆರ್ನಾಡ್,ಉಪಾಧ್ಯಕ್ಷೆರ್ ವಿಜಯ ಕುಮಾರ್ ಸನಿಲ್ , ನಿರ್ದೇಶಕೆರಾಯಿನ ಉಮಾನಾಥ ಜೆ ಶೆಟ್ಟಿಗಾರ್,ಧನಂಜಯ ಮಟ್ಟು, ಗೌತಮ್ ಜೈನ್, ಗಣೇಶ್ ಪ್ರಸಾದ್ ದೇವಾಡಿಗ, ಜೈ ಕೃಷ್ಣ ಕೋಟ್ಯಾನ್, ಡಾ. ಶೆರಿಲ್ ಅಯೋನ, ರೇಖಾ ಶೆಟ್ಟಿ,ಹರೀಶ್ ಎನ್ ಪುತ್ರನ್, ನವೀನ್ ಸಾಲ್ಯಾನ್ ಪಂಜ, ಮೋಹನ್ ದಾಸ್, ಅನಿಲ್ ಪೂಜಾರಿ ಸಸಿಹಿತ್ಲು, ರಜಿಯಾ ಭಾನು, ಕರಿಯ ಕಾಡಿಗ ಮೊಕುಲು ಮಾತ ಇತ್ತೆರ್.
ವೇದಿಕೆಡ್ ತಜ್ಞ ವೈದ್ಯೆರಾಯಿನ
ಡಾ. ನಿತ್ಯಾನಂದ ಚೌಟ, ಡಾ. ಸುಧೀಂದ್ರ ಕಾರ್ನಾಡ್ ,ಡಾ ಕೀರ್ತನ್ ರಾವ್. ಡಾ. ಉಣ್ಣಿ ಕೃಷ್ಣನ್ ನೈನಾ‌ರ್, ಡಾ. ಸಂಗೀತ ಭಟ್ ಬೊಕ್ಕ ವಿವಿಧ ಸಂಘ ಸಂಸ್ಥೆಲೆನ ಪದಾಧಿಕಾರಿಲು ಇತ್ತೆರ್.
ಕಟೀಲು ದುರ್ಗಾ ಸಂಜೀವಿನಿ ಆಸ್ಪತ್ರೆದ ವೈದ್ಯಕೀಯ ಶಿಬಿರದ ಪ್ರಬಂಧಕೆರ್ ನಿತೇಶ್ ಶೆಟ್ಟಿ ಎಕ್ಕಾರು ಮಾಹಿತಿ ಕೊರಿಯೆರ್. ಸ್ವಸಹಾಯ ಸಂಘದ ಪ್ರೇರಕಿ ನೀತು ನಿರಂಜಲ ಪ್ರಾರ್ಥನೆ ಮಲ್ತೆರ್.
ಸೊಸೈಟಿ ಅಧ್ಯಕ್ಷೆರ್ ವಸಂತ್ ಬೆರ್ನಾಡ್ ಸ್ವಾಗತ ಮಲ್ತೆರ್. ಸೊಸೈಟಿದ ಕಾರ್ಯನಿರ್ವಹಣಾಧಿಕಾರಿ ಸುದರ್ಶನ್ ಸೊಲ್ಮೆ ಸಂದಾಯೆರ್. ಶಾಖಾ ಪ್ರಬಂಧಕೆರಾಯಿನ ಅಭೀಷ್ಟ ಜೈನ್ ಬೊಕ್ಕ ಪ್ರಜ್ಞಶ್ರೀ ಕಾರ್ಯಕ್ರಮ ನಿರೂಪಣೆ ಮಲ್ತೆರ್.

ಸದ್ಯೊಡೇ 5 ನೇ ಶಾಖೆ
ಲೇಸ್‌ದ ಗುರ್ಕಾರ್ಮೆ ವಹಿಸ್‌ದಿತ್ತಿನ ಹಳೆಯಂಗಡಿ
ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿದ ಅಧ್ಯಕ್ಷೆರ್ ಎಚ್ ವಸಂತ್ ಬೆರ್ನಾರ್ಡ್ ಪಾತೆರ್ದ್, ಕೊರೊನಾ ಸಂಕಷ್ಟ ಕಾಲೊರ್ದು ಬೊಕ್ಕ ಮಲ್ಲ ಸವಾಲ್‌ದ ನಡುಟ್ಟು ಉದಿಪನ ಆಯಿನ ಪ್ರಿಯದರ್ಶಿನಿ ಸೊಸೈಟಿ, ಈ ಸಾರ್ಥಕ 5 ವರ್ಷಡ್ ಸಾಧನೆ ಮಲ್ತ್‌ದ್ 4 ಶಾಖೆ ಮಲ್ತ್‌ದ್,ಎಡ್ಡೆ ಲಾಭೊಡು ನೆತ್‌ದ್, ಪ್ರಸಕ್ತ ವರ್ಷೊಡು 5ನೇ ಶಾಖೆ ಉದಿಪನ ಮಲ್ಪರೆ ತಯಾರಾತ್ಂಡ್ ಪಂದ್ ಪಂಡೆರ್.
ವೈದ್ಯಕೀಯ ಶಿಬಿರ
5ನೇ ವರ್ಷದ ಸಂಭ್ರಮಾಚರಣೆದ ಉಚಿತ ವೈದ್ಯಕೀಯ ಶಿಬಿರಡ್ ಸಾಮಾನ್ಯ ತಪಾಸಣೆ, ಕಣ್ಣ್ ಪರೀಕ್ಷೆ,
ಇಸಿಜಿ, ಶುಗರ್, ಬಿ ಪಿ ಪರೀಕ್ಷೆ, ಕನ್ನಡಕ ವಿತರಣೆ, ಕೂಲಿದ ತಪಾಸಣೆ ನಡತ್ಂಡ್. ಸುಮಾರ್ 300ರ್ದ್‌ಲ ಎಚ್ಚ ಜನ ಶಿಬಿರದ ಪ್ರಯೋಜನ ಪಡೆಯೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಮುಲ್ಕಿ ರಪಕ್ಕ ಸುದ್ದಿ Flash News ವಿದ್ಯೆಗ್ ಸಂಬಂದ ಪಟ್ಟಿನ ಮಾಹಿತಿ | Education Information

ಮುಲ್ಕಿ ವಿಜಯಾ ಕಾಲೇಜಿಡ್ ಕಾಮರ್ಸ್ ಬ್ಯಾಚ್ 1994-97 ವತಿರ್ದ್ ಪ್ರತಿಭಾವಂತ ವಿದ್ಯಾರ್ಥಿಲೆಗ್ ಸನ್ಮಾನ

May 19, 2026

ಮುಲ್ಕಿ : ವಿಜಯಾ ಕಾಲೇಜ್ ಮುಲ್ಕಿ ಬಿ.ಕಾಮ್ 1994-97 ಬ್ಯಾಚ್‌ದಕುಲು ಎಸ್ಸೆಸ್ಸೆಲ್ಸಿ ಬೊಕ್ಕ ಪಿಯುಸಿ ಪರೀಕ್ಷೆಡ್ ಎಡ್ಡೆ ಮಾರ್ಕ್ಸ್ ಪಡೆತಿನ ವಿದ್ಯಾರ್ಥಿಲೆಗ್ ಸನ್ಮಾನ ಮಲ್ತೆರ್.
ವೇದಿಕೆಡ್ ಮಲ್ಲ ಬಿನ್ನೆರಾದ್ ವಿಜಯಾ ಕಾಲೇಜ್ ಪ್ರಿನ್ಸಿಪಾಲ್ ಪ್ರೊ.ವೆಂಕಟೇಶ್ ಭಟ್, ಪಿಯು ಕಾಲೇಜ್ ಪ್ರಿನ್ಸಿಪಾಲ್ ಪ್ರೊ. ಅರುಣ್ ಕುಮಾರ್ ಬಿ., ಬೆದ್ರ ಶ್ರೀ ಮಹಾವೀರ ಕಾಲೇಜಿದ ಪ್ರೊ.ಹರೀಶ್, ಬ್ಯಾಚ್‌ದ ಕಾರ್ಯದರ್ಶಿ ರೋಹಿತಾಕ್ಷ ದೇವಾಡಿಗ ಪಾಲ್ ಪಡೆದಿತ್ತೆರ್.
ಬಿಕಾಮ್ ಬ್ಯಾಚ್‌ದ ಅಧ್ಯಕ್ಷೆರ್ ಅನಿಲ್ ಶೆಟ್ಟಿ ಅಧ್ಯಕ್ಷತೆ ವಹಿಸ್‌ದಿತ್ತೆರ್.
ಸುಮಂಗಳ ಶೆಟ್ಟಿ ಪ್ರಾರ್ತನೆ ಮಲ್ತೆರ್. ವಿಶ್ವಜಿತ್ ಕೋಟ್ಯಾನ್ ಸ್ವಾಗತ ಮಲ್ತ್‌ದ್ ಸೊಲ್ಮೆ ಸಂದಾಯೆರ್. ಸುಜಾತಾ ಪಿ.ಬಿ. ಸನ್ಮಾನಿತೆರ್‌ನ ಪರಿಚಯ ಮಲ್ತೆರ್. ಮನೋಹರ್ ನಿರೂಪಣೆ ಮಲ್ತೆರ್.
ಸನ್ಮಾನಿತೆರ್
ಲೇಸ್‌ದ ವಿಶೇಷ ದಾದ ಪಂಡ ಮುಲ್ಕಿ ವಿಜಯಾ ಕಾಲೇಜಿಡ್ ಕಾಮರ್ಸ್ ವಿಭಾಗೊಡು 94-97 ಬ್ಯಾಚ್‌ಡ್ ಕಲ್ದಿನಕ್ಲೆನ ಜೋಕುಲೆಗ್ ಇನಿ ಸನ್ಮಾನ ಮಲ್ತೆರ್. ದೇವಾಂಶು ಕೋಟ್ಯಾನ್, ಪ್ರಣವಿ, ಪ್ರತೀಕ್ಷಾ ಸುವರ್ಣ,ಪ್ರಜ್ಞಾ ದೇವಾಡಿಗ,ರಾಜ್‌ವೀರ್ ಆಚಾರ್ಯ,ವಂಶ್ ಕೋಟ್ಯಾನ್, ಪ್ರೇಕ್ಷಾ ಪೂಜಾರಿ, ಭ್ರಿತಿ ಕರ್ಕೇರ, ಮನಸ್ವಿ, ಸುಹಾ ಫಾತಿಮಾ ಇಬ್ರಾಹಿಂ,ಇಶಾನ್ ಮೊಹಮ್ಮದ್ ಮೊಕುಲು ಸನ್ಮಾನ ಸ್ವೀಕಾರ ಮಲ್ತೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

‘ಗಜಾನನ ಕ್ರಿಕೆಟರ್ಸ್’ ತುಳು ಸಿನಿಮಾ ಮೇ 22 ಕ್ಕ್ ಬಿಡುಗಡೆ

May 18, 2026

ಕುಡ್ಲ : ಪ್ರಜ್ವಲ್ ಫಿಲಂಸ್ ಲಾಂಛನಡ್ ತಯಾರಾಯಿನ ಪ್ರಜ್ವಲ್ ಶೆಟ್ಟಿ ನಿರ್ಮಾಣದ, ಕೀರ್ತನ್ ಭಂಡಾರಿ ನಿರ್ದೇಶನದ `ಗಜಾನನ ಕ್ರಿಕೆಟರ್ಸ್ (ಜಂತೊಟ್ಟು ಸಿನ್ಸ್ 1983)’
ತುಳು ಚಲನಚಿತ್ರ ಮೇ 22 ಕ್ಕ್ ಕರಾವಳಿ ಜಿಲ್ಲೆಡ್ ಬಿಡುಗಡೆ ಆವರೆ ಉಂಡು .
ಕುಡ್ಲ, ತೊರ್ತಾಲ್, ಪಡ್ಡೆದ್ರ, ಒಡಿಪು, ಕುಂದಾಪುರ, ಮಣಿಪಾಲ ಕಾರ್ಲ, ಪುತ್ತೂರು, ಬೆಳ್ತಂಗಡಿ, ದೇರಳಕಟ್ಟೆ ಇಂಚಿನ ಕಡೆಟ್ ಸಿನಿಮಾ ಬಿಡುಗಡೆ ಆಪುಂಡು ಪಂದ್ ನಟೆ, ನಿರ್ಮಾಪಕೆ ಪ್ರಜ್ವಲ್ ಶೆಟ್ಟಿ ಪತ್ರಿಕಾಗೋಷ್ಠಿಡ್ ತೆರಿಪಾಯೆರ್.
ಉಂದು ತುಳು ಭಾಷೆದ ಮಲ್ಲ ಬಜೆಟ್ ಚಿತ್ರ ಆದ್, ಕ್ರಿಕೆಟ್ ಬೊಕ್ಕ ಆಟಗಾರೆರೆ್ನ ಬದ್‌ಕ್‌ದ ಹಿನ್ನಲೆದ ಕತೆ ಉಂಡು. ಚಿತ್ರದಲ್ಲಿ ಹಾಸ್ಯ, ಪ್ರೇಮಪೂರಿತ ಭಾವನೆಗಳು ಬೊಕ್ಕ ಸಮಾಜಮುಖಿ ಸಂದೇಶದ ಗಟ್ಟಿ ಕತೆ ಉಂಡು.
ಕೀರ್ತನ್ ಭಂಡಾರಿ ಕಥೆ, ಚಿತ್ರಕಥೆ ಬರೆದ್ ಸುರುತ್ತ ಸರ್ತಿ ನಿರ್ದೇಶನಗ್ ಜೈದೆರ್. ಮಂಗಳೂರು ಬೊಕ್ಕ ಸುತ್ತಮುತ್ತ ಪ್ರದೇಶಡ್ ಚಿತ್ರೀಕರಣ ನಡೆದ್ಂಡ್. ಈ ಸಿನಿಮಾಡ್ ನಿರ್ಮಾಪಕೆರಾಯಿನ ಪ್ರಜ್ವಲ್ ಶೆಟ್ಟಿ ಪ್ರಮುಖ ಪಾತ್ರದಲ್ಲಿ ನಟನೆ ಮಲ್ದೆರ್. ತಾರಾಗಣಡ್ ವಿನೀತ್ ಕುಮಾರ್, ನವೀನ್ ಡಿ. ಪಡೀಲ್, ಅರವಿಂದ ಬೋಳಾರ್, ಭೋಜರಾಜ್ ವಾಮಂಜೂರು, ದೀಪಕ್ ರೈ ಪಾಣಾಜೆ, ಪ್ರಕಾಶ್ ತುಮಿನಾಡು, ಉಮೇಶ್ ಮಿಜಾರು, ಅನ್ವಿತಾ ಸಾಗರ್, ಸಮತಾ ಅಮೀನ್, ಸರ್ವೋತ್ತಮ ಶೆಟ್ಟಿ ಅಬುದಾಭಿ, ವಾಲ್ಟರ್ ನಂದಳಿಕೆ, ಪ್ರಸನ್ನ ಶೆಟ್ಟಿ ಬೈಲೂರು, ಸಂದೀಪ್ ಶೆಟ್ಟಿ ಮಾಣಿಬೆಟ್ಟು, ಪುಷ್ಪರಾಜ್ ಬೊಳ್ಳಾರು, ರೂಪ ವರ್ಕಾಡಿ, ಲಂಚುಲಾಲ್, ಸಚಿನ್ ಮಾಡ, ಜೇಮ್ಸ್ ಮೆಂಡೋನ್ಸಾ, ಕರಣ್ ಪೂಜಾರಿ ಸೇರ್ದ್ ಮಸ್ತ್ ಕಲಾವಿದೆರ್ ಅಭಿನಯ ಮಲ್ದೆರ್.ವಿನುತ್ ಕೆ. ಸುವರ್ಣ ಮೆರೆನ ಛಾಯಾಗ್ರಹಣ, ಸುಜಯ್ ಶಿವರಾಮ್ ಬೊಕ್ಕ ಕೌಶಿಕ್ ಭಂಡಾರಿ ಮೆರೆನ ಸಂಕಲನ ಉಂಡು.
ಗೀತಾ ಸಾಹಿತ್ಯನ್ ಕೀರ್ತನ್ ಭಂಡಾರಿ, ಸೃಜನ್ ಮಾನವ್, ಶ್ರೀನಿಧಿ ಶೆಟ್ಟಿ ಬರೆತೆರ್.
ಸಹ ನಿರ್ಮಾಪಕೆರಾದ್ ರೋಹನ್ ಪಿರೇರ ವಾಮಂಜೂರು ಬೊಕ್ಕ ಸಂತೋಷ್ ಲಾಡ್ ಸಹಕಾರ ಕೊರ್ತೆರ್. ಸಂಗೀತ ಸೃಜನ್ ಕುಮಾರ್ ತೋನ್ಸೆ ಕೊರ್ತೆರ್.
ಪತ್ರಿಕಾಗೋಷ್ಠಿಡ್ ನಟ ವಿನೀತ್ ಕುಮಾರ್, ಸಮತಾ ಅಮೀನ್ ಪ್ರಸನ್ನ ಶೆಟ್ಟಿ ಬೈಲೂರು, ಸಂದೀಪ್ ಶೆಟ್ಟಿ ಮಾಣಿಬೆಟ್ಟು, ಸಹ ನಿರ್ಮಾಪಕೆರಾಯಿನ ರೋಹನ್ ಪಿರೇರಾ ವಾಮಂಜೂರು, ಸಂತೋಷ್ ಲಾಡ್, ಸುರೇಶ್ ರಾವ್ ಕೊಕ್ಕಡ ಮೊಕುಲು ಮಾತ ಇತ್ತೆರ್.

ಕಂಡೇವುದ ಮೀನ್ ಪತ್ತುನ ಜಾತ್ರೆ ಬಂದ್, ಸಾರ್ವಜನಿಕೆರೆರ್ದ್ ಪ್ರತಿಭಟನೆ

May 15, 2026

ಸುರತ್ಕಲ್: ಇತಿಹಾಸ ಪ್ರಸಿದ್ಧ ಕ್ಷೇತ್ರ ಕಂಡೆವುದ ನಂದಿನಿ ತುದೆಕ್ಕ್ ಕುರೆ ನೀರ್ ಬುಡ್ತಿನೆರ್ದಾವರ ತುದೆಟ್ಟ್ ಮೀನ್ ಸಂತೆಸಿ ಕೊಡಿಪಂದೆ ಸಾಂಪ್ರದಾಯಿಕ ಮೀನ್ ಪತ್ತುನ ಜಾತ್ರೆ ಉಂತುದು ಪೋಯಿನ ಹಿನ್ನೆಲೆಡ್ ನಂದಿನಿ ನದಿ ಹೋರಾಟ ಸಮಿತಿ ಬೊಕ್ಕ ಸಾರ್ವಜನಿಕೆರೆರ್ದ್ ಶುಕ್ರವಾರ ಹಾಠಾತ್ ಪ್ರತಿಭಟನೆ ನಡತ್ಂಡ್.
ತುಳುನಾಡ್‌ದ ಐತಿಹಾಸಿಕ ಅಕೇರಿದ ಆಲಡೆ, ಕಂಡೇವುದ ಶ್ರೀ ಧರ್ಮರಸು ಉಳ್ಳಾಯ ಬೊಕ್ಕ ಪರಿವಾರ ಶಕ್ತಿಲೆನ ಸಾನ್ನಿದ್ಯೊಡು ಪ್ರತಿವರ್ಷ ನಡಪುನ ಜಾತ್ರೆದ ವಿಶೇಷ ಆಚರಣೆ ಆಯಿನ ಮೀನ್ ಪತ್ತುನ ಜಾತ್ರೆಗ್ ಅಡ್ಡಿ ಆಯಿನ ಹಿನ್ನೆಲೆಡ್ ಹಠಾತ್ ಪ್ರತಿಭಟನೆ ನಡತ್ಂಡ್.
ಕಂಡೇವುದ ತುದೆಕ್ಕ್ ಮುಂಚೂರು ವೆಟ್ ವೆಲ್ ಕೈತಲ್ದ ಚರಂಡಿ ನೀರ್, ಕೊಡಿಪಾಡಿದ ತ್ಯಾಜ್ಯ ಸಂಸ್ಕರಣಾ ಘಟಕದ ನೀರ್, ಚೊಕ್ಕಬೆಟ್ಟು ಪರಿಸರದ ಇಲ್ಲದಕ್ಲೆನ ಕುರೆ ನೀರ್, ಮುಕ್ಕದ ಖಾಸಗಿ ಅಸ್ಪತ್ರೆ, ಕಾಲೇಜು, ವಸತಿ ಗೃಹ ಬೊಕ್ಕ ಹೋಟೇಲ್‌ದ ವಿಷಕಾರಿ ನೀರ್‌ನ್ ಬುಡ್ಪಿನೆರ್ದಾವರ ನಂದಿನಿ ತುದೆ ಸಂಪೂರ್ಣ ಕಲುಷಿತ ಆತ್ಂಡ್.ಉಂದೆರ್ದಾವರ ಚೇಳಾಯಿರು ಕಂಡೇವು ಭಾಗದ ಕೃಷಿಕೆರೆಗ್ ಕೃಷಿ ಮಲ್ಪರೆ ಆವಂದಿನ ಪರಿಸ್ಥಿತಿ ಬೈದ್ಂಡ್.ಪರ್ಪಿನ ನೀರ್‌ಗ್‌ಲ ಸಮಸ್ಯೆ ಆದ್ ಗುವೆಲ್ ಪೂರ ಮಲಿನ ಆತ್ಂಡ್. ಅಂಚೆನೆ ಇತಿಹಾಸ ಪ್ರಸಿದ್ಧ ಕಂಡೇವುದ ಮೀನ್ ಪತ್ತುನ ಜಾತ್ರೆಗ್ ಜನ ದಾಂತೆ ಉಂತಿನೆರ್ದಾವರ ಪ್ರತಿಭಟನಾಕಾರೆರ್ ಜಿಲ್ಲಾಡಳಿತ, ಜನಪ್ರತಿನಿಧಿನಕ್ಲೆಗ್ ಧಿಕ್ಕಾರ ಪಾಡಿಯೆರ್.
ನಂದಿನಿ ಹೋರಾಟ ಸಮಿತಿ ಪ್ರಮುಖೆರಾಯಿನ ದಿವಾಕರ ಸಾಮಾನಿ, ಸುಕೇಶ್ ಶೆಟ್ಟಿ ಖಂಡಿಗೆ, ಚೇಳಾರ್ ಗ್ರಾಮ ಮಾಜಿ ಪಂಚಾಯತ್ ಅಧ್ಯಕ್ಷೆರ್ ಜಯಾನಂದ, ಮುಖಂಡೆರಾಯಿನ ಕಿರಣ್ ಶೆಟ್ಟಿ ಕೆರೆಮನೆ, ನಂದಿನಿ ನದಿ ಹೋರಾಟ ಸಮಿತಿದ ನಿತಿನ್ ಶೆಟ್ಟಿ ಖಂಡಿಗೆ ಪಾತೆರ್ದ್, ನನ ಆಜಿ ತಿಂಗೊಲ್ದ ಉಲಯಿ ಈ ಸಮಸ್ಯೆಗ್ ಪರಿಹಾರ ತಿಕಿಜಿಡ ಮತದಾನ ಬಹಿಷ್ಕಾರ ಅಂಚೆನೆ ಉಗ್ರ ಹೋರಾಟ ಮಲ್ಪುವ ಪಂದ್ ಪಂಡೆರ್. ಚೇಳಾರ್ ಗ್ರಾಮ ಪಂಚಾಯತ್ ಮಾಜಿ ಅಧ್ಯಕ್ಷೆರ್ ಪುಷ್ಪರಾಜ್ ಶೆಟ್ಟಿ,ಮಾಜಿ ಸದಸ್ಯೆರ್ ವಿನಯಕುಮಾರ್ ಶೆಟ್ಟಿ, ಗಂಗಾಧರ ಪೂಜಾರಿ ಚೇಳಾಯಿರು ಕಾಲನಿ ಮೊಕುಲು ಮಾತ ಇತ್ತೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಎಂಸಿಸಿ ಬ್ಯಾಂಕ್‌ಡ್ 114ನೇ ಸಂಸ್ಥಾಪಕೆರ್‌ನ ದಿನಾಚರಣೆ

May 12, 2026

ಕುಡ್ಲ : ಎಂಸಿಸಿ ಬ್ಯಾಂಕ್ ಲಿ. ತನ್ನ 114ನೇ ವರ್ಷದ ಸಂಸ್ಥಾಪಕರ ದಿನಾಚರಣೆನ್ ಆಡಳಿತ ಕಚೇರಿ ಆವರಣಡ್ ಗೌಜಿಡ್ ಆಚರಣೆ ಮಲ್ತ್ಂಡ್. ಕಾರ್ಯಕ್ರಮಡ್ ಬ್ಯಾಂಕ್‌ದ ಸಂಸ್ಥಾಪಕೆರ್ ದಿ. ಪಿ.ಎಫ್.ಎಕ್ಸ್. ಸಲ್ದಾನ್ಹ ಮೆರೆನ ದೂರದೃಷ್ಟಿದ ಸೇವೆನ್ ನೆಂಪು ಮಲ್ತೆರ್. ಸಹಕಾರಿ ಕ್ಷೇತ್ರಡ್ ಬ್ಯಾಂಕ್ ಮಲ್ದಿನ ಸಾಧನೆನ್ ನಿರಂತರ ಪ್ರಗತಿ ಬೊಕ್ಕ ಸ್ಥೈರ್ಯನ್ ಗೌರವ ಮಲ್ತೆರ್.
ಕಾರ್ಯಕ್ರಮದ ಅಧ್ಯಕ್ಷತೆನ್ “ಸಹಕಾರ ರತ್ನ ” ಅನಿಲ್ ಲೋಬೊ ವಹಿಸ್‌ದಿತ್ತೆರ್. ಸೇಂಟ್ ಅಲೋಶಿಯಸ್ (ಡೀಮ್ಡ್ ಟು ಬಿ ಯುನಿವರ್ಸಿಟಿ), ಮಂಗಳೂರು ನೆತ್ತ ಉಪಕುಲಪತಿ ರೆವ್. ಡಾ. ಪ್ರವೀಣ್ ಮಾರ್ಟಿಸ್ SJ, ಕರ್ಣಾಟಕ ಬ್ಯಾಂಕ್ ಮಾಜಿ ಮಹಾಪ್ರಬಂಧಕೆರ್ ಬೊಕ್ಕ ಮುಖ್ಯ ಅನುಸರಣಾಧಿಕಾರಿ ಡಾ| ಮೀರಾ ಅರಾನ್ಹಾ, ಮಂಗಳೂರು ಧರ್ಮಪ್ರಾಂತ್ಯದ ಸಾರ್ವಜನಿಕ ಸಂಪರ್ಕಾಧಿಕಾರಿ , ರಚನಾ ಚೇಂಬರ್ ಆಫ್ ಕಾಮರ್ಸ್ ಅಂಡ್ ಇಂಡಸ್ಟ್ರಿದ ಅಧ್ಯಕ್ಷೆರ್ ರಾಯ್ ಕ್ಯಾಸ್ಟೆಲಿನೋ, ಕೆನರಾ ಚೇಂಬರ್ ಆಫ್ ಕಾಮರ್ಸ್ ಅಂಡ್ ಇಂಡಸ್ಟ್ರಿಯ ಮಾಜಿ ಅಧ್ಯಕ್ಷೆರ್ ಐಸಾಕ್ ವಾಸ್ ಮಲ್ಲ ಬಿನ್ನೆರಾದ್ ಪಾಲ್ ಪಡೆದಿತ್ತೆರ್. ಬ್ಯಾಂಕ್‌ದ ಮಹಾಪ್ರಬಂಧಕೆರಾಯಿನ ಸುನಿಲ್ ಮಿನೇಜಸ್ ವೇದಿಕೆಡ್ ಇತ್ತೆರ್.
ಕಾರ್ಯಕ್ರಮಡ್ ಗಣ್ಯೆರ್ ಬೊಕ್ಕ ಸಂಸ್ಥಾಪಕೆರೆನ ಕುಟುಂಬ ಸದಸ್ಯೆರ್ ದಿ. ಪಿ.ಎಫ್.ಎಕ್ಸ್. ಸಾಲ್ದಾನ್ಹ ಮೆರೆನ ಭಾವಚಿತ್ರಗ್ ಪುಷ್ಪ್ಪನಮನ ಸಲ್ಲಿಸಿ ಗೌರವ ಸಂದಾಯೆರ್. ಅಧ್ಯಕ್ಷೆರ್ ಅನಿಲ್ ಲೋಬೊ ಪಾತೆರ್ದ್, ಬ್ಯಾಂಕ್‌ದ ಒಟ್ಟು ವ್ಯವಹಾರ ರೂ.500 ಕೋಟಿರ್ದ್ ರೂ.1,525 ಕೋಟಿಗೆ ಏರಿಕೆಯಾತ್ಂಡ್. ರೂ.13 ಕೋಟಿ ಲಾಭ ಮಲ್ದ್ಂಡ್. ಪ್ರಸ್ತುತ ಉಪ್ಪುನ 21 ಶಾಖೆಲೆನ್ 25ಕ್ಕ್ ವಿಸ್ತರಣೆ ಮಲ್ಪುನ ಯೋಜನೆ ಉಂಡು ಪಂದ್ ಪಂಡೆರ್. ಈ
ಕಾರ್ಯಕ್ರಮಡ್ ಅರ್ಹತೆ ಪಡೆಯಿನ ಚಾರ್ಟರ್ಡ್ ಅಕೌಂಟೆಂಟ್ ಸಿಎ ಮ್ಯೂರಿಯಲ್ ಮಸ್ಕರೇನ್ಹಾಸ್ ಬೊಕ್ಕ ಸಿಎ ಜಾಯ್ಸ್ಟನ್ ಡಿಸೋಜಾ ಮೊಕ್ಲೆನ್ ಸನ್ಮಾನ ಮಲ್ತೆರ್. ಕೇಂದ್ರ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ಪುರಸ್ಕೃತ ಹೆನ್ರಿ ಮೆಂಡೋನ್ಕಾ (ಎಚ್.ಎಂ. ಪೆರ್ನಾಲ್), ಕಿತ್ತೂರು ರಾಣಿ ಚೆನ್ನಮ್ಮ ಪ್ರಶಸ್ತಿ ಪುರಸ್ಕೃತೆ ರಿಶೆಲ್ ಫೆರ್ನಾಂಡಿಸ್ ಬೊಕ್ಕ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತೆರ್ ಡಾ| ಜೋಸೆಫ್ ಲೋಬೊ, ಝೇವಿಯರ್ ಡಿಸೋಜಾ ಬೊಕ್ಕ ಪ್ರೇಮ್ ಜೆ. ಮೊರಾಸ್ ಮೊಕ್ಲೆಗ್ ಮಾನಾದಿಗೆ ಮಲ್ತೆರ್.
ನಿರ್ದೇಶಕೆರಾಯಿನ ರೋಶನ್ ಡಿಸೋಜಾ, ಅನಿಲ್ ಪತ್ರಾವೊ, ಬನ್ನು ಫೆರ್ನಾಂಡಿಸ್, ವಾಸ್ತುಶಿಲ್ಪಿ ದೀಪಕ್ ಡಿಸೋಜಾ ಮೊಕ್ಲೆಗ್ಲ ಸನ್ಮಾನ ಮಲ್ತೆರ್ ಮಹಾಪ್ರಬಂಧಕೆರ್ ಸುನಿಲ್ ಮೆನೆಜಸ್ ವಂದನಾರ್ಪಣೆ ಸಂದಾಯೆರ್. ಜೇಸನ್ ಶಿರ್ತಾಡಿ ನಿರೂಪಣೆ ಮಲ್ತೆರ್.
ಕಾರ್ಯಕ್ರಮಡ್ ನಿರ್ದೇಶಕೆರಾಯಿನ ಆಂಡ್ರೂ ಡಿಸೋಜಾ, ಹೆರಾಲ್ಡ್ ಮೊಂತೋರೊ, ಅನಿಲ್ ಪತ್ರಾವೊ, ಡೇವಿಡ್ ಡಿಸೋಜಾ, ಜೆ.ಪಿ. ರೋಡ್ರಿಗಸ್, ರೋಶನ್ ಡಿಸೋಜಾ, ಮೆಲ್ವಿನ್ ವಾಸ್, ವಿನ್ಸೆಂಟ್ ಲಸ್ರಾದೊ, ಸುಶಾಂತ್ ಸಾಲ್ದಾನ್ಹಾ, ಐರಿನ್ ರೆಬೆಲ್ಲೊ, ಆಲ್ವಿನ್ ಪಿ. ಮೊಂತೇರೊ, ಫೆಲಿಕ್ಸ್ ಡಿಕ್ರೂಜ್, ಡಾ| ಜೆರಾಲ್ಡ್ ಪಿಂಟೊ ಬೊಕ್ಕ ಸಿ.ಜಿ. ಪಿಂಟೊ ಮೊಕುಲು ಮಾತ ಇತ್ತೆರ್.

Religious & Cultural News ಮಾತ ಧರ್ಮದ ಸುದ್ದಿ ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News

ಮೇ.15,16: ಚೇಳಾಯರ್ ಖಂಡಿಗೆ ಧರ್ಮರಸು ಶ್ರೀ ಉಳ್ಳಾಯ ದೈವಸ್ಥಾನಡ್ ಕಂಡೇವುದ ಆಯನ ವರ್ಷೊದ ಜಾತ್ರೆ

May 6, 2026

ಚೇಳಾಯರ್ ಖಂಡಿಗೆ ಧರ್ಮರಸು ಶ್ರೀ ಉಳ್ಳಾಯ ದೈವಸ್ಥಾನಡ್ ಕಂಡೇವುದ ಆಯನ ವರ್ಷೊದ ಜಾತ್ರೆ ಮೇ.15 ಬೊಕ್ಕ 16ಕ್ಕ್ ನಡಪರೆ ಉಂಡು.

ಮೇ.15 ಸುಕ್ರಾರ ಬೊಲ್ಪುಗು ಮೀನ್ ಪತ್ತಿಯೆರೆ ಉಂಡು. ಬೊಕ್ಕ ಮೂಲಸ್ಥಾನಡ್ ಶುದ್ಧಕಲಶ, ಗಣಹೋಮ, ಸಂಕ್ರಾಂತಿ ಪೂಜೆ, ಮಧ್ಯಾಹ್ನ ಅನ್ನಸಂತರ್ಪಣೆ ರಾತ್ರೆ ಅನ್ನಸಂತರ್ಪಣೆ, ಬ್ರಹ್ಮಸ್ಥಾನಡ್ ಬ್ರಹ್ಮೆರೆಗ್ ತಂಬಿಲ, ಕುಮಾರ ಸಿರಿಲೆನ ದರ್ಶನ, ಧರ್ಮರಸು ಶ್ರೀ ಉಳ್ಳಾಯ ಬೊಕ್ಕ ಪರಿವಾರ ದೈವೊಲೆನ ಭಂಡಾರ ಮೂಲಸ್ಥಾನಗ್ ಪೋಪುಂಡು. ಬೆಡಿಮಾರ್ದ್ ಪ್ರದರ್ಶನ ಆದ್ ಕೊಡಿ ಏರುಂಡು. ಬೊಕ್ಕ ಪಾಂಚಜನ್ಯ ಆಟ ನಡಪುಂಡು.

ಮೇ.16 ಸನಿಯಾರ ಬೊಲ್ಪುಗು ಧರ್ಮರಸು ಶ್ರೀ ಉಳ್ಳಾಯ, ಇಷ್ಟದೇವತೆ, ಬಬ್ಬರ್ಯ ಬೊಕ್ಕ ಪರಿವಾರ ದೈವೊಲೆಗ್ ನೇಮೋಚ್ಚಯ ಆದ್ ನಂದಿಗೋಣ ಕುಮಾರ ಸಿರಿಲೆನ ಭೇಟಿ ಆಯೆರೆ ಉಂಡು. ಬೊಕ್ಕ ನಾಗದೇವೆರೆಗ್ ಭಕ್ತೆರೆರ್ದ್ ತಂಬಿಲ‌ ಸೇವೆ, ಬಯ್ಯಗ್ ಬಾಕಿಮಾರ್ ಕಂಡಡ್ ಚೆಂಡ್, ‌ಜಾರಂದಾಯ, ಬಂಟ, ಕೊಡಮಣಿತ್ತಾಯ ದೈವೊಲೆಗ್ ಜೋಡಿ ನೇಮೋಚ್ಚಯ, ಬಾಕಿಲ್ ದಾಂತಿ ಶ್ರೀ ಕೋರ್ದಬ್ಬು ದೈವಸ್ಥಾನದ ಕೋರ್ದಬ್ಬು ಬೊಕ್ಕ ಧೂಮಾವತಿ ದೈವೊದ ಭೇಟಿ, ರಾತ್ರೆ ಶ್ರೀ ಉಳ್ಳಾಯ ಬೊಕ್ಕ ಪರಿವಾರ ದೈವೊಲೆಗ್ ಸಾಮೂಹಿಕ ಪೂತ್ತ ಪೂಜೆ, ಸಾರ್ವಜನಿಕ ಅನ್ನಸಂತರ್ಪಣೆ, ಕೊಡಿ ಜಾವೆರೆ ಉಂಡು. ಬೊಕ್ಕ ಖಂಡಿಗೆ ಬೀಡಿಗೆ ಭಂಡಾರ ಪಿದಾಡುಂಡು. ಬೊಕ್ಕ ಎನ್ನಿಲೆಕ್ಕ ಇಜ್ಜೆರ್ ನಾಟಕ ನಡಪರೆ ಉಂಡು.

ಅಂಚೆನೆ ಮೇ.25 ಸೋಮಾರ ಕಲ್ಕುಡ ಬೊಕ್ಕ ಪರಿವಾರ ದೈವೊಲೆಗ್ ನೇಮೋಚ್ಚಯ ನಡಪರೆ ಉಂಡು.

ಈ ಲೇಸ್ ಡ್ ಮಾತೆರ್ಲಾ ಪಾಲ್ ಪಡೆವೊಡು ಪಂದ್ ದೈವಸ್ಥಾನದ ಅಧ್ಯಕ್ಷೆರ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News

ಮೇ 9-10: ಸುರತ್ಕಲ್‌‌ಡ್ ‘ಲೆಜೆಂಡ್ಸ್ ಕ್ರಿಕೆಟ್ ಲೀಗ್’ ಸೀಸನ್-5; ಹಿರಿಯೆರ್ನ ಕ್ರಿಕೆಟ್‌ದ ಗೊಬ್ಬು

May 6, 2026

ಕುಡ್ಲ : ಸುರತ್ಕಲ್ ಸ್ಪೋರ್ಟ್ಸ್ ಆ್ಯಂಡ್ ಕಲ್ಚರಲ್ ಕ್ಲಬ್ (ರಿ.) ಬೊಕ್ಕ ಸುರತ್ಕಲ್ ಸ್ಪೋರ್ಟ್ಸ್ ಆ್ಯಂಡ್ ಕಲ್ಚರಲ್ ಸೇವಾ ಟ್ರಸ್ಟ್ ಮೊಕ್ಲೆನ ಜಂಟಿ ಆಶ್ರಯಡ್ ರಾಜ್ಯ ಮಟ್ಟದ 45 ವರ್ಷ ಮಿತ್ತ್‌ದ ಆಟಗಾರೆರ್ನ ಕೂಟದ ‘ಓವರ್ ಆರ್ಮ್’ ಕ್ರಿಕೆಟ್ ಪಂದ್ಯಾಕೂಟ ʻಲೆಜೆಂಡ್ಸ್ ಕ್ರಿಕೆಟ್ ಲೀಗ್ (LCL) ಸೀಸನ್-5′ ಮೇ 9 ಬೊಕ್ಕ 10 ತಾರೀಕ್‌ಗ್ ಸುರತ್ಕಲ್‌ ಗೋವಿಂದ ದಾಸ್ ಕಾಲೇಜ್ ಮೈದಾನೊಡು ನಡಪರೆ ಉಂಡು ಪಂದ್ ಕಾರ್ಯದರ್ಶಿ ಕಿರಣ್ ಆಚಾರ್ಯ ತೆರಿಪಾಯೆರ್.
ಕುಡ್ಲದ ಪ್ರೆಸ್‌ಕ್ಲಬ್‌‌ಡ್ ನಡತಿನ ಸುದ್ದಿಗೋಷ್ಠಿಡ್ ಮಾಹಿತಿ ಕೊರ್ನ ಆರ್, ಕರಿನ ಐನ್ ವರ್ಷರ್ದಿಂಚಿ ಯಶಸ್ವಿಯಾದ್ ನಡತೊಂದು ಬೈದಿನ ಈ ಕ್ರೀಡಾಕೂಟ ಹಿರಿಯ ಕ್ರಿಕೆಟಿಗೆರೆನ್ ಒಟ್ಟು ಮಲ್ಪುನ ‘ಹಿರಿಯರ ಕ್ರಿಕೆಟ್ ಪರ್ಬವಾದ್’ ಮೂಡ್ದು ಬರ್ರೆ ಉಂಡು ಪಂದ್ ಪಂಡೆರ್.
ಪಂದ್ಯಾಕೂಟಡ್ ಗೆಂದಿನ ತಂಡದಕ್ಲೆಗ್ ಭರ್ಜರಿ ದುಡ್ಡುದ ಇನಾಮು ಬೊಕ್ಕ ಟ್ರೋಫಿ ಕೊರೊಂದುಲ್ಲ. ಸುರುತ್ತ ಇನಾಮು 1,00,005 ರೂ. ಬೊಕ್ಕ ಟ್ರೋಫಿ, 2 ನೇ ಇನಾಮು 50,005 ರೂ. ಬೊಕ್ಕ ಟ್ರೋಫಿ ಅಂಚೆನೆ 3 ನೇ ಬೊಕ್ಕ 4 ನೇ ಇನಾಮುದ ಒಟ್ಟುಗು ಆಕರ್ಷಕ ಟ್ರೋಫಿ ಪಟ್ಟುವ. ಈ ಪಂದ್ಯ ಕೂಟಡ್ ರಾಜ್ಯದ ಬೇತೆ ಬೇತೆ ಕಡೆರ್ದ್ 45 ವರ್ಷ ಮಿತ್ತ್‌ದ ಆಟಗಾರೆರ್‌ನ ತಂಡದಕುಲು ಪಾಲ್ ಪಡೆಯರೆ ಉಲ್ಲೆರ್ ಪಂದ್ ತೆರಿಪಾಯೆರ್.
ಪತ್ರಿಕಾಗೋಷ್ಠಿಡ್ ಗೌರವಾಧ್ಯೆಕ್ಷೆರ್ ಮಹಾಬಲ ಪೂಜಾರಿ ಕಡಂಬೋಡಿ ಬೊಕ್ಕ ಸದಸ್ಯೆರಾಯಿನ ಪುಷ್ಪರಾಜ್ ಶೆಟ್ಟಿ ಮಧ್ಯ ಉಪಸ್ಥಿತರಿತ್ತೆರ್.

ಎಂಐಟಿಡಿಎ ಪ್ರೀಮಿಯರ್ ಲೀಗ್–2026: ರಾಯಲ್ ಚಾಲೆಂಜರ್ಸ್ ಕುಡ್ಲಗ್ ರನ್ನರ್-ಅಪ್ ಪ್ರಶಸ್ತಿ

May 5, 2026

ಕುಡ್ಲ: ಕುಡ್ಲ ಐಟಿ ಡೀಲರ್ಸ್ ಅಸೋಸಿಯೇಷನ್ ದ ಮುತಾಲಿಕೆಡ್ ಪಡುವ ಮೈದಾನಡ್ 7ನೇ ಆವೃತ್ತಿದ MITDA ಪ್ರೀಮಿಯರ್ ಲೀಗ್–2026 ಕ್ರಿಕೆಟ್ ಟೂರ್ನಿ ಗೌಜಿಡ್ ಬೊಕ್ಕ ಶಿಸ್ತ್ ಡ್ ನಡತ್ಂಡ್.

ಐಟಿ ಡೀಲರ್ಸ್ ಬೊಕ್ಕ ಅಕ್ಲೆನ ಸಿಬ್ಬಂದಿಲು ಸೇರ್ದ್ ಒಟ್ಟು 8 ಕೂಟಲು ಈ ಕ್ರಿಕೆಟ್ ಟೂರ್ನಿಡ್ ಪಾಲ್ ಪಡೆದ್, ಕ್ರೀಡಾಭಿಮಾನಿಲೆನ ಗಮನ ಸೆಳೆತ್ಂಡ್. ಲೀಗ್ ಸುರುರ್ದೆ ಗೊಬ್ಬೊಂದು ಬೈದ್ಂಡ್.

ಅಕೇರಿದ ಪಂತೊಡು ರಾಯಲ್ ಚಾಲೆಂಜರ್ಸ್ ಕುಡ್ಲ (RCM) ಬೊಕ್ಕ ಬ್ಯಾರಾಕುಡಾ ಬ್ರೀಜರ್ಸ್ ಕೂಟ ಎದುರುಬದುರಾದ್ ಗೊಬ್ಬೊದುಂಡು. ರೋಚಕವಾದ್ ನಡತಿನ ಈ ಪಂತೊಡು ಡಿಸ್ಟ್ರಿಬ್ಯೂಟರ್ ಉದ್ಯೋಗಿಲೆರ್ದ್ ತಯಾರಾಯಿನ ರಾಯಲ್ ಚಾಲೆಂಜರ್ಸ್ ಕುಡ್ಲ ಕೂಟ ಉತ್ತಮ ಪ್ರದರ್ಶನ ಕೊರ್ದು ರನ್ನರ್-ಅಪ್ ತಾನನ್ ಪಡೆತ್ಂಡ್.

ಟೂರ್ನಿದ ಅತ್ಯುತ್ತಮ ಆಟಗಾರೆ (ಮ್ಯಾನ್ ಆಫ್ ದ ಸೀರೀಸ್) ಪ್ರಶಸ್ತಿನ್ ಆರ್‌ಪಿ ಟೆಕ್ ಕುಡ್ಲ ಕೂಟದ ಚೇತನ್ ಮೇರ್ ಪಡೆತೆರ್. ಟೂರ್ನಿದ ಅತ್ಯುತ್ತಮ ಬೌಲರ್ ಪ್ರಶಸ್ತಿನ್ ಆರ್‌ಪಿ ಟೆಕ್ ಕುಡ್ಲ ಕೂಟದ ಆನಂದ್ ಕುಮಾರ್ ಪಡೆತೆರ್.