Sun. Nov 22nd, 2026

ಕಾಸ್ರೋಡ್ ಸುದ್ದಿ | Kasargod News

ಕಾಣಿಯೂರು ಗ್ರಾಮದ ಪೊಣ್ಣು ಭಾರತೀಯ ಸೇನೆದ ಗಡಿಭದ್ರತಾ ಪಡೆಗ್ ಆಯ್ಕೆ

ಕಾಣಿಯೂರು,ಮಾರ್ಚ್ 30: ಕಾಣಿಯೂರು ಗ್ರಾಮದ ಪೊಣ್ಣು ಭಾರತೀಯ ಸೇನೆದ ಗಡಿಭದ್ರತಾ ಪಡೆ(BSF) ಗ್ ಆಯ್ಕೆಯಾತೆರ್.

ಮಲೆಕುರ್ಚಿ ಮೇದಪ್ಪ ಗೌಡ ಬೊಕ್ಕ ದೇವಕಿ ದಂಪತಿಲೆನ ಪುತ್ರಿ ಯೋಗಿತಾ ಪನ್ಪಿನಾರ್ ಬಿಎಸ್‌ಎಫ್ ಗ್ ಆಯ್ಕೆ ಆತೆರ್. ಮೇರ್ ಎಪ್ರಿಲ್ 01 ಕ್ಕ್ ಮಧ್ಯಪ್ರದೇಶದ ಗ್ವಾಲಿಯರ್ ದ ತೇಕನ್ಪುರ್ ಪನ್ಪಿನ ಜಾಗೆಡ್ ಬೇಲೆ ಮಲ್ಪರೆ ಉಲ್ಲೆರ್ ಪಂದ್ ಪ್ರಕಟಣೆಡ್ ತೆರಿಪಾದೆರ್. ಮೆರ್ನ ಪ್ರಾಥಮಿಕ ಶಿಕ್ಷಣನ್ ಬೊಬ್ಬೆಕೇರಿ ಬೊಕ್ಕ ಅಲಂಕಾರ್ ಡ್ ಮಲ್ತ್ ದ್ , ಐರ್ದ್ ಬೊಕ್ಕ ಪ್ರೌಢ ಶಿಕ್ಷಣನ್ ಸರಕಾರಿ ಪ್ರೌಢಶಾಲೆ ಕಾಣಿಯೂರುಡು ಮಲ್ದೆರ್ ಐರ್ದ್ ಬೊಕ್ಕ ಕೆ.ಎಸ್ ಗೌಡ ಪಿಯು ಕಾಲೇಜು ನಿಂತಿಕಲ್ಲು ಮುಲ್ಪ ಪಿಯುಸಿ ಶಿಕ್ಷಣ ಮಲ್ತ್ ದ್ . ಕುಡ್ಲ ವಿಶ್ವವಿದ್ಯಾಲಯಡ್ ಬಿಎಸ್ಸಿ ಪದವಿ, ಕೊಣಾಜೆ ಮಂಗಳ ಗಂಗೋತ್ರಿಡ್ ಮೈಕ್ರೋಬಯಾಲಾಜಿ ವಿಷಯಡ್ ಎಂಎಸ್ಸಿ ಪದವಿ ಮಲ್ದೆರ್ .

ಕಬ್ಬಿನಾಲೆಡ್ ತುಳು ಲಿಪಿ ಪುದರ್ ಪಲವೆ,ತುಳುಲಿಪಿತ ಜರ್ಸಿ ಬುಡುಗಡೆ

ಕುಡ್ಲ,ಮಾರ್ಚ್ 30:ಕಬ್ಬಿನಾಲೆಡ್ ತುಳು ಲಿಪಿ ಪುದರ್ ಪಲವೆ,ತುಳುಲಿಪಿತ ಜರ್ಸಿ ನ್ ನಮತುಳುವೆರ್ ಕಬ್ಬಿನಾಲೆ ಕೂಟ ದಕುಲು ಬುಡುಗಡೆ ಮಲ್ತೆರ್.ತುಳು ಲಿಪಿ ಪುದರ್ ಪಲವೆನ್ ಉದಿಪನ ಮಲ್ತಿನ ದೇವಸ್ಥಾನದ ಅರ್ಚಕೆರಾಯಿನ ಶ್ರೀ ಸುಪ್ರಸನ್ನ ಭಟ್ ನಮತುಳುವೆರ್ ಕಬ್ಬಿನಾಲೆ ಕೂಟದ ತುಳುಸೇವಾ ಕಾರ್ಯಗ್ ಎಡ್ಡೆಪ್ಪುನು ಬಯಕಿಯೆರ್. “ಪಿರಾಕ್ ದ ಕಾಲಡ್ ತುಳುಲಿಪಿಟ್ ಇತ್ತಿನ ಪೌರೋಹಿತ್ಯ ವೇದ ಉಪನಿಷತ್ತನ್ ಕ್ರಮೇಣ ಸಂಸ್ಕೃತ ಭಾಷೆಗ್ ಮಾರ್ಪಾಡು ಮಲ್ತ್ ದ್ ನನ ದುಂಬು ತುಳುಲಿಪಿತ ಎಚ್ಚ ಕಾರ್ಯ ಆವಡ್ ಪಂದ್ ತುಳುಲಿಪಿತ ಬುಲೆಚ್ಚಿಲ್ ಗ್ ಶ್ರೀದೇವೆರ್ಡ ಪ್ರಾರ್ಥನೆ ಮಲ್ತೆರ್.

ಈ ಲೇಸ್ ಡ್ ರಾಜ್ಯ ಸಂಪನ್ಮೂಲ ವ್ಯಕ್ತಿಯಾಯಿನ ಸೀತಾರಾಮ ಹೆಬ್ಬಾರ್ ಪಾತೆರ್ದ್ ಗ್ರಾಮೀಣ ಪ್ರದೇಶದ ನಮ ತುಳುವೆರ್ ಸಂಘದ ಈ ಕಾರ್ಯ ರಾಜ್ಯಗ್ ಮಾದರಿ ಆವೊಡು, ತುಳು ಭಾಷೆ ಎನ್ಮನೆ ಪರಿಚ್ಛೇದಗ್ ಸೇರೋಡು, ತುಳು ಭಾಷೆಗ್ ಮಾನ್ಯತೆ ತಿಕ್ಕರೆ ನಮ ರಾಜ್ಯ – ರಾಷ್ಟಮಟ್ಟದ ಹೋರಾಟ ಮಲ್ಪೊಡು. ಸಾಮಾಜಿಕ ಜಾಲತಾಣದ ಆಂದೋಲೋನಗ್ ಬೆಂಬಲ ಕೊರೊಡು ಪಂದ್ ಪಂಡೆರ್.

ಈ ಲೇಸ್ ಡ್ ಮುದ್ರಾಡಿ ಗ್ರಾಮ ಪಂಚಾಯತ್ ಸದಸ್ಯೆರಾಯಿನ ಶ್ರೀ ಪಲ್ಲವಿ ಎಸ್ ಹೆಬ್ಬಾರ್,ಶ್ರೀ ಸೀತಾರಾಮ ಹೆಬ್ಬಾರ್ ರಾಜ್ಯ ಸಂಪನ್ಮೂಲ ವ್ಯಕ್ತಿ ಕಬ್ಬಿನಾಲೆ,ಶ್ರೀ ಸುಧೀರ್ ಹೆಬ್ಬಾರ್ ಮಾಜಿ ಗ್ರಾಮ ಪಂಚಾಯಿತಿ ಸದಸ್ಯೆರ್,ಶ್ರೀ ಪರಮೇಶ್ವರ ಹೆಬ್ಬಾರ್ ಆಡಳಿತ ಮಂಡಳಿದ ಸದಸ್ಯೆರ್
ಶ್ರೀ ಮೋಹನ್ ಹೆಬ್ಬಾರ್ ಕೇಮ್ಮೊಳಿ,ನಮ ತುಳುವೇರ್ ಕಬ್ಬಿನಾಲೆ ಕೂಟದ ಸ‌ದಸ್ಯೆರ್ ಬೊಕ್ಕ ಗ್ರಾಮಸ್ಥೆರ್ ಪಾಲ್ ಪಡೆದಿತ್ತೆರ್.ಅಶೋಕ್ ಕಬ್ಬಿನಾಲೆ ಸೊಲ್ಮೆ ಸಂದೈತ ಮಲ್ತೆರ್.

ಶ್ರೀ ಮಹಾವೀರ ಕಾಲೇಜ್ ಮೂಡುಬಿದಿರೆ ವತಿರ್ದ್ ಕೊರೊನ ಜಾಗೃತಿ ಅಭಿಯಾನ

ಮೂಡುಬಿದಿರೆ ಶ್ರೀ ಮಹಾವೀರ ಕಾಲೇಜ್ ದ ಎನ್.ಸಿ.ಸಿ., ರಾಷ್ಟ್ರೀಯ ಸೇವಾ ಯೋಜನೆ, ಯೂತ್ ರೆಡ್ ಕ್ರಾಸ್, ರೋವರ್ಸ್ ಬೊಕ್ಕ ರೇಂಜರ್ಸ್ ಘಟಕದ ಒಟ್ಟು ಸೇರಿಗೆಡ್ ಅಟ್ಟನೆ ಮಲ್ತಿನ ಕೊರೊನ ಜಾಗೃತಿ ಅಭಿಯಾನಗ್ ಪದವಿ ಕಾಲೇಜ್ ದ ಪ್ರಾಂಶುಪಾಲೆರಾಯಿನ ಡಾ.ರಾಧಾಕೃಷ್ಣ ಶೆಟ್ಟಿ ಉದಿಪನ ಮಲ್ತೆರ್ .

ಈ ಮಾತಾ ಘಟಕದ ಜೋಕುಲು, ‘ಮಾಸ್ಕ್ ಪಾಡ್ಲೆ ಜೀವ ಒರಿಪಾಲೆ ; ಸಾಮಾಜಿಕ ಅಂತರ ಜೀವನ ನಿರಂತರ; ಸ್ಯಾನಿಟೈಸರ್ ಪಾಡ್ಲೆ ಕೊರೊನ ಬಲಿಪಾಲೆ ; ಸರ್ಕಾರದ ಕೊರೊನ ಮಾರ್ಗಸೂಚಿನ್ ಕಡ್ಡಾಯವಾದ್ ಪಾಲನೆ ಮಲ್ಪುಲೆ ; ಕೊರೊನ ಬರಂದಿಲಕ ತಡೆಯರೇ ನಿಕ್ಲೆನ ಕೈತಲ್ ದ ಪ್ರಾಥಮಿಕ ಆರೋಗ್ಯ ಕೇಂದ್ರಡ್ ಕಡ್ಡಾಯವಾದ್ ಈ ಕೂಡಲೇ ಕೊರೊನ ಲಸಿಕೆನ್ ಉಚಿತವಾದ್ ದೆತೊನ್ಲೆ ; ಲಸಿಕೆ ಬೋಡು ಕೊರೋನ ಬೊರ್ಚಿ , ಪನ್ಪಿನ ಧ್ಯೇಯವಾಕ್ಯ ಉಪ್ಪುನ ಕರಪತ್ರಲೆನ್ ಕೊಡಂಗಲ್ಲು ಪರಿಸರಡ್ ಉಪ್ಪುನ ರಿಕ್ಷಾ ಚಾಲಕೆರೆಗ್ ಅಂಗಡಿ ಮಾಲಕೆರೆಗ್ ಬೊಕ್ಕ ಸಾರ್ವಜನಿಕೆರೆಗ್ ಕೊರ್ದು ಕೊರೊನ ಜಾಗೃತಿ ಅಭಿಯಾನನ್ ನಡಪಾಯೆರ್. ಬೇತೆ ಬೇತೆ ಘಟಕದ ಸಂಯೋಜಕೆರಾಯಿನ ಡಾ.ಜಯಲಕ್ಷ್ಮಿ, ಶಿವಪ್ರಸಾದ್, ಬಸನಗೌಡ ಪಾಟೀಲ್ ಬೊಕ್ಕ ಸುಮಲತಾ ಅಭಿಯಾನದ ಮುತಾಲಿಕೆ ವಯಿಸ್ದಿತ್ತೆರ್.

ಈ ಅಭಿಯಾನಡ್ ಜೋಕ್ಲೆನ ಒಟ್ಟುಗು ಪದವಿ ಪೂರ್ವ ಕಾಲೇಜ್ ದ ಪ್ರಾಂಶುಪಾಲೆರಾಯಿನ ಪ್ರೊ. ರಮೇಶ್ ಭಟ್, ವಿದ್ಯಾರ್ಥಿ ಕ್ಷೇಮಪಾಲನಾ ಅಧಿಕಾರಿ ಪ್ರೊ.. ಹರೀಶ್ ಬೊಕ್ಕ ಉಪನ್ಯಾಸಕೆರ್ ಪಾಲ್ ಪಡೆದ್ ಇತ್ತೆರ್.

ಅಖಿಲ ಕರ್ನಾಟಕ ಮೀನುಗಾರೆರ್ನ ಕ್ರಿಯಾ ಸಮಿತಿದ ಗುರ್ಕಾರ್ಲಾದ್ ಜಯ ಸಿ ಕೋಟ್ಯಾನ್ ಬೆಳ್ಳಂಪಳ್ಳಿ ಆಯ್ಕೆ

ಅಖಿಲ ಕರ್ನಾಟಕ ಮೀನುಗಾರೆರ್ನ ಕ್ರಿಯಾ ಸಮಿತಿದ ಪೊಸ ಗುರ್ಕಾರ್ಲಾದ್ ಜಯ ಸಿ ಕೋಟ್ಯಾನ್ ಬೆಳ್ಳಂಪಳ್ಳಿ ಆಯ್ಕೆ ಆತೆರ್.

ಕರ್ನಾಟಕ ರಾಜ್ಯ ಸಹಕಾರ ಮಹಾಮಂಡಲದ ನಿರ್ದೇಶಕೆರಾದ್ ಬಿ. ಜಯಕರ ಶೆಟ್ಟಿ ಇಂದ್ರಾಳಿ ಆಯ್ಕೆ

ಕುಡ್ಲ, ಮಾರ್ಚ್ 29: ತಾರೀಖ್ 28-03-2021ಕ್ಕ್ ನಡತಿನ ಕರ್ನಾಟಕ ರಾಜ್ಯ ಸಹಕಾರ ಮಹಾಮಂಡಲ ಬೆಂಗಳೂರುದ ನನ ದುಂಬು 5 ವರ್ಷದ ಅವಧಿಗ್ ನಡತಿನ ಚುನಾವಣೆಡ್ ಮೈಸೂರು ವಿಭಾಗರ್ದ್ , ಒಡಿಪು ಜಿಲ್ಲಾ ಸಹಕಾರ ಯೂನಿಯನ್ ದ ಗುರ್ಕಾರ್ಲಾಯಿನ ಶ್ರೀ ಬಿ. ಜಯಕರ ಶೆಟ್ಟಿ ಇಂದ್ರಾಳಿ ಮೇರ್ ಅತ್ಯಧಿಕ ಮತತ ಅಂತರರ್ದ್ ಮಹಾಮಂಡಲಗ್ ನಿರ್ದೇಶಕಕೆರಾದ್ ಆಯ್ಕೆ ಆತೆರ್.

ಡಾ. ರಾಜೇಂದ್ರ ಕುಮಾರ್ ಬೊಕ್ಕ ಶ್ರೀ ಜಿ ಟಿ ದೇವೇಗೌಡೆರ್ನ ಕೂಟಗ್ ಜಯ ಆತ್oಡ್ ಪಂದ್ ಪ್ರಕಟಣೆಡ್ ತೆರಿಪಾದೆರ್.

ಹ್ಯಾಂಡ್ ಬಾಲ್ ಕ್ರೀಡೆಡ್ ರಾಷ್ಟ್ರ ಮಟ್ಟಗ್ ಆಯ್ಕೆ ಆಯಿನ ಪಡುಬಿದ್ರಿದ ಶ್ರಾವ್ಯ ಗುರುರಾಜ್

ಪಡುಬಿದ್ರಿ : ಹ್ಯಾಂಡ್ ಬಾಲ್ ಕ್ರೀಡೆಡ್ ರಡ್ಡನೇ ಸಲ ರಾಷ್ಟ್ರಮಟ್ಟಗ್ ಪಡುಬಿದ್ರಿದ ಶ್ರಾವ್ಯ ಗುರುರಾಜ್ ಆಯ್ಕೆ ಆತೆರ್.

ಉತ್ತರ ಪ್ರದೇಶಡ್ ನಡಪುನ ರಾಷ್ಟ್ರಮಟ್ಟದ ಕ್ರೀಡಾಕೂಟಡ್ ಕರ್ನಾಟಕ ರಾಜ್ಯನ್ ಪ್ರತಿನಿಧಿಸಾಯರೇ ಉಲ್ಲೆರ್ . ಶ್ರಾವ್ಯ ಗುರುರಾಜ್ ಪಡುಬಿದ್ರಿದ ಗುರುರಾಜ್ ಪೂಜಾರಿ ಬೊಕ್ಕ ನೀತಾ ಗುರುರಾಜ್ ಪೂಜಾರಿ ದಂಪತಿನ ಪುತ್ರಿ.ಪ್ರಕಾಶ್ ಮೆರೆರ್ದ್ ಕ್ರೀಡಾ ತರಬೇತಿ ಪಡೆತೆರ್ , ಉಡುಪಿ ಪೂರ್ಣ ಪ್ರಜ್ಞ ಕಾಲೇಜ್ ದ ದ್ವಿತೀಯ ಬಿ. ಕಾಂ ವಿದ್ಯಾರ್ಥಿನಿಯಾತೆರ್ .

ಸುರತ್ಕಲ್‌ದ ದಿಶಾಂತ್ ಪೂಜಾರಿ ಮಿಸ್ಟರ್ ಕರ್ನಾಟಕ 2021 ರನ್ನರ್ ಅಪ್

ಸುರತ್ಕಲ್, ಮಾರ್ಚ್ 28: ಡ್ರೀಮ್ ಪ್ರೊಡಕ್ಷನ್ ಹೌಸ್ ಸಂಸ್ಥೆ ಉತ್ತರಪ್ರದೇಶದ ಲಕ್ನೋಡು ಅಟ್ಟಣೆ ಮಲ್ದಿತ್ತಿನ ರಾಷ್ಟ್ರೀಯ ಮಟ್ಟದ ಸೂಪರ್ ಮೋಡೆಲ್ ವಿಭಾಗೊದ ಅಂತಿಮ ಸ್ಪರ್ಧೆಡ್ ಸುರತ್ಕಲ್ ತಡಂಬೈಲ್‌ದ ದಿಶಾಂತ್ ಎನ್.ಪೂಜಾರಿ ಮೇರ್ ಮಿಸ್ಟರ್ ಕರ್ನಾಟಕ 2021 ಫಸ್ಟ್ ರನ್ನರ್ ಅಪ್ ಟ್ರೋಫಿ ಗೆಂದ್‌ದೆರ್. ಮೇರ್ ದಿ.ನವೀನ್ ಬೊಕ್ಕ ವಿಶಾಲಾಕ್ಷಿ ದಂಪತಿಲೆನ ಮಗೆ.

ಜೈತುಲುನಾಡ್ (ರಿ) ಕಾಸ್ರೋಡ್ ತುಲು ಲಿಪಿ ತರಗತಿ ಉದಿಪನ ಲೇಸ್

ಉದ್ಯಾವರ ತುಳುವಭಿಮಾನಿಲೆನ ಬೆರಿಸಾಯಡ್ ಜೈತುಲುನಾಡ್ (ರಿ) ಕಾಸ್ರೋಡ್ ಇಂದೆತ ಮುತಾಲಿಕೆಡ್ ಸುರುಮಲ್ಪುನ ತುಲುಲಿಪಿ ತರಗತಿ ಕಜ್ಜದ ಉದಿಪನ ಬುಕ್ಕ ಸುರುತ ತರಗತಿ ಎಪ್ರಿಲ್ 3, 2021 ತೇದಿತಾನಿ ಮದ್ಯಾನ ಪಿಜಿರುದ್ 2.30 ಗಂಟೆ ಗ್ ಮಂಜೇಶ್ವರ ಕೈತಲ್ ದ ಉದ್ಯಾವರದ ತೀಯ ಸಮಾಜ ಭವನ ಡ್ ‌ನಡಪ್ಯರುಂಡು.

ಉದ್ಯಾವರದ ಊರುದ ತುಳುವಭಿಮಾನಿಲೆನ ಬೆಲಿಸಾಯಡ್ ನಡಪ್ಪುನ ಈ ಕಜ್ಜಗ್ ಮಾತೆರ್ಲಾ ಬತ್ತುದ್ ತುಲುಲಿಪಿನ್ ಕಲ್ಪೊಡುಂದ್ ಬಿನ್ನೈತೊಂದುಲ್ಲ .

ಪ್ರತಿ ಸನಿವಾರ ಮದ್ಯಾನ ಪಿಜಿರುದ್ 3 ಗಂಟೆಗ್ ನಡಪ್ಪುನ ಈ ತುಳುಲಿಪಿ ತರಗತಿಗ್ ಪುದರ್ ಕೊರ್ಯರೆ ಲೆಪ್ಪುಸಂಖ್ಯೆ:
+919605864329

ದಕ್ಷಿಣ ಕನ್ನಡ ಜಿಲ್ಲಾ ಕಾನೂನು ಸೇವೆದ ಪ್ರಾಧಿಕಾರದ ವತಿರ್ದ್ ಬೃಹತ್ ಮೆಗಾ ಅದಾಲತ್

ಕುಡ್ಲ, ಮಾರ್ಚ್ 27:ದಕ್ಷಿಣ ಕನ್ನಡ ಜಿಲ್ಲೆಡ್ ಜಿಲ್ಲಾ ಕಾನೂನು ಸೇವೆದ ಪ್ರಾಧಿಕಾರದ ವತಿರ್ದ್ ತಾರೀಖ್ 27.3.2021ಕ್ಕ್ ಶನಿವಾರ ಬೃಹತ್ ಮೆಗಾ ಅದಾಲತ್ ನಡಪರೆ ಉಂಡು . ಕುಡ್ಲ ನ್ಯಾಯಾಲಯ ಸಂಕೀರ್ಣಡ್ ಮಾತ್ರ ಅತ್ತoದೆ , ಬಂಟ್ವಾಳ, ಬೆಳ್ತಂಗಡಿ, ಪುತ್ತೂರು ಬೊಕ್ಕ ಸುಳ್ಯ ನ್ಯಾಯಾಲಯಡ್ ಲಾ ಮೆಗಾ ಅದಾಲತ್ ಕಾರ್ಯಕ್ರಮ ನಡಪರೆ ಉಂಡು .

ಕರ್ನಾಟಕ ರಾಜ್ಯ ಕಾನೂನು ಸೇವೆದ ಪ್ರಾಧಿಕಾರ, ಬೆಂಗಳೂರು ಬೊಕ್ಕ ದಕ್ಷಿಣ ಕನ್ನಡ ಜಿಲ್ಲಾ ಕಾನೂನು ಸೇವೆದ ಪ್ರಾಧಿಕಾರದ ವತಿರ್ದ್ ಈ ಬೃಹತ್ ಅಭಿಯಾನ ನಡಪರೆ ಉಂಡು , ರಾಜಿ ಸಂಧಾನದ ಮೂಲಕ ಪ್ರಕರಣಲೆನ್ ಇತ್ಯರ್ಥ ಮಾಡಿಕೊಳ್ಳಲು ಉಂದೊಂಜಿ ಸುವರ್ಣಾವಕಾಶ ಆತ್oಡ್ .

ದಕ್ಷಿಣ ಕನ್ನಡ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ 2020ನೇ ಸಾಲ್ ದ ಪ.ಗೋ. ಗ್ರಾಮೀಣ ವರದಿಗಾರಿಕೆ ಪ್ರಶಸ್ತಿಗ್ ಪ್ರದೀಶ್. ಎಚ್.ಮರೋಡಿ ಆಯ್ಕೆ

ಕುಡ್ಲ, ಮಾರ್ಚ್ 27:: ದಕ್ಷಿಣ ಕನ್ನಡ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ವತಿರ್ದ್ ಕೊರ್ಪಿನ 2020ನೇ ಸಾಲ್ ದ ಪ.ಗೋ. ಗ್ರಾಮೀಣ ವರದಿಗಾರಿಕೆ ಪ್ರಶಸ್ತಿಗ್ ಪ್ರಜಾವಾಣಿ ದಿನ ಪತ್ರಿಕೆದ ಕುಡ್ಲದ ವರದಿಗಾರ ಪ್ರದೀಶ್. ಎಚ್.ಮರೋಡಿ ಆಯ್ಕೆಯಾತೆರ್ .

2020ರ ಜೂನ್ 25 ಕ್ಕ್ ಪ್ರಜಾವಾಣಿ ದಿನ ಪತ್ರಿಕೆಡ್ ಪ್ರಕಟ ಆಯಿನ ಪತ್ರಕರ್ತ ಪ್ರದೀಶ್ .ಎಚ್.ಮರೋಡಿ ಮೆರ್ನ “ಕೇಳುತ್ತಿಲ್ಲ ಮಲೆಯ ಮಕ್ಕಳ ಅಳಲು” ಪನ್ಪಿನ ವರದಿ ಪ್ರತಿಷ್ಠಿತ ಪ.ಗೋ. ಪ್ರಶಸ್ತಿಗ್ ಆಯ್ಕೆ ಆತ್o ಡ್.

ಮಂಗಳೂರು ವಿಶ್ವವಿದ್ಯಾನಿಲಯದ ಎಸ್ ವಿಪಿ ಕನ್ನಡ ಅಧ್ಯಯನ ಸಂಸ್ಥೆದ ಸಹಾಯಕ ಪ್ರಾಧ್ಯಾಪಕ ಡಾ.ಧನಂಜಯ ಕುಂಬ್ಳೆ, ಸಂಶೋಧಕೆರ್ ಬೊಕ್ಕ ಪುತ್ತೂರು ಡಾ.ಶಿವರಾಮ ಕಾರಂತರ ಬಾಲವನದ ವಿಶೇಷ ಕರ್ತವ್ಯಾಧಿಕಾರಿ ಡಾ. ಸುಂದರ ಕೇನಾಜೆ, ಪಾಲ್ ಪಡೆಯರೆ ಉಲ್ಲೆರ್.

You Missed