Sun. Nov 22nd, 2026

ಕಾಸ್ರೋಡ್ ಸುದ್ದಿ | Kasargod News

ಶ್ರೀಕೃಷ್ಣ ಮಠಟ್ ಎ.13ರ್ದ್ 27 ಮುಟ ಶ್ರೀರಾಮ ನಮವಿ-ಹನುಮಜ್ಜಯಂತಿ ಉತ್ಸವ

ಒಡಿಪು , ಮಾ.27: ಶ್ರೀಕೃಷ್ಣ ಮಠ, ಪಯಾರ್ಯ ಅದಮಾರು ಮಠದ ವತಿರ್ದ್ ಶ್ರೀರಾಮ ನಮವಿ-ಹನುಮಜ್ಜಯಂತಿ ಉತ್ಸವ ಎ.13ರ್ದ್ 27 ತಾರೀಖ್ ಮುಟ ಬೇತೆ ಬೇತೆ ವಿದ್ವಾಂಸೆರೆರ್ದ್ ಚಿಂತನಪ್ರಸ್ತುತಿ, ಧಾರ್ಮಿಕ ಬೊಕ್ಕ ಆಧ್ಮಾತಿಕ, ಸಾಂಸ್ಕೃತಿಕ ವೈವಿಧ್ಯ ಕಾರ್ಯಕ್ರಮದೊಟ್ಟುಗು 15 ದಿನ ನಡಪರೆ ಉಂಡು ಪಂದ್ ಪರ್ಯಾಯ ಅದಮಾರು ಮಠದ ಶ್ರೀಈಶಪ್ರಿಯ ತೀರ್ಥ ಸ್ವಾಮೀಜಿ ಪಂತೆರ್ .

ಶ್ರೀಕೃಷ್ಣ ಮಠದ ಕನಕ ಮಂಟಪಡ್ ಇನಿ ಲೆತ್ತಿನ ಸುದ್ದಿಗೋಷ್ಟಿಡ್ ಪಾತೆರಿನ ಆರ್ ಕಾರ್ಯಕ್ರಮ ಪ್ರತಿದಿನ ಬೈಯ್ಯ 3:45ರ್ದ್ 6:30 ಮುಟ ರಾಜಾಂಗಣದ ಶ್ರೀನರಹರಿತೀರ್ಥ ವೇದಿಕೆಡ್ ನಡಪರೆ ಉಂಡು. ಪ್ರತಿದಿನ ರಾಮಾಯಣದ ವಿವಿಧ ಅಂಶದ ಬಗ್ಗೆ ಉಪನ್ಯಾಸ ಉಂಡು ಪಂದ್ ಪಂಡೆರ್.

ಇಚ್ಚೂರು ಮಹತೋಭಾರ ಶ್ರೀ ಬಾಲಸುಬ್ರಹ್ಮಣ್ಯ ಸ್ವಾಮಿ ದೇವಾಲಯ: ಕಾಲಾವದಿ ಉಚ್ಚಯ

ತಾರೀಖ್ 28-03-2021ನೇ ಐತಾರ ಇಚ್ಚೂರು ಮಹತೋಭಾರ ಶ್ರೀ ಬಾಲಸುಬ್ರಹ್ಮಣ್ಯ ಸ್ವಾಮಿ ದೇವಾಲಯದ ಕಾಲಾವದಿ ಉಚ್ಚಯ ಬ್ರಹ್ಮಶ್ರೀ ನೀಲೇಶ್ವರ ಉಚ್ಚಿಲತ್ತಾಯ ಪದ್ಮನಾಭ ತಂತ್ರಿಲೆನ ಮುತಾಲಿಕೆಡ್ ಬೇತೆ ಬೇತೆ ಧಾರ್ಮಿಕ ಸಾಂಸ್ಕೃತಿಕ ಕಾರ್ಯಕ್ರಮದೊಟ್ಟುಗು ನಡಪರೆ ಉಂಡು.

ತುಳುನಾಡ ರಕ್ಷಣಾ ವೇದಿಕೆ : ಪದಾಧಿಕಾರಿಲೆನ ಆಯ್ಕೆ

ಪುಂಜಾಲಕಟ್ಟೆ, ಮಾರ್ಚ್ :24:ತುಳುನಾಡ ರಕ್ಷಣಾ ವೇದಿಕೆ ವಾಮದಪದವು ಘಟಕದ ಪೊಸ ಪದಾಧಿಕಾರಿಲೆನ ಆಯ್ಕೆ ವಾಮದಪದವು ಸಹನಾ ಕಾಂಪ್ಲೆಕ್ಸ್ ಸಭಾಂಗಣಡ್ ನಡತ್oಡ್.

ದೇವಿ ಪ್ರಸಾದ್ ಶೆಟ್ಟಿ ಮೇರ್ ಘಟಕ ದ ಮರು ಗುರ್ಕಾರ್ಲಾದ್ಆಯ್ಕೆಆಯೆರ್.ಗೌರವಧ್ಯಕ್ಷರಾದ್ ಲಾದ್ರು ಮೆನೇಜಸ್, ಪ್ರ. ಕಾರ್ಯದರ್ಶಿ ಪ್ರದೀಪ್ ಪೂಜಾರಿ, ಕುಕ್ಕಿಪಾಡಿ, ಕಾರ್ಯಾಧ್ಯಕ್ಷರಾದ್ ಶೌಕತ್ ಆಲಿ, ಗೌರವ ಮಾರ್ಗದರ್ಶಕೆರಾದ್ ಚಂದ್ರಶೇಖರ ಶೆಟ್ಟಿ ವಾಮದಪದವು ರಫೀಕ್ ವಾಮದಪದವು, ಲೋಕನಾಥ್ ಮಡಿವಾಳ, ಹಂಝ ಬಸ್ತಿಕೋಡಿ, ಸಾನ್ವಿ ಡಿ’ಸೋಜಾ, ಕಾರ್ಮಿಕ ಘಟಕ ದ ಗುರ್ಕಾರ್ಲಾದ್ ಜಯಾನಂದ ಕುಲಾಲ್ ಕಲ್ಲಡ್ಕ, ಉಪಾಧ್ಯಕ್ಶೆರಾದ್ ಸುಭಾಷ್ ಮುರದಮೇಲು, ಪಾವಲ್ ಡಿ’ಸೋಜಾ, ಜತಕಾರ್ಯದರ್ಶಿಯಾದ್ ಸಂಪತ್ ಪಾಲೆದಡಿ,ವಿಠಲ ಬಸ್ತಿಕೋಡಿ, ಕೋಶಾಧಿಕಾರಿಯಾದ್ ಚಂದ್ರ ಹಾಸ ಶೆಟ್ಟಿ ಎಡ್ತೂರು , ಪ್ರಧಾನ ಸಂಚಾಲಕೆರಾದ್ ಹರೀಶ್ ಪೂಜಾರಿ ಕುದ್ಕೊಳಿ , ಸಹ ಸಂಚಾಲಕೆರಾದ್ ಶಶೀಂದ್ರ ಜಂಕಲ, ಆಂದ್ರು ಡಿ’ಸೋಜಾ, ಮಹಿಳಾ ಘಟಕ ಅಧ್ಯಕ್ಗುರ್ಕಾರ್ಲಾದ್ ಜೆನ್ನಿ ಡಿ’ಸೋಜಾ, ಉಪಾಧ್ಯಕ್ಶೆರಾದ್ ವನಿತಾ ಜತ್ತನಕೆರೆ,ಮಮತಾ ಕೆಂತಲೆ, ಕುಶಲಾ ಪೆಜಕ್ಕಳ, ವಾರಿಜ ಪೆಜಕ್ಕಳ, ಕಾರ್ಯದರ್ಶಿಯಾದ್ ವನಿತಾ ನಾಯ್ಕ, ಪ್ರಮೀಳಾ ಪೂಜಾರಿ, ಮಹಿಳಾ ಸಂಚಾಲಕೆರಾದ್ ರೀಟಾ ಮರಿಯಾ ಮೆನೇಜಸ್, ಕವಿತಾ ಜತ್ತನಕೆರೆ, ಮಾಧ್ಯಮ ಸಲಹೆಗಾರೆರಾದ್ ಗೋಪಾಲ್ ಅಂಚನ್ ಕಾನೂನು ಸಲಹೆಗಾರೆರಾದ್ ನ್ಯಾಯವಾದಿ ಶಿವಣ್ಣ ಕುಮಾರ್ ಆರಂಬೋಡಿ ಯುವ ಘಟಕದ ಗುರ್ಕಾರ್ಲಾದ್ ಪ್ರಕಾಶ್ ಪೂಜಾರಿ ಪಾಲೆದಡಿ ಆಯ್ಕೆ ಆಯೆರ್.

ಜಿಲ್ಲಾ ಮಟ್ಟದ ವಿಶ್ವ ಕ್ಷಯರೋಗ ದಿನಾಚರಣೆ

ಒಡಿಪು , ಮಾ.23: ಜಿಲ್ಲಾಡಳಿತ, ಜಿಲ್ಲಾ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣ ಇಲಾಖೆ, ಜಿಲ್ಲಾ ಕ್ಷಯರೋಗ ನಿರ್ಮೂಲನಾಧಿಕಾರಿಲೆನ ಕಚೇರಿ ಒಡಿಪು , ಎಸ್.ಎಂ.ಎಸ್ ಪ್ರಥಮ ದರ್ಜೆ ಕಾಲೇಜು ಬ್ರಹ್ಮಾವರ ಬೊಕ್ಕ ರೋಟರಿ ರೋಯಲ್ ಬ್ರಹ್ಮಾವರ ಮೆಕ್ಲೆನ ಒಟ್ಟು ಸೇರಿಗೆಡ್, ಜಿಲ್ಲಾ ಮಟ್ಟದ ವಿಶ್ವ ಕ್ಷಯರೋಗ ದಿನಾಚರಣೆ ಮಾ.24 ತಾರೀಖ್ ಗ್ ಕಾಂಡೆ 10:30ಕ್ ಬ್ರಹ್ಮಾವರ ಎಸ್.ಎಂ.ಎಸ್ ಕಾಲೇಜು ಸಭಾಂಗಣಡ್ ನಡಪರೆ ಉಂಡು.

ಈ ಲೇಸ್ ನ್ ರಾಜ್ಯ ಗೃಹ ಸಚಿವ ಬೊಕ್ಕ ಉಡುಪಿ ಜಿಲ್ಲಾ ಉಸ್ತುವಾರಿ ಸಚಿವ ಬಸವರಾಜ ಬೊಮ್ಮಾಯಿ ಉದಿಪನ ಮಲ್ಪರೆ ಉಲ್ಲೆರ್ , ಉಡುಪಿ ಶಾಸಕ ಕೆ. ರಘುಪತಿ ಭಟ್ ಲೇಸ್ ದ ಗುರ್ಕಾರ್ಮೆನ್ ವಯಿಸೋನೆರೆ ಉಲ್ಲೆರ್ ಪಂದ್ ಇಲಾಖೆದ ಪ್ರಕಟಣೆ ತೆರಿಪಾದುಂಡು.

Udupi, May 23: The District Level World Tuberculosis Day will be held on Tuesday, May 24th at 10:30 am under the auspices of the Department of Health and Family Welfare, District Office of the Tuberculosis Controller, Udupi. The SMS will be held in the college hall.

The event will be inaugurated by Basavaraja Bommai, Minister of State for Home Affairs and Minister in charge of the Udupi District. Raghupati will preside over the program, the department said in a statement.

ಚಾರ್ಟೆಡ್ ಅಕೌಂಟೆಂಟ್ ಪರೀಕ್ಷೆಡ್ ಸುರುತ್ತ ಪ್ರಯತ್ನಡ್ ಉತ್ತೀರ್ಣೆರಾಯಿನ ಶಮಿತ ರಾಜೇಂದ್ರ ಸುವರ್ಣ

ಮುಂಬೈ : ಮುಂಬೈದ ಥಾಣ ನಿವಾಸಿ ರಾಜೇಂದ್ರ ಬೊಕ್ಕ ಗೀತ ಮೆರ್ನ ಮಗಲ್ , ಸಸಿಹಿತ್ಲು ಮಂಜುನಾಥ್ ಕೋಟ್ಯಾನ್ರೆನ ಪುಳ್ಳಿ ” ಶಮಿತ ರಾಜೇಂದ್ರ ಸುವರ್ಣ ” ಮೇರ್ ಚಾರ್ಟೆಡ್ ಅಕೌಂಟೆಂಟ್ ಪರೀಕ್ಷೆಡ್ ಸುರುತ್ತ ಪ್ರಯತ್ನಡೆ ಪಾಸ್ ಆತೆರ್.

ಮೆರ್ನ ಅಪ್ಪೆ ಭಾರತ್ ಕೋ ಆಪರೇಟಿವ್ ಬ್ಯಾಂಕ್, ದಾದರ್ ಬ್ರಾಂಚ್ ಡ್ ಬೇಲೆ ಮಲ್ತೊಂದು ಉಲ್ಲೆರ್, ಅಮ್ಮೆರ್ ಪ್ರೈವೇಟ್ ಕಂಪನಿಡ್ ಬೇಲೆ ಮಲ್ತೊಂದು ಉಲ್ಲೆರ್ . ಮೆಕುಲು ಮುಂಬಯಿದ ಥಾಣ ನಿವಾಸಿಲು. ಸ್ವಂತ ಊರು ಮೂಲ್ಕಿ ಸಮೀಪದ ಮಟ್ಟು ಪೊಸ ಕೊಪ್ಲ ಪಂಡ್ ದ್ ತೆರಿಪಾಯಿನ ಅರೆನ ಸಂಬಂಧಿ ರಘು ಮಟ್ಟು ಶಮಿತಾಗ್ ಶುಭ ಹಾರೈಕೆ ಮಲ್ದೆರ್.

ತಲಪಾಡಿಡ್ ಕೋವಿಡ್ ನಿಗಾ ಘಟಕ ಸ್ಥಾಪನೆ : ಪ್ರಾಯಣಿಕೆರ್ನ ತಪಾಸಣೆ ಸುರು

ಉಳ್ಳಾಲ: ದಕ್ಷಿಣ ಕನ್ನಡ ಜಿಲ್ಲೆಡ್ ಕೋವಿಡ್‌ ಪ್ರಕರಣ ಜಾಸ್ತಿ ಆವೊಂದು ಉಪ್ಪುನೆರ್ದಾವರ ಕಾರಣ ಬೊಕ್ಕ ಕೇರಳರ್ದ್ ಜಿಲ್ಲೆಗ್ ಬರ್ಪಿನಕ್ಲೆನ ಕೋವಿಡ್‌ ಪ್ರಕರಣಲು ಪತ್ತೆಯಾವೊಂದು ಉಪ್ಪುನ ನೆಲೆಟ್ಟ್ ಗಡಿ ಪ್ರದೇಶವಾಯಿನ ತಲಪಾಡಿಡ್ ಶುಕ್ರವಾರರ್ದ್ ಜಿಲ್ಲಾ ಆರೋಗ್ಯ ಇಲಾಖೆ ಬೊಕ್ಕ ಪೊಲೀಸ್‌ ಇಲಾಖೆ ಜಂಟಿಯಾದ್ ಕೋವಿಡ್‌ ನಿಗಾ ಘಟಕನ್ ಸ್ಥಾಪನೆ ಮಲ್ದೆರ್ , ಜಿಲ್ಲೆಗ್ ಬರೊಂದು ಉಪ್ಪುನ ಕೇರಳದ ಪ್ರಯಾಣಿಕೆರ್ನ ತಪಾಸಣೆ ಸುರು ಆತ್oಡ್ .

ಜಿಲ್ಲಾ ಆರೋಗ್ಯ ಅಧಿಕಾರಿ ಡಾ| ರಾಮಕೃಷ್ಣ ಬಾಯರಿ, ತಹಶೀಲ್ದಾರ್‌ ಗುರುಪ್ರಸಾದ್‌, ತಾಲೂಕು ಆರೋಗ್ಯ ಅಧಿಕಾರಿ ಡಾ| ಸುಜಯ್‌ ಭಂಡಾರಿ ಮೆಕ್ಲೆನ ಒಟ್ಟು ಸೇರಿಗೆಡ್ ಶುಕ್ರವಾರ ಕಾಂಡೆರ್ದೆ ತಪಾಸಣೆ ಸುರು ಆತುಂಡು , ಮಾತಾ ಗಾಡಿಲೆನ್ ಉoತಾದ್ ದ.ಕ. ಜಿಲ್ಲೆ ಪ್ರವೇಶ ಮಲ್ಪರೆ ಕಡ್ಡಾಯವಾದ್ ನೆಗೆಟಿವ್‌ ವರದಿ ಕೊರೊಡು ಪಂದ್ ಪಂಡೆರ್.

ಕುಂದಾಪುರ ಪುರಸಭೆ ವ್ಯಾಪ್ತಿದ ಸರಕಾರಿ ಶಾಲೆದ ಎಸ್‌ಡಿಎಂಸಿ ಸದಸ್ಯೆರೆಗ್ ಸಾಮರ್ಥ್ಯ ವರ್ಧನ ತರಬೇತಿ ಕಾರ್ಯಾಗಾರ

ಕುಂದಾಪುರ, ಮಾ.20: ಕರ್ನಾಟಕ ರಾಜ್ಯ ಶಾಲಾಭಿವೃದ್ಧಿ ಬೊಕ್ಕ ಮೇಲುಸ್ತುವಾರಿ ಸಮಿತಿದ ಸಮನ್ವಯ ವೇದಿಕೆ ಉಡುಪಿ ಜಿಲ್ಲೆ, ತಾಲೂಕ ಘಟಕ ಕುಂದಾಪುರ, ಬೈಂದೂರು, ಪುರಸಭೆ ಕುಂದಾಪುರ, ಸಾರ್ವಜನಿಕ ಶಿಕ್ಷಣ ಇಲಾಖೆ ಕುಂದಾಪುರ ತಾಲೂಕು, ಸಮಾಜ ಕಲ್ಯಾಣ ಇಲಾಖೆ ಕುಂದಾಪುರ ಮೆಕ್ಲೆನ ಒಟ್ಟು ಸೇರಿಗೆಡ್ ಕುಂದಾಪುರ ಪುರಸಭೆ ವ್ಯಾಪ್ತಿದ ಸರಕಾರಿ ಶಾಲೆದ ಎಸ್‌ಡಿಎಂಸಿ ಸದಸ್ಯೆರೆಗ್ ಸಾಮರ್ಥ್ಯ ವರ್ಧನ ತರಬೇತಿ ಕಾರ್ಯಾಗಾರನ್ ಕುಂದಾಪುರ ಅಂಬೇಡ್ಕರ್ ಭವನಡ್ ಅಟ್ಟನೆ ಮಲ್ತಿತ್ತೆರ್.

ಲೇಸ್ ದ ಗುರ್ಕಾರ್ಮೆನ್ ಎಸ್‌ಡಿಎಂಸಿ ಸಮನ್ವಯ ವೇದಿಕೆದ ತಾಲೂಕು ಘಟಕದ ಗುರ್ಕಾರ್ಲಾಯಿನ ಎಸ್.ವಿ.ನಾಗರಾಜ್ ಪಾಲ್ ಪಡೆದ್ ಇತ್ತೆರ್ . ಲೇಸ್ ನ್ ಕುಂದಾಪುರ ಪುರಸಭಾ ಗುರ್ಕಾರ್ದಿ ವೀಣಾ ಭಾಸ್ಕರ್ ಉದಿಪನ ಮಲ್ತೆರ್ .

ಪುರಸಭೆ ಉಪಾಧ್ಯಕ್ಷ ಸಂದೀಪ್ ಖಾರ್ವಿ, ವೇದಿಕೆ ಶಿವಮೊಗ್ಗ ಜಿಲ್ಲಾಧ್ಯಕ್ಷ ಅಶ್ವಿನಿ ಕುಮಾರ್, ಕಾರವಾರ ಜಿಲ್ಲಾಧ್ಯಕ್ಷೆ ಶಾಂತಿಬಾಯಿ, ಸಿಆರ್ಪಿಲಾಯಿನ ಸುನಿತಾ, ಶಂಕರ್ ಶೆಟ್ಟಿ, ಉಡುಪಿ ತಾಲೂಕು ಶಿಕ್ಷಣ ಸಂಪನ್ಮೂಲ ಕೇಂದ್ರದ ಕಾರ್ಯದರ್ಶಿ ಬಾಲಕೃಷ್ಣ ಪೂಜಾರಿ, ವೇದಿಕೆದ ಜಿಲ್ಲಾ ಸಮಿತಿ ಪದಾಧಿಕಾರಿ ಶೋಭಾ ಭಾಸ್ಕರ್ ಕಾರ್ಕಳ, ತಾಲೂಕು ಕಾರ್ಯದರ್ಶಿ ಜ್ಯೋತಿ ಶೆಟ್ಟಿ ಪಾಲ್ ಪಡೆದಿತ್ತೆರ್.

ಎಸ್‌ಡಿಪಿಐ ಉಚ್ಚಿಲ ಪಂಚಾಯತ್ ಸಮಿತಿ ವತಿರ್ದ್ ಉಚಿತವಾದ್ ಪರ್ಪಿನ ನೀರ್ ಸರಬರಾಜು

ಕಾಪು, ಮಾ.20: ಎಸ್‌ಡಿಪಿಐ ಉಚ್ಚಿಲ ಪಂಚಾಯತ್ ಸಮಿತಿ ವತಿರ್ದ್ ಬಡಾ ಗ್ರಾಪಂನ 3ನೇ ವಾರ್ಡ್‌ದ ಗ್ರಾಮಸ್ಥೆರೆಗ್ ಉಚಿತವಾದ್ ಪರ್ಪಿನ ನೀರ್ ಸರಬರಾಜು ಮಲ್ತೆರ್.

ಕರಿನ ಕೆಲ ದಿನರ್ದ್ 3ನೇ ವಾರ್ಡ್ ಗ್ ನೀರ್ ಕೊರ್ಪಿನ ಪಂಪ್ ಹಾಳ್ ಆದ್ ಭಾಗದ ಗ್ರಾಮಸ್ಥೆರ್ ಪರ್ಪಿನ ನೀರ್ ಗಾದ್ ಬಂಗ ಬರೊಂದು ಇತ್ತೆರ್ . ಈ ಸಮಸ್ಯೆನ್ ಗಮನೊಗು ದೆತೊoಡಿನ 4ನೇ ವಾರ್ಡ್ ದ ಸದಸ್ಯ ಆಸೀಫ್ ವೈ.ಸಿ. ನೇತೃತ್ವಡ್ ಉಚ್ಚಿಲ ಎಸ್‌ಡಿಪಿಐ ಪಂಚಾಯತ್ ಸಮಿತಿ ಸದಸ್ಯೆರ್ ಟ್ಯಾಂಕರ್ ಮುಖೇನ ನೀರ್ ಸರಬರಾಜು ಮಲ್ತೆರ್ .

ಈ ಪೊರ್ತುಡು ಖಲೀಲ್ ಉಚ್ಚಿಲ, ಮಜೀದ್ ಪೊಲ್ಯ, ನೂರ್ ನವಾಝ್, ಬದ್ರುದ್ದೀನ್ ಪಾಲ್ ಪಡೆದ್ ಇತ್ತೆರ್ .

ಸರಕಾರದ ನಿಯಮ ಉಲ್ಲಂಘನೆ ಮಲ್ತ್oಡ ದಂಡ

ಒಡಿಪು , ಮಾ.18: ಕೊರೋನ ಸೋಂಕು ಪರಡುನೇನ್ ಉಂತಾವುನ ನೆಲೆಟ್ಟ್ ಮಾಸ್ಕ್, ಪಾಡಂದೆ , ಸಾಮಾಜಿಕ ಅಂತರ ಕಾಪಾಡಂದೆ ನಿಯಮಲೆನ್ ಪಾಲನೆ ಮಲ್ಪಂದಿನಕ್ಲೆಗ್ ದಂಡ ವಿಧಿಸಿ ಕಾನೂನು ಕ್ರಮ ದೆತೊನಿಯರೇ ಇಲಾಖಾ ವಾರು ಅಧಿಕಾರಿಲೆಗ್ ಅಧಿಕಾರನ್ ಕೊರ್ದು ಒಡಿಪು ಜಿಲ್ಲಾಧಿಕಾರಿ ಜಿ. ಜಗದೀಶ್ ಆದೇಶ ಕೊರ್ತೆರ್ .

ಮಾಸ್ಕ್ ಪಾಡoದೆ , ಸುರಕ್ಷಿತ ಅಂತರ ಕಾಪಾಡoದೆ ನಿಯಮಲೆನ್ ಪಾಲನೆ ಮಲ್ಪಂದಿನಕ್ಲೆಗ್ 100ರೂ. ದಂಡ ವಿಧಿಸಾವ ಪಂದ್ ಪಂಡೆರ್.

ಉಡುಪಿ ಜಿಲ್ಲಾ ಪದವಿ ಪೂರ್ವ ಕಾಲೇಜ್ ದ ಗಣಕ ಶಾಸ್ತ್ರ ಬೊಕ್ಕ ಹಿಂದಿ ಉಪನ್ಯಾಸಕೆರ್ನ ವೇದಿಕೆದ ವತಿರ್ದ್ ಒಂಜಿ ದಿನತ ಕಾರ್ಯಾಗಾರ

ಒಡಿಪು , ಮಾ.18: ಒಡಿಪು ಜಿಲ್ಲಾ ಪದವಿ ಪೂರ್ವ ಕಾಲೇಜ್ ದ ಗಣಕ ಶಾಸ್ತ್ರ ಬೊಕ್ಕ ಹಿಂದಿ ಉಪನ್ಯಾಸಕೆರ್ನ ವೇದಿಕೆದ ವತಿರ್ದ್ ಆಯಾ ವಿಷಯಲೆಗ್ ಸಂಭಂದ ಪಟ್ಟಿಲಕ ಒಂಜಿ ದಿನತ ಕಾರ್ಯಗಾರ ಮಾ.18 ತಾರೀಖ್ ಗ್ ಗುರುವಾರ ಒಡಿಪು ಪುತ್ತೂರು ಹನುಮಂತ ನಗರ ರಾಷ್ತ್ರೀಯ ಹೆದ್ದಾರಿ 66 ತ್ತ ಕೈತಲ್ ಉಪ್ಪುನ ಸೈಲಸ್ ಮಹೇಶ್ ಪದವಿಪೂರ್ವ ಕಾಲೇಜ್ ಡ್ ನಡಪರೆ ಉಂಡು.

ಕಾರ್ಯಾಗಾರನ್ ಜಿಲ್ಲಾ ಪದವಿ ಪೂರ್ವ ಶಿಕ್ಷಣ ಇಲಾಖೆದ ಉಪನಿರ್ದೇಶಕೆರಾಯಿನ ಭಗವಂತ ಕಟ್ಟೀಮನಿ ಕಾಂಡೆ 9:30ಕ್ ಉದಿಪನ ಮಲ್ಪರೆ ಉಲ್ಲೆರ್. ಬೈಂದೂರು ಸರಕಾರಿ ಪದವಿ ಪೂರ್ವ ಕಾಲೇಜ್ ದ ಪ್ರಭಾರ ಪ್ರಾಂಶುಪಾಲರಾಯಿನ ರವೀಂದ್ರ ಕೆ.ವಿ. ಬೊಕ್ಕ ಮಂಗಳೂರು ಕಪಿತಾನಿಯೋ ಪದವಿ ಪೂರ್ವ ಕಾಲೇಜ್ ದ ಅನಿತಾ ಎಂ.ಎಸ್.ಡೇಸಾ ಮಲ್ಲ ಬಿನ್ನೆರ್ ಆದ್ ಪಾಲ್ ಪಡೆಯರೆ ಉಲ್ಲೆರ್ ಪಂದ್ ಪ್ರಕಟಣೆ ಡ್ ತೆರಿಪಾದೆರ್.

You Missed