Uncategorized

ಫೆ.22: 6168 ಕೋಟಿ ರೂ.ದ ಕಾಮಗಾರಿಗ್ ಸಚಿವೆರ್ ನಿತಿನ್ ಗಡ್ಕರಿ ಚಾಲನೆ

ಕೇಂದ್ರ ಭೂ ಸಾರಿಗೆ ಸಚಿವೆರ್ ನಿತಿನ್ ಗಡ್ಕರಿ ಮೇರ್ ಫೆ.22 ಕ್ಕ್ ಶಿವಮೊಗ್ಗಗ್ ಭೇಟಿ ಕೊರಿಯೆರೆ ಉಲ್ಲೆರ್.

ರಾಜ್ಯದ ಒಟ್ಟು 6168 ಕೋಟಿ ರೂ. ಕರ್ಚಿದ 18 ಅಭಿವೃದ್ಧಿ ಕಾಮಗಾರಿಗ್ ಚಾಲನೆ ಕೊರಿಯೆರೆ ಉಲ್ಲೆರ್. ಬಳ್ಳಾರಿ, ಚಿತ್ರದುರ್ಗ, ಶಿವಮೊಗ್ಗ, ಹಾಸನ, ಚಿಕ್ಕಮಗಳೂರು, ಒಡಿಪು, ದಕ್ಷಿಣ ಕನ್ನಡ ಜಿಲ್ಲೆಗ್ ಸಂಬಂಧಪಟ್ಟಿನ ಒಟ್ಟು 296.92 ಕಿ.ಮೀ ಉದ್ದದ ರಾಜ್ಯ ಮಾರ್ಗ ಕಾಮಗಾರಿಲು ಉಂಡು. ನೆಹರೂ ಕ್ರೀಡಾಂಗಣಡ್ ಮಧ್ಯಾಹ್ನ 2 ಗಂಟೆಗ್ ಉದಿಪನ ಲೇಸ್ ನಡಪರೆ ಉಂಡು ಪಂದ್ ಸಂಸದೆರ್ ಬಿವೈ ರಾಘವೇಂದ್ರ ತೆರಿಪಾದೆರ್.

ಶಿಕ್ಷಕೆರೆನ ಬಿಲೆ, ಮಹತ್ವ ತೆರಿಪಾವುನಲ್ಪ ಕಲ್ಪಾರ್ಥಿಲೆನ ಪಾತ್ರ ಮಲ್ಲೆ : ಡಾ. ಹರಿಕೃಷ್ಣ ಪುನರೂರು

ಮುಲ್ಕಿ: ಕಲ್ಪಾರ್ಥಿಲು ಶಾಲೆದ ಮಲ್ಲ ಆಸ್ತಿ. ಶಿಕ್ಷಕೆರೆನ ಮೌಲ್ಯ ಬೊಕ್ಕ ಮಹತ್ವನ್ ತೆರಿಪಾವುನಲ್ಪ ಕಲ್ಪಾರ್ಥಿಲು ಮಲ್ಲ ಪಾತ್ರ ಒಯಿಸೊನ್ವೆರ್. ಶಿಕ್ಷಕೆರೆಗ್ ವಿಧೇಯರಾದಿಪ್ಪುನವು ಕಲ್ಪಾರ್ಥಿಲೆನ ಕರ್ತವ್ಯ ಪಂದ್ ಶಿಮಂತೂರು ಶ್ರೀ ಶಾರದಾ ಸೊಸೈಟಿ (ರಿ.) ಗುರ್ಕಾರೆ, ಧರ್ಮದರ್ಶಿಲು ಡಾ. ಹರಿಕೃಷ್ಣ ಪುನರೂರು ಪಂಡೆರ್.

ಮೇರ್ ಶ್ರೀ ಶಿಮಂತೂರುದಶಾರದಾ ಸೆಂಟ್ರಲ್ ಸ್ಕೂಲ್ ದ ಕಿರಿಯ ಕಲ್ಪಾರ್ಥಿಲು ಆಯೋಜನೆ ಮಲ್ತಿನ ಎಸ್ ಎಸ್ ಎಲ್ ಸಿ ಕಲ್ಪಾರ್ಥಿಲೆನ ಬೀಳ್ಕೊಡುಗೆ ಲೇಸ್ ಡ್ ಪಾತೆರಿಯೆರ್.

ಮಲ್ಲ ಬಿನ್ನೆರಾದ್ ಆಡಳಿತ ಮಂಡಳಿದ ನಿರ್ದೇಶಕೆರ್ ಕೊ.ಭುವನಾಭಿರಾಮ ಉಡುಪ ಪಾತೆರಿಯೆರ್. ಈ ಪೊರ್ತುಡು ಶಾಲೆದ ಸಂಚಾಲಕೆರ್ ದೇವಪ್ರಸಾದ್ ಪುನರೂರು, ಪ್ರಾಂಶುಪಾಲೆರ್ ಜಿತೇಂದ್ರ ವಿ ರಾವ್ ಪಾಲ್ ಪಡೆದಿತ್ತೆರ್. ಕಲ್ಪಾರ್ಥಿ ಕೇಶವ ಲೇಸ್ ದ ಸುಧಾರಿಕೆ ಮಲ್ತೆರ್. ಶ್ರೀಯ ಎದ್ಕೊನಿಯೆರ್. ಯಶಸ್ ಸೊಲ್ಮೆ ಸಂದಾಯೆರ್.

ಒಡಿಯೂರು ಶ್ರೀ ಗುರುದೇವದತ್ತ ಸಂಸ್ಥಾನಡ್ ತುಳುನಾಡ ಜಾತ್ರೆ, ತೇರ್ ಉಚ್ಚಯ, ಸಿರಿರಾಮೆ ತುಳು ಸಾಹಿತ್ಯ ಸಮ್ಮೇಳನ

ಬಂಟ್ವಾಳ: ಒಡಿಯೂರು ಶ್ರೀ ಗುರುದೇವದತ್ತ ಸಂಸ್ಥಾನಡ್ ಫೆ‌.18 ಬೊಕ್ಕ 19 ಕ್ಕ್ ತುಳುನಾಡ ಜಾತ್ರೆ, ತೇರ್ ಉಚ್ಚಯ ಬೊಕ್ಕ 24ನೇ ಸಿರಿರಾಮೆ ತುಳು ಸಾಹಿತ್ಯ ಸಮ್ಮೇಳನ ನಡತ್ಂಡ್.

ಈ ಲೇಸ್ ಶ್ರೀ ಗುರುದೇವಾನಂದ ಸ್ವಾಮೀಜಿಲೆನ ಮಾರ್ಗದರ್ಶನಡ್ ಅಂಚೆನೆ ವೇ.ಮೂ. ಚಂದ್ರಶೇಖರ ಉಪಾಧ್ಯಾಯೆರೆನ ಪೌರೋಹಿತ್ಯಡ್ ನಡತ್ಂಡ್.

ಫೆ.18 ಐತಾರ ಕಾಂಡೆ 24ನೇ ಸಿರಿರಾಮೆ ತುಳು ಸಾಹಿತ್ಯ ಸಮ್ಮೇಳನದ ಉದಿಪನ, ಚಿಟ್ಕ-ಕಬಿಕೂಟ, ತುಲಿಪು ಲೇಸ್, ಮಧ್ಯಾಹ್ನ ಕಬಿತೆ ಪದ ಚಿತ್ರೊ, ಮುಗಿತಲ ಲೇಸ್ ತುಳುಸಿರಿ ಮಾನಾದಿಗೆ ಬಯ್ಯಗ್ ಪಾವಂಜೆ ಮೇಳದಕ್ಲೆರ್ದ್ ಅಯೋಧ್ಯಾ ದೀಪ ಯಕ್ಷಗಾನ ಬಯಲಾಟ ನಡತ್ಂಡ್.

ಫೆ.19 ಬೊಲ್ಪುಗು ಶ್ರೀ ಒಡಿಯೂರು ತೇರ್ ಉಚ್ಚಯ, ತುಳುನಾಡ ಜಾತ್ರೆ, ಸಾರ್ವಜನಿಕ ಶ್ರೀ ಸತ್ಯನಾರಾಯಣ ಪೂಜೆ, ಮಂಗಳಾರತಿ, ಧರ್ಮಸಭೆ, ಮಧ್ಯಾಹ್ನ ಅನ್ನ ಪ್ರಸಾದ ಸೇವೆ, ಸುಂದರಕಾಂಡ ಕಾವ್ಯ ವಾಚನ, ಬಯ್ಯಗ್ ಬೊಳ್ಳಿಮಲೆತ ಶಿವಶಕ್ತಿಲು ತುಳು ನಾಟಕ, ರಾತ್ರೆ ಸಾಂಸ್ಕೃತಿಕ ಲೇಸ್, ಟ್ಯಾಬ್ಲೋ, ಚೆಂಡೆ ಮೇಳ, ಬ್ಯಾಂಡ್ ಸೆಟ್, ಬೊಂಬೆ ಪ್ರದರ್ಶನ, ತೇರ್ ಅಲಂಕಾರ, ಬೆಡಿಮರ್ದ್ ಪ್ರದರ್ಶನದೊಟ್ಟಿಗೆ ಲೇಸ್ ಸಂಪನ್ನ ಆಂಡ್.

SSLC & PUC ಪರೀಕ್ಷೆದ ವೇಳಾಪಟ್ಟಿ ಪ್ರಕಟ

ಈ ಸರ್ತಿದ ಸೆಕೆಂಡ್ ಪಿಯುಸಿ ಪರೀಕ್ಷೆ ಮಾ.1-22 ಮುಟ್ಟ ನಡಪರೆ ಉಂಡು.

ಎಸ್ ಎಸ್ ಎಲ್ ಸಿ ಪರೀಕ್ಷೆ ಮಾ.25 ರ್ದ್ ಎ.6 ಮುಟ್ಟ ನಡಪರೆ ಉಂಡು ಪಂದ್ ಶಿಕ್ಷಣ ಸಚಿವೆರ್ ಮಧು ಬಂಗಾರಪ್ಪ ತೆರಿಪಾದೆರ್.

ವಿಕಾಸಸೌಧಡ್ ಸುದ್ಧಿಗೋಷ್ಠಿಡ್ ವೇಳಾಪಟ್ಟಿ ಪ್ರಕಟ ಮಲ್ತೆರ್.

ಈ ವರ್ಷ 8,96,271 ಕಲ್ಪಾರ್ಥಿಲು SSLC ಪರೀಕ್ಷೆ ಬರೆವೊಂದು ಉಲ್ಲೆರ್.

2741 ಪರೀಕ್ಷೆ ಕೇಂದ್ರಲು ಉಂಡು. ಅಂಚೆನೆ 698624 ಕಲ್ಪಾರ್ಥಿಲು ಸೆಕೆಂಡ್ ಪಿಯುಸಿ ಪರೀಕ್ಷೆ ಬರೆವೊಂದು ಉಲ್ಲೆರ್. ಮೂಜಿ ಸರ್ತಿ ಪರೀಕ್ಷೆ ಬರೆಯೆರೆ ಅವಕಾಶ ಉಂಡು. ಗರಿಷ್ಠ ಅಂಕಲೆನ್ ಪರಿಗಣನೆಗ್ ದೆತೊನಿಯೆರೆ ಆಪುಂಡು ಪಂಡೆರ್.

ಡಿ.27: ಮುಲ್ಕಿ ತಾಲೂಕ್ ಸುರೂತ್ತ ಕನ್ನಡ ಸಾಹಿತ್ಯ ಸಮ್ಮೇಳನ

ಮುಲ್ಕಿ : ದಕ್ಷಿಣ ಕನ್ನಡ ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ತು ಮುಲ್ಕಿ ತಾಲೂಕ್ ಘಟಕದ ಸುರೂತ್ತ ಕನ್ನಡ ಸಾಹಿತ್ಯ ಸಮ್ಮೇಳನ ಡಿ.27 ಬುಧಾರ ಕಾರ್ನಾಡ್ ದ ಮುಲ್ಕಿ ಸರಕಾರಿ ಪದವಿ ಪೂರ್ವ ಕಾಲೇಜ್ ಡ್ ನಡಪರೆ ಉಂಡು.

ಬೊಲ್ಪುಗು ಕಾರ್ನಾಡ್ ಮೈದಾನಡ್ ಕನ್ನಡ ಭುವನೇಶ್ವರಿನ ಮೆರವಣಿಗೆ, ಸಮ್ಮೇಳನ ಉದಿಪನ, ಬೊಕ್ಕ ಕಾಲೇಜಿದ ವೇದಿಕೆಡ್ ವಿಚಾರಗೋಷ್ಠಿ, ಮಧ್ಯಾಹ್ನ ಸನ್ಮಾನ ನಡಪರೆ ಉಂಡು.

ಅಂಚೆನೆ ಕನ್ನಡ ಸಾಹಿತ್ಯ ಪರಿಷತ್ತುದ ಸದಸ್ಯತ್ವ ಪಡೆಪುನಕುಲು ಕನ್ನಡ ಸಾಹಿತ್ಯ ಸಮ್ಮೇಳನದ ದಿನ ಸ್ವಾಗತ ಕೌಂಟರ್ ಡ್ ಪಾಸ್ ಪೋರ್ಟ್ ಸೈಜ್ ಪೋಟೋ, ಆಧಾರ್ ಕಾರ್ಡ್ ಜೆರಾಕ್ಸ್, 410 ರೂ. ಕೊರ್ದು ನೊಂದಣಿ ಮಲ್ಪೊಲಿ ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.