Uncategorized

ಬರ್ಸದ ಆಶೀರ್ವಾದದೊಟ್ಟುಗೇ ಪಾವಂಜೆ ಯಕ್ಷಗಾನ ಮೇಳದ ಮೂಜನೇ ವರ್ಷದ ತಿರ್ಗಾಟ ಸುರು

ಹಳೆಯಂಗಡಿ : ಭಾರಿ ಗಾಳಿ ಬರ್ಸದ ಶುಭಾ ಶೀರ್ವಾದದ ನಡುಟ್ಟೇ ಪಾವಂಜೆ ಶ್ರೀ ಜ್ಞಾನಶಕ್ತಿ ಸುಬ್ರಹ್ಮಣ್ಯಸ್ವಾಮಿ ಕೃಪಾಪೋಷಿತ ಯಕ್ಷಗಾನ ಮಂಡಳಿದ ಮೂಜನೇ ವರ್ಷದ ಯಕ್ಷಗಾನ ತಿರ್ಗಾಟ ಸನಿಯಾರ ಸುರುವಾಂಡ್.

ಬಯ್ಯಡ್ ಪಾವಂಜೆ ಶ್ರೀ ಸುಬ್ರಹ್ಮಣ್ಯ ದೇವೆರ್ನ ಸನ್ನಿಧಿಡ್ ಬಯ್ಯಡ್ ಡಾ.ಯಾಜಿ ನಿರಂಜನ ಭಟ್ ಮೇರ್ನ ಮುತಾಲಿಕೆಡ್ ಪೂಜಾ ವಿಧಿ ನಡತ್ಂಡ್.

ಅವೆರ್ದ್ ಬೊಕ್ಕ ಮೇಳದ ದೇವೆರೆನ್ ಭಕ್ತೆರ್ ಕೊರ್ತಿನ ಬಂಗಾರ್ ಬೊಕ್ಕ ಬೊಲ್ಲಿದ ಕಿರೀಟ, ಗದೆ, ಬಿಲ್ಲ್ ಬಾಣಲೆನ್ ಪತೊಂದು ಚೆಂಡೆ ಮದ್ದಳೆ, ವಾದ್ಯ ಬ್ಯಾಂಡ್ ವಾದನ ಹಿನ್ನೆಲೆಡ್ ಚೌಕಿಗ್ ಕನತ್ ದ್ ಪೂಜೆ ಮಲ್ತೆರ್.
ರಂಗಸ್ಥಳೊಡು ನಡತಿನ ಎಲ್ಯ ಲೇಸ್ ಡ್ ಸಮಾಜ ಸೇವಕೆರ್ ಪ್ರಸಾದ್ ಶೆಟ್ಟಿ ಬೊಕ್ಕ ಮಲ್ಲಿಕಾ ಶೆಟ್ಟಿ ದಂಪತಿ ಪಾವಂಜೆ ಮೇಳದ ತಿರ್ಗಾಟೊಗು ಚಾಲನೆ ಕೊರಿಯೆರ್.
ಈ ಪೊರ್ತುಡು ಮೇಳದ ಸಂಚಾಲಕೆರ್ ಸತೀಶ್ ಶೆಟ್ಟಿ ಪಟ್ಲ ಪಾತೆರ್ದ್, ಸೇವಾದಾರೆರ್, ದಾನಿಲು, ಕಲಾವಿದೆರೆಗ್ ಸೊಲ್ಮೆ ಸಂದಾದ್ ಮೂಜಿನೇ ವರ್ಷದ ತಿರ್ಗಾಟೊಗು ಮಾತೆರ್ಡಲ ಆಶೀವಾರ್ದ ನಟ್ಟಿಯೆರ್. ದೇವಸ್ಥಾನದ ಆಡಳಿತ ಮೊಕ್ತೇಸರೆರ್ ಶಶೀಂದ್ರಕುಮಾರ್ ದಾನಿಲೆನ್ ಬೊಕ್ಕ ವಿಶೇಷ ಸೇವಾಕರ್ತರೆನ್ ಗೌರವ ಮಲ್ತೆರ್.

ಇಂಚೊಗು ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ ಪಡೆಯಿನ ರಾಜ್ ಕುಮಾರ್ ಅಂಚೆನೆ ದಕ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪಡೆಯಿನ ಸರಪಾಡಿ ಅಶೋಕ್ ಶೆಟ್ಟಿ ಮೆರೆನ್ ಮಾನಾದಿಗೆ ಮಲ್ತೆರ್. ಪ್ರಸಿದ್ಧ ವೈದ್ಯೆರ್ ಡಾ. ಪದ್ಮನಾಭ ಕಾಮತ್ ಸಂಕಲನದ, ಅಕ್ಷಯಕೃಷ್ಣ ಒಟ್ಟು ಮಲ್ದಿನ 41 ಭಾಗವತೆರ್ ಪದ ಪನ್ತಿನ 400 ಪದ್ಯೊಲೆನ ಸಿಡಿ ಬುಡುಗಡೆ ಮಲ್ತೆರ್.

ಬಿನ್ನೆರಾದ್ ಅಶೋಕ್ ಶೆಟ್ಟಿ ಕಲ್ಪವೃಕ್ಷ, ಸಚ್ಚಿದಾನಂದ ಶೆಟ್ಟಿ ಬೊಂಬೈ, ಪ್ರೊ. ಎಂ.ಎಲ್.ಸಾಮಗ, ಸಿಎ ದಿವಾಕರ ರಾವ್, ಯೋಗೀಂದ್ರ ಭಟ್ ಉಳಿ, ಬೆಹರೈನ್ ತುಳುಕೂಟದ ರಾಜ್ ಕುಮಾರ್, ಹಳೆಯಂಗಡಿ ಗ್ರಾಮ ಪಂಚಾಯಿತಿ ಸದಸ್ಯೆರಾಯಿನ ಸುಕೇಶ್ ಪಾವಂಜೆ, ಅಶ್ವಿನ್ ದೇವಾಡಿಗ, ಹಳೆಯಂಗಡಿ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜು ಅಭಿವೃದ್ಧಿ ಸಮಿತಿದ ಹಿಮಕರ್ ಕದಿಕೆ, ಕದ್ರಿ ನವನೀತ್ ಶೆಟ್ಟಿ, ಪುರಷೋತ್ತಮ ಭಂಡಾರಿ ಅಡ್ಯಾರ್ ಮೊಕುಲು ಮಾತ ಇತ್ತೆರ್. ಅವೆರ್ದ್ ಬೊಕ್ಕ ಪಾಂಡವಾಶ್ವಮೇಧ ಯಕ್ಷಗಾನ ಬಯಲಾಟ ಪ್ರದರ್ಶನ ನಡತ್ಂಡ್.

ಬಿರುವೆರ್ ಕುಡ್ಲರ್ದ್ ಬೊಲ್ಲಿದ ಕಿರೀಟ

ಪಾವಂಜೆ ಮೇಳಡ್ ಎಚ್ಚಾದ್ ಸೇವಾರ್ಥಿಲು ಗೊಬ್ಬಾವುನ ಶ್ರೀ ದೇವಿ ಮಹಾತ್ಮೆ ಪ್ರಸಂಗದ ಶ್ರೀ ದೇವಿಗ್ ಕೂಳೂರು ಕನ್ಯಾನ ಸದಾಶಿವ ಶೆಟ್ಟಿ ಮೇರ್ ಇಂಚೊಗು ಸೇವಾ ರೂಪೊಡು ಕೊರ್ತಿನ ಬಂಗಾರ್ದ ಕಿರೀಟ ಈ ಸರ್ತಿದ ತಿರ್ಗಾಟದ ಆಕರ್ಷಣೆ ಆದುಂಡು. ಅಂಚೆನೆ ಪಾವಂಜೆ ಅಣ್ಣಪ್ಪಯ್ಯ ಯುವ ವೇದಿಕೆದ ಉಜ್ಜಾಲ್ ದ ಬೊಲ್ಲಿ ಪ್ರಭಾವಳಿ, ಬಿರುವೆರ್ ಕುಡ್ಲ ಈ ಸರ್ತಿ ಪೊಸತ್ತಾದ್ ಕೊರ್ತಿನ ಬೊಲ್ಲಿದ ದೇವೇಂದ್ರ ಕಿರೀಟ, ಯೋಗೀಂದ್ರ ಭಟ್ ಉಳಿ ಮೇರ್ ಕೊರ್ತಿನ ಬೊಲ್ಲಿದ ಶಂಖ, ರಾಮ್ ಪ್ರಸಾದ್ ಸಸಿಹಿತ್ಲು ಕೊರ್ತಿನ ಬೊಲ್ಲಿದ ಬಿಲ್ಲ್ ಬಾಣ, ಶರತ್ ಕಾರ್ನಾಡ್ ಕೊರ್ತಿನ ಆಜಿ ಆಯುಧ ಈ ಸರ್ತಿದ ವಿಶೇಷ ಆದುಂಡು. ಈ ವರ್ಷದ ತಿರ್ಗಾಟೊಡು ಪ್ರೊ. ಪವನ್ ಕಿರಣ್ ಕೆರೆ ಬರೆತಿನ ” ನಾಗ ಸಂಜೀವನ” ಪೊಸ ಪ್ರಸಂಗ ಪ್ರದರ್ಶನ ಆವರೆ ಉಂಡು. ಈ ಸರ್ತಿ ಪೂರ ಯಕ್ಷಗಾನ ಬುಕ್ಕಿಂಗ್ ಆದ್ , ದುಂಬುದ ವರ್ಷದಲ ಸೇವೆ ಎಚ್ಚಿನ ಸಂಖ್ಯೆಡ್ ಬುಕ್ ಆತ್ಂಡ್.

ಆಸ್ಪತ್ರೆಡ್ ಅಮರ್ ಜೊಕುಲ್ನೊಟ್ಟುಗ್ ತೀರ್ ಪೋಯಿನ ಅಪ್ಪೆ

ತುಮಕೂರು: ಜಿಲ್ಲಾಸ್ಪತ್ರೆಡ್ ವೈದ್ಯೆರ್‍ನ ಬೇಜಾಬ್ದಾರಿರ್ದ್ ಮೂಜಿ ಜನ ತೀರ್ ಪೋಯಿನ ಘಟನೆ ಜಿಲ್ಲೆ ಭಾರತಿನಗರ ಆಂಜನೇಯ ದೇವಲ್ಯದ ಕೈತಲ್ ನಡತ್ಂಡ್.

ಬಸ್ರಿ ಕಸ್ತೂರಿ (30) ಅಂಚನೆ ಅಮರ್ ಜೋಕುಲು ತೀರ್ ಪೋತೆರ್. ಕಸ್ತೂರಿಗ್ ಕೋಡೆ ಬಯ್ಯಗ್ ಪೆದ್ದುನ ಬೇನೆ ಬತ್ತ್‌ದಿತ್ತ್‌ದ್ ತುಮಕೂರ್‌ದ ಜಿಲ್ಲಾಸ್ಪತ್ರೆಗ್ ಬನ್ನಗ ತಾಯಿ ಕಾರ್ಡ್ ಬೊಕ್ಕ ಆಧಾರ್ ಕಾರ್ಡ್ ಇಜ್ಜಿ ಪಂದ್ ಕಸ್ತೂರಿನ್ ಚಿಕಿತ್ಸೆ ಕೊರಿಯರೆ ದಾಖಲ್ ಮಲ್ತ್‌ದಿಜ್ಜಾಂಡ್. ಬೆಂಗ್ಲೂರ್‌ದ ವಿಕ್ಟೋರಿಯ ಆಸ್ಪತ್ರೆಗ್ ಲೆತೊಂದು ಪೋಲೆ ಪಂದ್ ಆಸ್ಪತ್ರೆದ ಸಿಬ್ಬಂದಿ ಪಂಡ್‌ದಿತ್ತ್‌ದ್ ಅಡೆ ಪೋಯರೆ ಕಾಸ್ ಇಜ್ಜಂದಿನ ಕಾರಣ ಪಿರ ಇಲ್ಲಗ್ ಬತ್ತಿತ್ತೆರ್.

ಇನಿ ಕಾಂಡೆ ಒಂಜಿ ಬಾಲೆನ್ ಪೆದ್ದ್‌ದಿತ್ತ್‌ದ್ ನನೊಂಜಿ ಬಾಲೆನ್ ಪೆದ್ದ್‌ನಗ ಮಸ್ತ್ ನೆತ್ತೆರ್ ಪೋದು ಅಮರ್ ಆನ್ ಜೋಕುಲು ಬೊಕ್ಕ ಅಪ್ಪೆ ತೀರ್ ಪೋತೆರ್. ಉಂದೆಕ್ಕ್ ಜಿಲ್ಲಾಸ್ಪತ್ರೆ ಕಾರಣ ಪಂದ್ ಜನಕುಲು ಬೆಚ್ಚದ ಪಾತೆರನ್ ಪಾತೆರ್ದೆರ್. ತುಮಕೂರ್‌ದ ಎನ್‌ಇಪಿಎಸ್ ಪೊಲೀಸ್ ಠಾಣೆಡ್ ಈ ಪ್ರಕರಣ ದಾಖಲಾತ್ಂಡ್.

ನ.6: ಮಹತೋಭಾರ ಇಟಲ ಶ್ರೀ ಸೋಮನಾಥೇಶ್ವರ ದೇವಲ್ಯಡ್ ಪೊಸ ಕೊಡಿಮರತ್ತ ಮೆರವಣಿಗೆ

ಬೆದ್ರ ತಾಲೂಕ್‌ದ ಮಹತೋಭಾರ ಇಟಲ ಶ್ರೀ ಸೋಮನಾಥೇಶ್ವರ ದೇವಲ್ಯ ದರೆಗುಡ್ಡೆಡ್ ಪೊಸ ಕೊಡಿಮರತ್ತ ಮೆರವಣಿಗೆ ನವೆಂಬರ್ 6 ತಾರೀಕ್ ಐತಾರದಾನಿ ನಡಪರೆ ಉಂಡು.

ಬೆದ್ರ ಶಾಸಕೆರ್ ಉಮಾನಾಥ ಕೋಟ್ಯಾನ್ ಕೊಡಿಮರ ಮೆರವಣಿಗೆಗ್ ಚಾಲನೆ ಕೊರಿಯರೆ ಉಲ್ಲೆರ್. ಅಂಚನೆ ಊರುದ ಗ್ರಾಮಸ್ಥೆರ್ ಕೊಡಿಮರಕ್ಕ್ ಪೂ ಪಾಡ್ದ್ ಪುಷ್ಪಾರ್ಚನೆ ಮಲ್ಪರೆ ಉಲ್ಲೆರ್. ಈ ಕಜ್ಜೊ ಕಾಂಡೆ 9 ಗಂಟೆಗ್ ಸುರು ಆದ್ ಬಯ್ಯ 6.30 ಮುಟ್ಟ ನಡಪರೆ ಉಂಡು.

ಅ.30: ಮಲಾಡ್ ಶ್ರೀ ವರಮಹಾಲಕ್ಷ್ಮೀ ಪೂಜಾ ಸಮಿತಿ ಯುವ ವಿಭಾಗದ ಮುತಾಲಿಕೆಡ್ ಜೋಕ್ಲೆನ ಉಚ್ಚಯ

ಬೊಂಬಾಯಿ: ಕರಿನ 13 ವರ್ಷರ್ದ್ ಮಲಾಡ್ ಪೂರ್ವದ ಯುವ ನ್ಯಾಯವಾದಿ ಜಗನ್ನಾಥ್ ಎನ್ ಶೆಟ್ಟಿ ಮೆರೆನ ಮಾರ್ಗದರ್ಶನಡ್, ಸಮಾಜ ಸೇವಕೆರ್ ಜಗನ್ನಾಥ್ ಎಚ್. ಮೆಂಡನ್ ಮೆರೆನ ಮುತಾಲಿಕೆಡ್ ಕುರಾರ್ ವಿಲೇಜ್‌ದ ತುಳು-ಕನ್ನಡಿಗೆರೆನ್ ಒಟ್ಟು ಮಲ್ತ್‌ದ್ ಸ್ಥಾಪನೆ ಆಯಿನ ಶ್ರೀ ವರಮಹಾಲಕ್ಷ್ಮೀ ಪೂಜಾ ಸಮಿತಿ ಬೇತೆ ಬೇತೆ ಲೇಸ್‌ನ್ ಮಲ್ತೊಂದು ಪುಗರ್ತೆ ಪಡೆತ್ತ್ಂಡ್.

ಸಮಿತಿದ ಯುವ ವಿಭಾಗದ ಮುತಾಲಿಕೆಡ್ ಅಕ್ಟೋಬರ್ 30 ಗ್ ಇಡೀ ದಿನ ಮಲಾಡ್ ಪೂರ್ವದ ಚಿಲ್ಡ್ರನ್ಸ್ ಅಕಾಡೆಮಿ ಶಾಲೆದ ಸಭಾಂಗಣಡ್ ಪೂಜಾ ಸಮಿತಿದ ಅಧ್ಯಕ್ಷೆರ್, ನ್ಯಾಯವಾದಿ ಜಗನ್ನಾಥ್ ಎನ್.ಶೆಟ್ಟಿ ಮೆರೆನ ಅಧ್ಯಕ್ಷತೆಡ್ ಯುವ ವಿಭಾಗದ ಕಾರ್ಯಾಧ್ಯಕ್ಷೆರ್ ರಶ್ಮಿ ಎಸ್ ಪೂಜಾರಿ, ಕಾರ್ಯದರ್ಶಿ ಸೌಮ್ಯ ಜೆ.ಮಂಡನ್ ಮೊಕಲೆನ ಮುತಾಲಿಕೆಡ್ ಜೋಕ್ಲೆನ ಉಚ್ಚಯ ನಡಪರೆ ಉಂಡು.

ಕಾಂಡೆ ಮೆರವಣಿಗೆಡ್ ಸುರು ಆದ್ 10 ಗಂಟೆಗ್ ಉದಿಪನ ಲೇಸ್ ನಡಪರೆ ಉಂಡು. ಬಂಟರ ಸಂಘ ಬೊಂಬಾಯಿದ ಯುವ ವಿಭಾಗದ ಕಾರ್ಯಾಧ್ಯಕ್ಷೆರ್ ಸಾಗರ್ ಡಿ.ಶೆಟ್ಟಿ, ಬಾಂಬೆ ಬಂಟ್ಸ್ ಅಸೋಸಿಯೇಶನ್‌ದ ಯುವ ವಿಭಾಗದ ಕಾರ್ಯಧ್ಯಕ್ಷೆರ್ ಶಶಿಕಾಂತ್ ರೈ ಅಂಚನೆ ಮಸ್ತ್ ಜನ ಬಿನ್ನೆರ್ ಲೇಸ್‌ಡ್ ಪಾಲ್ ಪಡೆಯರೆ ಉಲ್ಲೆರ್.

ತುಳು ಕೂಟ ಫೌಂಡೇಶನ್‌, ನಾಲಾಸೋಪಾರ ಉಂದೆತ್ತ ಅಧ್ಯಕ್ಷೆರ್ ಶಶಿಧರ ಕೆ.ಶೆಟ್ಟಿ ಇನ್ನಂಜೆ ಮೇರ್ ಸಾಂಸ್ಕೃತಿಕ ಲೇಸ್‌ನ್ ಉದಿಪನ ಮಲ್ಪರೆ ಉಲ್ಲೆರ್. ಅಂಚನೆ ಈ ಲೇಸ್‌ಡ್ ನಲಿಕೆ, ಯಕ್ಷಗಾನ, ಮಿಮಿಕ್ರಿ, ಭಾಷಣ ಸೇರಿನಂಚನೆ ಬೇತೆ ಬೇತೆ ರೀತಿದ ಕಾರ್ಯಕ್ರಮ ನಡಪರೆ ಉಂಡು. ಈ ಲೇಸ್‌ಡ್ ಮಾತ ತುಳು-ಕನ್ನಡಿಗೆರ್ ಎಚ್ಚದ ಸಂಖ್ಯೆಡ್ ಪಾಲ್ ಪಡೆಯೊಡು ಪಂದ್ ಮಲಾಡ್ ಶ್ರೀ ವರಮಹಾಲಕ್ಷ್ಮೀ ಪೂಜಾ ಸಮಿತಿದ ಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಟಿ20 ವಿಶ್ವಕಪ್ : ಪಾಕಿಸ್ತಾನದ ಎದುರು ಗೆಂದಿನ ಭಾರತ

ಪಾಕಿಸ್ತಾನದ ವಿರುದ್ಧ ಇನಿ ನಡತಿನ ಐಸಿಸಿ ಟಿ20 ವಿಶ್ವಕಪ್ ಡ್ ಭಾರತ ಗೆಂದ್ ದ್oಡ್. ಅಂಚಾಸ್ ಮಾತಾ ಕಡೆಟ್ಟ್ ಲ ಇನಿಯೆ ದೇಶಡ್ ಪಟಾಕಿ ಪುಡಾತ್ ದ್ ಪರ್ಬದಂಚೆನೆ ಗೌಜಿಡ್ ಆಚರಣೆ ಮಲ್ತ್ ದೆರ್.

ಸುರುತ್ತ ಬ್ಯಾಟಿಂಗ್ ಮಲ್ತಿನ ಪಾಕಿಸ್ತಾನ 20 ಓವರ್ ಡ್ 8 ವಿಕೆಟ್ ಕಳೆಯೊಂದು 159 ರನ್ ಮಲ್ತ್oಡ, ಭಾರತ 6 ವಿಕೆಟ್ ಕಳೆಯೊಂದು ಕಡೆತ್ತ ಬಾಲ್ ಡ್ ಗೆಂದ್ ದ್oಡ್. ವಿರಾಟ್ ಕೊಹ್ಲಿ ಬೊಕ್ಕ ಹಾರ್ದಿಕ್ ಪಾಂಡ್ಯ ಶತಕದ ಒಟ್ಟುಗು ಗೊಬ್ಬಿಯೆರ್. ಹಾರ್ದಿಕ್ 40 ರನ್ ಮಲ್ತ್oಡ, ವಿರಾಟ್ ಅಜೇಯ 82 ರನ್ ಮಲ್ತೆರ್. ಕಡೆಕ್ಕ್ 8 ಬಾಲ್ ಡ್ ಭಾರತ ತಂಡಗ್ 28 ರನ್ ಅಗತ್ಯ ಇತ್ತ್oಡ್. ರಡ್ಡ್ ಸಿಕ್ಸರ್ ಮಲ್ತಿನ ವಿರಾಟ್ ಭಾರತನ್ ಗೆಂದಾದ್ ಕೊರಿಯೆರ್.

ತುಡರ್ ಪರ್ಬಗ್ ಪ್ರಧಾನಿ ಮೋದಿರ್ದ್ 75,000 ಜವನೆರೆಗ್ ಬೇಲೆದ ಉಡುಗಿರ

ದೆಲ್ಲಿ: ಪ್ರಧಾನಿ ನರೇಂದ್ರ ಮೋದಿ ಮೇರ್ 10 ಲಕ್ಷ ಜನಕ್ಲೆಗ್ ಬೇಲೆ ಕೊರ್ಪಿನ ಉದ್ಯೋಗ ರೋಜ್‌ಗಾರ್ ಮೇಳಗ್ ಅ.22ಕ್ಕ್ ಮೋದಿ ಚಾಲನೆ ಕೊರಿಯರೆ ಉಲ್ಲೆರ್. ಉಂದುವೇ ಪೊರ್ತುಡು 75,000 ಅಭ್ಯರ್ಥಿಲೆಗ್ ನೇಮಕಾತಿ ಪತ್ರನ್ ಕೊರಿಯರೆ ಉಂಡು ಪಂದ್ ಪ್ರಧಾನಮಂತ್ರಿ ಕಾರ್ಯಾಲಯ ತೆರಿಪಾದ್ಂಡ್.