Uncategorized

ಬಿರುವೆರ್ ಕುಡ್ಲ(ರಿ) ಮುಲ್ಕಿ ಘಟಕದ 64ನೇ ಸೇವಾ ಯೋಜನೆ ಪಟ್ಟುನ ಲೇಸ್

ಮುಲ್ಕಿ : ಬಿರುವೆರ್ ಕುಡ್ಲ (ರಿ) ಮುಲ್ಕಿ ಘಟಕದ ಸಾಮಾನ್ಯ ಸಭೆತ್ತ ದಿನ ಮೂಲ್ಕಿ ಬಿಲ್ಲವ ಸಮಾಜ ಸೇವಾ ಸಂಘಡ್ ಅ.16 ಐತಾರ ನಡತಿನ ಸ್ಪಂದನ ಕಾರ್ಯಕ್ರಮದ 64 ನೇ ಸೇವಾ ಯೋಜನೆದ ಪಣವುದ ಸಕಾಯೊನು ಕಲಾವತಿ ಪನ್ಪಿನರೆಗ್ ಪಟ್ಟಿಯೆರ್.

ಮುಲ್ಕಿ ನಗರ ಪಂಚಾಯತ್ ಸದಸ್ಯೆರ್ ಹರ್ಷರಾಜ್ ಶೆಟ್ಟಿ ಕಾರ್ನಾಡು ಮೇರ್ನ ಮುತಾಲಿಕೆಡ್ ವಕೀಲೆರ್ ಶಿವರಾಂ ಮಣಿಯಾಣಿ ಮೊಕ್ಲೆನ ಮುಖೇನ RS.10,000 ಗುರುದೇವೆರ್ನ ಸಾನಿಧ್ಯಡ್ ಗೌರವ ಮಲ್ತೆರ್.
ಈ ಲೇಸ್ ಡ್ ಮುಲ್ಕಿ ಸಮಾಜ ಸೇವಾ ಸಂಘದ ಅಧ್ಯಕ್ಷೆರ್ ರಮೇಶ್ ಅಮೀನ್ ಕೊಕ್ಕರ ಕಲ್, ಮಾಜಿ ಅಧ್ಯಕ್ಷೆರ್ ಯದೀಶ್ ಅಮೀನ್ ಕೊಕ್ಕರ್ ಕಲ್, ಕಾರ್ಯದರ್ಶಿ ಕಮಲಾಕ್ಷ ಬಡಗುಹಿತ್ಲು, ಉಪಾಧ್ಯಕ್ಷೆರ್ ಸತೀಶ್ ಮಾನಾಡಿ, ಬಿರುವೆರ್ ಕುಡ್ಲ ಮುಲ್ಕಿದ ಅಧ್ಯಕ್ಷೆರ್ ಕಿಶೋರ್ ಸಾಲ್ಯಾನ್ ಬಪ್ಪನಾಡು, ಕಾರ್ಯದರ್ಶಿ ಗಿರಿಧರ ಅಮೀನ್, ನರಸಿಂಹ ಪೂಜಾರಿ, ಮೋಹನ ಸುವರ್ಣ ಕೊಕ್ಕರ್ ಕಲ್, ಬೊಕ್ಕ ಸರ್ವ ಸದಸ್ಯೆರ್ ಪಾಲ್ ಪಡೆದಿತ್ತೆರ್.

ಮುರುಘಾ ಮಠಟ್ಟ್ ಅಪ್ಪೆ ಅಮ್ಮೆ ದಾಂತಿನ ಪೊಣ್ಣು ಬಾಲೆ ಪತ್ತೆ !?

ಚಿತ್ರದುರ್ಗದ ಮುರುಘಾ ಮಠತ್ತ ಮುರುಘ ರಾಜೇಂದ್ರಸ್ವಾಮಿನ ಕೇಸ್‌ಗ್ ನನೊಂಜಿ ಟ್ವಿಸ್ಟ್ ತಿಕ್ ದ್ಂಡ್.  ಮಠತ್ತ ವಸತಿ ಶಾಲೆದ ಜಾಗೆಡ್ ನಾಲರೆ ವರ್ಸದ ಪೊಣ್ಣು ಬಾಲೆ ಪತ್ತೆಯಾತ್ಂಡ್.

ಮಠಟ್ಟ್ ಇತ್ತಿನ ಮಾತ ಜೋಕುಲೆನ್ ಬಾಲ ಮಂದಿರಗ್ ಶಿಫ್ಟ್ ಮಲ್ಪುನಗ ಬಾಲೆ ಪತ್ತೆಯಾತ್ಂಡ್. ಬಾಲೆದ ಪೋಷಕೆರ್ ಏರ್ ಪಂದ್ ತೆರಿದ್ ಬೈದಿಜಿ. ಉಂದುವೇ ಪೊರ್ತುಡು ಮಠಟ್ಟ್ ಬೇಲೆ ಮಲ್ತೊಂದು ಇತ್ತಿನ ಬೇಲೆದಕ್ಲೆನ ಮಿತ್ತ್ ಸ್ವಾಮಿಲು ಲೈಂಗಿಕ ದೌರ್ಜನ್ಯ ಮಲ್ತ್‌ದೆರ್ ಪನ್ಪಿನ ಆರೋಪ ಕೇಂದ್ ಬೈದ್ಂಡ್.

ಕರಾಚಿ : ಬಸ್ ಟ್ಟ್ ತೂ ಪೊತ್ತ್ ದ್ 21 ಜನ ತೀರ್ ಪೋಯೆರ್

ಪಾಕಿಸ್ತಾನದ ಕರಾಚಿಡ್ ಬಸ್ ಟ್ಟ್ ತೂ ಪೊತ್ತ್ ದ್ 21 ಜನ ತೀರ್ ಪೋಯಿನ ಘಟನೆ ನಡತ್ಂಡ್.

ತೀರ್ ಪೋಯಿನಕ್ಲೆಡ್ 12 ಜನ ಜೋಕುಲು ಇತ್ತೆರ್. ಪ್ರಯಾಣಿಕೆರ್ನ ಪುನ ಗುರ್ತ ತಿಕ್ಕಂದಿಲೆಕ್ಕ ಆತ್ಂಡ್.
ಈ ಘಟನೆದ ಬಗೆಟ್ ಅಧಿಕಾರಿಲು ತನಿಖೆ ಮಲ್ತೊಂದುಲ್ಲೆರ್ ಪಂದ್ ತೆರಿದ್ ಬೈದ್ಂಡ್.

ಜನಕ್ಲೆನ ಉಡಲ್‌ಡ್ ನೆಂಪಾದ್ ಒರಿಯಿನ ಡಾಕ್ಟರ್ ಸುರೇಶ್

ಸುರತ್ಕಲ್‌ಡ್ ಡಾಕ್ಟರ್ ಸುರೇಶ್ ಪನ್ಪುನ ಪುದರ್ ಕೇನಂದಿನಕುಲು ಏರ್‍ಲಾ ಇಜ್ಜೆರ್. ದಾಯೆ ಪಂಡ ಭಾರೀ ಕಮ್ಮಿ ಬಿಲೆಟ್ಟ್ ಜನಕ್ಲೆನ ಸೇವೆ ಮಲ್ತೊಂದು ಇತ್ತಿನಾರ್ ಡಾಕ್ಟರ್ ಸುರೇಶ್. ಅಂಚಿತ್ತಿನ ಮಾಮಾರಿ ಕೊರೋನಾದ ಪೊರ್ತುಡುಲ ಕೆಲವು ಡಾಕ್ಟರ್ ನಕುಲು ಜನಕ್ಲೆಗ್ ಮರ್ದ್ ಕೊರಿಯರೆ ಪೋಡಿಯೊಂದು ಇತ್ತ್ಂಡಲ ಈ ಡಾಕ್ಟರ್ ಮಾತ್ರ ಮಾಮಾರಿ ಸೀಕ್‌ಗ್ ಪೋಡಿಯಂದೇ ಭಾರೀ ಕಮ್ಮಿ ಬಿಲೆಟ್ಟ್ ಮರ್ದ್ ಕೊರ್ದು ಜನಕ್ಲೆನ ಸೀಕ್‌ನ್ ದೂರ ಮಲ್ತೊಂದಿತ್ತೆರ್.

ವೈದ್ಯೆರ್ ಪಂಡ ದೇವೆರೆಗ್ ಸಮಾನ ಪಂದ್ ಪನ್ಪೆರ್. ಅವ್ವೇ ರೀತಿಡ್ ಸುರತ್ಕಲ್ ವ್ಯಾಪ್ತಿಡ್ ಭಾರೀ ಜನ ಮನ್ನಣೆ ಪಡೆತ್ತಿನ ಡಾಕ್ಟರ್ ಪಂಡ ತಪ್ಪಾವಂದ್. ಮೇರ್ ಒಮೆಗಾ ಆಸ್ಪತ್ರೆದ ನಿರ್ದೇಶಕೆರ್‌ಲ ಅಂದ್. ಇಂಚಿತ್ತಿನ ಭಾರೀ ಪುಗರ್ತೆ ಪಡೆಯಿನ ಡಾಕ್ಟರ್ ಇನಿ ನಮ್ಮ ಎದುರು ನೆಂಪಾದ್ ಮಾತ್ರ ಒರಿದೆರ್. ಕರಿನ ಕೆಲ ದಿನತ್ತ ಪಿರವು ಆರ್ ತೀರ್ ಪೋಯಿನವ್ ಸುದ್ದಿ ಕೇಂದ್ ಜನಕ್ಲೆಗ್ ಭಾರೀ ಬೇಜಾರ್ ಆತ್ಂಡ್. ಇಲ್ಲಡ್ ತಿಗಲೆ ಬೇನೆರ್ದ್ ತೀರ್ ಪೋಯಿನ ಬೇಜಾರ್‌ದ ಸಂಗತಿ ನಡತ್ಂಡ್. ಉಂದೆಕ್ಕ್ ಅರೆನ ಜೋಕುಲು, ಕುಟುಂಬದಕುಲು ಅಂಚನೆ ಅಪಾರ ಅಭಿಮಾನಿಲು ಕಣ್ಣನೀರ ಪನಿತರ್ಪನ ಸಂದಾದೆರ್.

Dr Suresh the the people’s doctor is no more

Suratkal: Dr Suresh from Suratkal who had won the hearts of people with his selfless service is no more.

He was well known in and around Suratkal for his kindly, selfless and timely service.
Even during the corona epidemic he rendered services fearlessly instilling hope and courage during those difficult times .

Though his services were always open, his fees was nominal making him accessible to the common man.He was also the director of Omega hospital.

He leaves behind a host of well wishers who share the grief along with his family and friends.

ವೀರ ರಾಣಿ ಅಬ್ಬಕ್ಕ ಜೈನ ಮಹಿಳಾ ಸಂಘದ ಮುತಾಲಿಕೆಡ್ ತೆನಸ್ ದ ಉಚ್ಚಯ

ವೀರರಾಣಿ ಅಬ್ಬಕ್ಕ ಜೈನ ಮಹಿಳಾ ಸಂಘದ ಮುತಾಲಿಕೆಡ್ ಶ್ರೀ ಧರ್ಮಸ್ಥಳ ಶ್ರೀ ಮಂಜುನಾಥೇಶ್ವರ ಕಾನೂನು ವಿದ್ಯಾಲಯಡ್ ಆಹಾರೋತ್ಸವ ಲೇಸ್ ಅಕ್ಟೋಬರ್ 9 ತಾರೀಕ್ ಐತಾರದಾನಿ ಭಾರೀ ಗೌಜಿಡ್ ನಡತ್ಂಡ್.

ಎಸಿಪಿ ಮಹೇಶ್ ಕುಮಾರ್ ಮೇರ್ ಲೇಸ್‌ ಉದಿಪನ ಮಲ್ತೆರ್. ಈ ಪೊರ್ತುಡು ಸಂಘದ ಅಧ್ಯಕ್ಷೆರ್ ಸುಮನಾ ಪೂವಣಿ, ಕಾರ್ಯದರ್ಶಿ ಅಕ್ಷತಾ ಆದರ್ಶ್, ವೈಶಾಲಿ ಪಡಿವಾಳ್, ಕುಡ್ಲ ಜೈನ್ ಮಿಲನ್‌ದ ವೀರ ವೀರಾಂಗನೆಯೆರ್ , ವೀರ ರಾಣಿ ಅಬ್ಬಕ್ಕ ಜೈನ ಮಹಿಳಾ ಸಂಘದ ಸದಸ್ಯೆರ್ ಲೇಸ್‌ಡ್ ಪಾಲ್ ಪಡೆದಿತ್ತೆರ್.ಸುಮಾರ್ 80 ಬಗೆತ ಬೇತೆ ಬೇತೆ ರೀತಿದ ಸಾಂಪ್ರದಾಯಿಕ ತೆನಸ್ ಲೆನ್ ಈ ಪೊರ್ತುಡು ಮಲ್ತ್‌ದಿತ್ತೆರ್.

ಬೆಲ್ಮನ್ ದ ಪೆರಾಲ್ಪಾದೆ ಶ್ರೀ ದುರ್ಗಾ ಕಾಂಪ್ಲೆಕ್ಸ್ ಡ್ ಭ್ರಾಮರಿ ಟ್ರೇಡರ್ಸ್ ಉದಿಪನ ಲೇಸ್

ಕಾರ್ಲ: ಬೆಲ್ಮನ್ ದ ಪೆರಾಲ್ಪಾದೆ ಶ್ರೀ ದುರ್ಗಾ ಕಾಂಪ್ಲೆಕ್ಸ್ ಡ್ ಆ್ಯಪಲ್ ಫ್ಲೈವುಡ್ ಬೊಕ್ಕ ಹಾರ್ಡ್ ವೇರ್ ಮಳಿಗೆ “ಭ್ರಾಮರಿ ಟ್ರೇಡರ್ಸ್” ಐತಾರ ಉದಿಪನ ಆಂಡ್. ಉದ್ಯಮಿ, ಸಮಾಜ ಸೇವಕೆರ್ ಮುನಿಯಾಲು ಉದಯಕುಮಾರ್ ಶೆಟ್ಟಿ ಮಳಿಗೆ ಉದಿಪನ ಮಲ್ತೆರ್.

ಈ ಪೊರ್ತುಡು ದೀಪಕ್ ಕೋಟ್ಯಾನ್ ಇನ್ನಾ ,ಸುಪ್ರೀತ್ ಶೆಟ್ಟಿ, ಪ್ರಭಾಕರ ಶೆಟ್ಟಿ, ಡೇವಿಡ್ ಡಿಸೋಜ, ಇನ್ನಾ ಗ್ರಾಮ ಪಂಚಾಯತ್ ಅಧ್ಯಕ್ಷೆರ್ ಕುಶ ಆರ್ ಮೂಲ್ಯ, ದಿನೇಶ್ ಕಾಮತ್, ಗಣೇಶ್ ಶೆಟ್ಟಿ ಸಾಂತೂರು, ಸಾಯಿನಾಥ್ ಶೆಟ್ಟಿ, ಪ್ರದೀಪ್ ಬೇಲಾಡಿ ಲೇಸ್ ಡ್ ಪಾಲ್ ಪಡೆದ್ ಎಡ್ಡೆಪ್ಪು ಬಯಕಿಯೆರ್.

ಮುಲ್ಕಿ ಪಡುಬೈಲ್ ಡ್ ಜಾಗತಿಕ ಬಂಟರ ಸಂಘದ ಒಕ್ಕೂಟದ ಕಟ್ವಾಣಗ್ ಕೆಸರ್ ಕಲ್ಲ್

ಮುಲ್ಕಿ: ಜಾಗತಿಕ ಬಂಟರ ಸಂಘೊಲೆನ ಒಕ್ಕೂಟ ತುಳುನಾಡ್ ಡ್ ಕಚೇರಿ ಮಲ್ಪುನ ನಿಲೆಟ್ಟ್ ಮುಲ್ಕಿಡ್ ಒಂಜಿ ಕಟ್ವಾಣ ಕಟ್ಟರೆ ದುಂಬಾತ್ಂಡ್ ಪಂದ್ ಜಾಗತಿಕ ಬಂಟರ ಸಂಘೊಲೆನ ಒಕ್ಕೂಟದ ಗುರ್ಕಾರ್ಲು ಐಕಳ ಹರೀಶ್ ಶೆಟ್ರ್ ತೆರಿಪಾಯೆರ್.

ಆರ್ ಮುಲ್ಕಿದ ಪಡುಬೈಲ್ ದ ಕೈತಲ್ ಜಾಗತಿಕ ಬಂಟರ ಸಂಘೊಲೆನ ಒಕ್ಕೂಟದ ದಾನಿಲಾಯಿನ ಕೂಳೂರು ಕನ್ಯಾನ ಸದಾಶಿವ ಶೆಟ್ಟಿ ಮೆರೆನ ಪುದರ್ ದ ಕಟ್ವಾಣದ ಬೇಲೆಗ್ ಕೆಸರ್ ಕಲ್ಲ್ ಪಾಡುನ ಲೇಸ್ ಡ್ ಪಾಲ್ ಪಡೆದ್ ಈ ವಿಷಯ ತೆರಿಪಾಯೆರ್. ಈ ಯೋಜನೆ ಸುಮಾರ್ 25 ಕೋಟಿ ಕರ್ಚಿಡ್ ಕನ್ಯಾನ ಸದಾಶಿವ ಶೆಟ್ರೆನ ಪುದರ್ ಡ್ ಕಟ್ವಾಣ ಆಯರೆ ಉಂಡು. ಜಾಗತಿಕ ಬಂಟರ ಸಂಘದ ಒಕ್ಕೂಟರ್ದ್ ಪ್ರತೀ ತಿಂಗೊಲು ಸುಮಾರು 15 ಲಕ್ಷ ರೂಪಾಯಿನ್ ಶಿಕ್ಷಣ, ವೈದ್ಯಕೀಯ ಚಿಕಿತ್ಸೆ ಇಂಚಿನ ಮಾತ ಕೆಲಸೊಗು ಪಟ್ಟೊಂದುಲ್ಲ. ಬಂಟ ಸಮಾಜ ಮಾತ್ರ ಅತ್ತಾಂದೆ ಬೇತೆ ಸಮಾಜದಕ್ಲೆಗ್ಲ ಪಣವುದ ಸಕಾಯ ಕೊರೊಂದುಲ್ಲ ಪಂಡೆರ್.

ಬಪ್ಪನಾಡ್ ದ ಅರ್ಚಕೆರ್ ಗೋಪಾಲಕೃಷ್ಣ ಧಾರ್ಮಿಕ ವಿಧಿ ನಡಪಾಯೆರ್. ಈ ಪೊರ್ತುಡು ಜಾಗತಿಕ ಬಂಟರ ಸಂಘದ ಉಪಾಧ್ಯಕ್ಷೆರ್ ಕರ್ನಿರೆ ವಿಶ್ವನಾಥ ಶೆಟ್ಟಿ, ಕಾರ್ಯದರ್ಶಿ ಜಯಕರ ಶೆಟ್ಟಿ ಇಂದ್ರಾಳಿ, ಐಕಳ ಬಾವ ದೇವಿ ಪ್ರಸಾದ್ ಶೆಟ್ಟಿ, ಸತ್ಯಪ್ರಸಾದ ರೈ ಜೆಪ್ಪು, ಸುಕೇಶ್, ಉದಯಕುಮಾರ್ ರೈ, ದೇವಪ್ಪ ಶೇಖ, ಅಮರೇಶ್ ಶೆಟ್ಟಿ, ಒಕ್ಕೂಟದ ಮಾಜಿ ಕೋಶಾಧಿಕಾರಿ ಕೊಲ್ಲಾಡಿ ಬಾಲಕೃಷ್ಣ ರೈ, ಆಡಳಿತಾಧಿಕಾರಿ ಸಚ್ಚಿದಾನಂದ ಹೆಗ್ಡೆ,ನವೀನ್ ಚಂದ್ರ ಜೆ ಶೆಟ್ಟಿ ಪಡುಬಿದ್ರೆ, ಮನೋಹರ ಶೆಟ್ಟಿ, ಉಡುಪಿ, ಸುರತ್ಕಲ್ ಬಂಟರ ಸಂಘದ ಅಧ್ಯಕ್ಷೆರ್ ಸುಧಾಕರ ಪೂಂಜ,ಉಲ್ಲಾಸ್ ಶೆಟ್ಟಿ ಪೆರ್ಮುದೆ, ಸುರೇಶ್ ಶೆಟ್ಟಿ ಸೂರಿಂಜೆ,ಪುಷ್ಪರಾಜ ಶೆಟ್ಟಿ, ಕುಡುಂಬೂರು, ಪ್ರವೀಣ್ ಶೆಟ್ಟಿ, ಲೋಕಯ್ಯ ಶೆಟ್ಟಿ, ಜಗನ್ನಾಥ್ ಶೆಟ್ಟಿ ಬಾಳ,ಮುಲ್ಕಿ ಬಂಟರ ಸಂಘದ ಗೌರವಾಧ್ಯಕ್ಷೆರ್ ಸಂತೋಷ್ ಕುಮಾರ್ ಹೆಗ್ಡೆ,ಅಧ್ಯಕ್ಷೆರ್ ಪುರುಷೋತ್ತಮ ಶೆಟ್ಟಿ, ಕಾರ್ಯದರ್ಶಿ ಗಂಗಾಧರ ಶೆಟ್ಟಿ, ಉಪಾಧ್ಯಕ್ಷೆರ್ ರಾಜೇಶ್ ಶೆಟ್ಟಿ, ಪದಾಧಿಕಾರಿಲಾಯಿನ ಮುರಳೀಧರ ಭಂಡಾರಿ, ರಂಗನಾಥ ಶೆಟ್ಟಿ, ಅಶೋಕ್ ಕುಮಾರ್ ಶೆಟ್ಟಿ, ಜೀವನ್ ಶೆಟ್ಟಿ, ಸಾಯಿನಾಥ ಶೆಟ್ಟಿ, ನವೀನ್ ಶೆಟ್ಟಿ, ಶರತ್ ಶೆಟ್ಟಿ, ಮಹಿಳಾ ವಿಭಾಗದ ಚಂದ್ರಕಲಾ ಶೆಟ್ಟಿ, ಅಮೂಲ್ಯ ಶೆಟ್ಟಿ,ಶ್ರೀಶ ಸರಾಫ್ ಐಕಳ, ಕರುಣಾಕರ ಶೆಟ್ಟಿ, ರವಿ ಶೆಟ್ಟಿ ಜತ್ತಬೆಟ್ಟು,ಮುಲ್ಕಿ ನ. ಪಂ ಅಧ್ಯಕ್ಷೆರ್ ಸುಭಾಷ್ ಶೆಟ್ಟಿ, ಗುತ್ತಿಗೆದಾರೆಋ ನಿತಿನ್ ಶೆಟ್ಟಿ ಮೊಕುಲು ಮಾತ ಇತ್ತೆರ್.

ನವೆಂಬರ್ 20 ಗು ಮಡಿಕೇರಿಡ್ ಪಸಂತ್ರ ಜಾಗತಿಕ ಮಟ್ಟ್ ದ ಸಮ್ಮೇಲನ

ಮಡಿಕೇರಿ : ಯುನಿವರ್ಸಲ್ ನಾಲೆಡ್ಜ್ ಟ್ರಸ್ಟ್ ಮುತಾಲಿಕೆಡ್ ನವೆಂಬರ್ 20 ಐತಾರದಾನಿ ಮಡಿಕೇರಿ ಡ್ ಜಗತ್ತ್ ದ ಮಟ್ಟ್ ಡ್ ಪಸಂತ್ರ (ಪರಿಸರ) ಸಮ್ಮೇಲನ ನಡಪರೆ ಉಂಡು. ಉಂದುವೇ ಸುರೂತ್ತ ಸರ್ತಿ ಪೊಸ ದೇಕಿಡ್ ನಡಪುನ ಈ ಸಮ್ಮೇಲನಡ್ ಪರಿಸರ ಕಾಪುನ ಬೊಕ್ಕ ಒರಿಪುನ ವಿಚಾರೊಲು ಮುಖ್ಯವಾದ್ ಚರ್ಚೆ ಗ್ ಬರ್ರೆ ಉಂಡು.

ಮಲ್ಲ ಮಲ್ಲ ಪರಿಸರ ತಜ್ಞೆರ್ ಈ ಇಷಯೊಡು ಪಾತೆರ್ರೆ ಉಲ್ಲೆರ್. ಆಸಕ್ತಿ ಇತ್ತಿನಕುಲು ಈ ಸಮ್ಮೇಳನಡ್ ಪಾಲ್ ಪಡೆವೊಲಿ. ಉಂದೆಟ್ಟ್ ಪಾಲ್ ಪಡೆವರೆ ಆಸಕ್ತಿ ಇತ್ತಿನಕುಲು ಬೊಕ್ಕ ಲೆಪ್ಪು ಕೊರ್ರೆ https://forms.gle/m8ZraiK8ijrRU2Ca6 ಈ ಲಿಂಕ್ ಓಪನ್ ಮಲ್ಪುಲೆ.