Uncategorized

Dr Rajath Shetty gets the first place in the national level MCh exams ಎಂಸಿಹೆಚ್ ಪರೀಕ್ಷೆಡ್ ಡಾ. ರಜತ್ ಶೆಟ್ರೆಗ್ ರಾಷ್ಟ್ರ ಮಟ್ಟಡ್ ಸುರುತ್ತ ತಾನ

ಬೆಂಗ್ಲೂರ್: ಮೈಸೂರ್ ಮೆಡಿಕಲ್ ಕಾಲೇಜಿಡ್ ಎಂಬಿಬಿಎಸ್ ಅಧ್ಯಯನ ಮಲ್ತ್‌ದ್ ದಿಲ್ಲಿದ ರಾಮ ಮನೋಹರ ಲೋಹಿಯ ವೈದ್ಯಕೀಯ ಸಂಸ್ಥೆಡ್ ಕಲ್ತೊಂದು ಇತ್ತಿನ ರಜತ್ ಶೆಟ್ಟಿ, 2022 ಟ್ಟ್ ಎಂಎಸ್ ಪದವಿ ಪಡೆತೆರ್.

ಅಖಿಲ ಭಾರತ ವೈದ್ಯ ವಿಜ್ಞಾನಗಳ ಸಂಸ್ಥೆ ಏಮ್ಸ್ ಬೊಕ್ಕ ಬೇತೆ ಐನ್ ವೈದ್ಯಕೀಯ ಸಂಸ್ಥೆಲೆನ ಸೂಪರ್ ಸ್ಪೆಷಾಲಿಟಿ ವಿಭಾಗಡ್ 2023 ತ್ತ ಜುಲೈ ತಿಂಗೊಲುರ್ದ್ ಸುರು ಆಯರೆ ಇಪ್ಪುನ ಎಂಸಿಹೆಚ್ ಪದವಿದ ಪ್ರವೇಶ ಪರೀಕ್ಷೆಯ ಯುರಾಲಜಿ ವಿಭಾಗಡ್ ಕರ್ನಾಟಕದ ಡಾ. ರಜತ್ ಶೆಟ್ಟಿ ಸುರುತ್ತ ತಾನೊ ಪಡೆತೆರ್.

Dr Rajath Shetty gets the first place in the national level MCh exams

Bangalore: Dr Rajath Shetty was former student of Mysore Medical College and finished his MS from Ram Manohar college New Delhi in 2022.

All India institute of medical sciences and five other medical institutions jointly conducted exams for entry for super speciality MCh degree and Dr Rajath Shetty topped in the urology section.

A little boy bites and kills a baby snake !! ಕೈತಲ್ ಬತ್ತಿನ ಉಚ್ಚುದ ಕಿನ್ನಿನೇ ಅಗ್ಗಿದ್ ಕೆರಿನ ಆಣ್ ಬಾಲೆ!

ಉತ್ತರಪ್ರದೇಶ: ಮೂಜಿ ವರ್ಷ ಪ್ರಾಯದ ಆಣ್ ಬಾಲೆ ಒರಿ ಉಚ್ಚುದ ಕಿನ್ನಿನ್ ಬಾಯಿಡ್ ಅಗ್ಗಿದ್ ಕೆರಿನ ಘಟನೆ ಫರೂಕಾಬಾದ್ ಜಿಲ್ಲೆದ ಮೊಹಮ್ಮದಾ ಬಾದ್ ಪ್ರದೇಶದ ಮದ್ಲಾಪುರ ಗ್ರಾಮಡ್ ನಡತ್ಂಡ್.

ಆಯುಷ್ ಪನ್ಪಿನ ಆಣ್ ಇಲ್ಲದ ಜಾಲ್‌ಡ್ ಗೊಬ್ಬೊಂದಿತ್ತೆ. ಈ ಪೊರ್ತುಡು ಒರಾನೇ ಕಲ್ಕ್‌ದೆ. ಅಜ್ಜಿ ಬತ್ತ್‌ದ್ ತೂನಗ ಉಚ್ಚು ಒಂಜಿ ಸೈತ್ ಬೂರ್ದಿತ್ತ್ಂಡ್. ಆಯುಷ್‌ನ ಬಾಯಿಡ್ ನೆತ್ತೆರ್ ಇತ್ತ್ಂಡ್. ವಿಷ ಇಜ್ಜಂದಿನ ಉಚ್ಚು ಆತಿನೆಡ್ದಾವರ ಬಾಲೆದ ಜೀವಗ್ ದಾಲ ತೊಂದರೆ ಆತಿಜಿ.

Home minister Dr G Parameshwar on a visit to Mangalore ಕುಡ್ಲಗ್ ಬತ್ತಿನ ಗೃಹ ಸಚಿವೆರ್ ಡಾ.ಜಿ.ಪರಮೇಶ್ವರ್

ಕುಡ್ಲ: ಗೃಹ ಸಚಿವೆರ್ ಡಾ.ಪರಮೇಶ್ವರ್ ಮೇರ್ ಇನಿರ್ದ್ 2 ದಿನ ದ.ಕ ಬೊಕ್ಕ ಒಡಿಪು ಜಿಲ್ಲಾ ಪ್ರವಾಸ ಮಲ್ಪರೆ ಇತ್ತ್‌ದ್, ಈ ನಿಲೆಟ್ ಕುಡ್ಲದ ಐಜಿಪಿ ಕಚೇರಿಗ್ ಬತ್ತ್‌ದ್ ಪೊಲೀಸೆರೆರ್ದ್ ಗೌರವ ರಕ್ಷೆ ಸ್ವೀಕಾರ ಮಲ್ತೆರ್.

ಗೃಹ ಸಚಿವೆರ್ ಆಯಿಬೊಕ್ಕ ಡಾ.ಜಿ.ಪರಮೇಶ್ವರ್ ಸುರುತ್ತ ಸರ್ತಿ ತುಳುನಾಡ್‌ಗ್ ಬತ್ತ್‌ದಿತ್ತ್‌ದ್, ಎಡಿಜಿಪಿ ಅಲೋಕ್ ಕುಮಾರ್, ಐಜಿಪಿ ಚಂದ್ರಗುಪ್ತ, ಕಮಿಷನರ್ ಕುಲದೀಪ್ ಜೈನ್ ಸೇರ್ದ್ ಹಿರಿಯ ಪೊಲೀಸ್ ಅಧಿಕಾರಿಲು ಅರೆನ್ ಎದ್ಕೊನಿಯೆರ್. ಈ ಪೊರ್ತುಡು ದ.ಕ ಎಸ್ಪಿ ರಿಷ್ಯಂತ್, ಒಡಿಪು ಎಸ್ಪಿ ಅಕ್ಷಯ್, ಉ.ಕ ಎಸ್ಪಿ ವಿಷ್ಣುವರ್ಧನ್, ಚಿಕ್ಕಮಗಳೂರು ಎಸ್ಪಿ ಉಮಾ ಪ್ರಶಾಂತ್ ಇತ್ತೆರ್. ನನ ಕೆಲ ಪೊರ್ತುಡೇ ಪಶ್ಚಿಮ ವಲಯ ಪೊಲೀಸ್ ಅಧಿಕಾರಿಲೆನ ಒಟ್ಟುಗು ಗೃಹ ಸಚಿವೆರ್ ಸಭೆ ಮಲ್ಪರೆ ಉಲ್ಲೆರ್.

Kishore Kumar from Chennai Kamali Murthy are Surfing Champions for 2023 ಚೆನ್ನೈದ ಕಿಶೋರ್‌ಕುಮಾರ್, ಕಮಲಿ ಮೂರ್ತಿ 2023ತ್ತ ಸರ್ಫಿಂಗ್‌ ಚಾಂಪಿಯನ್

ಹಳೆಯಂಗಡಿ : ಪ್ರವಾಸಿ ತಾನ ಸಸಿಹಿತ್ಲುದ ಮುಂಡಾ ಬೀಚ್ ಡ್ ಸನಿಯಾರ ನಡತಿನ ಇಂಡಿಯನ್ ಓಪನ್ ಸರ್ಫಿಂಗ್‌ ದ ಆಣುಲೆನ ಬೊಕ್ಕ ಪೊಣ್ಣುಲೆನ ವಿಭಾಗದ 4ನೇ ಗ್ರೋಮ್ಸ್ ಬೊಕ್ಕ ಇಂಡಿಯನ್ ಓಪನ್ ಸರ್ಫಿಂಗ್ ಚಾಂಪಿಯನ್ ಶಿಪ್ ಡ್ ಚೆನ್ನೈದ ಪ್ರತಿಭಾವಂತ ಸರ್ಫರ್ ಕಿಶೋರ್‌ಕುಮಾರ್ ಬೊಕ್ಕ ಕಮಲಿಮೂರ್ತಿ ಚಾಂಪಿಯನ್ ಶಿಪ್ ಗೆಂದ್ ದೆರ್.

ಸಸಿಹಿತ್ಲು ಲ ಬೀಚ್‌ ಡ್ ಪ್ರವಾಸೋದ್ಯಮ ಇಲಾಖೆದ ಸಹಕಾರೊಡು ಮೂಲ್ಕಿ ಕೊಳಚಿಕಂಬುಲದ ಮಂತ್ರ ಸರ್ಫ್ ಕ್ಲಬ್ ಅಟ್ಟಣೆ ಮಲ್ದಿನ ಮೂಜಿ ದಿನತ್ತ ಭಾರತದ ಪ್ರೀಮಿಯರ್ ಸರ್ಫಿಂಗ್ ಸ್ಪರ್ಧೆ 2023 ನಡತ್ಂಡ್.

ಆಣುಲೆನ ಮುಕ್ತ ವಿಭಾಗಡ್ ಕಿಶೋರ್ ಕುಮಾರ್ 50 ಸಾವಿರ ರೂ.ದ ಇನಾಮು ಗೆಂದಿಯೆರ್.

ಶ್ರೀಕಾಂತ್ 30 ಸಾರ, ಬೊಕ್ಕ ಸೂರ್ಯ 20 ಸಾರ ಪನವುದೊಟ್ಟುಗು ರಡ್ಡನೇ ಬೊಕ್ಕ ಮೂಜಿನೇ ಇನಾಮು ಗೆಂದಿಯೆರ್.

ಪೊಣ್ಣುಲೆನ ಮುಕ್ತ ವಿಭಾಗಡ್ ಚೆನ್ನೈದ ಕಮಲಿ 30 ಸಾರ ಪನವು, ಸುರೂತ್ತ ಇನಾಮು ಗೆಂದಿಯೆರ್. ಗೋವಾದ ಸುಗರ್ ಬನಾರ್ಸಿ 2೦ ಸಾರ ರಡ್ಡನೇ ಇನಾಮು ಅಂಚೆನೆ ಕರ್ನಾಟಕದ ಸಿಂಚನಾ ಗೌಡ 10 ಸಾರ ಬೊಕ್ಕ ಮೂಜನೇ ತಾನ ಪಡೆಯೆರ್.

ಗ್ರೋಮ್ಸ್ ಬಾಲಕರ 16 ವರ್ಷ ಬೊಕ್ಕ ತಿರ್ತ್ ದಕ್ಲೆನ ವಿಭಾಗಡ್ ಚೆನ್ನೈದ ಕಿಶೋರ್ (20 ಸಾರ), ತಯಿನ್ ಅರುಣ್ (15 ಸಾರ) ಬೊಕ್ಕ ಹರೀಶ್ ಪಿ (10 ಸಾರ), ಗ್ರೋಮ್ಸ್ ಬಾಲಕಿಯೆರ್ನ ವಿಭಾಗಡ್ ಚೆನ್ನೈದ ಕಮಲಿ (20 ಸಾರ), ಕರ್ನಾಟಕದ ತನಿಷ್ಕಾ ಮೆಂಡನ್ (15 ಸಾರ) ಬೊಕ್ಕ ಕರ್ನಾಟಕದ ಸಾನ್ವಿ ಹೆಗ್ಡೆ (10 ಸಾರ) ಬೊಕ್ಕ ಇನಾಮು ಗೆಂದಿಯೆರ್.

Kishore Kumar from Chennai Kamali Murthy are Surfing Champions for 2023

Haleangadi: At the Indian open surfing championship held at Munda Beach Sashitlu talented surfers Kishore Kumar and Kamali Murthy won the championship. The event was organised by the tourism department and Mantra surf club.

The men’s open championship carried a cash prize of 50,000 rupees while the women’s championship carried a cash prize of 30,000 rupees. A separate group  Grooms” was for the under 16 category.

ಆ.15 ಗೃಹಲಕ್ಷ್ಮಿ ಯೋಜನೆ ಸುರು : ಸಿಎಂ ಘೋಷಣೆ

ಬೆಂಗ್ಲೂರ್: ಗೃಹಲಕ್ಷ್ಮೀ ಯೋಜನೆ ಆ.15 ನೆರ್ದ್ ಜಾರಿ ಆಯರೆ ಇತ್ತ್‌ದ್, ಇಲ್ಲದ ಯಜಮಾನಿನ ಖಾತೆಗ್ ನೇರವಾದ್ 2000 ರೂ. ಜಜಮೆ ಆವರೆ ಉಂಡು.

ಬೆಂಗ್ಲೂರ್‌ಡ್ ಕ್ಯಾಬಿನೆಟಗ ಸಭೆಟ್ ನಡತಿನ ಚರ್ಚೆರ್ದ್ ಬೊಕ್ಕ ಸಿಎಂ ಸಿದ್ದರಾಮಯ್ಯ ಮೇರ್ ಪತ್ರಿಕಾಗೋಷ್ಠಿಡ್ ಪಾತೆರಿಯೆರ್.

ಜೂನ್ 11 ರ್ದ್ ಪೊಂಜೋವ್ ಲೆಗ್ ಧರ್ಮೊಗು ಬಸ್ ಸೇವೆ

ಮಾತ ಪೊಂಜೋವ್ ನಕ್ಲೆಗ್ (ಕಲ್ಪಾರ್ಥಿಲೆಗ್ ಸೇರ್ದ್) ಜೂನ್ 11 ರ್ದ್ ಧರ್ಮೊಗು ಬಸ್ ಸೇವೆ ಸುರು ಆಯೆರೆ ಉಂಡು ಪಂದ್ ಸಿಎಂ ಸಿದ್ದರಾಮಯ್ಯ ಘೋಷಣೆ ಮಲ್ದೆರ್.

ಮೇರ್ ಸುದ್ದಿಗೋಷ್ಠಿಡ್ ಪಾತೆರ್ದ್, ಉಂದು ಕರ್ನಾಟಕದ ಉಲಯಿ ಬೊಕ್ಕ ಕರ್ನಾಟಕದಕುಲೆಗ್ ಮಾತ್ರ. ಎಸಿ ಬಸ್, ನಾನ್-ಎಸಿ ಬಸ್, ರಾಜಹಂಸ ಬಸ್ ಬುಡ್ದ್, ಮಾತ ಬಸ್ ಟ್ಟ್ ಪೊಂಜೋವ್ ನಕುಲು ಧರ್ಮೊಗು ಪ್ರಯಾಣ ಮಲ್ಪೊಲಿ. ಜೂನ್ 11 ರ್ದ್ ಈ ಯೋಜನೆ ಬೆಂಗ್ಲೂರ್ ಡ್ ಸುರು ಆಪುಂಡು ಪಂದ್ ಪಂಡೆರ್.

200 units of electricity free from July 1st ಜುಲೈ 1ರ್ದ್ 200 ಯುನಿಟ್ ಕರೆಂಟ್ ಫ್ರೀ

ಗೃಹಲಕ್ಷ್ಮೀ ಯೋಜನೆದ ಅಡಿ 200 ಯುನಿಟ್ ಕರೆಂಟ್ ಧರ್ಮಾರ್ಥವಾದ್ ಕೊರಿಯರೆ ರಾಜ್ಯ ಸರ್ಕಾರ ನಿರ್ಧಾರ ಮಲ್ದ್ಂಡ್.

ವರ್ಷದ ಸರಾಸರಿ ಆಧಾರಡ್ ಏರ್ 200 ಯುನಿಟ್‌ದ ಉಲಯಿ ಕರೆಂಟ್ ಗಲಸುವೆರಾ ಅಕುಲು ಬಿಲ್ ಕಟ್ಟರೆ ಇಜ್ಜಿ ಪಂದ್ ಮುಖ್ಯಮಂತ್ರಿ ಸಿದ್ದರಾಮಯ್ಯ ಸುಕ್ರಾರ ತೆರಿಪಾಯೆರ್.
ಜುಲೈ 1 ಜೆಡ್ದ್ ಈ ಯೋಜನೆ ಜಾರಿ ಆಯರೆ ಉಂಡುನಮ ಪಂದ್ ಆರ್ ಪಂಡೆರ್.

Government buses to offer free rides to women from tomorrow!! ಎಲ್ಲೆರ್ದೇ ಸರ್ಕಾರಿ ಬಸ್‌ಟ್ಟ್ ಪೊಂಜೊವುಲೆಗ್ ಧರ್ಮಾರ್ಥ ಪ್ರಯಾಣ

ಬೆಂಗ್ಲೂರ್: ಎಲ್ಲೆರ್ದ್ ಬೊಕ್ಕ ಸರ್ಕಾರಿ ಬಸ್‌ಲೆಡ್ ಪೊಂಜೊವುಲು ಧರ್ಮಾರ್ಥವಾದ್ ಪ್ರಯಾಣ ಮಲ್ಪೊಲಿ ಪಂದ್ ರಾಜ್ಯ ಸರ್ಕಾರ ತೆರಿಪಾದ್ಂಡ್. ಉಂದೆಕ್ಕ್ ಎಪಿಎಲ್, ಬಿಪಿಎಲ್ ಪನ್ಪಿನ ಒವ್ವೇ ನಿಯಮ ಇಜ್ಜಿ ಪಂದ್ ಸಾರಿಗೆ ಸಚಿವೆರ್ ರಾಮಲಿಂಗಾ ರೆಡ್ಡಿ ಪಂಡೆರ್.

ಶಾಂತಿನಗರದ ಕೆಎಸ್‌ಆರ್‌ಟಿಸಿ ಕಚೇರಿಡ್ ಸಾರಿಗೆ ಇಲಾಖೆದ ನಾಲ್ ನಿಗಮದ ವ್ಯವಸ್ಥಾಪಕ ಅಧಿಕಾರಿಲೆನೊಟ್ಟುಗು ಸಭೆ ನಡಪಾದ್ ಆರ್ ಚರ್ಚೆ ಮಲ್ತ್‌ದೆರ್. ಈ ನಿಲೆಟ್ ಪತ್ರಿಕಾಗೋಷ್ಠಿಡ್ ಪಾತೆರಿನ ಆರ್, ಕಾಂಗ್ರೆಸ್ ಪ್ರಣಾಳಿಕೆಡ್ ನಮ ಎಪಿಎಲ್, ಬಿಪಿಎಲ್ ಪಂದ್ ಪಂತಿಜ. ಪೊಂಜೊವುಲು ಸರ್ಕಾರಿ ಬಸ್‌ಡ್ ರಾಜ್ಯದ ಮಾತ ಕಡೆಟ್ಟ್ ಧರ್ಮಾರ್ಥವಾದ್ ಪ್ರಯಾಣ ಮಲ್ಪೊಲಿ ಪಂದ್ ಪಂಡೆರ್.