Uncategorized

ರಡ್ಡೇ ವರ್ಷಡ್ 118 ಕೋಟಿ ರೂ. ವೈವಾಟ್ ಮಲ್ತಿನ ಪ್ರಿಯದರ್ಶಿನಿ ಕೋ-ಆಪರೇಟಿವ್ ಸೊಸೈಟಿ

ಹಳೆಯಂಗಡಿ: ಪುಗರ್ತೆದ ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿ ಉದಿಪನ ಆದ್ ರಡ್ಡೇ ವರ್ಷದ ಅವಧಿಡ್ ರೂ. 118 ಕೋಟಿ ವೈವಾಟ್ ಮಲ್ತ್ ದ್ ಠೇವಣಿದಾರೆರ್, ಗ್ರಾಹಕೆರ್ ಅಂಚೆನೆ ಜನಕ್ಲೆನ ಮೆಚ್ಚಿಗೆಗ್ ಕಾರಣ ಆತ್ಂಡ್ ಪಂದ್ ಸೊಸೈಟಿದ ಅಧ್ಯಕ್ಷೆರಾಯಿನ ಎಚ್. ವಸಂತ್ ಬೆರ್ನಾರ್ಡ್ ತೆರಿಪಾಯೆರ್.

ಹಳೆಯಂಗಡಿ ದ ಪ್ರಿಯದರ್ಶಿನಿ ಸಹಕಾರಿ ಸಂಘದ ರಡ್ಡನೇ ವರ್ಷದ ಸ್ಥಾಪನೇ ದಿನ ಲೇಸ್ ದ ಗುರ್ಕಾರ್ಮೆ ಒಯಿಸ್ ದ್ ಪಾತೆರಿಯೆರ್.

ಕೊರೊನಾ ಕಾಲರ್ದ್ ಬೊಕ್ಕದ ದಿನೊಕ್ಲೆಡ್ ಉದಿಪನ ಆಯಿನ ಪ್ರಿಯದರ್ಶಿನಿ ಸೊಸೈಟಿ, ಕಡಿಮೆ ಅವಧಿಡ್ ಠೇವಣಿದಾರೆರ್ ಗ್ರಾಹಕೆರ್ ಬೊಕ್ಕ ಸಿಬ್ಬಂದಿಲೆನ ಸಹಕಾರಡ್ ಈತ್ ಮಲ್ಲ ಸಾಧನೆ ಮಲ್ಪರೆ ಆಂಡ್ ಪಂಡೆರ್.

ದುಂಬುದ ದಿನೊಕ್ಲೆಡ್ ಸೊಸೈಟಿನ್ ನನಲ ಎಡ್ಡೆ ರೀತಿಡ್ ಅಭಿವೃದ್ಧಿ ಮಲ್ಪುನೆತ್ತೊಟ್ಟಿಗೆ ಕಾಲಿ ಲಾಭದ ಉದ್ದೇಶ ದೀವಂದೆ ಶಾಖೆಲೆನ್ ಕಟ್ಟ್ ದ್ ಒಂಜಾತ್ ಜನಕ್ಲೆಗ್ ಉದ್ಯೋಗ ದೆಪ್ಪಾದ್ ಕೊರ್ಪಿನ ಉದ್ದೇಶಲ ಉಂಡು ಪಂಡೆರ್.

*ಮಲ್ಲ ಬಿನ್ನೆರಾದ್ ಬತ್ತಿನ ಸ್ವರ್ಣಕುಂಭ ವಿವಿಧೋದ್ದೇಶ ಸಹಕಾರ ಸಂಘ (ನಿ.) ಸುರತ್ಕಲ್ ನೆತ್ತ ಅಧ್ಯಕ್ಷೆರ್ ನಾಗೇಶ್ ಕುಲಾಲ್ ಪಾತೆರ್ದ್,ಸಹಕಾರಿ ಸಂಘ ಬುಲೆವೊಡ್ಡ ನಂಬಿಕೆ ಮುಖ್ಯ. ಆ ನಂಬಿಕೆ ಒರಿಪುನವು ಮುಖ್ಯವಾದುಂಡು. ಅಂಚೆನೆ ಪ್ರಿಯದರ್ಶಿನಿ ಸೊಸೈಟಿದ ಉದಿಪನದ ಪೊರ್ತುಡು ಎಂಕುಲು ಕೊರ್ತಿನ ಸಕಾಯೊನು ನನ ದುಂಬಗ್ ಲ ಕೊರೊಂದುಲ್ಲ ಪಂದ್ ಪಂಡೆರ್.

ಕುಡೊರಿ ಬಿನ್ನೆ, ನಾದಶ್ರೀ ಕ್ರೆಡಿಟ್ ಕೋ-ಆಪರೇಟಿವ್ ಸೊಸೈಟಿ, ಒಡಿಪು ನೆತ್ತ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಕಾರ್ತಿಕ್ ಕುಮಾರ್ ಪಾತೆರ್ದ್, ಇತ್ತೆದ ಸ್ಪರ್ಧಾತ್ಮಕ ಯುಗೊಟ್ಟು ಸಹಕಾರಿ ಸಂಘೊನು ನಡಪಾವೊಂದು ಪೋಪಿನ ಮಲ್ಲ ಸವಾಲ್ ಆತ್ಂಡ್.ಇಂಚಿನ ಪೊರ್ತುಡು ಸಹಕಾರ ಸಂಘೊಲು ಒಂಜೆಕ್ಕೊಂಜಿ ಸಕಾಯ ಮಲ್ತ್ಂಡನೇ “ಸಹಕಾರ” ಪನ್ಪಿನ ಶಬ್ದಗ್ ಮಲ್ಲ ಅರ್ಥ ಬರ್ಪುಂಡು ಪಂಡೆರ್.

ನಿರ್ದೇಶಕೆರ್ ಡಾ.ಗಣೇಶ್ ಅಮೀನ್ ಸಂಕಮಾರ್ ಪ್ರಾಸ್ತಾವಿಕ ವಾದ್ ಪಾತೆರ್ದ್, ಪ್ರಿಯದರ್ಶಿನಿ ಸೊಸೈಟಿ ಪನ್ಪಿನ ರಡ್ಡ್ ವರ್ಷದ ಬಾಲೆ ಆಂಡಲ 20 ವರ್ಷದ ಜವನಾದಿಗೆದಾತ್ ಬುಲೆಚಿಲ್ ಆವರೆ ಮಾತಾ ಠೇವಣಿದಾರೆರ್ ಅಂಚೆನೆ ಜನಕ್ಲೆನ ಸಹಕಾರ ಕಾರಣ ಆತ್ಂಡ್. ನನ ದುಂಬುದ 5 ವರ್ಷಡ್ 100 ಕೋಟಿ ವೈವಾಟ್ ಆವಡ್, ಒಂಜಾತ್ ಜನಕ್ಕ್ ಉದ್ಯೋಗ ತಿಕ್ ದ್ ಅಕ್ಲೆನ ಕುಟುಂಬೊನು ಸಾಂಕುನ ಬೇಲೆ ಆವಡ್ ಪಂಡೆರ್.
ಸಿಇಒ ಸುದರ್ಶನ್ ಸಭೆ ಸುಧಾರಿಕೆ ಮಲ್ತ್ ದ್ ಸೊಲ್ಮೆ ಸಂದಾಯೆರ್.

ಈ ಲೇಸ್ ಡ್ ಗನ್ಯೆರಾಯಿನ ಶಶೀಂದ್ರ ಎಮ್ ಸಾಲ್ಯಾನ್, ರೆ. ಸ್ಟೀವನ್, ಸರ್ವೋತ್ತಮ ಮುಲ್ಕಿ, ಅಬ್ದುಲ್ ಖಾದರ್, ಅನಿಲ್ ಸಸಿಹಿತ್ಲು, ಚಂದ್ರ ಸಸಿಹಿತ್ಲು, ಉಪಾಧ್ಯಕ್ಷೆರಾಯಿನ ಪ್ರತಿಭಾ ಕುಳಾಯಿ, ನಿರ್ದೇಶಕೆರಾಯಿನ ಧನಂಜಯ ಮಟ್ಟು, ಗೌತಮ್ ಜೈನ್, ಶರತ್ ಶೆಟ್ಟಿ ಪಂಚವಟಿ, ಉಮಾನಾಥ್ ಜೆ. ಶೆಟ್ಟಿಗಾರ್, ಜೈಕೃಷ್ಣ ಕೋಟ್ಯಾನ್, ಗಣೇಶ್ ಪ್ರಸಾದ್ ದೇವಾಡಿಗ, ಧನ್‌ರಾಜ್ ಕೋಟ್ಯಾನ್, ಮಿರ್ಜಾ ಅಹಮ್ಮದ್, ಶೆರಿಲ್ ಅಯೋನ ಐಮನ್, ಹರೀಶ್ ಪುತ್ರನ್, ನವೀನ್ ಸಾಲ್ಯಾನ್ ಪಂಜ, ಸಂದೀಪ್ ಇತ್ತೆರ್.

ದೇವೆರೆನ ಪುದರ್ ಡ್ ಸಿದ್ದರಾಮಯ್ಯ, ಅಜ್ಜಯ್ಯನ ಪುದರ್ ಡ್ ಡಿಕೆಶಿ ಪ್ರಮಾಣವಚನ

ಬೆಂಗ್ಲೂರ್: ರಾಜ್ಯದ ಪೊಸ ಮುಖ್ಯಮಂತ್ರಿಯಾದ್ ಸಿದ್ದರಾಮಯ್ಯ ಮೇರ್ ದೇವೆರೆನ ಪುದರ್ ಡ್ ಅಂಚೆನೆ ಡಿಕೆ ಶಿವಕುಮಾರ್ ಮೇರ್ ಅಜ್ಜಯ್ಯನ ಪುದರ್ ಡ್ ಉಪಮುಖ್ಯಮಂತ್ರಿಯಾದ್ (ಸನಿಯಾರ) ಇನಿ ಪ್ರಮಾಣ ವಚನ ಸ್ವೀಕಾರ ಮಲ್ತೆರ್.

ಸಿದ್ದರಾಮಯ್ಯ ಮೆರೆಗ್ ರಾಜ್ಯಪಾಲ ಥಾವರ್ ಚಂದ್ ಗೆಹ್ಲೋಟ್ ಮೇರ್ ಪ್ರತಿಜ್ಞಾವಿಧಿ ಭೋದನೆ ಮಲ್ತೆರ್.

ಬೊಕ್ಕ 8 ಜನ ಶಾಸಕೆರಾಯಿನ ಎಂ.ಬಿ. ಪಾಟೀಲ್, ಡಾ.ಜಿ.ಪರಮೇಶ್ವರ್, ಕೆ.ಎಚ್.ಮುನಿಯಪ್ಪ, ಕೆ.ಜೆ.ಜಾರ್ಜ್, ಸತೀಶ್ ಜಾರಕಿಹೊಳಿ, ಪ್ರಿಯಾಂಕ್ ಖರ್ಗೆ, ರಾಮಲಿಂಗಾರೆಡ್ಡಿ, ಜಮೀರ್ ಅಹ್ಮದ್ ಸಚಿವೆರಾದ್ ಪ್ರಮಾಣವಚನ ಸ್ವೀಕಾರ ಮಲ್ತೆರ್.

ಈ ಪೊರ್ತುಡು ಕಾಂಗ್ರೆಸ್‌ ನಾಯಕೆರ್ ರಾಹುಲ್ ಗಾಂಧಿ, ಪ್ರಿಯಾಂಕಾ ಗಾಂಧಿ, ಮಲ್ಲಿಕಾರ್ಜುನ ಖರ್ಗೆ, ತಮಿಳುನಾಡ್ ಸಿಎಂ ಸ್ಟಾಲಿನ್ ಸೇರ್ದ್ ಮಸ್ತ್ ಜನ ಬಿನ್ನೆರಾದ್ ಬತ್ತಿತ್ತೆರ್.

ರಷ್ಯಾದ 29 ಕ್ಷಿಪಣಿನ್ ಪುಡಾತ್ ಪಾಡಿನ ಉಕ್ರೇನ್

ರಷ್ಯಾದ ಕ್ಷಿಪಣಿ ದಾಳಿಗ್ ಉಕ್ರೇನ್ ಪ್ರತಿದಾಳಿ ಎಚ್ಚಾತ್ಂಡ್.

ರಷ್ಯಾ ಉಡಾವಣೆ ಮಲ್ತಿನ 30 ಕ್ಷಿಪಣಿಲೆಡ್ 29 ನ್ ಪುಡಾತ್ ಪಾಡ್ದ್ಂಡ್ ಪಂದ್ ಉಕ್ರೇನ್ ಅಧಿಕಾರಿಲು ತೆರಿಪಾದೆರ್. ರಷ್ಯಾದ ಕ್ಷಿಪಣಿ ದಾಳಿರ್ದ್ ಒಂಜಿ ಜನ ತೀರ್ ಪೋತೆರ್. ‌ರಡ್ಡ್ ಜನಕ್ಕ್ ಪೆಟ್ಟಾತ್ಂಡ್.

ರಷ್ಯಾದ ಪಡೆಲು ಸೋವಿಯತ್ ಯುಗಡ್ ಅಭಿವೃದ್ಧಿ ಮಲ್ತಿನ ಕ್ಷಿಪಣಿನ್ ಉಡಾವಣೆ ಮಲ್ದ ಪಂದ್ ತೆರಿದ್ ಬೈದ್ಂಡ್.

ಅಲಯನ್ಸ್ ಏರ್ ಗ್ 300 ಕೋಟಿ ರೂ

ಅಲಯನ್ಸ್ ಏರ್ ಇಮಾನ ಯಾನ ಕಂಪೆನಿಗ್ ಕೇಂದ್ರ ಸರ್ಕಾರ ಈಕ್ವಿಟಿ ರೂಪಡ್ 300 ಕೋಟಿ ರೂ. ಹೂಡಿಕೆ ಮಲ್ಪೆರೆ ಉಂಡು ಪಂದ್ ಪೆರಿಯ ಅಧಿಕಾರಿಯೊರಿ ಪಂತೆರ್.

ಕಂಪೆನಿಗ್ ಪನವು ಸಮಸ್ಯೆ ಉಪ್ಪುನ ಕಾರಣರ್ದ್ ಹೂಡಿಕೆಗ್ ಹಣಕಾಸು ಸಚಿವಾಲಯ ಒಪ್ಪಿಗೆ ಕೊರ್ತುಂಡು ಪಂದ್ ತೆರಿದ್ ಬೈದ್ಂಡ್. ಅಲಯನ್ಸ್ ಏರ್ ಕಂಪೆನಿ ನೇರ್ದ್ ದುಂಬು ಏರ್ ಇಂಡಿಯಾದ ಭಾಗವಾದಿತ್ತ್ಂಡ್.‌

ಒಡಿಪು ಜಿಲ್ಲೆಡ್ ಫುಲ್ ಬಿಜೆಪಿ

ಒಡಿಪು ಜಿಲ್ಲೆಡ್ ಫುಲ್ ಬಿಜೆಪಿ

ಬೈಂದೂರು : ಗುರುರಾಜ್ ಗಂಟಿಹೊಳಿ

ಕುಂದಾಪುರ : ಕಿರಣ್ ಕೊಡ್ಗಿ

ಒಡಿಪು : ಯಶ್ ಪಾಲ್ ಸುವರ್ಣ

ಕಾರ್ಲ : ಸುನಿಲ್ ಕುಮಾರ್

ಕಾಪು : ಸುರೇಶ್ ಶೆಟ್ಟಿ ಗುರ್ಮೆ

ಮೇ20-22: ಉರುಡಾಯಿ ಶ್ರೀ ಮುಖ್ಯಪ್ರಾಣ ಸ್ವಾಮಿ ದೇವಲ್ಯಡ್ ಬ್ರಹ್ಮಕಲಶ ಉಚ್ಚಯ

ಬಂಟ್ವಾಳ: ಕೊಡಂಬೆಟ್ಟು ಗ್ರಾಮದ ಉರುಡಾಯಿ ಶ್ರೀ ಮುಖ್ಯಪ್ರಾಣ ಸ್ವಾಮಿ ದೇವಲ್ಯಡ್ ಮೇ20-22 ಮುಟ್ಟ ಪುನರ್ ಪ್ರತಿಷ್ಠಾ ಬ್ರಹ್ಮಕಲಶ ಉಚ್ಚಯ ಬೊಕ್ಕ ನಾಗದೇವೆರೆನ, ದೈವೊಲೆನ ಪ್ರತಿಷ್ಠೆ ನಡಪರೆ ಉಂಡು.

ಒಡಿಪು ಸೋದೆ ವಾದಿರಾಜ ಮಠತ್ತ ವಿಶ್ವವಲ್ಲಭ ತೀರ್ಥ ಸ್ವಾಮೀಜಿನ ಆಶೀರ್ವಾದೊಟ್ಟಿಗೆ, ಧರ್ಮಸ್ಥಳದ ಧರ್ಮಾಧಿಕಾರಿ ಡಾ.ಡಿ ವೀರೇಂದ್ರ ಹೆಗ್ಗಡೆರೆನ ಮಾರ್ಗದರ್ಶನಡ್, ನಡ್ವಂತಾಡಿ ಬಾಲಕೃಷ್ಣ ಪಾಂಗಾಣ್ಣಾ ಮೆರೆನ ಮುತಾಲಿಕೆಡ್ ಈ ಲೇಸ್ ದ ವೈದಿಕ, ಧಾರ್ಮಿಕ ವಿಧಿ ವಿಧಾನಲು ನಡಪರೆ ಉಂಡು.

ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್, ಗಂಧ ಪ್ರಸಾದ ದೆತೊಂದು, ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಜೀರ್ಣೋದ್ಧಾರ ಸಮಿತಿದ ಗೌರವಾಧ್ಯಕ್ಷೆರ್ ರಾಜೇಶ್ ನಾಯ್ಕ್ ಉಳಿಪ್ಪಾಡಿ, ಅಧ್ಯಕ್ಷೆರ್ ಅಮ್ಮು ರೈ ಹರ್ಕಾಡಿ, ಬ್ರಹ್ಮಕಲಶ ಉಚ್ಚಯ ಸಮಿತಿದ ಗೌರವಾಧ್ಯಕ್ಷೆರ್ ವ್ಯಾಸರಾವ್ ಕುಡ್ಲ, ಎಂ. ತುಂಗಪ್ಪ ಬಂಗೇರ ಪುಂಜಾಲಕಟ್ಟೆ, ಅಧ್ಯಕ್ಷೆರ್ ಗೋಪಾಲಕೃಷ್ಣ ಭಟ್ ವಾಮದಪದವು ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

ನಡುಗುಡ್ಡೆ ಶ್ರೀ ವನಶಾಸ್ತಾ, ಪರಿವಾರ ದೈವೊಲೆನ ಕ್ಷೇತ್ರಡ್ ಬ್ರಹ್ಮಕಲಶಾಭಿಷೇಕ

ಮಂಜೇಶ್ವರ: ಮೀಯಪದವುದ ನಡುಗುಡ್ಡೆ-ಕುಳಬೈಲ್ ಶ್ರೀ ವನಶಾಸ್ತಾ ಬೊಕ್ಕ ಪರಿವಾರ ದೈವೊಲೆನ ಕ್ಷೇತ್ರಡ್ ಪುನರ್ ಪ್ರತಿಷ್ಠಾ ಬ್ರಹ್ಮಕಲಶಾಭಿಷೇಕ ಮೇ21 ಬೊಕ್ಕ 22 ಕ್ಕ್ ನಡಪರೆ ಉಂಡು.

ವರ್ಕಾಡಿ ದಿನೇಶಕೃಷ್ಣ ತಂತ್ರಿಲೆನ ಕೈಟ್, ಗಣೇಶ ನಾಡವರ ಮೆರೆನ ಪೌರೋಹಿತ್ಯಡ್ ಈ ಲೇಸ್ ದ ವೈದಿಕ, ಧಾರ್ಮಿಕ ವಿಧಿ ವಿಧಾನಲು ನಡಪರೆ ಉಂಡು.

ಮೇ21 ಐತಾರ ಬಯ್ಯಗ್ ಪುದೆಕಾಣಿಕೆ ಕೊನಯೆರೆ, ತಂತ್ರಿಲೆಗ್ ಬೊಕ್ಕ ಋತ್ವಿಜರೆಗ್ ಪೂರ್ಣಕುಂಭ ಎದ್ಕೊನಿಯೆರ್, ವಾಸ್ತು ಹೋಮ, ಬೊಕ್ಕ ಕೈತಲ್ ದ ಪ್ರತಿಭೆಲೆರ್ದ್ ಸಾಂಸ್ಕೃತಿಕ ಲೇಸ್, ಸಭಾ ಲೇಸ್ ಬೊಕ್ಕ ರಾತ್ರೆ ಕೈತಲ್ ದ ಪ್ರತಿಭೆಲೆನ ನೃತ್ಯ, ಗಾನ ವೈಭವ ಲೇಸ್ ನಡಪರೆ ಉಂಡು.

ಮೇ22 ಸೋಮಾರ ಬೊಲ್ಪುಗು ಗಣಪತಿ ಹವನ, ಕಲಶಪೂಜೆ, ಪ್ರತಿಷ್ಠೆ ಕಲಶಾಭಿಷೇಕ, ಆಶ್ಲೇಷ ಬಲಿ, ಸಭಾ ಲೇಸ್ ಬೊಕ್ಕ ಮಧ್ಯಾಹ್ನ ಮಹಾಪೂಜೆ, ಅನ್ನಸಂತರ್ಪಣೆ, ಬಯ್ಯಗ್ ಸಭಾ ಲೇಸ್, ರಾತ್ರೆ ವಿಜಯ್ ಕುಮಾರ್ ಕೊಡಿಯಲ್ ಬೈಲ್ ನಿರ್ದೇಶನದ ಶಿವದೂತೆ ಗುಳಿಗೆ ನಾಟಕ ನಡಪರೆ ಉಂಡು.

ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್, ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಜೀರ್ಣೋದ್ಧಾರ ಸಮಿತಿದ ಗೌರವಾಧ್ಯಕ್ಷೆರ್, ಉದ್ಯಮಿ ಕೆ.ಸದಾಶಿವ ಶೆಟ್ಟಿ ಕುಳೂರು, ಸೇವಾ ಸಮಿತಿದ ಗೌರವಾಧ್ಯಕ್ಷೆರ್ ಟಿ.ಡಿ ಸದಾಶಿವ ರಾವ್, ಅಧ್ಯಕ್ಷೆರ್ ಟಿ ಪೂವಪ್ಪ ಮೂಲ್ಯ ಕುಳಬೈಲ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

” Karnataka to London” -Puttur youth sinan on a tour mission with a Tulunadu flag ತುಳುವ ಕೊಡಿ ರಾಪಾವೊಂದು “ಕರ್ನಾಟಕ ಟು ಲಂಡನ್ ” ಯಾತ್ರೆಗ್ ಪಿದಾಡಿನ ಪುತ್ತೂರ್ ದ ಜವನೆ ಸಿನಾನ್

ಭಾರತಡೇ ತಯಾರ್ ಆಯಿನ ವಿಶೇಷ ಕಾರ್ ನ್ ಚಾಲನೆ ಮಲ್ತೊಂದು ತುಳುನಾಡ ಕೊಡಿ ರಾಪಾವೊಂದು ಜಗತ್ತ್ ದ 75 ದೇಶೊಲೆನ್ ತಿರ್ಗಾಟ ಮಲ್ಪುನ ಐತಿಹಾಸಿಕ ” ಕರ್ನಾಟಕ ಟು ಲಂಡನ್” ಯಾತ್ರೆಗ್ ಪುತ್ತೂರ್ದ ಜವನೆ ಸಿನಾನ್ ಬಿ.ಸಿ ತಲೆಬೈಲ್ ಮೇರ್ ಪಿದಾಡ್ದೆರ್.

ಯಾತ್ರೆದ ಉದಿಪನ ಲೇಸ್ ಕುಡ್ಲದ ಫೋರಂ ಮಾಲ್ ಡ್ ಸನಿಯಾರ ಬಯ್ಯಗ್ ನಡತ್ಂಡ್.

ಈ ಲೇಸ್ ಗ್ ಮಾಜಿ ಶಾಸಕೆರ್ ಯುಟಿ ಖಾದರ್ ಬತ್ತ್ ದ್, ಸಿನಾನ್ ಮೆರೆನ ಯಾತ್ರೆಗ್ ಎಡ್ಡೆಪ್ಪು ಬಯಕಿಯೆರ್. ಅತ್ತಂದೆ ಮೇರ್ ಪೋಪಿನ ಕಾರ್ ಡ್ ತುಳುತ್ತ ಕೊಡಿನ್ ರಾಪಾದೆರ್. ನೆತ್ತೊಟ್ಟಿಗೆ ಕರ್ನಾಟಕದ ಕೊಡಿಲ ಇತ್ತ್ಂಡ್.

ಮೇರ್ ಪುತ್ತೂರ್ ಈಶ್ವರಮಂಗಲದ ಬೆಳ್ಳಿ ಚೆದವು ನಿವಾಸಿ ಇಬ್ರಾಹಿಂ ಬೊಕ್ಕ ಸಫಿಯಾ ದಂಪತಿಲೆನ ಮಗೆ.

April 17th – 30th: Annual sale and offers at Symphony music Store ಎ.17-30: ಸಿಂಫನಿಡ್ ವಾರ್ಷಿಕ ಉಚ್ಚಯದ ಲೆಕ್ಕೊಡು ಆಫರ್

ಸಿಂಫನಿಡ್ ವಾರ್ಷಿಕ ಉಚ್ಚಯದ ಲೆಕ್ಕೊಡು ಎ.17-30 ಮುಟ್ಟ ಸಂಗೀತ ವಾದ್ಯಲು, ಪಿಎ ವ್ಯವಸ್ಥೆಲು ಹೋಮ್ ಸ್ಟುಡಿಯೋ ಉಪಕರಣಲೆನ ಮಿತ್ತ್ ಆಫರ್ ಉಂಡು.

ನೆತ್ತ ಶಾಪ್ ಕುಡ್ಲ, ಒಡಿಪು ಕಾಞಂಗಾಡು, ಮೈಸೂರ್ ಉಂಡು. ಅತ್ತಂದೆ ಸಂಗೀತ ವಾದ್ಯದ ಮಿತ್ತ್ 40% ಮುಟ್ಟ ಆಫರ್ ಉಂಡು.

ಮುಲ್ಪ ಎಲೆಕ್ಟ್ರಿಕಲ್ ಗಿಟಾರ್, ಪಿಟೀಲ್, ಭಾರತೀಯ ಸಂಗೀತ ವಾದ್ಯಲು, ಕೀಬೋರ್ಡ್‌/ಡಿಜಿಟಲ್ ಪಿಯಾನೋ ಬೊಕ್ಕ ನೆತ್ತೊಟ್ಟಿಗೆ ಇಸೇಸ ಕೊಡುಗೆಲು ಉಂಡು‌.

ಈ ಇಡೀ ಅಂಗಡಿಡ್ ಮಾತ ಸೊತ್ತುಲೆನ ಮಿತ್ತ್- ಡೈಸ್ ನ್ ರೋಲ್ ಮಲ್ಪಿ ಬೊಕ್ಕ 2 ಸಾರರ್ದ್ ಎಚ್ಚ ಬಿಲೆತ್ತ ಸೊತ್ತುಲೆನ್ ದೆತೊಂದು 12% ಮುಟ್ಟ ಆಫರ್ ಡ್ ಧರ್ಮಗ್ ವಾರ್ಷಿಕ ಉಚ್ಚಯದ ಉಡುಗೊರೆನ್ ಪಡೆಲೆ.

ಅಂಚೆನೆ ಆನ್‌ಲೈನ್‌ಡ್ ಲ ಶಾಪಿಂಗ್ ಮಲ್ಪೊಲಿ. www.symphonymusic.online