ಬೊಲ್ತೆರ್ ಸುದ್ದಿ | Belthangady News

ಹುಣ್ಸೆಕಟ್ಟೆ: 23ನೇ ವರ್ಷದ ಸಾರ್ವಜನಿಕ ಶ್ರೀ ಗಣೇಶೋತ್ಸವ

ಬೋಲ್ತೆರ್: ಶ್ರೀ ರಾಮ ಭಜನಾ ಮಂಡಳಿ ಹುಣ್ಸೆಕಟ್ಟೆ ನೆತ್ತ ಮುತಾಲಿಕೆಡ್ 23 ನೇ ವರ್ಷದ ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸೆ.19 ರ್ದ್ 21 ಮುಟ್ಟ ಹುಣ್ಸೆಕಟ್ಟೆ ಸಮುದಾಯ ಭವನಡ್ ನಡಪೆರೆ ಉಂಡು.

ಲೇಸ್ ದ ಗುರ್ಕಾಮೆನ್ ಶ್ರೀ ರಾಮ ಭಜನಾ ಮಂಡಳಿದ ಗುರ್ಕಾರೆ ಲಕ್ಷ್ಮಣ ಪಿ ವಹಿಸೊನಿಯೆರೆ ಉಲ್ಲೆರ್. ಮಲ್ಲ ಬಿನ್ನೆರಾದ್ ಬೋಲ್ತರ‍್ದ ಶಾಸಕೆರ್ ಹರೀಶ್ ಪೂಂಜ, ಹಿಂದೂ ಮುಖಂಡೆರ್ ಅರುಣ್ ಕುಮಾರ್ ಪುತ್ತಿಲ, ಪ.ಪಂ ದ ಮಾಜಿ ಗುರ್ಕಾರೆ ಮುಗುಳಿ ನಾರಾಯಣ ಭಟ್, ಕೆಪಿಸಿಸಿ ಪ್ರಧಾನ ಕಾರ್ಯದರ್ಶಿ, ಬೆಸ್ಟ್ ಪೌಂಡೇಶನ್ ದ ಗುರ್ಕಾರೆರ್ ರಕ್ಷಿತ್ ಶಿವರಾಂ, ಉದ್ಯಮಿ ಜಗದೀಶ್ ರಾವ್ ಮುಗುಳಿ, ನ್ಯಾಯವಾದಿ ಧನಂಜಯ, ಅರ್ವ ಸತ್ಯದೇವತೆ ದೈವಸ್ಥಾನದ ಆಡಳಿತ ಮೊಕ್ತೇಸೆರೆರ್ ಶಿವಪ್ರಸಾದ್ ಅಜಿಲ, ಶ್ರೀ.ಕ್ಷೇ.ಗ್ರಾ. ಯೋಜನೆದ ನಿದೇಶಕೆರ್ ಮಹಾಬಲ ಕುಲಾಲ್, ಕಾರ್ಯನಿರತ ಪತ್ರಕರ್ತರ ಸಂಘದ ಗುರ್ಕಾರೆರ್ ಋಷಿಕೇಶ್, ಲಯನ್ಸ್ ಕ್ಲಬ್ ದ ಗುರ್ಕಾರೆ ಉಮೇಶ್ ಶೆಟ್ಟಿ, ಜೆಸಿಐ ದ ಗುರ್ಕಾರೆರ್ ಶಂಕರ್ ರಾವ್, ಶ್ರೀ.ಕ್ಷೇ.ಧ.ಗ್ರಾ. ಯೋಜನೆದ ಗುರ್ಕಾರೆರ್ ಸೀತಾರಾಮ್ ಆರ್, ಪ.ಪಂ ಮಾಜಿ ಉಪಾಧ್ಯಕ್ಷೆರ್ ಜಯಾನಂದ ಗೌಡ, ಶ್ರೀ ರಾಮ ಭಜನಾ ಮಂಡಳಿದ ಮಹಿಳಾ ಸಮಿತಿದ ಗುರ್ಕಾರ್ದಿ ಕೆ ಕಲ್ಯಾಣಿ, ಉದ್ಯಮಿ ಸತೀಶ್ ರೈ ಪುಂಡಿಕ್ಕು, ಪ.ಪಂ ಸದಸ್ಯೆರ್ ತುಳಸಿ ಕರುಣಾಕರ, ಹಾ.ಉ.ಸ.ಸಂಘದ ಗುರ್ಕಾರ್ದಿ ರಮಾದೇವಿ, ಕುಣ್ಸೆಕಟ್ಟೆ ಸ.ಕಿ.ಪ್ರಾ.ಶಾಲೆದ ಮುಖ್ಯೋಪಾಧ್ಯಯೆರ್ ಕರಿಯಪ್ಪ, ರಿಕ್ಷಾ ಚಾಲಕ ಬೊಕ್ಕ ಮಾಲಕರ ಸಂಘದ ಗುರ್ಕಾರೆರ್ ಕಿಶೋರ್ ಪೂಜಾರಿ, ಪ.ಪಂ ಸದಸ್ಯೆರ್ ಜಗದೀಶ್ ಈ ಪೊರ್ತುಡು ಪಾಲ್ ಪಡೆಯೆರುಲ್ಲೆರ್.

ಸೆ.10: ವೇಣೂರುಡು ಶ್ರೀ ಕೃಷ್ಣ ಜನ್ಮಾಷ್ಟಮಿ ಆಚರಣೆ

ವೇಣೂರು: ಶ್ರೀ ಕೃಷ್ಣ ಜನ್ಮಾಷ್ಟಮಿ ಆಚರಣೆ ಸಮಿತಿದ ಮುತಾಲಿಕೆಡ್ ಶ್ರೀ ಕೃಷ್ಣ ಜನ್ಮಾಷ್ಟಮಿ ಆಚರಣೆ ಬೊಕ್ಕ ಬೇತೆ ಬೇತೆ ಗೊಬ್ಬುಲು ಸೆ.10 ಐತಾರದಾನಿ ವೇಣೂರು ಶ್ರೀ ಮಹಾಲಿಂಗೇಶ್ವರ ದೇವಳ್ಯದ ಚಾವಡಿಡ್ ನಡಪೆರೆ ಉಂಡು.

ಲೇಸ್ ದ ಉದಿಪನನ್ ವೇಣೂರು ಶ್ರೀ ಮಹಾಲಿಂಗೇಶ್ವರ ದೇವಳ್ಯದ ವ್ಯವಸ್ಥಾಪನಾ ಸಮಿತಿದ ಗುರ್ಕಾರೆರ್ ಪಿ.ಯನ್ ಪುರುಷೋತ್ತಮ ಮಲ್ಪೆರೆ ಉಲ್ಲೆರ್. ಕಾಶಿಪಟ್ಣ ಗ್ರಾ.ಪಂ ದ ಗುರ್ಕಾರೆ ಸತೀಶ್ ಬಂಗೇರ ಲೇಸ್ ದ ಗುರ್ಕಾಮೆನ್ ವಹಿಸಾಯೆರೆ ಉಲ್ಲೆರ್. ಮಲ್ಲ ಬಿನ್ನೆರಾದ್ ವೇಣೂರು ಗ್ರಾ.ಪಂ ದ ಗುರ್ಕಾರೆರ್ ವಿ. ನೇಮಯ್ಯ ಕುಲಾಲ್, ಎ. ಜಯರಾಮ ಶೆಟ್ಟಿ, ಧರ್ಮಸ್ಥಳ ಮಾನ ಸಂಪನ್ಮೂಲ ವಿಭಾಗದ ನಿರ್ದೇಶೆಕೆರ್ ಸುರೇಶ್ ಮೊಲಿ, ವೇಣೂರು ಪೊಲೀಸ್ ಠಾಣೆದ ಉಪನಿರೀಕ್ಷೆಕೆರ್ ಸೌಮ್ಯ ಜೆ ಪಾಲ್ ಪಡೆಯೆರೆ ಉಲ್ಲೆರ್.

ಮುಗಿತಲದ ಲೇಸ್ ದ ಗುರ್ಕಾಮೆನ್ ಮಾಜಿ ಸಚೇತೆಕೆರ್, ಮಾಜಿ ಶಾಸಕೆರ್ ಕೆ ವಸಂತ ಬಂಗೇರ ವಹಿಸೊನಿಯೆರೆ ಉಲ್ಲೆರ್. ಮಲ್ಲ ಬಿನ್ನೆರಾದ್ ಬೆಸ್ಟ್ ಪೌಂಡೇಶನ್ ದ ಗುರ್ಕಾರೆರ್ ರಕ್ಷಿತ್ ಶಿವರಾಮ್, ಮಾಜಿ ತಾಲೂಕು ಪಂಚಾಯತ್ ಸದಸ್ಯೆರ್ ಕೆ. ವಿಜಯ ಗೌಡ, ನಿವೃತ್ತ ಕಲ್ಪಾದಿಲು, ರಾಷ್ಟ್ರ ಪ್ರಶಸ್ತಿ ಪುರಸ್ಕೃತ ವಿ. ಪ್ರಭಾಕರ ಹೆಗ್ಡೆ ಹಟ್ಟಾಜೆಗುತ್ತು, ವೇಣೂರು ಗ್ರಾ.ಪಂ ದ ಮಾಜಿ ಅಧ್ಯಕ್ಷೆರ್ ಸತೀಶ್ ಹೆಗ್ಡೆ ಈ ಲೇಸ್ ಡ್ ಪಾಲ್ ಪಡೆಯೆರೆ ಉಲ್ಲೆರ್.

ಸೆ.11; ದ.ಕ ಜಿಲ್ಲಾ ಉಸ್ತುವಾರಿ ಸಚಿವೆರ್ ದಿನೇಶ್ ಗುಂಡೂರಾವ್ ಬೋಲ್ತೆರ್ ಗ್ ಭೇಟಿ

ಬೋಲ್ತೆರ್: ಸೆ.11 ದಾನಿ ದ.ಕ ಜಿಲ್ಲಾ ಉಸ್ತುವಾರಿ ಸಚಿವೆರ್ ಬೊಕ್ಕ ಆರೋಗ್ಯ ಸಚಿವೆರ್ ದಿನೇಶ್ ಗುಂಡೂರಾವ್ ಬೋಲ್ತೆರ್ ದ ವಿವಿಧ ಸರಕಾರಿ ಲೇಸ್ ಡ್ ಪಾಲ್ ಪಡೆಯೆರೆ ಇಪ್ಪುನ ಸಲುವಾದ್ ಭೇಟಿ ಕೊರಿಯೆರೆ ಉಲ್ಲೆರ್.

ಈ ಪರ‍್ತುಡು ಬೋಲ್ತೆರ್ ದ ನೂತನ ತಾಲೂಕು ಪಂಚಾಯತ್ ಕಟ್ವಾನದ ಉದಿಪನ, ರ‍್ಮಸ್ಥಳ-ನಾರಾವಿ ಕೆಎಸ್‌ಆರ್‌ಟಿಸಿ ಬಸ್ಸ್ ದ ಉದಿಪನ, ಹಕ್ಕುಪತ್ರ ವಿತರಣೆ ಬೊಕ್ಕ ವೇಣೂರು ಮಸ್ತಕಾಭಿಷೇಕದ ಪರ‍್ವಭಾವಿ ಸಭೆಟ್ ಪಾಲ್ ಪಡೆಯೆರುಲ್ಲೆರ್.

ಮಾಜಿ ಶಾಸಕೆರಾಯಿನ ಕೆ. ವಸಂತ ಬಂಗೇರ, ವಿಧಾನ ಪರಿಷತ್ ಶಾಸಕೆರ್ ಬೊಕ್ಕ ಜಿಲ್ಲಾ ಕಾಂಗ್ರೆಸ್ ದ ಗರ‍್ಕಾರೆರ್ ಹರೀಶ್ ಕುಮಾರ್, ಕೆಪಿಸಿಸಿ ಪ್ರಧಾನ ಕರ‍್ಯರ‍್ಶಿ ರಕ್ಷಿತ್ ಶಿವರಾಂ ಸಚಿವೆರ‍್ನ ಒಟ್ಟಿಗೆ ಪಾಲ್ ಪಡೆಯೆರೆ ಉಲ್ಲೆರ್.

ಗುಂಡೂರಿ ಹಾ.ಉ.ಸಹಕಾರಿ ಸಂಘಗ್ ಬೋಲ್ತೆರ್ ತಾಲೂಕುದ ಪೆರ್ಮೆದ ಸಂಘ ಪ್ರಶಸ್ತಿ

ಬೋಲ್ತೆರ್: ದಕ್ಷಿಣ ಕನ್ನಡ ಜಿಲ್ಲಾ ಸಹಕಾರಿ ಹಾಲು ಉತ್ಪಾದಕರ ಒಕ್ಕೂಟದ 2022-23 ನೇ ವಾರ್ಷಿಕ ಸಾಮಾನ್ಯ ಸಭೆಟ್ ಗುಂಡೂರಿ ಹಾ.ಉ.ಸಹಕಾರಿ ಸಂಘನ್ ಬೋಲ್ತೆರ್ ತಾಲೂಕುದ ಪೆರ್ಮೆದ ಸಂಘ ಪ್ರಶಸ್ತಿ ಕೊರ್ದು ಮಾನಾದಿಗೆ ಮಲ್ತೆರ್. ಈ ಪೊರ್ತುಡು ಕೃಷಿಕೆರಾಯಿನ ಪ್ರವೀಣ್ ಮೆರೆಗ್ ಉತ್ತಮ ಹೈನುಗಾರ ಪ್ರಶಸ್ತಿ ಬೊಕ್ಕ ಮಧ್ಯಮ ವರ್ಗದ ಹೈನುಗಾರ ಪ್ರಶಸ್ತಿನ್ ಉಗ್ಗಪ್ಪ ಪೂಜಾರಿ ಮೆರೆಗ್ ಕೊರ್ದು ಮಾನಾದಿಗೆ ಮಲ್ತೆರ್.

ಈ ಪೊರ್ತುಡು ದ.ಕ. ಜಿಲ್ಲಾ ಹಾಲು ಒಕ್ಕೂಟದ ಗುರ್ಕಾರೆ ಸುಚರಿತ ಶೆಟ್ಟಿ ಬೊಕ್ಕ ನಿರ್ದೇಶಕೆರ್ ಇತ್ತೆರ್.

ರಾಜ್ಯಸುಜ್ಞಾನನಿಧಿ ಅರ್ಜಿ ಸಲ್ಲಿಕೆಗ್ ಡಾ| ಹೆಗ್ಗಡೆ ಚಾಲನೆ

ಬೋಲ್ತೆರ್: ಶ್ರೀ ಕೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ (ಎಸ್‌ಕೆಡಿಆರ್‌ಡಿಪಿ)ಯ ಮುತಾಲಿಕೆಡ್ ಪ್ರಗತಿ ಬಂಧು-ಸ್ವ-ಸಹಾಯ ಸಂಘದ ಸದಸ್ಯೆರ್ನ ಜೋಕ್ಲೆನ ವೃತ್ತಿಪರ ಬೊಕ್ಕ ತಾಂತ್ರಿಕ ಶಿಕ್ಷಣಗಾದ್ ಕೊರೊಂದು ಇಪ್ಪುನ ಸುಜ್ಞಾನನಿಧಿ ಶಿಷ್ಯವೇತನ ಲೇಸ್ ದ 2023-24ನೇ ಸಾಲ್ ದ ಆನ್‌ಲೈನ್‌ ಅರ್ಜಿ ಸಲ್ಲಿಸಾವುನ ಪ್ರಕ್ರಿಯೆಗ್ ಶ್ರೀ ಕೇತ್ರ ಧರ್ಮಸ್ಥಳ ಡ್ ಸೆ.5 ಸೋಮವಾರ ದಾನಿ ಡಾ| ಡಿ. ವೀರೇಂದ್ರ ಹೆಗ್ಗಡೆ ಬೊಕ್ಕ ಹೇಮಾವತಿ ವೀ. ಹೆಗ್ಗಡೆ ಚಾಲನೆ ಕೊರಿಯೆರ್.

ಡಾ| ವೀರೇಂದ್ರ ಹೆಗ್ಗಡೆ ಲೇಸ್ ದ ಉದಿಪನ ಮಲ್ತ್ ಪಾತೆರ್ನ ಆರ್ ಶಿಕ್ಷಣ ಡ್ ವೃತ್ತಿಪರ ಬೊಕ್ಕ ತಾಂತ್ರಿಕ ಶಿಕ್ಷಣಗ್ ಅಪಾರ ಅವಕಾಶ ಉಂಡು. ಆಂಡ ಬಡವೆರ್, ಕೂಲಿ ಕಾರ್ಮಿಕೆರ್ನ ಜೋಕುಲು ಇಂಚಿನ ಶಿಕ್ಷಣ ಪಡೆಯೊನ್ನ ಕಷ್ಟ. ಬಡತನ, ಸೂಕ್ತ ಪ್ರೋತ್ಸಾಹ ಬೋಕ್ಕ ಮಾರ್ಗದರ್ಶನದ ಕೊರತೆರ್ದ್ ಪ್ರತಿಭಾನ್ವಿತ ಗ್ರಾಮೀಣ ಕಲ್ಪಾರ್ಥಿಲು ವೃತ್ತಿಪರ ಬೊಕ್ಕ ತಾಂತ್ರಿಕ ಶಿಕ್ಷಣ ಎಚ್ಚ ಪಿದಾಯಿ ಇಪ್ಪುಲಕ ಆತ್ಂಡ್. ಉಂದೆನ್ ತೆರಿದ್ ನಮ ಬಡ ಕಲ್ಪಾರ್ಥಿ ಲೆಗ್ ಸುಜ್ಞಾನನಿಧಿ ಶಿಷ್ಯವೇತನ ಲೇಸ್ ನ್ ಜಾರಿಗೆ ಮಲ್ತ.

ಸುಜ್ಞಾನನಿಧಿ ಕಾರ್ಯಕ್ರಮದಂಚ ಪ್ರಗತಿಬಂಧು ಸ್ವ-ಸಹಾಯ ಸಂಘದ ಕುಟುಂಬದ ಪ್ರತಿಭಾನ್ವಿತ ಜೋಕ್ಲೆಗ್ ತಾಂತ್ರಿಕ ಬೊಕ್ಕ ವೃತ್ತಿಪರ ಕೋರ್ಸ್ ಗ್ ಶಿಷ್ಯವೇತನ ಕೊರೊಂದು ಉಲ್ಲ. ನೆಟ್ಟ್ 3 ವರ್ಷದ ಕೋರ್ಸ್ ಗ್ ಕಲ್ಪಾರ್ಥಿಲೆಗ್ ಪ್ರತೀ ತಿಂಗೊಲು ತಲಾ 400 ರೂ. ಬೊಕ್ಕ ಅವೆರ್ದ್ ಮಿತ್ತ್ ದ 5 ವರ್ಷದ ಕೋರ್ಸ್‌ ದ ಕಲ್ಪಾರ್ಥಿಲೆಗ್ ತಲಾ 1 ಸಾವಿರ ರೂ. ಕೋರ್ಸ್‌ ಮುಗಿಪುನ ಮುಟ ನೇರವಾದ್ ಕಲ್ಪಾರ್ಥಿಲೆನ ಖಾತೆಗ್ ಪಾವತಿ ಮಲ್ಪೆರ್. 2023 ಡಿಸೆಂಬರ್‌ 31 ಮುಟ ಅರ್ಜಿ ಸಲ್ಲಿಸಾಯೆರೆ ಅವಕಾಶ ಉಂಡು ಪಂದ್ ತೆರಿಪಾದೆರ್.

ಯೋಜನೆದ ಮುಖ್ಯ ನಿರ್ವಹಣಾಧಿಕಾರಿ ಅನಿಲ್‌ ಕುಮಾರ್‌ ಎಸ್‌.ಎಸ್‌., ಹಣಕಾಸು ಪ್ರಾದೇಶಿಕ ನಿರ್ದೇಶಕ ಶಾಂತಾರಾಮ ಆರ್‌. ಪೈ, ಪ್ರಾದೇಶಿಕ ನಿರ್ದೇಶಕ ಆನಂದ ಸುವರ್ಣ, ಸಾಫ್ಟ್‌ವೇರ್‌ ಅಭಿವೃದ್ಧಿ ಮಲ್ತಿನ ಕುಡ್ಲದ ವೈಭವ್‌ ಕನ್ಸಲ್ಟೆನ್ಸಿ ಸರ್ವೀಸಸ್‌ ದ ವಿನಾಯಕ ಶೆಣೈ, ತಾಂತ್ರಿಕ ಯೋಜನಾಧಿಕಾರಿ ಪುಷ್ಪರಾಜ್‌, ಯೋಜನಾಧಿಕಾರಿ ಶೇಖರ್‌ ವೈ., ಬೋಲ್ತೆರ್ ತಾಲೂಕು ಯೋಜನಾಧಿಕಾರಿ ಸುರೇಂದ್ರ, ಸಿಎಸ್‌ಸಿ ವಿಭಾಗದ ಯೋಜನಾಧಿಕಾರಿ ಸುಪ್ರೀತ್‌ ಎಸ್‌, ಪ್ರಬಂಧಕರಾಯಿನ ಸುಮಂಗಲಾ ಈ ಪೊರ್ತುಡು ಇತ್ತೆರ್.