ಬೋಲ್ತೆರ್: ಉಜಿರೆ ಎಸ್.ಡಿ.ಎಂ ಕಾಲೇಜ್ ದ ಕಲ್ಪಾರ್ಥಿ ಸೌಜನ್ಯನ ಕೇಸ್ ದ ಪಿರ ತನಿಖೆಗಾದ್ ಸರಕಾರಗ್ ನಿರ್ದೇಶನ ಕೊರ್ಪುನಂಚ ಸಾರ್ವಜನಿಕ ಹಿತಾಸಕ್ತಿ ಅರ್ಜಿದ ವಿಚಾರಣೆ ಸೆ.8 ಇನಿ ಹೈಕೋರ್ಟ್ ಡ್ ನಡಪೆರೆ ಉಂಡು ಪಂದ್ ತೆರಿದ್ ಬೈದುಂಡು.
ಈ ಕೇಸ್ ಗ್ ಸಂಬOಧಪಟ್ಟಿನOಚ ಪೊಲೀಸ್ ಇಲಾಖೆ, ಸಿಐಡಿ ಬೊಕ್ಕ ಸಿಬಿಐ ತನಿಖೆ ಆದ್, ಪ್ರಕರಣಗ್ ಸಂಬOಧಿಸಾದ್ ಅರೆಸ್ಟ್ ಆದ್ ಇತ್ತಿನ ಸಂತೋಷ್ ರಾವ್ ನಿರಪರಾಧಿ ಪಂದ್ ಸಿಬಿಐ ವಿಶೇಷ ನ್ಯಾಯಲಯ ತೀರ್ಪು ಕೊರ್ದು ಇತ್ತ್ಂಡ್. ಈ ತನಿಖೆಡ್ ಲೋಪ ಆತ್‌ಂಡ್ ಪಂದ್ ತನಿಖಾಧಿಕಾರಿ ಬೊಕ್ಕ ವೈದ್ಯಾಧಿಕಾರಿಲೆನ ವಿರುದ್ದ ಕ್ರಮ ದೆತೊನೊಡು ಪಂದ್ ಇಚ್ಚಿಂಪಗ್ ನಡತ್ತಿನ ಕೆಲವು ಪ್ರತಿಭಟನೆಡ್ ಆಗ್ರಹ ಆದ್ ಇತ್ತ್ಂಡ್.
ಇತ್ತೆ ಸೌಜನ್ಯನ ಕೇಸ್ ದ ಪಿರ ತನಿಖೆ ಮಲ್ಪೊಡು ಪಂದ್ ಗಿರೀಶ್ ಭಾರಧ್ವಾಜ್, ನವೀನ್ ಕುಮಾರ್ ನೆರಿಯ, ಬೋಲ್ತೆರ್ ಬಿಕ್ಕ ವಿನಾಯಕ ಪ್ರೆಂಡ್ಸ್ ಟ್ರಸ್ಟ್ ಬಲ್ನಾಡ್ ಪುತ್ತೂರು ಮೊಕುಲು ಒಟ್ಟಾದ್ ಸಲ್ಲಿಕೆ ಮಲ್ತಿನ ಸಾರ್ವಜನಿಕ ಹಿತಾಸ್ತಿ ಅರ್ಜಿ ಸೆ.೮ ದಾನಿ ಉಚ್ಚ ನ್ಯಾಯಾಲಯಡ್ ವಿಚಾರಣೆಗ್ ಬರಿಯೆರೆ ಉಂಡು. ಅರ್ಜಿದಾರೆರ್ ನ ಪರ ಹಿರಿಯ ನ್ಯಾಯವಾದಿ ಅರುಣ್ ಶ್ಯಾಮ್ ವಾದ ಮಲ್ಪೆರೆ ಉಲ್ಲೆರ್.
Editorial