ದ.ಕ.: ಕರ ದರ್ಪುನ ಉಚ್ಚಯಗ್ ಬಾರ್ ಬಂದ್- ಜಿಲ್ಲಾಧಿಕಾರಿ ಆದೇಶ

ಕುಡ್ಲ: ಶ್ರೀ ಕೃಷ್ಣ ಜನ್ಮಾಷ್ಟಮಿ ಬೊಕ್ಕ ಕರ ದರ್ಪುನ ಉಚ್ಚಯದ ಅಂಗವಾದ್ ಕುಡ್ಲದ ಜಿಲ್ಲೆಯಾದ್ಯಂತ ಸೆ.6 ರ್ದ್ ಸೆಪ್ಟೆಂಬರ್ 9 ಮುಟ್ಟ ವಿವಿಧ ಧಾರ್ಮಿಕ ಬೊಕ್ಕ ಸಾಂಸ್ಕೃತಿಕ ಕಾರ್ಯಕ್ರಮ, ಅಂಚನೆ ಮೆರವಣಿಗೆಲು ನಡಪೆರೆ ಉಂಡು.

ಈ ಪೊರ್ತುಡು ಸಾವಿರಾರ್ ಜನ ಸಾರ್ವಜನಿಕೆರ್ ಬೊಕ್ಕ ಭಕ್ತಾದಿಲು ಪಾಲ್ ಪಡೆಯೆರೆ ಉಲ್ಲೆರ್. ಒವ್ವೆ ರೀತಿದ ಬೊರ್ಚಾಂದಿನ ಘಟನೆ ಆವೆರೆ ಬಲ್ಲ್ಲಿ ಪನ್ಪುನ ಉದ್ದೇಶಡ್ ಕಾನೂನು ಬೊಕ್ಕ ಸುವ್ಯವಸ್ಥೆನ್ ಕಾಪುನ ನಿಲೆಟ್ಟ್ ಕರ ದರ್ಪುನ ಜಾಗೆಡ್ ಆ ದಿನತಾನಿ ಕಾಂಡೆ 6 ಗಂಟೆರ್ದ್ ನಡುರಾತ್ರೆ 12 ಗಂಟೆ ಮುಟ ವೈನ್‌ಶಾಪ್/ಬಾರ್ ಲೆನ್ ಬಂದ್ ಮಲ್ಪೊಡು ಪಂದ್ ಜಿಲ್ಲಾಧಿಕಾರಿ ಮುಲೈ ಮುಹಿಲನ್ ಆದೇಶ ಮಲ್ತ್ ದೆರ್.